順興餐廳

营业中

休息中

特登去九龍城食晚飯 知道九龍城多泰國、串燒及火鍋食店，但咁岩經過順興，睇個餐廳門口 有d歷史，所以就入去試試。店員一入去就提供兩個晚餐餐牌，一個係特價晚餐另一個就鐵板餐。 特價晚餐共有5款炒面炒飯選擇，款款HK$49包中湯及熱飲；而另外一個鐵板餐有3款鐵板：雞豬牛都係配蝦餅。我同朋友點了一個星洲海鮮炒河及牛柳蝦餅鐵板餐，先黎兩個一般般只有咸味嘅中湯，再黎一個已經一早搽左牛油嘅甜餐包，呢個餐包上之前先搵微波爐整熱，所以熱辣辣，食落都唔差。 炒河上得好快，夠晒鑊氣，炒得好香，呢個值得推薦；鐵板上餐時間就耐少少，一上到侍應會問一句 「要唔要幫你淋汁」，一心諗住一淋汁果下會沙得大大聲，D汁會彈到周圍到係.... 點知一淋 靜嘅 真係一D沙沙聲都聽唔到.. 心諗唔係呀 凍嘅.. 一食.. 咦又唔係凍 但牛柳嘅肉質係淋同韌.. 不過以一個68蚊嘅價錢執食到一大塊牛柳 都算係差唔多.. 但如果再食就唔會再叫.. 叫番小菜會好好多～ 所以你地有興趣去食，就去叫小菜炒粉炒飯就好D~

1) 優惠特價炒粉麵餐 $41- 干炒牛河- 羅宋湯2) 炸蛋球 $10 + 堂食 $0.5原本炒粉麵餐奉送咖啡或茶一杯, 因想飲羅宋湯, 特意詢問店員飲品可否轉羅宋湯, 謝謝店員安排。羅宋湯份量大, 雖然給的材料非常少, 視覺上有中伏感, 但味道是中規中矩的。干炒牛河上菜速度快得驚人, 不消3分鐘即上桌。特意要了少油, 以減少罪惡感。河粉上色均勻, 味道略淡。牛肉大片, 肉質軟腍。炸蛋球沾滿砂糖, 味道甜思思,  內心鬆軟, 是不錯的甜品。因炸蛋球屬於餐廳外麵包櫃的食品, 堂食要加少少錢啊。

九龍城老字號，出名菠蘿油、奶茶。經過當然來朝聖一下，不知今日是不是師傅心情不好😐 菠蘿油真是冇賣相，完全冇菠蘿麵包上應該有的格仔紋。雖然牛油還是很香，麵包微暖，食入口還是可以接受的。奶茶，奶味香，茶味濃，不錯。老字號，保持到味道，雖然食物外觀一般。但如果改善一下食物的賣相，相信會更加好

平日久不久也會到九龍城吃午餐丶晚餐，甚小到這區吃早餐。今天要等小愛人落堂，足足要等三小時，所以決定走到這區慢慢嘆早餐。我點了照燒雞扒早餐，早餐包了一件照燒雞扒及自選煎蛋丶茄汁豆，另外奉上牛油餐包。早餐份量不多不少，照燒雞扒是新鮮煎起，熱烘烘的，味道很不錯。提外話，由於是新鮮煎起，所以上菜時間比一般茶餐廳耐，等了16-17分鐘，如果趕時間的話可能還是點麵餐快一點。飲品方面，我點了熱鴛鴦，味道不過不失，略嫌奶味不足，下次還是點奶茶好了。

我和Honey經常來順興，早餐、午餐、下午茶……近乎每星期都來一次。這裏是香港茶餐廳食品特色的代表。紅茶夠濃，奶夠滑，調配得剛剛好。蛋撻，酥皮鬆脆，蛋夠滑。蛋牛治，更加一流！麵包煙韌又鬆軟，蛋炒得很嫩，但又不油膩 。鹹牛肉厚厚的一層。整個下午茶，滿足到不得了！

黎順興記得揀lunch time，同樣係食扒餐，即係牛扒、羊扒呢d扒set，食物水準同dinner一樣，分量都差唔太遠，但dinner同lunch價錢就差得遠，所以要試一定要揀lunch time，用平價錢食高質食物。鍾意食肉既朋友仔可以試下佢地既牛扒、羊扒或者炸豬手lunch set都好正，配汁最好味都係黑椒汁，但lunch set唔一定係配黑椒汁，可能係配燒汁、蒜蓉汁，如果好想試下既，建議加錢轉黑椒汁，個人覺得會好味好多。最後，飲品記得揀佢地既奶茶呀，茶香奶滑。如果有多個甜品胃，可以試埋佢地既炸蛋球，唔係度度有得食架！

順興菠蘿油 已經係去到呃錢的地步‧"菠蘿皮" 軟身, 唔鬆化，面包又細又無包味，感覺不專業, 產品求其，1個菠蘿油 甘既價錢見真章。可以靠老本，呃幾多人幫襯此劣食我就唔會，做個簡單菠蘿油 都甘失敗。

一年多之前路經這間剛剛裝修完的餐廳，喺門口見到原來歷史悠久，前身係喺東頭邨第三座的振興冰室，入內亂咁點食咗一個好好味嘅豬扒包，今日又要再來這裏附近交份文件俾個客人，用電召的士的Apps叫車的時候不知為什麼，誤以為這間餐廳名叫聯發茶餐廳，喺開飯網搜尋完之後就call的士，原來九龍城真的有一間聯發茶餐廳在侯王道，一落車之後發現錯了就步行過去，幸好都非常之近，今日點了一個常餐：1) 雪菜肉絲湯意粉 - 味道一般2) 自家製餐包搽牛油加埋火腿奄列 - 好一般3) 凍檸茶少少甜 - 杯茶睇落好濁，少甜是做得到的，但是味道好一般。埋單$45。無論佢叫做「振興」定叫「順興」對顧客來說並沒有什麼關係，做不到牌子效應，好似我呢亭人咁，就當左佢佢「聯發」，不過侯王道嗰間聯發茶餐廳真係多人過呢度三倍。

今日經過九龍城去左順興餐廳食lunch見到隔離枱食乾炒牛河好香,所以我都叫了乾炒牛河都唔算太油膩因為都知道炒河如果唔多油會燶所以叫都預左牛肉份量正常啦,肉就拿得勁左d,變左口感差左少少不過肉味都係有既芽菜個d配料都唔夠多所以冇咁香熱華田正常啦

順興茶餐廳一間，基本上沒什麼特別。不過，此餐廳，室內裝修都算不錯，係有小小心思嘅，仲有背景音樂添！呀姐落單服務都算快嘅，語氣就唔算係好但也不太差，中間路線。食物，今次落了以下各款：午餐燒汁牛排火腿反牛排較韌，有小許牛味！但都好過用梳打粉浸到變軟嘅！味道尚可！加上有一條菜附上，要加分的。魚片頭時菜魚腐米線魚片頭一般貨色，不可以用以前香港仔魚蛋比較，一個天一個地！同一般餐廳比較，不太淋，總算接受得到！魚湯味不太濃，魚味不夠！菜多加上有幾舊紅蘿蔔，幾甜！總推介指數：6/10以快餐嚟講，可以接受的。

行過見耐無去就食個tea 咖吔多士 熱奶茶老公叫左芝士豬柳飽 凍OT叫之係嗰到有個灰銀頭髮紋身略胖的女侍應叫我老公的櫈入啲阻住條路 但當時水靜河飛 而且坐入啲又到檔住卡位的人出入，真不明如果不比人坐的圓枱 要個客摺埋坐 不如你試下坐？然後落單時 該女侍應一路企係落單電腦眼反反聽我嗌野 但又聽唔到我嗌咩係想點？不如我自己落好過 其實佢係到都無咩作為 收啲碗碟又掟落個盤到 真心覺得個老闆好野 請呢啲員人倒米 我嗰下本想起身走 係我老公趕住食少少野走 之後個卡位有空位 佢就叫我地坐卡位 嫌我地阻住條無人行的道路 但張枱號無轉 啲啊姐係咁問返我 難道我幫到佢地？垃圾服務周圍都係 但最估唔到我鐘意食佢地既咖吔多士 又硬又唔脆。。。個芝士豬柳包 成個凍冰冰 片芝士硬仲要膠。。。衰過自己係屋企整 希望佢地可以可以做返少少啦 野又難食 啲侍應又木口木面 態度差 真心覺得啲遊客好慘。。。比錢食此等質數食物 awful !無下次了 希望佢個舖快點開其他好野食唔好同我講咩茶餐廳係咁服務 我自己都開餐廳 呢啲根本係藉口

今日個人都病病哋,又唔食得啲咩，又唔想出街 !!!唯有就嗌外賣喇!!!打咗去順興嗌咗個排骨烏冬， 排骨好入味好冧，烏冬硬度煮啱啱好，唔硬唔淋，烏冬入面仲有好多菜心，感覺好健康而湯味好濃味，整體不錯~

未夠鐘，走一轉九龍城下午茶先。 呢間由1972年，中間不斷裝修，咁多年仲係到，一定有無原因嘅。下午茶款式真係唔要，睇完再選食乜都要D時間。見幾多人叫米線，廚房不斷出 所以叫左個魚皮蝦餃芙蓉卷魚湯米線。平時唔食魚魚餃嘅我，見到係蝦餃，都想試下。跟住傳統西餐，炸魚柳併沙律，個沙律又真係少左D囉，望落都唔少，其實得一層，一個酒樓碗仔都無囉，但魚柳夠脆口，即炸無得輸。而最主要，當然係個冰奶茶啦，佢最出名嘅嘢喎。但因為下午茶，飲太多茶會唔駛瞓，所以只叫左一杯，加杯華田share飲溝淡佢。個奶茶唔太濃，唔太甜，想要濃嘅，可能唔多like，但我好鍾意，又夠滑，好快被人飲晒，share之苦。價錢公道，可以encore值得一提，佢高層次左，枱上有鐘拑，唔夠人手又好，唔想侍應行黎行去都好，茶記有呢個設計，一讚。

早餐食物不算多選擇，嘢食亦一般，最唔開心係啲服務態度，勁差，好似爭佢地錢咁，問佢厠所係邊？職員竟然答我，係雪櫃果邊......之後我又問雪櫃係邊？佢就好晦氣咁答我，係果邊囉！大佬呀，我鬼知你雪櫃係邊咩，以後唔會再幫襯😡😡

好耐以前喺度食過茶餐沙爹牛麵，覺得幾出色👍🏽今日就同老婆過嚟懷緬下😋😋😋一食就即刻知道，竟然退步咗😤😤😤😤沙爹牛味唔夠濃，汁太少😑😑😑😑牛肉有啲靱，麵有種好粉嘅感覺😪😪😪多士牛油太少，因為係厚多士所以會有種食“齋包”嘅感覺👋🏽👋🏽最後奄列，太乾身，過熟👎🏽不復當年的茶餐🤷🏽‍♂️