順記潮州飯店 (已結業)

星期六朋友約到九龍城食飯,朋友訂了枱唔駛等位,問小姐有無介紹,今晚有潮州炒薄壳試下啦:嘩小小辣好香好野味,上湯芥菜煲連湯汁都冇得剩,炸芋頭卷配喼汁真的不錯呀,自己唔會整來食功夫多,墨魚拼大腸墨魚夠爽大腸冧,再來椒鹽九肚魚.味道適中,但人手不足好忙的飯店呀!!要等一等.

昨晚一行3人到九龍城食晚飯,八點鐘多到了九龍城朋友想食潮州菜,來到順記我以為一定係打冷,看一看餐牌真的有他特別之處,各樣菜式我都想試,看特別介紹..套餐.朋友就叫小姐介紹,真的不錯呀!哈哈!蘿蔔烙.......煎得好香無油炒蠔蛋.......蠔仔又肥又鮮打冷叫鵝肉...香有汁肉冧還叫了碟豆腐卷,入口脆內裡香軟不只豆腐禁簡單,大家唔想食白飯又叫一窩紫菜蠔肉粥,好有湯味feel.我哋3人個肚好滿足,再想試其他都唔得啦!下次一定下次.記住人多食飯要訂枱地方小....

朋友想食潮州菜, 知道龍城會有比較地道的, 就帶佢黎食啦...點知...我地餐基本上係味精餐蠔仔肉碎粥一食入口己經feel到勁重味精, d蠔係幾新鮮嘅, 不過咩都假啦... 同飲味精湯冇分別之後個蠔餅又係唔得! 冇味的, 點個魚露食啦... 嘩咸到震! 到鹵水鵝喇... 唔係鹵水係豉油囉... 食唔到鹵水的香味, 個底的豆腐only係好咸...全餐飯最好的算係個川椒雞, 不過都係可以更好啦我個朋友係食過好正宗的潮州野, 呢餐, 佢當然係唔滿意啦, 連我都覺得超級唔合格...絕對係waste quota!

每次去順記都是沒有失望的，無論是食物水準或是服務態度均沒令人失望。

主人與奴隸獸差不多有大半年沒有去『順記』了，太子女仍然熱誠地招呼我們，並推介多款菜式，於是就點了：1. 春菜腩肉（HK$30）：一端上桌，就嗅到了香噴噴的氣味。五花腩肉肥瘦均勻，夠腍。春菜吸收了肉汁，估唔到咁好味喎。2. 香煎蘿蔔烙（HK$40）：白蘿蔔清甜嫩口，煎得不油膩。3. 潮州蠔蛋（HK$38）：新鮮肥美的蠔仔，好像呼喚著奴隸獸：『食我啦，食我啦。』奴隸獸：『我唔客氣喇！』哇！！好鮮，好甜，好味。每次光顧『順記』都沒有令人失望。

見咁多笑臉. 一於同男朋友嚟試吓啦. 昨晚約7:45來到, 只有3枱客. 唔爆.一坐底, 送上功夫茶, 炸花生及甜酸菜小碟.功夫茶好淡, 炸花生好趣好食, 但甜酸菜就好唔得, 剩係食到甜味(要收$5/碟) 之後, 叫左九菜豬紅, 蠔仔粥,魚麵小炒, 欖菜肉碎炒芥藍. - 九菜豬紅: 普通- 蠔仔粥: 落單時, 己經叫少紫菜. 但整碗粥都係比紫菜味蓋過, 同埋, 粥底好淡. 剩係食到紫菜味, 唔係講得咁好食姐- 魚麵小炒: 味道都係好淡, 唔知係未冇放鹽. - 欖菜肉碎炒芥藍: 算ok. 多d欖菜就好. 可能我唔識叫佢哋d招牌菜掛, 以我個人覺得, 食物都係普普通通, 試一次就算.

死心不息,今日再闖順記,老闆又坐守熟食檔仔,心又一沉,因上次遭老闆拒絕,唔俾外賣,但見太子女,於是向她埋手,哈哈哈得手,豬頭拼豬腳凍加多個煎蘿蔔烙,前者爽口,有d肥膏咁啦,後者好大件兩樣加埋$72,合理!!!

死心不息,今日再闖順記,老闆又坐守熟食檔仔,心又一沉,因上次遭老闆拒絕,唔俾外賣,但見太子女,於是向她埋手,哈哈哈,得手,豬頭拼豬腳凍,加多個煎蘿蔔烙,前者爽口,有d肥膏咁啦,後者好大件,兩樣加埋$72,合理!!!

六點半,諗住外賣幾個小菜返屋企開飯,一開口先要個豬腳凍拼豬頭,點知老闆話無得外賣,最想食呢樣但無,叫其他菜就變左無意思囉!!!最後講左聲唔該就好失望咁離開~~~~

好久沒來.....跟老友記打完波，又响龍城揾嘢食。老友記係潮州菜fans，自然又係去打冷。真係好耐冇嚟，非常掛住佢哋嘅蠔烙及沙茶牛肉芥蘭...一坐低，馬上先order呢兩樣。再問吓今晚有冇豬頭糉，點知都係冇，好生失望....老友記出去明火檔望一望，叫咗個炸牙帶竹仔魚雙拼，魚炸得夠香亦夠酥，用嚟送酒絕對好過花生薯片...蠔烙依舊煎得好乾身，碟底依舊都係一滴油都冇，蠔仔唔算好大隻，但咬落去，鮮甜嘅汁仍在...牛肉全無經梳打粉洗禮，芥蘭爽到嗦嗦聲，唯獨今次嘅沙茶醬不夠香辣，失色了一些...所謂嘅海參蝦膠煲只係將短過一小截手指尾嘅海參釀入份量少得可憐嘅"肉膠"，之後再打個獻上去，非常之咁揾笨，差，浪費晒個胃嘅quota...總体水準依舊出色...

大概是星期三、星期四的晚上，在門外看見九成滿座的小店子，有點出乎意料，幸走進店子看見一空著的2人桌，看不見有店員上前招呼，沒所謂啦，我們來想吃美味的食物，而非吃服務。桌子間沒有多少空位，頗窄。蒲坐下，見只有一個女店員?倒茶、點菜、傳菜、收碟子、結賬也是她，既忙得不可開交，但出奇地相當有禮貌，得讚，且與舖前小廚房的伯伯相影成趣(因伯伯動作較滋悠淡定。梅子魚仔其貌不揚，看見了它心中而替其預設了一個味道，就是硬的、些少甜、但像咸魚；與想像相差什遠，一放進咀，原來是熱熱的，雖然魚仔小小，但吃得到魚肉是軟軟的。黑椒田螺，很久沒有吃田螺，想過口引，用黑椒煮怪怪的。蠔仔粥，加了紫菜亦沒有影響粥原來的味道呀，蠔仔很豐滿的，米粒粒粒分明，是桌上最喜歡的菜式豬大腸，喜歡豬大腸的朋友們，真的不要錯過，真的魯水鵝肉，過咸過肥無肉想吃凍蟹，問問價，$120/隻，不是貴了點嗎?2罐汔水欣賞服務員的勤快，且真的很有禮貌，這麼低的服務分，是給老闆看的，要加多些樓面了！

星期五晚去的,間嘢就無乜人都幾靜咁,可能因為四週太多食肆,加上外面不太吸引,所以...7點幾得3圍.首先說服務,非常好..食品方面:蠔蛋好多蠔超足料,非常美味,40元好超值,but 個蠔仔粥就可能太多紫菜,蓋住d蠔味,卥水都好爽口好味,炒菜都有鑊氣,平均來說,這樣的價錢都是好平理的.

在九龍城"順記"潮州菜館.標明自家為私房菜,開正在地面,拿正牌,何來私房?門面同格局比創發或南記為佳,人氣反而就有所不及,或者大家所走的路線也不盡同吧.南記比較粗支大葉,創發就比較"貴",這間順記,反而為菜式最精致的一間.就像圖中的豬頭粽同豬腳凍,已經是其示範動作,前者用豬頭肉剁到碎去炒,再加香料等調味料,將其壓到扁一扁,上桌時再切片,做法有少少似整鵝肝醬.味道芳香四溢,質感爽脆.其他三位朋友吃過也叫好.豬腳凍同前者一樣,將肉剁碎,這次到豬腳,再加上湯,雪到如Jelly便可,吃落咸香有致,質感晶瑩又爽口.這兩度功夫菜,雙拼價只是六十.個人覺得真是平得有點過份.梅子魚仔酸酸甜甜,魚仔香脆,誠為下酒佳品,田螺撞正產卵季節,大多也帶著一抽細螺,感覺不爽.煎蘿蔔烙又是外面少見,蘿蔔切成絲連蛋煎,煎得頗薄兼乾身,金黃香脆,蘿蔔味香甜,吃罷碟底亦不多見一滴油.其他如鹵水拼盤,胡椒豬肚湯,沙爹芥蘭,份屬不過不失,其中有道生炒糯米飯,吃來吃去也吃不出糯米味.點看,也只是絲苗米.四個"潮"人,吃到一檯都係,也是所費無幾.當中老細背後對菜式的苦心孤旨,有誰會知?

七個人食飯，大家食完都讚不錯。這店的格局用飯店這稱呼很合用，而且是打冷老店，去慣豪裝食府的朋友可能需要些心理上的調節。這店眼看只有兩人打理，當然廚房裡還有人吧。一位是女侍應，態度親切有禮，而且樂意為顧客解答疑問，非常欣賞；另一位是卥水檔師傅，默默工作一語不說，但就在我們走之時，他向我們展現笑容及說再見，感受這店也有著人情味的交流。紫菜蠔仔粥：蠔味十足菜圃煎旦：家常味道梅子魚仔：熱食時香脆且醒胃大地魚炒芥蘭：一般胡椒豬肚湯：豬肚軟綿綿，湯簡單好味卥水鵝及墨魚：一般豬頸肉及豬腳凍：沒有什麼味大眼雞（魚）：唔掂（死實實）黑椒田螺：好多粒，味道一般欣賞這店，一家會再來光顧

功夫茶---　潮州茶中都算淡鹵水　--- 好新的感覺鹵水食品　--- 好林，但不太入味其他水準都只屬一般，未有意欲再幫襯。