順記潮州飯店 (已結業)

環境ok啦, 起碼廁所乾淨, 抵讚. 侍應服務唔錯.功夫茶- 冇乜味, 好似普通茶.梅子魚仔- 好好味, 好似韓國野前菜既咸魚仔, 不過大條好多, 好香口.鹵水墨魚拼鵝腸- 墨魚白色, 唔係潮州舖常見既橙色墨魚, 不過食落又冇乜分別. 鵝腸就不過不失.鹵水鵝片- 麻麻地豬頭粽/豬腳凍- 好似食緊冇味既Jelly.香芋卷- 好香芋頭味, 炸得好脆, 讚!咸菜胡椒豬肚湯- 冇乜胡椒味, 豬肚又好少.水瓜烙- 普通咁啦方魚炒芥蘭- 普通炒菜一碟, 得幾粒方魚.總體來講不過不失, 又唔係特別話好食, 不過埋單都係4百幾, 算平啦.

偷偷看了食評後，今晚決定扭計要主人帶我前去此飯店吃飯。一坐下就奉上潮州花生及甜酸菜，當然還有功夫茶啦。首先要讚一讚那潮州花生，香脆，但一點也不肥膩及只撒了少少鹽，好！！跟著主人點了1. 豬頭及豬腳凍　HK$30（豬腳凍，爽口彈牙）2. 煎蠔餅HK$35（少油，味道OK)3. 紫菜肉碎蠔仔粥HK$28（蠔仔好大隻，好鮮味）4. 梅子魚仔HK$50（要襯熱食）食完我要再食豆腐卷，芋頭卷，水瓜烙，柚皮竹笙．．但主人用她凌厲的眼神阻止了，只好依依不捨地離開。好SAD啊！！！

前幾日同朋友一行7人到呢間野到食..非常之好地一坐低就有功夫茶飲,仲有得飲兩杯添..由於我地唔係好識叫乜野好食..所以叫左太子女問佢有咩好介紹,佢亦都介紹左幾種好好食既送..又教我地食咩要點d咩汁..好詳細,7個人叫左9個送涷豬腳好正,最好食埋單都係唔使$500一定會再去

四個人點了六個菜:蠔餅炒魚膘炸芋卷胡椒豬肚湯鹵水豬腸拼豆腐大地魚炒菜全部都好好味蠔餅, 蠔大隻, 沒有沙, 不油膩炸芋卷, 芋頭香, 腐皮脆炒魚膘, 滋補養顏招呼親切, 價錢合理, 食物水準高, 一定會再去!

六點到達，無人吃，我同女友入去試一試，一坐下就奉上潮州茶、花生、酸菜。叫了潮式茄子煲、蠔仔餅和老水拼盤。蠔仔餅味道淡口，拼盤每樣都好淋，唔同出面拼盤，咬到我牙仔軟。最正就係個煲。兩個人130元

昨天晚上同老妻第二次來這裏吃東西。嘩，果然是週末，人山人海。好彩「太子女」好人士，見我們得兩個人，便給了擺工夫茶的檯仔我們，遠離人群，靜靜地，幾好。坐下，先奉上潮州茶、花生、鹹菜。這裏的鹹菜很正，食晒。我們見人多，不敢叫太刁鑽的東西，點了幾樣大路野：煎蠔餅、蘿蔔烙、鹹菜梅子燜大鱔、蠔仔肉碎粥。雖然人多，但上菜速度仍然正常。先上蘿蔔烙，此菜外觀金黃微焦、蘿蔔香撲鼻，最難得的是，碟底一滴油也見不到。吃一口，口感極佳，外鬆內軟，有汁液，點著少少魚露吃，一口一口的，不能停箸。吃著吃著，鹹菜梅子燜大鱔來了。正宗潮式，寬湯。先呷一口湯，鹹酸菜味、梅子味、大鱔味、蒜子味，層次分明而又混為一体，極佳。鱔肉略走油，帶爽，能「淋」些更好。美中不足是，可能因人多而傳菜慢了，熱度不太夠。蠔仔粥，稀杰適中，味鮮甜，蠔仔是我吃過的最大的。兩人盡一大窩，飽飽。最後來蠔餅，已沒有什麼能力吃了。吃了幾塊，鬆脆無油，蠔仔鮮甜。叫「太子女」用盒裝好帶走，主動俾埋魚露，服務態度好。埋單202元，幾抵食。最值得一讚的是，這裏雖是家庭式作業，但十分清潔。

今日我地全家人去食, 點左豬腳凍,豬頭粽,鹵水鵝,鹵水豬頭肉,胡椒湯,蠔仔粥,蠔餅,沙爹牛肉,川椒雞, 真係好好味呀d味道好好, 出面都食唔到, 個胡椒好好飲, 仲係奶白色添呀!!真材實料, 好正仲好抵食, 4個人食咁多野都係食左$305我地食完之後都話, 遲d要再返轉頭食呢間野

今日問過順叔, 原來佢地賣既係平頭鵝...唔係汕頭獅頭鵝。鵝身無咁大隻, 不過食落肉質都幾鮮嫩, 平雖然稍厚, 不過吃來一點都不肥膩, 反而覺得爽爽的...鹵水檔的無人工色素大墨魚, 食落好鮮味...有點吃鮑魚的感覺呢。須記的鹵水大部份都係無人工色素, 又唔會掃一大層油, 看來無咁閃閃令, 不過就感覺健康些呢!

28/9(四) 6:45pm讀書生涯暫告段落,僅接的飯局接踵而來.男友雙親從加國回來數週,與他們飲飲食食是指定動作.原想提前訂留,但怎樣也找不到其電話號碼;來到此店才得悉訂座是多此一舉.我們是首臺食客;環境,裝修,格局都是走平實路線,略嫌店內冷氣過凍.翻閱餐牌,其雙親對於套餐興趣不太,加上太子女不能從旁介紹菜式,我們散點了鹵鵝片拼豆腐$80,菱角排骨湯$40,水瓜烙$50,大地魚炒芥蘭$35,梅字小魚$50,蒸烏頭$70,白粥2碗.鹵鵝片拼豆腐--鵝片鬆化的肉質,沒半點膩及羶,連我這不吃鵝的人士亦覺是佳品,豆腐則略勝一籌,大多是豆卜.菱角排骨湯--小女平生首次吃熟菱角,口感介乎馬碲與粉葛之間,與芹菜及排骨同滾,湯頭鮮甜得很!水瓜烙--大如面盆,煎得相當乾身脆口,蝦粒極之爽甜,鮮甜的水瓜份量亦是不嗇地多!大地魚炒芥蘭--份量不多,但炒得不油不膩,芥蘭嫩綠爽甜,大地魚仍保持香脆!梅字小魚--太子女極力推介,說是是日鮮炸,口感比一般炸魚仔更為香脆,佐酒一流!蒸烏頭--凍食的一道菜,魚肉雖凍,但肉質嫩滑無比,且沒半點腥味,跟普寧醬是不庸置疑的絕配! 此店的菜色不賣弄花巧,味道簡樸,用料卻

係一個潮洲朋友帶我去,個晚去成九點,一共六個人,9支大啤,叫左個set再加其他野,蠔餅係極品!一試到滷水鵝,哇!好好味呀!「好靚....好有肉汁ge正宗滷水鵝呀」!老闆負買門口冷盤,阿女負責樓面,阿仔睇晒廚房.....好warm,埋單只係七百多元,包走五大盒!死啦!阿伯如果退休點算呀?????

順記唔單只抵食同好食, 九龍城咁多間潮州食店, 佢係乾淨整潔, 招呼又好。昨晚個老闆女話有菱角, 我只是見過中秋菱角, 平時咁麻煩都諗過食下...緊係試下啦! 呢味係湯菜,口感有d似栗子, 外型好好似大腰豆又有d似雞子, 味道清甜...淨係中秋前後至有, 季節限定有意思。另外有薄殼用九層塔炒, 滿滿一大碟, 又係季節限定...呢輪係肥美架啦。炸双棗同潮州魚麵做得比金島還要出息。順記樣樣都好吃, 唯一唔明點解佢唔賣卥水鵝, 好多時見檔口都係掛住隻鴨...又唔好意思問順叔...

星期六晚同細佬去順記試, 因為見到大家都咁讚.食四樣- 蠔餅, 真係好仔食, 又脆又唔油膩.- 蘿蔔烙, 同蠔餅有異弓同曲之妙, 又係正!- 魚香茄子, 雖然係潮式, 但事實上都唔係好了解潮邊, really冇乜特別- 胡椒豬肚湯, 不俗, 料好林.總括講, 係好正, 度小姐很有禮貌. good!下次會再試第二.

星期六夜晚同男朋友去食晚反，因為實在太耐無食潮洲野，而且又見食評話吾錯，所以咪去試下囉！我地兩個人叫左：－１）豬頭拼豬腳２）蠔餅３）鵝片拼生腸４）銀杏芋泥５）水晶飽（蓮蓉／豆沙）1)豬頭豬腳係冷盤黎既，好似上海菜個肴肉甘，喱狀，咸咸香香，點魚露食，第一次食感覺吾錯，出面普通既潮洲打冷舖係無既，所以本人覺得係必試項目2)呢個蠔餅簡直係一流到痺，自問自己食過吾少蠔餅，但從未食過甘正，多蠔，脆口兼無油，食曬成碟你都吾見碟底係有油架！超讚！3)鵝片拼生腸一般貨色，唯一要讚既係，佢地個D生腸吾同出面個D染到紅色，係新鮮無添加的，連墨魚同大腸都係4)銀杏芋泥（甜品），甜就係甜D，不過本人因為太喜愛白果同芋頭既關係，所以覺得好好食，而且佢係好細碗的，個碗既size係好似去飲茶個碗仔甘架咋5)水晶飽（蓮蓉／豆沙）好正呀，即叫即蒸，皮薄多，又吾太甜，所以咩甜品吾食都要食呢個(P.S.因為即蒸既關係，所以上時要等一陣先好食，甘會好味D同吾會"辣"親個口）總括黎講，呢間潮洲舖既野食係好正宗同好好味，以後當我想食潮洲野時，必定會搵佢，同埋佢地係家庭式作業，好warm呀！

As recommended by JJcaption, I tried the following:蠔烙- good, not much oil left on the plate.沙爹牛肉芥蘭- very good, I think it is not fried. not much oil.胡椒豬肚湯- o.k.

潮汕菜一向係我同女友嘅摯愛，一諗起煎蠔烙、鹵水鵝、各種魚飯、石榴蝦、豆醬雞.....就不期然流晒口水..琴晚同女友嚟呢度撑枱腳，女友從來無嚟過，自己就好耐之前食過，依家連店名都改咗叫私房菜，但實際上跟以前無乜分別。自己之所以揀呢度無非都係想食佢獨一無二嘅豬頭粽，呢樣用豬頭肉製成肉凍嘅傳統潮汕冷盤，真係唔係處處有得食，因為好花功夫。食落有濃濃嘅五香味，無得頂...再嚟一個蠔烙，賣相不同一般貨色，唔係煎成一塊大餅狀嘅物体，而係一塊塊好似蛋角咁，蠔仔大大隻，味道較淡，主要原因係因預咗你會點魚露所以調得淡D，最最重要係唔知點解師傅可以將佢煎得咁乾身，碟底油量極之少，可見師傅功力之深，無得頂...壓軸好戲竟然係埋尾嘅沙爹芥蘭炒牛肉，一捧上枱時己知不得了--- 沙爹味濃郁，望落芥蘭顏色極之翠綠，食落極之爽口，明符其實嘅索索聲；牛肉品質極靚，又炒得剛熟，食落無渣；沙爹香而不辣，三者配合得天衣無縫，成碟差唔多俾我一個人掃晒，無得頂...兩個人加埋都只係食咗百一蚊，嘩!!!以後無得食點算ar...可以講响九龍城繼創發之後另一摯愛潮汕菜館..^_^