風流居酒屋 (已結業)

晚飯時間七點半落單坐到八點三都一碟野都冇黎過，嬲爆走人。其實廚房做唔切唔樂開咁多張檯，一係諗方法解決啦，見到好多人都有相同經歷。黃店唔係大曬，都要用心經營先會有人幫襯

同朋友咁岩去咗大圍見客，好耐都冇一齊出去食啲好嘢，所以今日都忍唔住去咗附近搵吓食日本菜嘅地方！咁啱問咗依間風流居酒屋❤️見到好似幾有特色嘅小店，所以就入咗去！入到去之後原來發覺都唔係小店，餐廳有幾層！而且整體環境裝修好有日本居酒屋風味，係己有氣氛嘅！！叫咗串燒套餐，壽司定食，鰻魚丼❤️整體來講呢度嘅串燒係好食同埋好惹味嘅！而且醬汁亦都處理得好好！最重點推介嘅都係呢個蒲燒鰻魚！係好肥美嘅鰻魚，再加埋滿滿嘅蛋絲一齊食真係好正！！❤️醬汁啱啱好，而且鰻魚好嫩滑！！

好耐都冇食日本嘢，有時候心掛掛會無端端好想食返一餐好食嘅日式料理🤣🤣今日有朋友推介，又見到社交平台有人介紹呢一間喺大圍嘅風流居酒屋🏮就咁睇啲食物好似好正，同埋有好多人介紹都話好食，咁一定冇介紹錯，所以今日就約埋朋友去試吓🤩🤩🤩餐廳環境裝修真係好似日本嘅居酒屋，好友地方小店嘅特色而且全部都係用木係嘅裝修！所以更加有感覺！！食物嘅種類選擇非常之多，又刺身壽司到炸物熟悉都幾好！我個人就最鍾意呢度嘅燒飯團同埋海膽！！燒飯團真係好出色，價錢唔算好貴但係係可以話我食過最好食嘅燒飯團！只海膽方面亦都非常出色，好新鮮好甜！！值得推介！

FuRyu Izakaya 風流居酒屋 🏮這次就去了比較遠的地方，大圍。大圍有很多小店大家可以去看看。這次我又是選擇了一間居酒屋。餐牌和價錢吸引了我。今天就介紹風流居酒屋！雜錦魚生丼：選擇了雜錦魚生丼第一是因為覺得真的不貴又可以不需要擔心不好吃會浪費錢，裡面會有四款刺身，個人覺得算不錯👍他們的刺身我覺得是蠻新鮮的，飯的味道和溫度也剛剛好🙌 風流三色丼：海膽真的很好吃！x3😍因為以前試過的海膽都是比較腥或者臭，所以這次對海膽有了重新體驗和對它改觀了🙈三文魚和帶子吃下去也覺得很新鮮👍下一次也想試一下他們的其他刺身！😋有時食物的質素再高，也會有其他的因素影響你的用餐體驗。食物和午餐價格我覺得ok，但是會覺得店員的態度可以友善一點和等候食物的時間會短一點。如果這兩方面有改善的話，就是一間一流的居酒屋了🙈。。。。。。。。。。。。。。。。。。。。。。。雜錦魚生丼：$68風流三色丼：$88餐廳：FuRyu Izakaya 風流居酒屋 Overall (Out of 5): 🔆🔆🔆地址：大圍大圍村第3街32好地舖

之前做野無咁忙，仲可以星期五晚收工去踩單車🚴🏻‍♀️🚴🏻四圍搵食😋位於大圍嘅呢間風流居酒屋，鋪仔細細都幾多人排隊！———————————————💛風流蟹皇丼（$128）👍🏻蟹膏份量都幾多，第一啖食落去超好食😋留意返係第一啖，因為之後食落去愈食愈漏，建議大家留返多d飯撈住食會好d。丼飯上面仲插住半隻蟹🦀角切海鮮飯（$98）睇個飯以為係下午茶份量，海膽同刺身都正常嘅，如果夾硬要比評語......唔...份量大d會開心d囉🙈明太子玉子燒（$48）係居酒屋食嘢無理由淨係叫兩個飯就走，要試一間日式料理嘅手勢，玉子就見真章，基本功最重要丫嘛🤣💬總結: 風流居酒屋，個名比野食更吸引！誠意搭夠啦💛

黑啤、柚子梳打免治雞串-質地比較實而且偏乾牛舌及雞軟骨串南蠻炸雞燒雞翼燒鵪鶉蛋、汁燒鳥提燈串汁燒鳥提燈串第一次食上網查下先知係咩：「燈籠是指：老母雞的輸卵管、卵巢與連結著未覆殼的蛋黃由於要老母雞宰殺時剛好形成蛋黃而且不是天天都會宰雞所以數量很稀少。」講到咁珍貴，當然要試下但味道不是人人接受到😅一生人試一次就夠。 * * * *整體食物質素尚可如不為追求美食純為傾偈飲嘢為不錯的選擇。

第一次叫，外賣計埋運費$308，以為咁嘅價錢，份量應該唔少啦，味道亦應該水準以上啦送到黎，一見份量仲少過現時新式fancy茶記,味道亦只不過係一般真心唔會再叫，亦唔會比機會去試堂食

與好友二人談心💛風流居酒屋 FuRyu Izakaya好友話啱哂，風流返一晚先，所以飲酒🍻之前都食過幾次lunch，今次終於去咗晚市堂食，堂食真係唔講得笑，係正既🤤炸雞...皮脆肉嫩，好味😋天婦羅正呀，份量都唔少👍🏻風流蟹皇丼，呢個真係無得輸，鍾意食羔既一定要試🤤紫薯餅好得意，原粒栗子係入面，味道唔錯，幾好食😋#大圍 #日本菜 #居酒屋#串燒 #天婦羅 #刺身 #壽司#風流居酒屋#好好善用手上每一蚊#每一個消費都係一個支持

好簡單既評論…食品好一般但真係要等好耐，一碗拉面要等半個鐘😓😓😓😓！服務仲差，樓面得兩個女仔，講真佢地真係堅黑面，個種感覺就好似全部人欠左佢地咁！感覺真係好差…總之唔會有下次！！

星期六晚去食，大約八點九入去，十分鐘內落單，叫左蟹黃拉麵、鰻魚飯、薯餅、明太子薯條同海擔墨魚卷。等到九點三都無嘢上檯，叫侍應跟進下，一直無回應過跟進成點，九點五再叫跟進，淨係覆句整緊，九點半再追，之後先一次過上，得半個鐘食得好急。最嬲係一句唔好意思都無。嘢食質素都好差，鰻魚飯辣嘅。蟹黃拉麵完全同圖片係兩回事，圖片有隻龍蝦鉗，實物就原隻蟹上，水蟹粥咁，蟹黃腥嘅，我明圖片只供參考，而家係直頭比左第二樣嘢我。海膽墨魚卷就唔新鮮，無乜味。本身已經比佢啲劣質服務同劣質食物搞到好炆。臨十點佢都無乜客，幾個侍應就圍埋吹水大聲笑，話題又有味，進一步影響環境影響心情。總括而言，食物、服務同環境無一樣得，徹底完全中伏，差到要專登開返個account嚟表達不滿！呢間嘢我永遠都唔會再幫襯，亦會警剔身邊所有人。

真的不行，上次食唔到今次專登book定枱去點知經驗真的不太好，叫了一個刺身4點，一個鰻魚壽司，一串牛串燒，一串豚肉露筍燒，一串柚子糊椒豚肉，一串青椒仔，同明太子豆腐，兩杯野飲。先講刺身拼盤，海膽不新鮮，臭的，還有點發黑，不能入口，叫他換過，照樣是不新鮮。其他刺身正常。明太子燒豆腐，是全晚最安全的食物，只是豆腐有一點硬。燒青椒仔，六條青椒仔加木魚碎$20的確有點貴。燒牛肉，燒到十分乾，亦都非常硬，胡椒柚子燒豚肉，這個比較正常，還有蘆筍豚肉卷這個也比較正常。整間舖頭，充斥了油煙，坐得不舒服，冷氣機滴水正正滴在頭上面，隔壁的裝飾櫃，很多手板公仔和酒杯， 十分污糟，應該是長年沒有清潔，還有小強屍體。整體食物價錢偏貴，這樣要六百多元買單。還要說信用卡機壞了只能收現金，這個價位的餐廳怎麼可能預期顧客會帶1000幾百蚊現金出街，完全沒有性價比。質素十分一般，加上其他體驗，正是減分的地方，希望能作出改善

Geo條👅評分：⭐️⭐️⭐️⭐️ (5⭐️最高）壽司定食 $88風流北海丼 $188蒲燒鰻魚丼 $888串套餐 $318追加油甘魚*2 $56追加手握壽司 $20Suntory premium $58Highball $48提子木村水果汽水 $28同朋友喺大圍慶祝生日一定要嚟風流居酒屋，嘢食正，價錢唔貴，仲要喺後生仔打理，一定要支持💛 嘢食有啲口快快冇影到😂😂但其中推介嘅係風流北海丼，各種新鮮刺身鋪滿喺個飯上面，每啖刺身都好新鮮，帶子、刺身蝦、吞拿魚、仲有海膽，真係好滿足好正！如果想食熱食嘅朋友仔，鰻魚丼一定唔會令你失望，因為我自己鍾意食鰻魚😂鰻魚丼鋪滿蛋絲同肥美嘅鰻魚，一啖飯一啖鰻魚配蛋絲，又係好正🤤仲有仲有一定要食嘅喺佢哋嘅串燒，特別係佢哋嘅聖子，超好食超惹味，重點喺冇沙好乾淨，配上啖啖蒜溶真係想食夠一打🤤🤤燒雞翼同鳳梨🍍都好正👍🏻

Wheeee (｡･ω･｡)ﾉ٩(˃̶͈̀௰˂̶͈́)و【風流居酒屋 真係好鬼伏 等得先好book】星期日諗住同屋企人去支持吓黃店就去咗大圍呢間風流居酒屋，點知喺各方面都真係好伏🥲我哋4個冇book位，12點幾去到walk in，應該得返門口張大枱，雖然有啲逼、要攝入去坐低，𣎴過都冇所謂啦～坐低發現得3隻杯，都冇所謂啦，問佢攞返就ok啦～點知佢俾隻崩嘅茶杯我哋😂好啦十二點七落order，十二點九要炸嘅兩個飯嚟哂，魚生飯都可以未嚟（後面嗰枱都一樣喺到等魚生飯）最後係一點搭二！係一點搭二先嚟到！魚生飯要等半個幾鐘，唔講以為佢喺廚房入面釣緊魚😀我哋話個魚生飯未嚟，佢哋話整緊，之後大約一點聽到佢哋話「師傅返喇」🙂師傅未返工，你不如同我講話冇魚生飯，等我哋嗌第二樣嘢食？仲有，有魚生，但係唔俾豉油碟係咩玩法🥲直接倒豉油落啲飯到豉油撈飯？雖然食物質素ok，但係我絕對唔會再去食。有咁多間黃店，唔係一定要支持你呢間🙂～我是Menu～日式炸雞丼 $72炸雞炸得有啲硬，唔係好食嗰隻酥脆，雞肉亦唔係嫩滑多汁，呢個價錢喺黃大仙一間炸雞店已經可以食到嘔，唔推薦。天丼 $88有三隻炸蝦、兩塊南瓜、一嚿茄子、四份一粒菇、一條秋葵

差評係比佢個服務------------------------------入到去 得一枱客 已經唔係繁忙時段環境好一般 無乜冷氣得一個樓面 唔知係咪要四圍走 成日唔見人 想搵人落單幫手都要等佢返黎叫左兩個main 加兩個小食一個拉麵 一個丼 一份餃子 同 三文魚剌身等足我半個鐘先黎左份三文魚剌身叫罐可樂係暖既 問佢拎冰底先話我知個可樂岩岩雪🤦🏻‍♀️每一樣野食都要催先有最尾等到燥 45分鐘 等唔到啲野食黎齊就走了------------------------------食物質素一般 唔算難食 不過性價比唔高 佢有加一服務費 完全唔值當日有比返九折 可惜已經對店舖印象跌左好多------------------------------黃店希望你都有返啲正常服務🤦🏻‍♀️真心支持一次就夠了------------------------------第一次比評論 因為實在生氣了

食物高質，同樣質素尖沙咀銅鑼灣貴一倍💰💛鹽燒厚切牛舌芯 $42個人最愛的厚切牛舌，鹽燒夠咸香，燒得剛熟，保留到肉汁😋💛七味雞軟骨 $58炸得好脆，點個加左七味粉既沙律醬，佐酒一流👍 忍唔住一粒接一粒咁食😝💛燒飯團 $58好淡，要另外點豉油食，飯桶曼頭表示失望🥺💛燒芝士年糕 $38芝士味唔夠濃，煙韌度ok，有d失望🥺 (遲下介紹另一間做芝士年糕達神水準的餐廳比大家😆)💛牛油果軟殻蟹卷 $160一上菜見到有8件，仲要好大件呆左😳本身我不太喜軟殻蟹都覺得好味😋 好多牛油果🥑 I like I like👍 💛明太子玉子燒 $48屬#微感動出品 (係微咋😂)#感動出品 = 食落有驚艷的感覺Definition from 為食曼頭dictionary: 內心覺得感動，嘴角不自覺地上揚，忍不住點頭，覺得不枉此生，內心深處有種幸福既感覺，彷彿今天的煩惱在心內的重量頓然輕了，令你忍不住同身邊人讚好味☺️以下係正常發揮，好食但無特別✅💛鹽燒秋葵 $28💛鹽燒雞翼 $28💛忌廉蟹肉薯餅 $58💛野菜天婦羅 $108💛燒豬頸肉 $38第一次係呢區食到一間值得推介的餐廳😊 推薦大家試下，但記住book枱呀😉