風雲丸

营业中

休息中

7月尾的一天，中午放工以後，我獨個兒移動 K11逛街，但肚子真的空空如也，便想起久違了的風雲丸。 來到店舖門口的時候，看到了沾麵王大賽的展示板，便入去看看究竟。沾麵店的環境裝潢以日式木系為設計，廚房位置掛上了日式燈籠。入口左邊的牆上更置上石燒濃厚沾麵風雲丸幾個大字。肉盛富士山沾麵因為真的很肚餓， 所以參加了這個沾麵王大賽。這個比賽要求參加者在20分鐘內完全吃掉 120g 沾麵、沾湯、炙燒豚肉四塊、味玉2隻、味筍和野菜。簡直是不可能的任務。富士山沾麵給端上的時候，份量驚人，還堆砌像富士山一樣， 因此得名。沾麵比較粗身，煙韌彈牙， 比較富有蛋味。豚骨魚介沾湯份量大碗，給端上還是熱烘烘的，黏度甚高，富有膠質黏感，鹹香滿溢。 炙燒豚肉切得厚身，肥瘦均衡分明，鬆軟爽口，肉味濃厚，又同時豐有油膩感味玉柔軟微彈，蛋味豐富。總括而言，120g 沾麵是正常沾麵的3倍。20 分完成肉盛富士山沾麵，對於正常食量的男士，都是不可能的。但售價只是 $188，相對又相當合誼。最後我還是用了差不多 40 分才吃了一半，所以只好老實付款好了。

今晚三號颱風下喺尖東一帶，想食熱辣辣的食物，想起呢間風雲丸，之前午市來吃過石鍋飯覺得好好食，就再來一次，點知6點多來到有條龍😳不過唔使等好耐,15分鐘就可入座，入座前侍應給我們點好食物，入到去很快就有得吃😋😋先來個小食，沙拉唐揚炸雞$38一碟五大件，外脆內嫩配上沙律醬些微酸酸的味道打開胃口然後我們每人點了一個主食share豚骨魚介味玉沾麵$98湯底石鍋上，上枱時不停沸騰🤩麵沾一沾湯吃，湯汁濃郁掛在麵上，熱哄哄，還有塊好腍好好味的叉燒，溏心蛋入味好食，非常滿足😋石鍋鰻魚飯$88飯少許焦香，加上濃濃的鰻魚汁，一些蛋絲，紫菜絲還有些像魚菘的東東，口感和層次都非常豐富，食到尾都熱辣辣😋

小店位於K11商場對街，十分方便，而且招牌好搶眼！ 平時食開拉麵，甚少食沾麵，今次第一次試感覺幾新鮮 餐牌貌似好多選擇，但其實全部都係豚骨魚介湯底，再分別配不同配料，素食人士不適用晚餐時間有限時，所以冇特別叫飲品，只係飲桌面放置既檸檬水～都好適合配濃郁嘅沾麵辛辣豚骨魚介沾麵。 8/10湯底微辣，食得好舒服，愈食會愈辣！ 後期既辣味會掩蓋左豚骨湯既鮮味～沾麵揀左暖既，食落似撈拉麵😂加啲乾蒜粒會香啲～豚骨魚介味玉沾麵。 8/10朋友叫既原味沾麵，有原隻滷蛋附上！原味沾麵同辣味比較，豚骨同魚介既鮮味會更特出，加上冷麵條，口感好清爽！夏天啱食兩款沾麵既配料都有件日式叉燒，半肥瘦剛好

老公一向喜愛食沾麵，因為沾麵湯底就係夠濃味。趁住星期五晚上就過左黎尖沙咀 風雲丸食沾麵。晚上7點左右，都已經要排隊了。望住餐廳內嘅紅燈籠🏮別有一番日本風味。風雲丸主打濃厚豚骨魚介湯底，另外還有一款期間限定天婦羅大蝦三重芝士沾麵 。入店內前就畫左單先！豚骨魚介味玉沾麵 $93咖哩魚介沾麵 $93自家製極太麵較粗身，爽彈掛汁帶一點點麵粉香。優惠價加追唐揚炸雞 $18/2件有辛辣、燒汁及沙拉3種口味豚骨魚介沾麵汁濃郁惹味。咖哩口味沾麵汁味道比原味再濃郁，食落口感似用日本咖喱磚調配。秘製叉燒油脂感豐富，軟稔厚肉。溏心蛋夠溏心，調味濃郁入味。

呢一日本來係諗住食三田嘅 不過唔小心行錯咗路 誤打誤撞就決定試吓呢一間由日本開過嚟嘅過江龍拉麵啦😎😝🥳 .《肉盛豚骨魚介沾麵》$128呢一間嘅沾麵全部都係用石鍋咁樣上菜 所以個面一嚟到嘅時候 啲汁仲係個石鍋裏面滾緊 bulubulu 咁 好似好吸引😻😻😻 之後同行既朋友仔已經迫不及待咁將啲豚肉浸落去啲熱辣辣嘅沾麵汁到 啲湯嘅熱力令到原本痴係肉上面嘅肥膏即刻溶化 呢個時候將舊肉一啖擺落口🙀嘩 入口即溶！！😻 啲豚肉燒得黎又唔會話好乾好柴喎！ 之後值得一提嘅係佢嘅沾麵汁真係好濃郁😍😍係貼近到日本一般沾麵既水準～ 入口有好濃既魚介味 濃郁得黎又唔會太死咸 我覺得都幾好食😋😋 . 《辛辣豚骨魚介沾麵》$93 因為朋友已經叫咗一個原味黎食 但係又唔想試佢嗰啲湯拉麵 咁就諗住叫一個辣味嘅黎試下 諗住日本嘢通常都唔會辣得去邊😅 一食落口嘅第一啖已經辣到我叫救命 佢嗰種啦係已經完全遮住咗本身湯底應該有嘅魚味 基本上係可以講話得返啲辣味 其他咩味都食唔出😭 個人覺得佢做得太辣喇 我食左一啖之後就冇左用過個汁 都係食返朋友個原味湯就算如果好中意食辣既人 都可以試下既 但個人下次就唔會再試😔😔 . 《唐揚炸

嗰日心情怪怪的😶‍🌫️，係尖沙咀行咗好多個圈都諗唔到食咩⋯經過「風雲丸」見到有人排隊就排埋一份，夜晚九點就排到時店員通知無晒沾麵🙅🏻‍♀️，得返兩款拉麵同兩款石鍋飯，其實一款辣一款唔辣，總之得返拉麵同石鍋飯各一款口味啦。好肚餓又就到十點閂門😣，唯有入去填飽肚先⋯如果大家見到咁多好評想食嘅，一定要早啲嚟食，因為我哋都唔知係咪沾麵好食到咁🤭，導致有咁多好評啦⋯————————————————👅豚骨魚介拉麵($88)👎🏻麵量好多，粗身扁拉麵質地似烏冬，湯鹹到食晒碗麵應該會鹹死😵。不過呢舊叉燒先似樣架嘛，半肥瘦充滿油香🐖，瘦肉部分都咬得開，但一舊好食嘅叉燒又救唔返成餐，配沙律菜係咩玩法呢🤔👅 石燒牛油玉子豚角飯 ($78)👎🏻睇個樣好似頹飯/Hea飯，石鍋白飯加隻蛋，豬肉鞋到咬到牙痛🦷，話佢似湯渣過份咗啲，咁似厚角切硬叉燒。成個飯嘅感覺係蛋還蛋，肉還肉，飯還飯🤷🏻‍♀️，飯底有啲啲辣，底下蛋汁痴住石鍋會變熟，變零調味蛋炒飯，份量睇同食落都細過拉麵，極力不推薦👅羽根餃子($35)🔸 內餡係菜肉餃，餃子皮幾彈🥟，無咩特別之處————————————————🚩總結：呢間沾麵真係好食好多❓留言話比我知———

喺尖沙咀行完街，就俾佢外邊嘅裝修吸引住，橫掂一個人都唔知揀咩食好，所以就決定入去試一試呢間未試過嘅拉麵！一入到去就覺得呢一間餐廳嘅服務質素真係好好，店員見到我一個女仔拎住一抽二抽，就即刻提出幫我將啲嘢放埋一邊，等我食嘢嗰陣唔會咁狼狽🥰豚骨魚介味玉沾麵（$93）我一向食沾麵都鍾意食湯夠熱嘅沾麵，所以呢間餐廳用石碗嚟裝沾麵嘅湯真係令我好開心🤣個麵上到嚟個湯仲係滾緊，所以一直食嗰陣個麵其實都好夠熱😍叉燒係大大舊，一啖咬落去超級滿足，油脂同埋肉係相間住，同埋燒過表面，所以絕對唔會覺得好油膩。然後就講吓個湯嘅味道啦，我覺得味道都算濃郁，不過唔知係咪個人口味問題我覺得個湯有少少偏鹹，如果可以再淡啲就好啦！個面呢就口感啱啱好，好彈牙，好味！總而言之今次都係一個不過不失嘅拉麵體驗：）

見到門口話做會員可以用$18換購日式餃子😍我緊係唔執輸 哈哈😜😋 原來做左會員人 每日會有唔同既優惠～ 例如逢星期三叫兩碗豚骨魚介拉麵 第二碗半價🤪🤪😎😎好抵🥳 不過我實在太想食沾面🍜 所以同男朋友都叫左辛辣豚骨魚介沾面🤑 再加一份餃子 每次食拉麵 都一定要叫餃子✅ 味道正常 $18好抵🐣🐣🐣🐣個湯一上到黎 就滾到sha sha 聲 出哂熱 仲勁香辣味🙈 口水不停分泌！ 另外一邊就係拉麵😍 佢可以簡麵係凍定熱～ 我簡左凍 因為覺得會爽口d 配落熱辣辣既湯底 有雙重口感😋😋😋😋 建議沾麵落湯底時唔好一野浸哂落去～ 因為呢個湯底偏濃 如果keep住啖啖浸哂落去 好快會膩🙃 所以浸一半好啦😘 豚肉就咁食都好食 食到肥膏就最開心❤️ 麵可以選擇普通size定大size 想要特大size就再加錢～ 建議兩個人去要食唔同湯底呀哈哈 因為今次同男朋友叫埋同一個 食食下會覺得好咸😂😂 建議叫一個清啖d ❤️ So far 都覺得幾好食 經過會再食😙

這日同囡囡來尖沙咀逛街，行經附近時被這間日本拉麵所吸引！小店裝修充滿日本風情，環境開揚。逢星期一至三有優惠攻略，今日正好是星期二，兩碗拉麵或沾麵送一客小食！可以免費或加錢加麵，視乎份量而定，超抵！辣豚骨魚介拉麵 $93 ~ 湯底香辣有魚味， 麵質爽口微彈，配上香稔日式叉燒，油脂均勻，口感豐富！豚骨魚介味玉沾麵 $93～湯底以熱辣辣的石鍋盛載，熱度十足； 湯底濃厚得可以掛麵。糖心蛋嫩滑有蛋味，沾上湯底更惹味！優惠攻略送的小食炸雞皮肉香四溢，皮脆肉嫩，啖啖好滋味！

一個人喺附近搵食，結果俾佢門口裝修吸引住，好掛住日本拉麵，於是就入咗去食啦，如果唔係好想飲湯，我一定會食沾麵，但係今日好想食湯拉麵，所以諗咗好耐，最後揀咗豬骨魚介拉麵➕炒什菜佢個湯底夠濃郁，麵質正常，不太軟亦不太硬，裝修都好似日本，冇辦法太掛住日本啦！下次同朋友經過都會再嚟試吓其他嘢食

整體上係幾好食，尤其逢星期一第二碗半價，平均一碗70左右呢個出名的湯底係魚介底，我本來唔係好鍾意魚介（試過台風，覺得好鹹）但呢間個魚介唔會太鹹，我覺得幾好，而且湯底用石燒鍋放，keep到溫度，唔錯（最唔鍾意沾面食食下凍哂的感覺！）面底係煙煙韌韌個種太麵，都唔錯，而且300克大盛都係一樣價錢，男人食都夠飽美中不足係舊叉燒好厚同好乾，同埋個醬油蛋都係一般，唔使特登加錢食沾面來講，呢間整體上我都推薦！下次可以試埋拉面~

朋友介紹了這間風雲丸，名字挺漫畫色彩的，但店內是日式裝潢，完全置身日本的感覺。豚骨魚介拉面拉麵大大碗的，性格比直是一流。豚骨很柔滑，吃過滿口油脂香，肉質非常嫩滑，可吃得出用心之作。它的配菜竹筍和蔥花也是非常多的，真是沒介紹錯。豚骨魚介味肉沾面豚肉一樣好味，份量大大塊的。沾面湯非常香濃入味，但不會太咸太重味，配上滑口的烏冬，另有一番味道。羽根燒餃子餃子煎的非常有日本居酒屋的感覺，餃子又是大大隻的，非常飽滿，賣相一流。餃子吃落非常多汁juicy, 肉味濃香，配上醬油，好味，真心推介。

經過TST風雲丸見到門口poster的濠優惠3連賞送小食，我同朋友就即刻揀好今晚的晚餐la!我地叫左一個咖喱豚骨魚介沾麵和一個石燒牛油豚肉飯。咖喱豚骨魚介沾麵：熱辣辣石鍋飄著很香的咖喱味，職員非常細心提醒我地小心石鍋熱。沾麵醬汁味道濃郁但不會過咸，咖喱味道和鯛魚配合得很好大家都沒有搶掉彼此的風頭，能嘗出湯底用了大量的鯛魚熬製，魚湯沒有腥味加上軟彈的面條非常鮮味！值得推介。石燒牛油豚肉飯：牛油融化後均匀攪拌至飯粒，令每一口飯都充滿這牛油香加上豚肉軟霖入味，肥瘦適中，令人不知不覺食左不少米飯。餐廳送的餃子和炸鷄也很出色，炸鷄炸至金黃色！鷄肉嫩滑多汁外皮也夠脆。

好抵好抵好抵！有優惠券用，換小食。 今晚和友人心癢癢，想食日本野，又想食麵，見到風雲丸最近d 沾麵都幾多款，又香噴噴，於是抵受唔住誘惑，要入去試下。沾麵揀左豚骨魚介味玉沾麵，熱石兜兜裝住d 湯底保暖好貼心，啖啖落肚暖笠笠。連麵嘅份量都可以揀，於是友人細食，揀左並盛200g 我就揀大盛300g 然後到時再分。舊肉好入味，油脂分布平均，令到整個口感嫩滑而不乾鞋。 沾麵最開心莫過於冰火兩重天，冷麵底配熱石鍋湯底吃上口面爽口彈牙仲唔會食到出曬汗！小食方面，可以留意下應用程式的優惠提醒，有會員會好值得考慮加小食🤔平得黎 份量輕盈，唔怕吃得撐住！

從同事口中得知風雲丸有優惠3連賞,即刻去睇吓，原來逢星期一至三都有不同優惠，今天是星期二係風雲火曜日.送唐揚炸雞+沙拉炸餃子(各2件)，記得要做會員先有優惠。肉盛豚骨魚介沾麵：沾湯以熱石鍋奉上，確保溫度。麵條屬自家製，新鮮彈牙；重可以自己揀份量。湯底以豬骨熬足10小時而成，並加入了優質魚介粉，風味獨特。味道濃郁。4片又厚又大嘅叉燒啖啖肉，外面微微煎香，令叉燒唔會太油膩。唐揚炸雞外脆內嫩。羽根餃子皮薄餡鮮，加咗沙律醬和蔥，味道更佳。紅茶雪糕，清爽的口味，不會太甜膩，奶香味很濃郁。