飛陽砂鍋粥潮州打冷小廚

营业中

休息中

🔎飛陽砂鍋粥潮州打冷小廚 (元朗)💛講咗成年都未嚟食 有時又撞岩星期三休息 今次終於可以約埋朋友試啦🔹韭菜豬紅 $45Must try! 豬紅好滑無腥味 有少少鴨血質感🔹潮式蠔餅 $70個粉漿好薄 特別係啲邊位好脆 蠔都算新鮮 蠔味幾出 又幾大粒 唔錯 都會encore🔹滷水雜拼盤 $115有墨魚、腩肉、鵝腸、滷水蛋、紅腸、豬耳、豬大腸、生腸、芽菜大約係呢啲😂唔太記得 整體都幾唔錯 幾個人share岩岩好🔹椒鹽鮮魷 $98（？）比起坊間嘅椒鹽會淡味啲 係健康版嘅椒鹽鮮魷 起碼唔洗食一件又食一啖飯先 魷魚都算大條 而且爽口 不過就唔岩重口味人士啦🔹雜菜粉絲煲 $90（？）循例都食返個菜 雜菜真係好多款菜係入面 最重要竟然會有海鮮 都幾特別 依且份量都相當多 平衡吓啲油膩嘢都幾好🔹醇滑嘉士伯大樽裝 $28好似唔多地方有醇滑嘉士伯樽裝飲？ 平時都係飲開醇滑 既然有就當然諗都唔洗諗啦🔹白飯 $10📍元朗鳳攸南街3號好順景大廈地下8號舖🍴搵返相關地區👉🏻 #90sfoodieshare_元朗#食在元朗#我食在元朗你卻在大排檔

今次試一試另一間地道打冷店，店內面積不算太大，環境是傳統打冷店格局。牆上貼滿了不少推介食物的菜單。第一樣試的是滷水鵝片（例牌），鵝片都算入味，但肉質相對較乾身，味道不過不失。金沙鮮魷方面，鹹蛋黃未能完全掛在魷魚炸皮上。味道不太能突出鹹蛋香。椒鹽九肚魚，九肚魚尚算嫩滑，這道菜中規中矩，沒有太大驚喜。黑椒茄子牛仔骨煲，送上來時沒有茄子，應該是廚房漏了加，故此叫店員減返價錢嘅差價。牛仔骨整體味道偏鹹。鹽焗烏頭，這道菜不錯，烏頭肉質不會過老，仍算嫩滑，而且烏頭肥美，內有魚油，推薦👍🏻

我食潮州菜嘅次數三隻手指都數得曬😅但朋友話呢間打冷佢bookmark左好耐，反正今晚係元朗呢頭就陪佢試下啦😂室內座位唔多，平日夜晚兩個人想坐室內都等左廿分鐘～我地叫左碟鹵水鵝肉，魚肚魚腐浸時蔬同一個白飯～鹵水鵝肉色澤好靚，一黎到我同朋友都覺得賣相好吸引😍(不過鵝肉真係唔似鵝片啖啖肉，除左有骨仲有啲肥😅)食落好香醬油味但唔會太鹹，一半肉質好有咬口 (好似走地雞咁😂)，一半就比較淋身👍底下既豆腐同花生都幾入味幾好食😋個人黎講都覺得鹵水係食潮州菜必試既菜式😊魚肚魚腐浸時蔬都幾多下，湯底幾清，感覺家常兼唔味精👍魚肚同魚腐都係好索湯底既餸😎菜心爽脆 (不過食食下見到條菜蟲痴住條菜度有點影響胃口🤢)跟鹵水鵝俾果碟辣椒油我無用黎點鵝肉因為已經夠味，反而用黎點魚腐覺得香得黎又唔會太辣，潮州辣椒油果然係幾出色👍有機會可以試埋蠔餅同埋佢啲湯羹☺️ (同時希望佢地洗菜可以洗返乾淨啲🙈🙈)

一向都好喜歡黎呢間位於雞地既打冷小店，店鋪雖小，但唔會有一般打冷店的雜亂感同衛生環境差既感覺🙇‍♂️今次一行只係兩位叫左兩個小菜，啤啤佢滷水鵝片墨魚每次黎到都必叫既滷水配搭，鵝片份量好多，入味又唔會老👍👍墨魚爽滑，無渣入味，底層有滷水豆腐同芽菜，送飯一流椒鹽豆腐外皮香脆，豆腐豆味濃，唔會有太重既油膩感，送啤酒一流👍👍總括而言好喜歡呢間打冷小店，衛生情況比起其他打冷老店好好多，不過因為小店位置座位較小，好彩我地黎得早，坐低一陣已經好多人係門口排隊埋單都只係三百幾，抵食👍

老媽出名要求高, 唔知帶佢食咩好, 就帶佢去雞地食街任佢揀. 竟然媽對打冷店情有獨鍾, 更意外的是原來元朗國有黃打冷店. 由於是週末晚上, 都要排隊入坐, 坐門口位, 好彩下午落完雨不是太熱. 餐牌食物多到令人選擇困難😂鹵水鵝真係好彈牙有口感, 重要俾隻鵝髀我哋, 性價比超高👍🏻 阿媽至醒, 知道碟底有鹵水豆腐同花生韮菜豬紅好惹味, 又嫩滑. 汁底可以當湯飲埋😋椒鹽脆炸三寶~魷魚豆腐九肚魚. 火喉剛好, 外脆內軟.蠔仔粥超多料, 蠔仔多到呢🥰

突然好想食潮州凍魚！即刻openrice下，發現呢間最近就去試下啦！去到唔使等，但要坐戶外！凍魚（大眼雞）十分鮮甜味美！完全冇魚腥味！椒鹽三寶特別欣賞佢個椒鹽魷魚🦑！有口感得來，又好外脆內軟！蠔餅大大份，真材實料！

網上搵，想食潮州嘢，元朗區。就搵到呢一間野。要等位就係事實，完全值得。招呼好，服務態度滿意。最鍾意係個柯仔炒蛋，我鍾意佢脆卜卜。另外楊氏烏頭，好耐冇食過咁正宗嘅潮州菜。唔介意等過嚟試吓。

終於，我同友人都可以疫情緩和下，出黎食個晚飯啦，當然仲有其他原因出唔到黎食夜晚啦🙈我地叫左幾款食，我地規則係自付盈虧，自己負責返自己果碟，如果食唔晒嘅話🤣最後4個人叫左6碟餸分別有......潮洲打冷，因為屋企人緣故，我好鍾意食依款魚—大眼雞，真係無得輸跟住友人大排檔都會叫嘅椒鹽三寶，依度特別少少，三寶係有腰果、魷魚🦑九肚魚，因為唔太食炸野，所以每樣食左少少，都還好，粉漿唔會太多依個亦係大排檔例牌菜—鹵水拼盤，不過我覺得稍微遜色少許，食落唔太新鮮，有待改善，同埋大豆芽菜可以再多少少到油鹽水浸蜆啦，我覺得一般，因為沙較多，粉絲都係較少，食過有間更加足料嘅，同埋咁樣煮法，配沙白會較好味依個真係第一次食，友人配粥食，我都覺要配粥先好食，就咁食較咸最後一道，亦係最遲上菜嘅油渣炒豆苗，我覺得炒得都幾惹味，不過都係較鍾意清淡少少，太肥膩啦🙈友人叫嘅，小試吓就可。整體黎講，其實依間打冷都可以再試下嘅因為都想試埋其他款式加油，支持小店，當然特別係💛

入秋嘅夜晚舒服咗好多，呢個時候最好去打冷，就算坐室外都OK。經過呢間打冷舖坐滿人，感覺應該幾好，一於試吓先。蠔仔粥夠2個人share，淡口咗少少，好在蠔仔無乜殼，都飽滿嘅。滷水拼盤 份量都幾多，有齊紅腸、豬腩片、豬腸、鵝腸、蛋、大豆芽、雞腎...個汁幾好食，記住點辣椒醬，好得。食唔晒，打包返屋企，next day再食過。涼拌魚皮 而家唔係好多地方可以食得到，所以一見到又想食。魚皮都幾爽口，凍冰冰，內有紅洋蔥、青瓜。用咗麻辣汁，好惹味，所有嘢都係爽爽脆脆。椒鹽九肚魚呢個唔得咗，唔夠味，炸得唔夠，魚肉太濕。望見隔離枱有炸蠔餅，大份又靚仔，可惜食唔落喇，無叫。‼️呢間打冷舖門口有級唔出奇，但竟然好細級，店內都幾大，算係好方便輪椅人士去當然坐店外都得啦。

Restaurant Review📋Food🍽Poached Chicken🐔with Ginger and Green Onion Sauce霸王雞🐔Deep-fried Bombay Duck🐟with Spicy🌶Salt椒鹽九肚魚🐟Stir-fried Broccoli🥦with Shrimp🦐Paste蝦🦐醬炒西蘭花🥦- Chicken🐔was super tender and juicy, with strong chicken flavour👍- All the dishes are fresh and with strong wok-hay- Personally, want them to be bit more saltyDelivery🛵#神速遞(元朗錦田外送服務)- Nice service and fast delivery

現在這段時間把以前的習慣改變了，因為這個疫情下比較少外出用餐，幸好有外賣app很方便可以足不出戶也可以叫自己喜歡的食物！這次我們特地叫了打冷外賣，因為太耐冇食啦！打冷我哋次次都必叫韭菜豬紅（味道差一點點咸味）酥炸蠔餅（外賣到家也很脆，係有些蠔殼食落去有啲危險）鹵水雙併（鵝肉及大腸）味道幾好呀！講真以外賣質素味道唔錯，份量好多👍🏻值得再試！

2020年6月6日7:30和朋友仔係元朗行完街街要搵啲好野食吓，行到落雞地見有間潮州菜館叫「飛陽砂窩粥潮洲打冷小廚」有個靚仔招呼我們，入到去見環境都算乾淨，坐低叫左鵝片拼墨魚🦑、豆卜大荳芽，先來個大荳芽，食落唔會太鹹太油膩，用咗麻油吊味，味道啱啱好，嚟埋個鵝片，未食過咁嫩滑嘅鵝片，墨魚🦑份量都唔小配上潮洲辣椒油真係巧巧味，下次入去元朗再食過。

唔知點解我特別中意係大熱天時打冷，由其想食Ｄ鹵水野！一路都知雞地一帶有間潮州打冷，擇日不如撞日，就今日去試一試味。環境同ＹＯＨＯ好近，幾就腳，入面隔局似茶餐廳，冇咩特別。門口都有幾張枱可能坐，怕熱既我揀左室內食物鹵水拼盤：墨魚拼大腸，墨魚好彈牙又俾得多，點埋Ｄ辣椒油一齊食好正，口感同味道都好好，大腸不過不失。韭菜豬紅：豬紅浸得好入味，份量都多，韭菜一向都唔會食埋所以唔知好唔好味蠔仔肉碎粥：Ｄ蠔仔幾大粒下，而且好鮮，出面有Ｄ蠔仔肉碎粥太少湯好快吸到乾晒，但佢飯同湯比例岩岩好辣子雞：可以改善，Ｄ雞炸得唔夠乾身，味亦唔係好夠，但雞件份量好多，而且斬得偏大舊，我地２個人食直頭食唔晒要拎走服務員工幾積極，有事叫佢都好快會處理價錢２個人食左３百蚊，唔算貴亦唔係話好平，正常價

一班人出街食飯，最鍾意嗌餸食飯，特別係幫襯打冷。如果要係雞地想打冷，一定要食飛陽。鋪面唔算好大，我同老婆兩個人今次就坐鋪內。必食鵝片！鵝片鵝肉味濃，而且肉質厚實，份量十足。最正要數個疊底嘅滷水豆腐，又嫩又入味，食過返尋味！老婆最愛西蘭花炒鮮魷，食到一半先記得影相。西蘭花大大棵，又爽又膽。碟菜夠哂鑊氣，上台個陣冒白煙，熱辣辣。除咗兩碟，我哋仲嗌左蠔仔粥同生炒骨，但因為食得太興奮，完全唔記得咗要影相。整體而言，啲嘢好食夾大件，服務又好，打冷必選！

同朋友去元朗唔知食乜，之後用app search到呢間，就一於懲罰佢😘 去到嗰時係即刻開張枱喺戶外食，夠晒風味～ 舖頭有好多選擇，你噏得出嘅潮洲菜都有😎🥘 滷水雜拼拼盤 $105拼盤有墨魚、大腸、腩肉、鵝腸、豬頭肉（下刪50字）乜都有d～ 😙 滷水夠晒入味，不過食得多都有d鹹😝 呢個拼盤啱晒d十五十六唔知食乜好嘅人～🦪 潮洲蠔餅 $65又係大大碟咁上枱！蠔餅新鮮炸起，既有蛋香又脆卜卜之餘，蠔仔🦪份量都唔少，亦唔腥😎 🥬 韭菜豬紅 $40真係滿滿的一兜～ 豬紅口感結實，韭菜索晒汁🤓 三個人不停食但食極都仲有😂🐖 腩肉春菜 $40大鄉里表示未聽過春菜😂，但好彩有試到～ 好淋好索汁又幾好食😝 腩肉份量又係好多，乜都好大份！三個人都食唔晒，最後打包第日做lunch～ 每人$100都唔洗，真心大件夾抵食🤪💛