食客 - 韓食一番地 (已結業)

去完越南回港，日日都大魚大肉，回來只想簡簡單單開餐便算﹗工友家長介紹呢間韓菜，便來試一試﹗是新開的，店子細細不過六點九已經全場坐滿，全場無裝修只有迫迫的枱子六七張，如此爆滿必有原因，就入去試下﹗老闆及其太太都是韓國人，看落唔太識廣東話見佢地都係用英文同食客溝通，落單的應是他們的女兒吧﹗要了個石頭鍋飯加魷魚雞肉，再要多個炒辣年糕﹗炒辣年糕汁紅紅的，年糕是長條狀入口有米香亦煙韌，開頭一兩口感覺個汁無咩味道，但慢慢一股辣氣在胃中湧將上來，吃得我滿頭大汗，相當刺激﹗石頭窩飯上枱後會幫你加入醬汁撈勻，由於之前年糕太辣的關係，食到咁熱的飯真係辣到要即飲汽水降溫，冷靜後再試，味道帶麻醬香，鍋底夠熱飯焦亦多，香口好味﹗埋單一人五十蚊，很不錯的小店，食完七點幾門口已大排長龍，可知一二﹗

市中心的"x山x"執左後, 原以為沙田冇晒韓餐食, 但原來開左呢間我都唔知...朋友介紹下來了午餐.店子好細, 坐得幾迫, 但都要排隊!好采一陣便有位.看到出菜的效率好高, turnover也快, 一讚.叫了午餐set.一牛肉石頭飯, 一炸醬麵, 及一炒年糕.靚女姐姐仔落單果陣仲驚我們兩個食唔晒...放心啦, 碎料可頭飯足料, 勁熱, 加d 辣醬, 一流~好采冷氣夠, 不然實食到頭都痕埋d 飯好好食, 係推介的菜色.麵之後上, 深啡色的汁內有蘿蔔, 洋蔥, 豬肉粒等, 撈埋晒才食, 別有風味呢. 其實唔太咸, 別俾張相嚇親.炒年糕係剛弄起的, 勁熱, 辣親咀~上有幾片魚片, 加上d 韓式辣醬, 感覺好像樣, 好正宗.雖係小食但都不少份量呢, 食到好鬼飽, 早知聽姐姐仔話啦~服務很好, 一讚.另俾錢果陣, 發覺店主及另一姐姐係韓國人, 唔怪得咁正宗啦!

本人曾經在韓國住過一排...呢一間餐廳同我係韓國平日食既都好似架...以食石頭飯,碟頭飯...為主....仲有人蔘雞...泡菜/海鮮煎餅...韓國SPICY年糕等等..雖然店子真係好細.....老闆不太會說中文...但佢聽應該唔太成問題,英文都可以...不過最近有香港待應...所以冇問題...老闆推介為石頭飯....(老闆仲會親自為你拌飯)本人建議食得SPICY既朋友,可多落韓式SPICY醬,會更有風味...本人既推介為...泡菜五花腩飯....(感覺好似係韓國食果D...)韓國SPICY年糕......炸醬面(因為真係可以係韓國搵到果D)價錢唔貴....!! 約50元一個人...老闆親切....**我諗你話佢似金大宗,會開心過話佢似金正日架...

本來路過，覺得舖子傳出來的香氣好吸引。今天去試，之前有人試過說石頭窩飯比較好，就試試看了。一行七人，要分桌坐。我那邊四個全點窩飯：兩個牛、一個五花腩、一個雞肉。店內陳設超級簡單，很家庭式－－基本上他們應該是家庭式經營的，有點擁擠。店主一定是韓國人、裡面做廚房的也是韓國人，他們都用英文溝通。位子，可能真的要等一下－－但我留意到，老闆也會招持客人，而且收拾的時候，細微的小事物也會留意的到，客人在用餐時掉了筷子－－他在客人用餐後收拾桌子也會留意地下和其他需要收拾的地方啊！很細心。一個石頭窩飯，上菜算是快的了。鍋邊真的是熱騰騰的端上來，還有飯焦的。（一點點啦）先來的是五花腩，其實只是一片片很薄的豬肉，外層有一層薄薄的脂，跟東坡肉的五花腩差遠了。不過，味道不錯。端上來的時候，待應都會幫忙加麻油和甜辣醬，然後拌勻弄好說：「請慢用。」五花腩配起來，剛好。換牛肉上場，接著是我點的雞肉……拌好之後，我只試了一口……停了三秒－－怎麼形容也是不太好吃而已。怎麼會這樣呢？跟朋友們說的好吃差太遠了吧？？然後我立刻把手伸去吃五花腩和牛肉各一口…幸好，問題是出在雞肉身上。因為，飯本來是無味的，純粹是依賴肉汁和醬料的

開張左咁多日，今日終于興致勃勃咁去試試。之前想食炸醬面非要到尖沙咀或者上環先有，估唔到e+兩步路就可以有得食，仲要系正中韓國人開。等左2x分鐘左右，地方亦都有d幾擠迫。不過老板好好人，識得用廣東話講數目字-唉號碼，收錢等都系廣東話。今日黎試左石鍋拌飯，炸醬面同炒粉絲。最好食我覺得系炸醬面，甜甜地，味道幾好。之后就系粉絲，d料都幾充足。石鍋拌飯ok，不過d牛肉就薄左d。總括黎講，除份量唔夠大之外，味道唔錯。平均每個主食約$50左右，比一般韓國鋪頭平dd。

佢地開張冇耐就去試食, 就食石頭飯我最初以為係港式韓食, 點知係如假包換的正宗韓食老闆係韓國人, 識少少中文, 如果唔識韓文, 都可以同佢地用簡單中文, 英文都冇問題P.S. 個老闆有少少似金正日講開野食, 送來的泡菜好好食, 同我0係韓國食果d冇咩分別唔似得加入港式元素的泡菜, 比d所謂韓食餐廳真係好好多0岩哂我呢個泡菜怪石頭飯都令我好滿意, 夠熱, 配料都好忠於韓式味道, 令我諗起去韓國旅行湯就OK啦, 不過不失而且另一個女待應會主動俾泡菜, 湯, 個service好好. 食哂會問你要唔要今日去食就食炸醬麵都好有水準, 濃濃的醬汁味都幾good係地方細, 坐得迫之外, 各方位都好好

開業第二日就去食啦全部都係韓國人嚟，佢哋都識英文嘅~我哋差唔多十點先去食都仲肯做我哋生意(佢哋收九點半)點咗牛肉石頭飯同海鮮煎餅好有家庭feel，味道唔濃又幾好味個煎餅食落似蛋餅同食完都唔覺得有味精食到十點幾都仲有人去食(星期日只做晚市5:30至9:30)

係第一城有間感覺特色既韓國食店,當然去試吓啦,雖然舖位細細, 坐得好逼, 不過係韓國人開既, 就已經加20分比佢先,叫左1.牛肉石頭煱飯....來到仲係熱辣辣, 炸炸聲既, 好吸引咁, 點知一睇…嘩…d牛肉大風d都吹…好小飯, 小女子食完都唔覺飽 , 老闆再過來加d 辣醬&麻油, 不過整體味道就好普通, 不吃也罷2.炸醬麵...甜甜地, 加左d肉粒同potato粒(又係好小既)…沒有特別3.泡菜燒餅...呢個好d , 可能泡菜味濃, 個餅邊又脆卜卜, 中間餅心就小小煙un,可以一試另外送既有1.蛋白花清湯...d蛋花好...滑既清湯一個2.泡菜...幾ok, 唔係好咸埋單$13x…雖然平均每樣都係$3x至$4x…不過出黎既係咁既水準就…只會講句只此一次!