食客 - 韓食一番地 (已結業)

無任何頭緒情況下，見到啲間韓國野，橫掂未食過，咪試下囉。叫左兩款「美食」，分別47蚊的豬肉石頭窩飯同60蚊的泡菜湯飯。點菜五分鐘後，首先黎到係石頭窩飯，心諗咁快0既，點知係度撈啲飯時，一聲吱吱聲都無，配菜底係白飯，又無汁又無味道，問佢拿豉油，仲要俾麻油我囉（咩料呀），啲下野我忍你。誰不知好戲在後頭，泡菜湯飯黎埋喇，色水怪怪的，個味又唔知想點，夾起面頭舊豆腐，然後下面竟然係腸仔，仲有午餐肉添（天呀！！雖然我唔係韓國人，但我都曾經係梨乜園或金巴利道啲韓國餐廳食過泡菜湯飯丫）。去到啲下，真係接受唔到囉，最終搵條友理論，最型係佢竟然大大聲話自己間野係「正宗韓國食店」同個窩入面咪有泡菜囉，60蚊我唔係俾唔起，但都唔好咁丫，經過一番爭論，佢都肯取消啲款「極品」，60蚊竟然叫我食腸仔餐肉，咪玩啦！！！另外一件搞笑事，見到其他食客的單唔係落漏就係落錯，人手又錯配，負責斟茶竟然落單，落單0既去斟茶，叫外賣的人等左半粒鐘話仲未有。好心佢地關門幾日整理下內部工作先開業啦，若果唔係好快拜拜喇，哈哈。。。

經過幾次, 今晚入左去食晚飯, 叫左 鐵板燒牛肉飯, 微笑拉面(加雞肉), 菜肉餃子, 牛肉紫菜卷. 首先小食黎左一小碟泡菜, 真係唔多掂.跟住d 鐵板燒牛肉未見過係好似水煮咁, 牛肉好多根, 好難咀嚼, 成set 要成 $100, 拉面唔多ok, 菜肉餃子無乜味, 全晚最可以係紫菜卷. 就算半價都唔值.

星期五午飯時間去到竟然唔駛等位心中已暗感奇怪店內的韓國人員工已不復見換來是一堆帶內地口音的服務不週已不在話下食物更是慘不忍睹Order之後很快便上了石頭窩飯飯量和配菜都減少了味道淡了很多要加很多辣醬填補而且因為太快上枱完全沒有飯焦的味道湯麵不是辛辣麵好像車仔麵中的油麵年糕還是未熟菜卻是overcooked湯飯如圖所示清淡到像滾水煮牛肉配料亦十分少如此價錢如此品質難怪沒人排隊

這一家「韓食一番地」，以前可算是沙田第一城的名店，偶爾還聽到朋友們會「慕名」而來。在開店初期，店外人頭湧湧，全是輪侯位子的人。現在店子擴充了，反而水靜河飛，還要加開早餐的時段吸納顧客。早幾天再去吃一次，就知道為何會「愈做愈少客」。擴充後地方大了，但要搭檯的常規不變。位子多了，但依舊迫迫夾夾，食完就要即走。店員愛理不理，你不吃也罷，堅守「搭檯」原則。晚上點了一個石鍋牛肉飯，配泡菜和蛋花湯。石鍋的邊邊，全是破爛的，食具給人感覺實在不好。牛肉只得幾片，以前的牛肉有鮮味帶甜，現在的是無味和好韌。整個飯是依靠麻油和辣醬去調味，吃完整個飯後，你會驚覺自己下了那麼多的醬（！）如果醬下得不夠，其實只是吃白飯而已。這裡已經不是以前的「韓食一番地」（可能是韓藉老闆去了其他分店幫手之故），anyway 冇下次了

之前同老公喺依間食過午餐，不過不失，談不上好吃。適逢端午節假期，專誠去食個晏，大約1：45到達，明明有空位置，卻被安排坐六人枱，我左邊一個不認識的，右邊是我老公，老公對面係另一個陌生人！同個staff提出，但並不受理，無奈地唯有離開。掃慶！依間餐廳收費並不便宜，$70一個石頭飯，無包野飲，質素一般，服務卻如此差劣，點搞呀？如果旁邊無吉枱，我都可接受，明明有都要客人迫迫咁食，唔嬲就假！

吃過牛肉石頭鍋飯，材料豐富，店員會在你面前，用辣醬（其實不辣的）和麻油快速拌勻。牛肉鮮甜，配上惹味醬汁，味道不錯。醬汁佔了很重分數，如果不下醬汁，就像吃白飯了。送的泡菜辣中帶甜，蛋花湯暖暖的，冇料，只係用來濕下口。裝修後店子較大，但仍要搭檯，坐得不舒適。這裡是由韓國夫婦經營的，店員沒有禮貌，店子也沒有韓國的特式。跟梨花園比較，這裡的韓食好像不太正宗添。

今日5:45pm, 便來到此店, 是專程來試的. 不過最終, 都是失望而回!!!叫了石頭鍋飯+牛肉, 送蛋白湯(唔知咩味既蛋白湯) $50, 及牛排湯飯 (係無牛排, 只有兩片肥牛既湯飯) $55只是剛剛開始營業, 但那些侍應生, 知為何, 個個好似唔願做, 叫佢拿豉油, 佢好以唔想拿比我敢.最重要係個石頭鍋飯唔落豉油, 係無味既, 仲有個石頭鍋飯係小得可憐, 而那個石鍋仲好嚇人, 係"又爛又崩"(有圖為証), 我真係覺得好唔掂囉!!! 我真係覺得TST Harbour City, CitySuper港威商場既梨花園好食過呢間好多!!! 梨花園個價錢合理, 而味道又比此店正宗得多, 係好味好多!!!今次係第一次光顧此店, 亦會係最後一次, 肯定無下次!!! 完全沒有誠意做好食物的一間食店, 食具又爛又崩, 食物又貴又垃圾, $105食了一餐完全唔好食既晚餐, 真係浪費!!!

沙田區食到韓國食品既餐廳唔多今次去一番地換左新裝修大左，舒服左，靚左食物都仲keep到水準俾我既感覺係…材料新鮮所以食得到食物既原味，而唔係得個濃味既汁蓋過晒d味而且用料都算足沙田區內算係好ok所以次次食完都覺得好似食左d好健康既野咁唯獨係佢果碟送既 kimchi 好似放左好耐乾晒咁好鍾意食kimchi既我都唔係好想食……

見到D人既食評都好似唔錯甘,就走去試下啦晚上8點幾到,裹面都仲係好多人食緊飯,不過好在有人岩岩俾錢走,甘入去就睇下餐牌,嘩...都唔係話平,一個飯都要$50-60,叫左一個牛肋骨粉絲同一個鰻魚石頭飯,都唔會等好耐,而快子果D都係自己拎既,石頭飯黎左之後會有人黎搞石頭飯就不過不失,無咩特別,又唔會話特別好食啦,只係D份量少左一點點! 甘之後就到牛肋骨粉絲煲,好唔得, 嘩...佢D湯底好甜,甜到太過份,我有點懷疑個廚房有無搞錯到個咸甜呀,之後跟埋個白飯,呢個仲唔得,D飯好硬,硬到好似食緊米甘,仲要食到之後個胃唔舒服!!!! 唉,真係唔會再有下次

路過, 叫左個下午茶, 石頭飯可以配豬牛雞或魷魚 (每款$5).我叫左個魷魚飯.超少魷魚, 都估到, 不過其他配料都算足. 個湯好咸, 愈飲愈口渴...唔算好好食, 但可以一試...

工作路過，午膳。午餐，吸引的係石鍋飯，就要石鍋飯。有幾款餸配搭，豬牛羊魷魚，唔要餸都仲得，平五蚊。要大路，牛肉石鍋飯。石鍋飯標準size，牛肉、生蛋、菜絲、蘿蔔絲、冬菇絲等材料都齊，幾豐富，撈埋辣醬黎食，很不錯，最緊要係辣醬夠辣。而最驚喜係個石鍋夠哂熱，飯不斷都係焦焦地，夠哂香口，唔係果d上枱出哂煙都撈唔到飯焦果d，很好。飯餐跟個湯，蛋花清湯，好咸，飲茶好過。個鍋有d崩，真係要留意。好窄，食完快閃。四十三蚊，不錯的石鍋飯。

前幾日去左食家. 韓食一番地食晚飯，今次叫左韓式燴粉絲、石頭鍋飯 (雞肉) 和吞拿魚紫菜卷。粉絲依然都好食的，但好似縮水了。石頭鍋飯熱辣辣，可隨意加麻油和辣醬，冬天食最岩。不過，份量都係少左... 今次要左吞拿魚紫菜卷，都唔錯，但覺得傳統果隻好食 d。店內依然人頭湧湧，到左八點都仲係好多人等。勁﹗不過，我真係希望佢地唔好再縮水... 感覺差了點。

第一城食店越來越多了。經過一輪大執位，好幾間差劣的都結業；與此同時特色的生意長做長有。這次要介紹的韓國舖，正是正宗韓國人開的，而且老闆一手打理，很受歡迎。去了兩次，都是要石鍋飯，皆因其他的像手卷，韓國辣即食麵和炸醬麵都太普通或者是廉價貨色，吸引唔倒我。第一次去食是未裝修之前，單一個石頭鍋飯索價四十五大洋，還要加五個大洋先有肉食。最近裝修完了，服務好了，環境更加寬廣，價錢反而只需四十三元（連肉食）。講究地道的話，值得一試。石鍋飯分量比和亭的大約多三分一，配料有生雞蛋，野菜，蘿蔔，雞蛋絲，芽菜等配料。店員匆忙地加上韓式辣椒醬和麻油，然後快速攪拌。個人不太喜歡這種作法，一來非人人可以嘗辣，二來這樣做少飯焦，三來個人喜歡將生雞蛋擱在鍋邊，待其半生熟的時候品嘗。豬肉分量實在少得可憐（韓國人健康？），基本上味道的來源是辣醬，麻油和石鍋鑊氣的融合。坦白講，其他配料味淡，好難帶出味道，與其食醬汁拌飯，為甚麼不在家吃？況且，麻油味淡，應該加了大量米油，像我這種麻油怪，加再多亦不能心足。總括來說，味道正宗，但我不是韓國迷，對單調的配搭評價平平。石鍋雖然唔癡鍋，但不夠熱，難以製造飯焦。雖然如此，店子裝修環境

早排裝修左大半個月, 原來係擴充營業. 今日去到仲見返以前個韓國老闆, 即係唔係頂手啦.畢竟以前間舖太窄, 坐位少, 又迫匧, 大部分坐位都係圓凳, 位得好辛苦.而家霸埋隔離個舖位黎做, 闊落左. 由於0的枱凳大張左, 所以實際枱凳數目冇乜多到, 都係要等位.始終都係新裝修, 所以環境都 再講下食物, 由於小弟都算係熟客, 舊有的菜式幾乎都食過晒, 所以第一件事就係睇下個 MENU 有乜唔同左.留意到以往既五花腩飯同豬肉飯冇左, 但多左幾個湯面同湯飯今晚叫左一個牛肉湯飯同一個石頭鍋飯.先講湯飯, 飯同送係分開上, 一兜係送，湯浸住，一兜係飯，係一０的類似珍珠米黐立立既飯，我就幾鐘意，但唔係人人都０岩。湯底都 OK, 0的送都夠淋, 最欣賞係佢湯同人飯分開, 客人可以隨喜好決定將0的飯浸幾耐, 漏耐0的就入味0的. 另一個係石頭鍋夜 一如以往, 店員係會幫你落辣醬同攪勻. 但今次個味日道就跌左 WATT. 0的飯冇乜味, 冇左以往既鑊氣, 就同電飯煲拿出黎果0的冇分別, 0的送都係冇乜味, 結果要落大量辣醬去 "撈", 失去左原有味道 總體來說差過以前少少, 希望只係新開張未適應, 繼

本來係間好好味好有心做嘅韓式食店，D侍應好nice。但裝修後擴充後韓藉老闆唔响沙田舖，新請嘅侍應唔願做無心工作，踢一腳郁一郁，食物黎到無俾筷子餐匙。問佢有咩飲佢懶懶行指指雪櫃話：「自己睇」野食就更失望，由好好味變成難食，真係天淵之別。牛肋骨湯：個湯好似水咁，牛肋骨得兩塊牛仔骨，成碗嘢無味嘅。辣雜錦湯麵：一團糟。唔辣、無味。希望老闆快d改善問題。