食神車仔麵

营业中

休息中

叫左杯熱豆漿 飲左落口先發現係壞嘅 勁酸臭味即刻吐返出嚟 同個員工講完 佢淨係換左杯凍豆漿比我 全程一句唔好意思都無另外其他食物都好一般 咁嘅價錢絕對可以食到更好食嘅車仔麵真心唔會再幫襯🙂‍↔️

話說落大雨，所以想搵間餐廳快啲食野，但店員全程黑口黑面，落單唔耐煩，落單途中諗梗食咩就搶走人哋張紙，好冇禮貌，點可以喺食客手上搶左張落單紙呢？啲野又難食，淨係叫左要兩滴辣汁，好似大辣咁，懷疑係逼食客叫野飲，啲餸好似全部加左糖一樣，未食過咁甜既車仔麵，顛覆我嘅想像😊洗手間不外借俾食客，聲稱廁所塞左，但見到員工自己用廁所，咁好明顯唔想借俾食客啦！途中仲見到叫食客入廚房洗手，真係夠曬乾淨😊絕不再幫襯😊

因為太肚餓，餓到有啲胃痛，見呢間嘢無乜人，諗住入去叫咗個米線，快啲食完快啲走，跟住黎到見上錯咗做油面，同職員反映，佢話拎去換，已經當場話唔緊要啦，跟住佢仲要堅持要拎走，途中已經表達咗4-5次唔駛換，比返我，職員都好有心同笑笑口(唔知係玩嘢定真係好服務態度)咁拎返去換。因為餓到有啲胃痛，平時食開大辣，今次特登叫中辣，職員好擔心咁同我講中辣會好辣，已經同職員講咗我食過大辣，食到辣既，咁職員就好有心咁幫我加咗做大辣。最後真係辣到食唔晒個米線，個胃仲痛過未食嘢添，呢個職員真係好有心呀本身係附近返工，有時收工都會去食，雖然味道真係同其他比唔係咁好，但於我黎講係夠近，不過經過今日之後，真係唔會再去。真係令人唔舒服到要開返個ac，寫出黎比老闆睇，佢請咗個咩人係度做嘢。

這是一間小小的車仔麵店，座位不多，好在我們3:50pm 來到，不是繁忙時間，可以直入旁邊又冇人，可以坐得舒服！這裡規定車仔麵最少選三餸起！如淨餸最少三十五元起！我們兩人各點了3餸，通常每餸有兩個，可以交換食，那就可以變成了有6餸的車仔麵了🤣🤣我們點了蘿蔔、冬菇、時菜、魚皮餃、瑞士鷄翼和蝦卷，一碗選擇了牛腩汁一碗選擇了微辣，兩碗都選粗麵！食後感😋-牛腩汁好好味，個人頂唔順太牛味，但呢個汁完全冇牛嘅騷味，完勝微辣-蘿蔔、冬菇係食車仔麵必點，吸晒啲汁好入味好食🤤瑞士鷄翼都好入味好食💕-時菜、魚皮餃、和蝦卷正常味道好食-兩碗車仔麵加兩杯凍檸茶$100有找👍🏻抵食

星期六既2點係雞地仲諗緊食咩好抬頭一望就見到呢間食神車仔麵未食過就試下舖面唔算大 但都坐得幾舒服幼麵清湯配麻辣汁小辣，素鮑片，龍蝦丸，咖喱齋，麻辣都幾香口唔算好辣👍🏻，素鮑片都幾多片👍🏻龍蝦丸有兩粒，正常冇乜特別。咖喱齋兩舊，平時車仔麵得酸齋多，咖喱都唔錯👍🏻幼麵清湯配麻辣小辣，豬皮，蘿蔔，蟹柳，加底加$6，$6加底抵呀！💖豬皮都多大概5-6塊都幾厚，爽口👍🏻索晒啲湯汁👍🏻蘿蔔超正！必食推薦！！！超淋超入味！堅好食，仲要好大舊！有兩舊！蟹柳兩條正常冇乜特別。杯裝鮮豆漿👍🏻👍🏻👍🏻唔錯總結：抵食！蘿蔔係必食推薦！平平哋可以一試！

夜晚放工時間喺元朗站附近發現到呢間就入去試吓。湯底：唔錯。係濃湯腩汁麵：我揀左粗麵3餸我揀咗：豬腸，牛腩，魚片頭豬腸：係一大舊兼入面係好大舊脂肪既嗰種豬腸。但我會比較鍾意食平時食開細舊啲少啲脂肪嗰種多啲。我會比較鍾意食細舊嗰種既口感。不過豬腸入面都係洗得乾淨既。牛腩：醃得都幾入味，肥瘦適中。易嚼魚片頭：味道冇咩特別。個辣汁：小辣都辣到食得辣既我有啲頂唔順，要即飲可樂。點解小辣都辣到咁誇張既。太重手了。呢個組合女仔食都夠飽。但餸料份量唔算好多，亦唔算好特別，性價比一般。服務態度都ok,員工都nice.

老實講雖然自己唔係話十分好車仔麵，但係尚識得分乜嘢叫做好食唔好食，呢間老實講，真係好食過Wan Chai明X、Wan Chai雄X、元朗永X。呢日咁岩經過，本來諗住去YOHO行街，但唔想食商場嘢，咁岩經過呢間嘢就入去試吓，叫咗個淨餸：牛坑腩、牛筋、豆卜、滷水蛋、臺式腩肉。牛坑腩大大嚿啖啖肉，牛筋算乾淨，豆卜大大嚿有三粒，臺式腩肉分量算多，滷水蛋係溏心。環境亦算乾淨（一定乾淨過灣仔明X）男侍應應該係老闆？態度服務幾nice！性價比幾高，值得再幫襯！

第一次去感覺服務態度真的麻麻👎🏻👎🏻鋪頭沒有太多客人，打算隨便坐，點知有個員工喝我坐第二邊🙀又要指定叫三餸限制多多應該不會再去😡😡元朗應該有其他的車仔面

第一次食，甘岩經過舖面好似唔錯。行入去感覺都唔差，碗米粉來到湯底好似好濃但食落竟然無乜味味😭😭最大問題係疫情嚴重但員工有6個3個都唔戴口罩真係搞唔掂！！！下次未必會再幫襯啦！甘既價錢出面通街都有

味道：湯底ok，算好味份量：勁少，個麵夾三下食完，三餸叫牛丸、花枝丸、牛柏葉。牛丸花枝丸各兩粒，牛柏葉兩嚿仔，擦膠都大粒過佢。環境：唔算太逼，但唔係闊，乾淨程度一般，不過其實間間車仔麵店都係一般。結論：無錯！份量係最嚴重問題。如果呢個份量，食3碗先有飽感，但一碗要$50，所以覺得唔抵食。另外，其實啲食材質素都係麻麻，牛柏葉細嚿得嚟有啲厚，難𡁻！花枝丸食落味道唔似花枝丸，我第一個反應以為自己叫錯食物。又不過！公平講句，個湯底係可以的。

聖誕節周圍都好多人食野，見到呢間舖細細但唔洗等好耐，男朋友又話佢開舖果時食過好食，就試下 佢有招牌香辣同麻辣汁，我地一人試一個，仲有牛腩汁做湯底。個麵黎到，賣相唔錯，個汁睇落好濃 但飲落竟然無咩味，加埋辣汁，我地兩個麵只係食到辣味，但牛腩同雞翼就幾好食。本來仲諗緊滷汁會唔會好味d，轉頭望一望廚房，原來入面3個人 有兩個都張個口罩拉左落下巴，抖下氣都算啦，直到我食哂成碗麵，佢地都無拉過個口罩上去🙂疫情其間，做樣都唔做，野食又唔特別好食，無下次

我成日好鍾意食依間車仔麵 , 自從疫情之後 , 我就轉買外賣 , 通常外賣麵類你唔會去特別打開個外賣盒 , 睇吓佢會否畀啱D食物你架嘛！第一次我買外賣 , 明明我叫完啲餸要麻辣汁大辣加牛腩汁 , 要一罐可樂 , 出到嚟佢無畀可樂我 , 都算~可能唔記得!咁我提一提話係加咗罐可樂 , 咁個員工畀反罐我~返到屋企麵既麻辣汁變咗咖哩汁囉! 第二次我再去買同樣我又係要麻辣汁大辣加牛腩汁又係可樂 , 點知又係唔畀可樂我囉~ 又係要我提話加咗罐可樂~碗麵仲衰~今次佢連麻辣汁都唔加畀我~仲要收咗我一蚊麻辣汁既錢🤬

吃過好多車仔麵，覺得吃神最好吃，可能係個人口味。最愛麻辣燙蘿蔔同豬皮，不過魚蛋同豬紅就麻麻地。坐位有時因為人多會坐得逼一啲，不過老板都會好小心安排。而家搬離左元朗，不過如果下吃去元朗一定會再食。

有個好先天嘅缺點就係間舖面太細， 但又擺滿曬枱， 簡直連入去坐都冇位， 轉過身轉條腰都轉唔到。佢個價位其實都唔係平， 最少要叫三個餸， 圍埋都40幾50蚊。 蘿蔔係甜嘅， 應該有畀糖水或者湯浸。 但係牛腩有少少硬， 同埋啲餸其實都唔係話畀得特別多， 除咗白蘿蔔好慷慨。 啲生麵幼麵 同深水埗嗰啲麵舖畀都係差一截。 不過你可以見到佢嘅裝修盡量想畀一種以前舊香港感覺。簡單嚟講係一間好普通冇乜特別嘅車仔麵， 分量味道都係中規中矩， 食完即刻走人嗰啲。

近期天清氣朗，諗住去元朗下白泥親親大自然，去得元朗點會唔搵啲好野食？行入雞地就見到呢間食神車仔麵，諗住輕鬆食個麵再踩單車，咁就試下啦！入到去環境都幾乾淨，點餐同其他車仔麵一樣都係用劃紙仔。每次去食車仔麵都必點炆冬菇同蘿白，順便叫左好耐無食嘅雞翼。當日冇乜人等緊，所以好快就出到餐！食過好多唔同嘅車仔麵，有啲鋪頭嘅冬菇同蘿白可以整到又無味又有渣，不過呢間整得幾唔錯，食得出有用心去整！蘿白幾鮮甜、爽口，冬菇炆得夠味、夠淋，湯頭都幾鮮甜，冇話食到好味精，雞翼味道不過不失。整體性價比滿分10分我會俾7分，因為呢個價錢黎講食得有用心機整嘅餸已經唔錯！如果想平平地食個車仔麵絕對會簡呢間。