食神車仔麵

营业中

休息中

星期六下晝一點，鋪頭外都有人叫外賣，室內就坐唔滿。個名改到咁勁，又近屋企，所以叫左兩個車仔麵外賣。原本打算叫兩個餸+麵，但原來最少要三餸+麵底，埋單平均$40左右。兩個麵total6個餸。oder左一個粗麵，一個河粉。時菜，牛坑腩x2，魯肉，豬腸，牛筋。個魯肉顏色白side side, 見到已經無乜胃口，再加埋成塊豬皮都係毛（驚）！搞錯，依家出面食豬肉真係好少仲會有豬毛，仲要咁多！所謂牛坑腩硬+乾；牛筋正常但唔係好食；食車仔麵，最期待個豬腸，但豬腸又硬又干，超級失望！睇怕好快會見唔到呢間「食神」。

今日落雨，經過舖頭門口，知佢新開又叫食神，即刻諗起周星星套戲，咁就入去試一試，二來避下雨。入去見到點餸紙咁貴就開始對佢質素有期待。我點了牛腩，瑞士雞翼，腸仔幼麵。+汽水。（$50）食物來了後賣相已經令我失望，腸仔浸到白化，本來睇相紅紅色的瑞士雞翼變左浸淋哂嘅魯水雞翼，牛腩就更加咬好耐都吞吾落。真係我食咁耐野最大落差嘅一次。我一定吾會再去。

見新開張便走進去試試, 竟然比我發現新大陸, 即時决定尼間車仔麵將會係我經常幚襯的食市。 我午飯時間去食, 因為一個人好快就有位。雖然午飯時間比較忙, 但店員都沒有催促我落單, 欣勤地给我一杯水再細心介紹那張詳細的歺單。我最後点了個牛腩、魚旦、蘿白米粉。 不消五分鐘便大大碗送上, 賣相還很精美, 三個餸都排得整整齊齊, 柱候香樸鼻, 牛腩是用坑腩, 肥瘦適中, 忍不住要先食, 之後就試試魚旦, 食完一粒後不禁覺得自己好幸運, 選擇非常正確! 我点的是潮州魚旦, 吃魚旦, 爽口彈牙是基本要求, 但尼間嘅魚旦就多了份魚香, 絶对不是求其一個街市可買到果種, 必然要再吃! 仲有白蘿蔔同米粉，我可以肯定入貨果位是花了不少心机同時間去選材的。今時今日, 真的非常難得連車仔麵都制作得如此認真。 希望老闆能夠继續維持果份心機去經營尼間非一般的車仔麵。

今日同姊妹去左元朗Y0H0 shopping,喺商塲無野啱食,姊妹提意行去B仔果邊搵野食，一落天橋我已被食神呢個招牌吸引住，原來係新開車仔麵，就入去試吓，坐低望吓張order紙，都幾多餸選擇，我哋一人叫咗一碗麵，湯底唔錯，幾夠味，姊妹嗰碗加咗辣汁，佢話夠香辣，講返啲餸，豬大腸炆得好淋，咖哩魷魚好入味，（太喉急，唔記得影相）之後唔夠飽，再叫咗碟浄牛腩，呢個最驚喜，又夠淋又夠味，都值80分，唯一美中不足係杯涷奶茶唔夠茶味

早排入元朗行街，比我發現有間環境舒適又整潔嘅車仔麵🍜！我一坐低佢哋啲員工非常有禮問我食咩，佢哋仲介紹我食佢哋最馳名嘅豬手及瑞士雞翼，本人最喜歡食豬手，但發現佢哋嘅豬手比我喺其他店還好食。因為咬落去比較旦牙爽口😍😍，瑞士雞翼非常入味😋，還有喜歡食佢哋豬皮及冬菇，價錢比我想像中平！之後我一星期後再幫襯，佢哋員工都仲記得我，我好開心呀！🤗🤗🤗今時今日佢哋嘅服務態度真係少有，所以以後我再入元朗必定幫襯呢間車仔麵，因為稱得上平、靚、正！👍🏻👍🏻👍🏻