食記餐廳

营业中

休息中

食記係由細食到大既小店，住鴨脷洲既人一定知道。雖然環境衛生一定係麻麻地，無冷氣，坐街邊，對住馬路，開左只少廿年應該都無裝過修，但鍾意食既人就係鍾意呢種風味。食記主打賣魚肉(可揀魚肉翅, 生菜魚肉同淨魚肉)，三樣同樣價錢，淨魚肉係一碗夠哂飽。魚肉彈牙夠味，湯底有大量豬肉同豬骨，一定要試。另外食記D炸物都好好食，一定係萬年油DFRIEND，出街食炸野都一定係，只係佢會比你見到咁解，怕污糟就唔好去勒，推薦炸燒賣同麥樂雞，亦有懷舊小食炸油池。本人亦十分推薦煎腸粉，要老版娘炒既先好食。店舖多人食既仲有炒面同炒米粉，份量十分，糖水及粥品也不錯的。

食記由細食到大，絕對係我嘅童年回憶。雖然已經搬離咗香港仔，但週不時都會專登返鴨脷洲大街食呢到嘅魚肉碗仔翅，懷緬一番。簡單一碗魚肉，可選剩魚肉，生菜魚肉同魚肉碗仔翅。另外有分大碗，細碗魚肉，大同細價錢都只不過相差一蚊。另外我最鐘意食呢到嘅炸魚蛋同炸魚肉燒賣，魚蛋細細粒，炸完之後韌韌地，口感唔錯。如果唔係香港仔人可能會覺得呢間食記好普通，坐得又唔舒服，又唔衞生。但對於係到長大嘅香港仔人嚟講呢到係一個回憶。

嚟咗香港仔返工冇幾耐就已經聽聞過鴨脷洲有一間好出名嘅小食店，今日同事專程去買，我就立刻搭單叫佢買外賣買埋我嗰份。先講個份量，我係叫淨魚肉，啲魚肉係塞滿晒成個外賣碗，份量超級多。魚肉肉質非常之彈牙，彈牙嘅程度及得上魚蛋，鯪魚肉只有落香蔥，冇落果皮，但係蔥花唔算太多，所以唔食蔥嘅朋友應該都唔會有太大問題。值得一讚嘅係靚魚肉入面半條魚骨都冇，真係做到啖啖肉，絕對係大快朵頤。湯底方面，用上鮮魚湯做湯底，飲落非常鮮甜，而且似乎冇落味精，因為食完都唔會頸渴，我仲飲晒成碗添。你得香港仔鴨脷洲，一定要試試呢一間小店，絕對會為你帶來驚喜。

去鴨脷洲玩，看到這家小店竟然這麼多人惠顧，那一定要試一試，一碗豆腐花，滑嫩，不算很膩，炸蕃薯唔算太好，不太潤，炸雞翼味道還算唔錯，小店並非吃的味道而是那種人情味

由細食到大嘅食記，最出名就係生菜魚肉、淨魚肉、魚肉翅，另外都有好多人食炒麵或者炒米粉，炸雞髀、炸麥樂雞、炸魚旦、炸燒賣等等。今次食咗魚肉翅，雖然佢個碗仔翅係冇冬菇同埋木耳，但有魚肉都好足夠。佢嗰度冇冷氣，所以通常都係食外賣，如果夏天食好似焗桑拿咁😂😂唔怕熱可以去😂😂外買左兩碗返屋企，通常都會要晒胡椒粉、麻油同埋醋，不過呢啲好個人口味，但冇乜preference既話建議你要哂。$22一碗，外賣盒計左$1落去，下午茶既話係唔錯既選擇。

過去，我與鴨脷洲幾次離離合合。今天，飄洋過海來看你；老實巴交的小島，變得紅塵滾滾；處處陌生。食記，一生都會記得的食肆，雖然不發跡；卻比珍寶撐得住。今天的你還好嗎？給我來碗兩溝，“多醋多胡椒粉多些再多些“，你從不介意。食記由小吃攤開始，那是我放學'篤魚蛋'的懵懂歲月。口渴會吃碗芝麻糊；肚餓會食碟炒油麵…校服未換，我拿著沉甸甸的書包便來報到。一直喜歡吃兩溝（$22）。魚肉舀成一小块，放入高湯中灼熟，本身已非常好吃，味新鮮；肉結實。碗仔翅則材料豐富，不稀不稠，加入香噴噴的調味料，多種味道一下子在口腔內發作，每一個味蕾，都在享受著極致的滋味，戀戀不捨的神經在回應，才不羨慕人家吃甚麼龍肉、天九翅。還有芝麻糊，黑乎乎的帶些許芝麻香，很稠，很甜，是真心的好味道。一大碗才賣$16，真正街坊價。這些年來，小店依舊哪麽不修邊幅，完全沒裝修且欠缺執拾。掌店的面孔生澀，是第幾代的老細？沒有過多的禮貌；卻有足夠的效率，說聲：“22蚊！“小店的小食能賣的都賣，掙生活的勁兒並未衰老。

[🍡街頭小食🍡] 食記餐店/一間位於南區鴨脷洲嘅街邊小食店，開正喺大馬路旁🚕，店舖係開放式，冇冷氣🔥，座位少，空間較窄，有部分座位要擺喺街邊，有種傳統大排檔嘅感覺。有人覺得坐得好唔舒服，環境污糟💨；亦有人覺得咁先係特色，係街邊食野有別一番風味。不過快快食完小食嘅我，當然唔介意呢種環境啦🤷🏻‍♀️！/生菜魚肉 🥬 ($20)碗仔翅魚肉 🐟 ($20)-首先會講下魚肉，呢間店舖嘅魚肉做法係全港獨一無二，一般街舖嘅做法係用鯪魚肉切條，一係帶腥，一係有陳皮味，拎嚟煮粉/做餸就OK，做小食入面嘅主食就唔太吸引☹️。 而呢到嘅魚肉，係用咗鮮魚溝入麵粉，搞拌後再切條而成，然後放入熱湯煮熟。望落晶凝通透，口感軟滑、爽口、彈牙🦷，非常有趣味。而且麵粉比例得宜，食落唔會太漿或太粉。另外，鴨脷洲本身係漁民區🎣，要拎到鮮魚做原料其實唔難，所以呢種魚肉食落帶鮮甜味，冇半點腥味，成個Package係出面複製唔到。而魚肉份量好多，堆滿成隻碗，做下午茶就啱啱好，但對於細食嘅人可以做正餐。要注意魚肉入面撈咗少許蔥粒，唔食蔥嘅朋友就未必鐘意食呢個。-魚肉的確令人耳目一新，但不得不讚嘅係生菜魚肉個湯底🍲。湯底用咗魚湯，雖有加味

🐾 食記餐店 (鴨脷洲) 🐾-魚肉碗仔翅✔️-魚肉唔係用鯪魚肉整，好彈牙好好食，好有魚味，配埋碗仔翅食真係一流，同碗仔翅好夾，碗仔翅唔稀，加醋好食好多，正！———————————————(非專業,完全跟據個人口味☺)食物:8/10環境:5/10服務:6/10人均消費:20———————————————▪店舖名稱: 食記餐店 (鴨脷洲)▪店舖地址:🔸 鴨脷洲鴨脷洲大街42號舖-----------------------

無論住喺附近定係遙遠嘅你，一定要來試呢一間精彩嘅小食店。佢個位置就係一個轉角位，一間小規模嘅小食店，環境一般，我哋嘅目的係食佢嘅味道。佢呢度最出名嘅係山菜魚肉。而我今次嚟到就嗌左一碗生菜魚肉碗仔翅、一個炸燒賣同埋兩隻炸雞翼。我平時都唔太鍾意食魚肉 但係嚟到呢一間，竟然比我食晒成碗魚肉，佢嘅魚肉係新鮮整嘅，而且爽口彈牙，喺出邊一定唔到咁好食。而我要讚一讚呢度嘅炸雞翼，亦都係出邊食唔到，因為呢度用嘅炸粉同出邊嘅唔同。呢度嘅炸粉炸出嚟會比較脆，而且味道一流，而且嚟到嘅時候都見到已經有好多人排隊買外賣或者堂食，果然係一間名副其實嘅食記。

喺南區住咗10年都唔知道原來有一間咁好味嘅小店，最近睇好多朋友介紹於是今日膽粗粗帶埋囡囡嚟試食，我叫咗個生菜魚肉同埋炸魚肉燒賣，真係不但好味而且有驚喜，啲生菜魚肉真係好好味好足料，好有我兒時食嘅味道。而我第一次食炸魚肉燒賣，炸了之後就沒有了平時粘粘的感覺，反而有了香口的外皮而有擁有軟軟的內涵。很值得推薦，我是堂食的見到附近很多人吃兩溝，下次也可以試試囉！不過炎熱的夏天就只有風扇，好彩今天天氣很合宜呢

大鄉里又去新地方啦…今次黎到鴨脷洲，試吓佢啲地道小食先生菜魚肉 📍$19見到好多人叫，一於跟住叫先~ 真係好好食喎，唔怪得之咁多人啦…好彈牙，連個湯都好香濃炸燒賣 📍$7佢地無傳統蒸燒賣架，只係得炸燒賣，即叫即炸。幾特別... 外層脆脆地，入面就好似平時啲燒賣咁碗仔翅 📍$15好足料，好黏身, 加少少醋可以更加提升佢嘅味道。不過夏天坐戶外食實在太熱，越食越熱煎腸粉 📍$14都ok滑身嘅腸粉，不過就無咩特別啦

Fresh first paste is their signature must-try🤤 three choices : 1) 淨魚肉 plain fish paste, 2) 翅肉 faux shark fin soup mix fish paste and 3) 生菜魚肉 fish paste with fresh lettuceTraditional fried snacks like 油池(炸蘿蔔絲餅) radish slices cake, 燒賣siu mai, fishball, dough sticks, three stuffed treasures are famous.No air-con, tight seats and sometimes can be hot to eat there, but still packed with foodie!

🎎由細食到大既味道 貼地小食店💈相信南區人對於食記一定唔陌生 私心地我都諗左好耐 到底要唔要分享好(＞人＜;)因為平時去已經好多人食 冇乜位坐ಥ_ಥ今次我都係食外賣既hahaha🥡▫️生菜魚肉可以揀淨魚肉 生菜魚肉 又或者係碗仔翅溝魚肉(兩溝) 份量適中 唔會話好細碗 魚肉比較粗身 不過我認為就唔好預期會好有魚味 但係我心目中理想既魚肉質地 大約就係咁同埋真係好彈牙😻▫️炸燒賣絕對係我最中意既小食 無論去到邊都要食💕依然係脆卜卜 加甜或辣醬食都好食😛食既並唔係味道 而係人情味 希望小店可以一直維持落去 ‼️📍食記餐店 鴨脷洲鴨脷洲大街42號舖#eatwifcathy_鴨脷洲#eatwifcathy_港式

老一輩叫法，以前小販檔經常見到，而家我淨係喺食記見到炸蛋，即炸魚蛋，非常普通的小食，但全街而家只有咖哩魚蛋。而家魚蛋已進化，比以前足料好多，所以上枱後唔會收縮好多。燒賣只係見佢炸得好靚所以叫埋，唔係懷舊食物黎嫁！

來到鴨脷洲梗係幫襯 街坊一致讚好嘅食記啦上網睇食記喺呢一區出名性價比高 今次我哋就試一試佢嘅生菜魚肉首先 生菜同埋魚肉嘅比例做得非常好 魚肉同埋生菜比例大概係三比二而且魚肉嘅份量非常多 每一條都係大大粒食落去 煙韌彈牙 再配上麻油 胡椒粉等等更加提升到成個魚肉嘅味道值得推介！