飯飯包掂 (已結業)

入粉嶺探完朋友見到呢間新開嘅黃店晚市有打邊爐食！見有好耐未食過嘅酸菜魚，一於入去試一試😋2個人叫咗一條酸菜魚，黎到份量都幾多！本身已經有晒豆卜，芽菜，魚佢係用咗鯇魚，食落都好滑，冇骨同埋一定要有嘅薯粉佢嘅薯粉唔會係嗰種煙un到咬唔開嘅，啱啱好開頭朋友怕太辣，叫咗小辣覺得可以再辣啲，叫佢加辣送上嚟嘅辣椒炒過後非常之香加咗落湯底令味道提升咗！食得辣野當然唔少得叫嘢飲啦本身想叫啤酒，不過第二日要早起就叫咗菊花茶，黎到係大大杯$20真係好抵員工非常之nice同helpful晚市打邊爐Lunch同tea time係食其他嘢，價錢更吸引可以一試😋

最近同朋友咁啱去到粉嶺附近，念住搵野醫下個肚嘅時候！🤤咁啱就比我見到有間幾開揚嘅餐廳！見到佢嘅野食選擇好多😆跟住佢就好成功咁樣吸引左我入去🤣.入到去坐低左， 啲位都闊落舒服嘅！仲有啲打卡位！所以都幾啱鐘意集郵嘅朋友👍📸野食方面！我個日就比較肚餓！所以就叫左餐廳其中一個王牌！超級鐵板雜扒！呢個雜扒真係超級大份！豬牛雞基本有齊！仲要有埋司華力腸同煎蛋配飯同意粉都得！加埋薯條！真係滿足晒各方面嘅要求😙😙 啲扒仲要煎得好香口，黎食嘅朋友一定唔可以錯過！！！！另外呢！我朋友就相對細食！所以呢佢就揀左個芝士燒牛肉溫泉蛋焗飯🐮！一上菜個下就已經見到個石鍋好夠熱！！！聽到啲滋滋聲！！已經搞到我個fd流晒口水！撈好個飯之後， 一食落去就已經食到好香嘅燒汁味🤤🤤仲配埋牛肉！呢個組合真係冇得輸！將啲芝土同啲汁呀牛肉呀撈埋飯食！OMG! 每一淡嘅回味真係冇得頂！有興趣嘅朋友記得一定要去試下喇😉

飯飯包掂午餐就食得多🍔🥘晚飯時間食咩㗎呢？原來係高佬拿手 #酸菜魚 🐟北區之友一定知飯飯當年喺天平嗰邊晚飯有酸菜魚搬咗嚟聯和墟風味不減而且仲可以堂食有啤酒汽水等等🍺再加埋幅綠草如茵牆🌿🌱🍀☘️無敵啦！講返個酸菜魚一定係二人以上嘅份量⤴️超多魚片，冇骨唔洗左挑右挑個湯底真係又酸又麻辣就推薦小辣以上🔥一路食一路發掘到好足料！其他配料有日式腐皮豆卜雲耳芽茶等等鍾意可以加其他料添至於囍逸呢個場抽風同冷氣係差唔關店舖本身事食邊間都一樣希望業主正視聽搞搞佢抵食 💛💛💛好食 💛💛💛💛返兜 💛💛💛💛

山長水遠入黎粉嶺就係為咗試呢間烤魚，果然沒有令人失望！烤魚一擺上枱就見到好大條！外皮煎到有少少脆，入口自然冇咁油膩，魚肉好嫩滑唔鞋口，而且冇腥味。我地嗌咗中辣，見到面頭有唔少乾辣椒同花椒，所以辣度都好夠👍🏻配菜種類好豐富，有豆腐、豬紅、薯粉、金菇、腐皮、木耳等等，小編最中意豆腐同薯粉，索咗湯汁之後好夠味😋再加埋咁大條魚，兩個人食到好飽都食唔曬🤣不得不提店員嘅態度非常友善，主動問我地味道夠唔夠，仲比埋調味料我地自己落，又幫手加湯，好關注客人嘅需要😄呢度有得嗌凍豆漿，甜度適中，應該係自家製，凍冰冰解辣一流！飯飯包掂📍粉嶺和豐街28號囍逸地下G03B號舖

非常Fusion既一間餐廳🤤午餐係韓式下午茶係西式晚餐係中式非常佩服老闆既創意👍🏻試試佢地既午餐先 望完餐牌覺得性價比好高午餐$58-$88 包一杯野飲 野飲半自助非常唔錯🍻可以自己出去出面斟😆🍝芝士部隊鍋辛拉麵呢個真係100%推薦 💯💯💯足料大份夠開胃 食完下一次絕對會回頭🍚雜扒鐵扒飯上餐比個份量嚇親 實在太大份😅推薦呢個腸仔 絕對不是茶餐廳既普通廚師腸🌭薯條亦都非常新鮮🍟#粉嶺美食 #飯飯包掂

一入到去就見到環境好企理好靚✨坐落就發現有啲好靚嘅“香港加油“小巴牌可以打卡影相😍而老闆都好好人，會逐一介紹佢地嘅招牌食物俾我同我男朋友👏🏼抵讚我地叫咗招牌嘅雜扒餐（＄88），果然好多材料，好豐富，絕對物超所值🤑有牛漢堡、豬扒、雞扒、火腿、雞蛋、薯條、梛菜……仲包埋飯OR意粉，大大份夠哂飽肚，男朋友食都話好足料🥰豬扒好大塊，好juicy，一啲都唔乾。雞扒同樣做到好多肉汁，亦都好嫩滑✨薯條係即叫即炸，脆卜卜又夠哂新鮮。牛漢堡係我認為最最最好食嘅一樣嘢，好足料又夠牛味，手打漢堡夠厚身，肉同脂肪比例好完美。咁我就叫咗手足武士漢堡（＄30＋＄20轉套餐），轉咗套餐就有埋嘢飲同埋薯條，即叫即整好新鮮，漢堡入面豬柳肉同煎蛋都好厚，而且照燒汁好夠，唔會好乾🙈豬柳都好厚，本身又夠肉汁又好食。漢堡包輕微烘過，有啲脆口又唔會好燶，食落份量都好足夠❤️ 整體來說嘢食又好食，裝潢亦都好靚，員工老闆態度都好好💛💛💛會想去食多一次嘅店舖

很少裝修結合多種元素於一身的食店。給人很清新的寧靜舒適感。令你食嘢之餘，能帶動你去感受身邊你所擁有的，你所值得欣賞的事情。在店內亦有能令你放鬆心情，心靈放鬆的音樂。如你除注重吃之外，也注重自己心靈的話，這一間“飯飯包掂”一定是你最好的選擇🙂

難得今日放早，就梗同男朋友拍拖行街。朋友介紹粉嶺有間新開嘅黃店個lunch好出色，但我地行完街已經食晚市，所以就試唔到個lunch。上次朋友食lunch選擇好多，有石頭鍋飯、鐵板餐、焗飯、意粉等等。人均$50包野飲，真係好抵。tea set仲有雞肶、魚柳包同熱狗好多選擇，仲唔使加一，真係好吸引。我哋晚市就主打酸菜魚、雞煲、烤魚同胡椒豬肚雞四款主食，另外仲有火鍋配料可以加。我就揀左酸菜魚小辣。酸菜魚嘅魚片係鯇魚片，配料有豆卜、木耳，仲有好少見嘅油揚。店員仲好細心咁問我哋湯底夠唔夠酸、辣，如果唔夠可以隨時同佢講，咁貼心嘅服務邊度搵！先講個魚片，肉質好嫩，而且厚薄適中，太簿會一夾就斷，太厚又唔入果，呢個size就啱啱好！以為鯇魚片煮耐左會散唔好食，佢份量實在太多，食左半個鐘都仲未食晒啲魚，食到後期肉質依然鮮嫩。配料方面，木耳爽口酸中帶麻，豆卜就嗦曬湯底嘅味，薯粉煙韌有咬口，又夠酸，愈食愈好食。另外仲叫左菊花茶，但係用Hoegaarden杯上。

🙄成日行過都無位，今日終於食到喇✌🏻魚柳包加20蚊升級做套餐牽牽成日話要試下魚柳包，我見有double同單層揀，佢話單層夠喇😅睇牽牽食到一臉滿足就知好味😋魚柳香脆同醬汁、麵包好夾，加埋炸得脆卜卜既曲曲薯條，媽咪表示唔好飲汽水🤣所以幫仔揀左豆漿，諗諗下食熱氣野應該同汽水夾啲🤣三萬完蛋卷呢個我超級鍾意，明明好飽但都食晒🤣我係蛋控，呢個蛋卷本身整得好juicy入面仲要有鰻魚，又係我最愛，食得好滿足，好味😋真係好好味，仲幾飽肚。芝士豬軟骨溫泉蛋鍋飯 一上檯已香噴噴，溫泉蛋加芝士拉線牽牽食到啖啖滿足🤣豬軟骨夠淋、汁香撈飯一流最開心係石鍋既熱度令到底部有脆脆飯焦，豬軟骨既汁加脆脆飯焦好夾，都未走，牽牽已經話要再黎😌牽牽夜晚係咁話要同爸爸再去，佢話食得好開心🥳連日記都寫埋😅搵晚要再黎試下酸菜魚先😋

好耐冇去聯和墟，同朋友去逛逛之餘，諗住搵個特色嘅健康餐廳，一向注重健康嘅我，突然見到呢區最新嘅地標「囍逸」有間用好多綠色植物佈置嘅餐廳，即刻同朋友入去睇睇。到咗餐廳之後，一位熱情嘅店員帶咗我哋去一個兩邊都係落地大玻璃同埋個景最靚嘅單邊位，可能睇落知道我哋鍾意影相打卡掛。😅😆坐低之後，我就問其中一位店員有啲乜嘢招牌菜推介，佢話最多人食就係酸菜魚，我問要唔要叫其他小菜，佢話一味已經夠曬啦！另外問我哋要大、中、定係小辣，我同我朋友話怕太辣，所以店員就建議我哋叫小辣，如果唔夠辣可以後加。 仲要一提嘅係，所有店員都出乎意料之外嘅極度友善，我個朋友唔係好識講中文，我行去洗手間之後，個店員叫我朋友教佢講唔同配菜嘅英文，氹得我朋友好開心。酸菜魚真係好大盤好足料，有冇骨魚片、大豆芽、雲耳、薯粉、豆腐卜、酸菜、支竹、辣椒、原粒胡椒、同魚湯等等，另外可以好似食火鍋一樣，加配自己鍾意嘅配菜，份量真係好大，如果淨係叫酸菜魚唔叫其他嘅嘢食，以我嘅胃口都已經夠四、五個人吃， 魚肉超多，本來以為淨係面嗰層係魚肉，點知撈極都有好多魚肉，個人口味而言，非常之鍾意食薯粉，覺得好健康，加上黑木耳有好多骨膠原，同埋魚湯湯底魚味

飯飯包掂位於粉嶺和豐街28號囍逸地下G03B號舖，之前Lunch 已經黎食過，覺得唔錯，今日同老公黎食晚飯。餐廳晚市主打開心酸菜魚、龍發雞煲、麻辣烤魚，另外亦可加配火鍋配料。除左堂食，雞煲、酸菜魚、烤魚都可以外賣返屋企。我地點了龍發雞煲，一上枱雞煲香氣撲鼻，雞煲足夠2-3人食，雞件夠滑沒有雪藏味，雞件吸晒汁好入味，配埋洋蒽一齊食香濃惹味。利賓立味道不太甜，好岩我地飲。以到既服務態度好好，侍應好貼心。