飲嘢 (已結業)

朋友說她偶爾會來這裡吃芋圓這次吃完晚飯後，她就帶了我來這裡試試～～她點了自己最愛吃的芋圓椰汁西米紫米露而我就選了芋圓珍珠紅豆薏米糖水(椰奶底)芋圓珍珠紅豆薏米糖水，有三款糖水底可選，分別是牛奶﹑椰奶及薑汁配料就是珍珠﹑紅豆﹑薏米﹑芋圓﹑紫薯圓及地瓜圓賣相尚算美觀～～珍珠的size不會太大粒，微甜且煙煙韌韌的，不會過生或煮得過稔紅豆綿密不會好硬身，薏米清甜，份量足夠芋圓﹑紫薯圓及地瓜圓的質感煙韌，芋圓的味道比較淡，不太有芋頭味反而地瓜圓的蕃薯味較突出～～！！椰奶的椰味好香，但因每樣食材的味道都淡，所以令整體的味道好獨立～芋圓椰汁西米紫米露，同樣有芋圓﹑紫薯圓及地瓜圓另外的配料是西米﹑紫米及椰汁糕椰汁紫米露的味道調得好好，有椰汁香而又不會過甜！椰汁糕滑溜，而且椰汁味濃郁整體的味道比起芋圓珍珠紅豆薏米糖水好吃！！每一口都帶有紫米露的香甜！混和得很好～～總的來說，是芋圓椰汁西米紫米露的出現而給予笑臉因整碗糖水的味道協調得很好！

今日買左 芋圓1號外賣，返到屋企開開心心食甜品，點知入面啲珍珠未煮熟， 硬到食唔到 ，已經唔係第一次上個星期買番嚟啲珍珠都係未熟當日已經打電話同店員投訴，店員話會改善點之一星期後再買都係咁樣 ，極度失望

十幾年冇入過大埔 ，見今日好天 朝早去左街市果邊食野。 食完周圍行，口渴。見到呢間飲野就坐低入去飲杯野。 入面裝修簡約，好多學生坐低飲野傾計 氣氛唔錯， 門口有位泊車。望左餐牌一陣，決定叫呢杯符碌茶（水果四季春），叫左小甜都仲係好甜。 係行到身水身汗既時候飲返咁大杯既凍飲係爽既。隔離台坐住四個女士飲熱花茶同係度有說有笑，享受佢地既下午茶。呢度係幾岩坐底 休息下 同三五知己分享返過去幾星期發生既事😝都可以黎試下呀！

以前經常外賣仙草芋圓一至六号，足料非常好有囗感，椰奶香滑加上芋圓彈牙有口感，前幾晚飯後想吃甜品，便再外買芋圓一号二号，回家後，發覺椰水多個芋圓，成碗水浸，芋圓料又愈來愈少，成碗變咗半桶水，只是飲水落肚，同樓面講過，可能將貨就價，就決定不再幫襯，可惜！

上面呢幅 係奶蓋茶既奶蓋 好厚 咸咸的 要連埋d茶一齊飲先夾而下面呢幅 就係我地叫既三杯奶蓋飲品 一杯係綠茶奶蓋 一杯係朱古力奶蓋 另一杯係烏龍茶奶蓋 最清既係烏龍茶奶蓋 其餘兩杯係飲到好飽既感覺 但綠茶都算濃 朱古力可以再濃d 但價錢算相宜 但地方唔算大 因爲多人等又要翻桌 未必可以坐太耐

portion size is quite small for the price. taste is passable, not great.service is crap. waitress did not know anything. next table had different set of menu from us, thus, they were able to order different food from us.we had to go up to counter to pay first? but i see the next table had a bill instead of paying first.the drinks were ok. definitely not recommended for food.

叫左個仙草芋圓1號份量估唔到係咁多食飽飽既去既話，其實可以兩人食一碗芋圓唔夠軟，有點硬，珍珠好好食好彈牙！紅豆超超超好食，起沙架，係我最鐘意食既口感，仙草太多，最後我食唔哂d仙草整體是好食的，不過可能人手不足，遲遲都未有人收台

其實一直都有光顧開，我係外賣嘅，一次俾一次差，之前都唔講咯，今日外賣，西米六號，另外在加芋圓地瓜圓紅豆雪糕球。儸到外賣啦，開心回家啦。打開一睇，係啊，幫我分左兩個碗。西米個碗入面本身嘅芋圓地話圓唔見嗮架，得西米，椰汁糕。第二個加料嘅碗得紅豆同八九粒芋圓。我嘅雪糕球呢？唔好話溶左哦，有味架嘛會食得出架。已經兩次都係甘。d食物質素已經一次俾一次低，再加埋整日俾漏野。我都費事返去講啦，d人會信？。唔會再食了以後，大家如果睇到我嘅評論。外賣記得睇清楚。仲有，年青人你地嘅服務態度其實可以好d，我已經唔係個d所謂奧客。唔該前唔該後，語氣都係溫柔。我自己都做飲食，所以我都會體諒返。不過你地試下保持下質素？擺低我嘅外賣直接收我單轉身就走。正常唔係有句野嘅咩 😂天啊，唔通衣家d人係睇人做事？因為我好蝦所以對我甘？甘辜負我嘅同理心。唉，算了，反正之後都唔會食咯。打完呢篇長文我都消氣了。我第一篇食評就俾你地了。

食完晚飯大概9點去左呢間食甜品，入面大概有6張台，星期五晚唔算太多人，直接入去坐唔洗等位，食左個士多啤梨冰一號，配料裡面有紅豆，黑珍珠，士多啤梨，芋圓，地瓜圓，淋左d士多啤梨汁上去，佢係刨冰底，點餐個時無特別留意，個餐黎到先發現，有d失望，因為本身唔係太鍾意食刨冰。個味道一般，落左太多煉奶，同埋個冰未夠10分鐘已經溶哂啦，食得快都係最後變士多啤梨糖水，佢個賣相係唔錯，但食個時有d覺得完全係中左伏囉。

難得入大埔就去飲嘢試吓佢嘅糖水啦。呢砵絕對零度仙草冰（HKD74）有9款料，兩個人食都幾飽。老闆話大部分都係自家製，唔係攞貨，難怪佢哋嘅芋圓糖水咁多人食啦，真係好有咬口，椰汁糕同仙草都好正！我就叫咗爆漿士多啤梨奶緹（HKD46），好似貴貴哋，但好有驚喜！鹹味奶緹冇奶蓋咁膩，但一樣綿滑厚實！而下面係超極多士多啤梨蓉！鹹酸味一齊入口原來好夾，好正，好喜出望外！即刻覺得抵咗。朋友就飲咁黑糖珍珠可可奶（HKD38），本身以為用黑糖沖嘅珍珠奶茶，原來係珍珠加咗黑糖，佢先係主角！都算有咬口，甜甜哋又幾好味嘅。朱古力都還算夠味。美咪指數：8/10抵食指數：7/10

Happy Friday! 一班朋友食過晚飯後，當然去食糖水消夜！今次揀「飲嘢」。「綜合薑汁仙草凍」薑汁夠濃，不會淡而無味，或者辣到入唔到口。材料份量較少，勁多仙草。整體感覺正常。「仙草芋圓4號」相比「綜合薑汁仙草凍」，「仙草芋圓4號」的材料份量多。例如，紅豆、地瓜圓、西米糕等等。「招牌拼盤」好失望... 炸薯角勁咸，台灣一口腸原來有黑椒。心目中想像的台式一口腸，是美味蜂蜜腸，所以好失望。炸雞件太乾，整體味道只是一般。*餐廳沒有提供BB櫈。

食飽飽準備行大埔年宵，經常想食甜品又想飲下野，呢間岩晒，又有台式飲品又有我好想食嘅芋圓。而且裝修幾靚喎隔離仲有間食野。叫左杯奶堤玫瑰烏龍同一碗芋圓3號，即是有紫薯嘅一款。鋪頭話奶堤唔同奶蓋，我感覺就同芝士奶蓋無咩分別，少少嘅甜味，唔係好飲得出玫瑰味。而碗芋圓就係紫米底，有芋頭芋圓南瓜芋圓仲有紫薯，但是就食唔出佢地嘅味囉。侍應拎黎時我地仲好想問下點解同menu相差咁遠，得碗糖水咁整體黎講係普通嘅糖水，可以改善下。

第一次食芋圓就係食呢間，之後就念念不忘。可能你會覺得好誇張，但呢到的芋圓真係好有咬口，係我好喜歡的感覺🤤餐牌上，單是芋圓的甜品已經好多選擇！一定有一款岩自己的喜好。唯獨係鋪太細，好逼。-第一次食，芋圓地瓜圓有咬口，料好足。但漏單！催完又催，六個人入面得四碗到，個兩碗催咗三次，其間員工不繼黑面🤷🏻‍♀️-第二次，帶男朋友去試，當飯後甜點。今次水多過料好多，芋圓地瓜圓得幾粒，同第一次差好多🤦🏻‍♀️幾乎成碗都係薏米。-第三次，買外賣。天寒地凍食熱的仙草芋圓一號。今次好足料😳芋圓地瓜圓好多，珍珠未得轉感椰果都好好食。今次食完一碗好飽🤤-整體而言，芋圓同地瓜圓係好食，選擇又多。但真係好甜，份量次次去食都唔同，希望將來可以standardise 個份量。

除夕特登揸車一家人黎試，我就叫左個綜合芋圓同珍珠奶茶，糖水超甜，甜到之後不斷要飲水。好啦到杯奶茶，完全冇茶味，又係得個甜字，好似水加奶咁，勁難食，唔知d好評點得返黎...

諗住去買個糖水番屋企做宵夜..叫左個$58蚊既椰皇芋圓糖水外賣夜晚9點幾既時間 堂食都唔係坐滿人..門口淨係得我一個係到等外賣 😰係門口都足足等左30分鍾字先有 💁🏻‍♀️仲要態度勁差 話係要等咁耐嫁啦🤷🏻‍♀️我地都係順住單咁整緊.........等左15分鍾先話叫緊個個要再耐d不如轉第二個比你 唔洗收番你差價 ..我係咪應該要覺得感激？其實如果你地係製作需時既買既時候可以同番客人講係要咁耐...唔洗人地白等🌚🌚🌚🌚無下次！