飲嘢 (已結業)

跟朋友在大埔吃完晚飯，打算到附近吃甜品，但星期日周圍吃甜品的客人太多，看見了「飲野」，名子有點搞笑，開了一陣子也沒有去過，便排隊進去。等了大約十分鐘，旁邊「食野」的店員招我們進去，說可以在「飲野」那邊落單，在「食野」那邊坐。進店後，店員放下了「飲野」的餐牌及一疊紙，叫我們寫下要點什麼，然後走去「飲野」落單付錢。天氣有點冷，甜品的款式少，唯有選擇熱的飲品，要了一杯熱奶緹抹茶鮮奶。怎麼我的熱奶緹抹茶鮮奶會是紫色的？我肯定我寫的是抹茶，最後卻來了一杯熱奶緹香芋鮮奶，氣死我了，朋友叫我換一杯，但我還是算了，不想再等。喝一口，是我喜歡的咸奶蓋，但這杯東西超！級！甜！它的糖不用錢嗎？這杯東西也放太多糖了吧！一點香芋味也沒有，只有奶味和甜味，喝了三分之一就放棄了，喝到喉嚨不舒服。

黎間小店印象中都開左好一段日子，每次經過都想試一試佢個芋圓！難得食完晚飯個肚仲有位騰出，終於可以一試佢既甜品Order左無耐後，甜品終於送到！份量俾得好足配料分別有芋圓、地瓜圓、紅豆、珍珠及仙草凍芋圓同地瓜圓口感十分煙靭～但個人對芋圓感到有啲失望，因放入口第一下食到少少香精味反而覺得地瓜圓仲好食，頗重蕃薯味！不過唔知係米因為加左珍珠、芋圓及地瓜圓既關係，整碗甜品有啲結遢遢⋯而甜度方面，亦相對偏甜！如果碗野可以稀返少少同埋無咁甜既話，會好好多！

食完飯直落梗係要食埋糖水 咁啱想食芋圓就揀左飲嘢因為大埔其他糖水鋪既芋圓實在 太 難 食 。。。。。。九點幾差唔多十點入座，點左個二人份量即燒仙草芋圓，原本想試一試佢個蜂蜜牛奶味雪糕，點知雪糕賣曬。不過唔緊要！最想食都係芋圓！店員話俾多啲芋圓我地上枱雖然賣相一般，但芋圓真係好煙韌！仲加埋珍珠，啱曬煙韌控不過芋圓本身就好淡味，仲要俾淡奶蓋埋陣味，所以係幾乎無芋頭味嘅。不過整體而言，我覺得飲嘢既芋圓都比大埔其他糖水鋪好食！下次口痕都會再幫襯！再尼就係招牌嘅符碌茶，即係水果茶。感覺味道同出面賣有鮮果既水果茶差唔多，不過不失。而呢個價錢有巨無霸size，同朋友兩個人share都得。可惜哩次可能落少左糖漿，成杯味道偏淡。食完芋圓就飲唔到味。

係附近游完水想食個甜品，就去左"飲野"買芋圓食，買完飛等左三、四個字都未拎到個芋圓，入去問佢仲俾人黑住面話：整緊！咁我就再等左陣，先又再問店員覺發現個芋圓原來已經整好，但竟然係無人拎出黎?!!! 咁如果我唔主動問嘅話會唔會等成個鐘先拎到?!!!!個鮮草芋圓份量中等，價錢$36算唔太貴，味道就普普通通、鮮草味道正正常常，芋圓有少少硬、唔係好QQ個種但我最想講嘅係員工態度同效率真係有好大進步空間!!☹️

食嘢D野食好好食，咖哩飯就最好食，今次唔食嘢去飲嘢。下午茶食個甜品，揀咗個芋圓二號，有椰汁糕，芋圓，地瓜圓，椰果，仙草。味道唔錯，味道幾甜，食到個人十分興奮。之前仲飲過佢個符碌茶，生果又多又有味道。奶提茶又有曾經試過，感覺都係非常之唔錯。環境又好又舒適，約個朋友坐下傾下都唔錯。珍珠奶茶我又有飲過，味道就好似唔多妥，餐飲我揀咖啡好過。飲嘢小食我就未曾試過，要食野都係去翻食嘢。食嘢就推薦咖哩飯，正宗印度人煮，味道正宗。

果日同d friends食完飯想飲杯野或食個糖水，醒起呢間餐廳就入左去喇😋餐廳選擇好多，我地叫左三種糖水都係西米露，紫米露加芋圓之類佢個芋圓係有紫心同黃心，好煙un👍仲有入面係有椰汁糕😍我至愛餐廳好就好在唔會限時趕人走好適合朋友食完飯食下糖水傾下計下次如果同friends gathering都會約食呢間因為我見到佢同隔離間食野都係互通既見到佢d正餐menu都好唔錯下次會坐食野，環境好似靚d😂👍

本身好鐘意食QQ既我對呢間店幾期待。今晚大約8點幾去，間鋪有好多客，因為佢同隔離店「食嘢」一齊Share 鋪頭啲檯用，所以邊啲客係等"食嘢"定"飲嘢"都唔係好清楚總之店員都唔係好理等緊嘅客，唯有自己留意裏邊嘅情況，自己去搵位坐。🙄我地點左兩份甜品，一份係芋圓椰汁冰配朱古力味雪糕同埋絕對零度芋圓冰配雲呢拿同蜂蜜牛奶雪糕。賣相靚呀，雪糕都唔錯，幾濃滑。不過！重點嘅芋圓太硬，完全唔煙un，仲要黐埋一舊舊..椰汁糕都無乜味...失望呢。

我叫咗炸魚、花枝丸、炸🦀鉗同鳮翼，嘢食到咗，問有冇差，答冇，話已經比咗幾枝簽你。炸魚柳問有冇沙律醬，答冇。食鳮翼問佢係咪用簽食，嘩，D態度衰到冇人有，話呢到有自坐吧，你睇唔到呀，自己攞啦⋯⋯呢D乜嘢人，我用咗$170大約，換嚟一肚氣。我小朋友見到呢個所謂女生既服務態度都出聲問乜嘢服務呀？我唔係入嚟用你乞呀，就算係乞都唔使咁差既說話同態度，呢間野我冇得食都唔會再入去，D食物質素又低，D魚同D🦀全部係粉，食落去亳無口感。一句到尾，差到極點！

芋圓熱一直未有減退過朋友係外國返黎，又話想食糖水甘就帶左佢去飲嘢到試下自己就食過好幾似架啦～佢既芋圓口感唔錯，最正既係真係有芋頭味既呢個幾抵讚既出邊好多芋圓都有豆類既野加埋入去甘我個人就唔係好鐘意食個d既，甘就照舊食左個鮮奶仙草芋圓。今次去見到有新野，可能係配合返夏天，加左沙冰芋圓，但個人覺得沙冰同芋圓唔係好拉得試關係所以就無試到。飲嘢最好就係你食完野，飲完野留係到叫水佢都唔會趕你走。甘我地都夜夜都去，都無乜人，坐左12點半左右就走左嚕。佢個芋圓keep到水準

太和呢邊好多餐廳地鋪，晚餐,宵夜都岩去!由於呢頭實在太旺啦，都等左一陣先有位。建議可以放D櫈比人坐住等~今次終於試到呢間既小食，平時都係飲嘢多!香口野為主，再加多杯招牌水果茶，簡直係透心涼呀!兩個人食又怕份量少，結果就叫左兩款炸物。但原來都幾大份，兩人宵夜嚟講就真係好飽既!炸雞粒既炸麵粉味好香，但係唔似台式炸雞粒咁重口味~香料同辣可以加多D~呢杯水果茶認真一讚!!!!!好清新，水果好足料，有青檸，檸檬，橙，西瓜等等!如果有埋薄荷葉就更埋夏天飲啦!

夜晚同朋友食完飯，想搵個地方吹下水食宵夜，就行左過黎呢度呢頭得呢間有台式芋圓糖水，入去試試究竟正唔正！店內裝修唔錯，不過比較逼狹，如果坐4個人應該會痴得幾實，好彩我得兩個人。朋友話d野飲好正，不過今日食糖水，下次先試野飲~~今次唔多人，等左5分鐘到就有，個碗幾得意，係隻湯匙既形狀，份量都算多，我地叫左個 仙草 同 西米露Overall黎講，可能以前食過d仲好食，呢間中規中矩okay ge, 有時間都會食下👍🏼

女人一個月就唔舒服幾日,有時仲會皮膚差,脾氣差,身形都易水腫d,系屋企食完飯睇下電視又到11點,男朋友出左去飲野,我無野做又開始肚餓,好想食甜野,之前打完邊爐經過呢間"飲嘢",有主食,小食,生果茶,最吸引我系有芋圓既糖水,今日佢系附近飲野緊系叫佢買"飲嘢"比我喇!雖然天氣又熱又焗,但呢段期間緊系儘量唔食凍野,呢8款有凍/熱太好了,*紫米芋圓西米露(熱)$38,芋圓味道較地瓜圓香濃,兩者一樣咁煙韌,有好多紫米同西米,紫米性溫補有好多好處適合女士,鉀,鈣,維他命B1,B2,葉酸,鐵等,經期時食更合適因爲會促進新陳代謝,清血,有助安定情緒,預防經期貧血,咁多好處呢個時段我想日日都食紫米乜乜乜呀!!佢食*芋圓牛奶仙草凍$34,好多仙草夾埋牛奶一齊飲超流口喎,每款都有芋圓同地瓜圓架。仲可以加錢加料雪糕,珍珠,紅豆,椰果等等。下次可以系度食完飯再叫糖水呀！

第一次來，因為知道呢度有芋圓食又有奶蓋台式飲品，又稱為奶緹，點解我要寫個負評，因為杯芋香奶緹太甜，奶緹太稀，香港有奶蓋飲既地方我可以話系試匀哂，所以我絕對分到咩系好味，另外我仲叫埋芋圓鮮草牛奶，個芋圓真系好求其，又系太甜，我系中意食甜品既，但對於得個甜字無果個食品應有既味道既甜品真系燥，我食過好好味既芋圓，五分泥講呢個得兩分，另外除左食物質素之外，間野完全吾夠人手，夜晚十點人人食糖水時間成個樓面得一個人，我見到我成枱所嗌既飲品已經出左系吧枱十幾分鐘先有人拎來，期間我好想自己去拎，但廢事太串先繼續等，個樓面系度帶位，執枱，帶完位去拎埋餐牌俾人，都無理個出左十幾分鐘既三杯飲品，點知飲品同芋圓都好難食所以我要寫負評

今次應該是我第三次來到大埔這間飲嘢， 比起上一次，今次的人流多了很多。記得上年來的時候，這裏主打台式飲品，小食的款式不多，而且沒有甜品。但今次來到食物的款式多了非常多，連台式甜品，例如芋圓、仙草等等的這類型甜品，也有多款選擇。我點了這個地瓜圓、芋圓及仙草的牛奶甜品，芋圓較平時吃到的細一點，質感不錯，咬下非常彈牙煙un，仙草也嫩滑得多，牛奶味道不會太甜，算是不錯。不過份量有點小，感覺啊不太化算。還有這杯金桔飲品，在吃完晚餐後喝他非常之開胃，大大杯，可以喝很久。味道相當之清新，是我每次來都必點的飲品。

同朋友o係大埔食完晚飯想食甜品～ 諗起上次黎過「飲嘢」，見倒出面易拉架有芋圓兩個字就衝左入黎，覺得都okay～就再黎encore 一次啦～ 除左芋圓，仲有好多小食同飲品可以選擇就咁芋圓都有好多選擇～有唔同配料，仲可以自選添～ 今次同朋友叫左兩款，share 黎食有得揀熱/凍，但今次唔記得左要熱，就自動俾左凍ge 我地喇芋圓一號：入面有芋圓、地瓜圓、仙草、紅豆、珍珠芋圓二號：入面有芋圓、地瓜圓、仙草、椰果、椰汁糕芋圓好有咬口，椰汁糕幾特別～唔錯由於有紅豆同椰汁糕，兩碗都有D 偏甜，不過個人接受倒，朋友就覺得太甜如果唔係太好甜野ge人就唔好叫有e 兩樣配料喇～上次食過熱ge 覺得好食d ，e度環境都算唔錯，適合同朋友晚飯過後黎chill