飲嘢 (已結業)

假日夜晚8點幾想食糖水, 咁岩見到飲野有台式芋圓糖水, 都係平均30零蚊, 即管一試!店內坐得有D逼狹, 所以坐左係門口, 買野要入番去買, 今次叫左2個糖水, 芋圓牛奶仙草凍($34), 同紫米芋圓西米露($38)。等左5-10分鐘就有得食, 個碗外形幾得意, 份量都唔少, 芋圓個形狀同平時好唔同, 因為係長條形, 不過好Q好有咬口! 不過仙草凍配埋奶真係好甜好甜, 直頭懷疑係成罐花奶倒落去, 但係都係好食既!另一個紫米西米露係配埋椰汁糕係個糖水入面, 幾特別!

這一間餐廳開了一年多，入面有小食同飲品，有個朋友介紹下一個月前去食咗一次，佢最特別嘅飲品係奶緹系列，每一杯飲品上面都有一層白色嘅cream甘奶緹，味道好似trimasui 蛋糕，同埋非常大杯，仲有試過佢啲蜜糖雞翼，我覺得非常好味，所以下次會再嚟。

之前也來過這間叫飲嘢的店，早兩日經過發現店內佈置跟之前不一樣，看到店外的BANNER發現這裡更增加了糖水可以吃😋剛好與朋友吃過晚餐後，正欠一碗糖水，於是就順趁來一碗。＿＿＿自從在台灣吃過芋圓後已愛上，所以就點了這個芋圓二號，包括有芋圓、地瓜圓、仙草、椰果和椰汁糕。有這麼多配料再配上椰汁，能滿足多個願望。＿＿＿『芋圓二號$38』賣相不錯，份量都還可以。不過芋圓和地瓜圓味道不太足夠，像是單純的一粒丸子，但勝在夠彈牙，不會很粉。椰汁糕很大件，不會很容易就散，配上椰果、仙草和椰汁一絕。所以總體來說都不錯，以後可作糖水新去處和頂頂台灣🇹🇼癮👍🏿@hktpy《W》

收工經過飲嘢見到有一系列既手工芋圓地瓜圓仙草凍賣 滿心歡喜諗住有芋圓地瓜圓喎 所以就買左份外賣返屋企食下啦點知返到屋企一打開碗野黎睇..成碗得幾粒芋圓同埋一堆涼粉份量稱唔上多都意料中事 但接受唔到既係碗內原來一粒地瓜圓都無如果係無哂貨或者因為其他原因而供應唔到既話 其實最低限度都起碼可以通知一聲先....而唔係令到人地買完走左先知原來貨不對版咁失望 總括黎講覺得性價比低下次會寧願去遠啲食海記或康瑞等其他地方既芋圓

今晚飯後諗住來食甜品點知又無地瓜圓又無椰汁糕然後每樣淨係俾轉一款平嘢例如紅豆椰果我問可唔可以椰汁糕轉紅豆加椰果都唔得！請注意，如果加料的話紅豆椰果每款加$4，地瓜圓和椰汁糕每款要加$8的咁椰汁糕($8)轉紅豆+椰果($4+$4)好合理呀？喂而家唔係我主動要求轉喎，係你無呀嘛叫我全部轉同價錢的芋圓咁我咪成碗都係芋圓？(與地瓜圓椰汁糕同價錢的只有芋圓...)而且收銀員態度仲好差，唔好意思都無句黑晒口面以後可以唔駛幫襯

大埔實在多食肆，汰弱留強，就事在必然，在這條街差不多全是食店，那間口俾好，就墟磡，我認為食肆最緊要保持出品水準，專心做好自己擅長菜式就不難被淘汰啦！今午路過「飲嘢」這間店，忽然想試吓什麼叫做奶堤，叫了一杯凍厚奶堤玫瑰烏龍，因有點餓叫多一客carbonara, 意粉先到，賣相就麻麻，吃落也失望，意粉徧軟和有些碎，芝士捞的蛋汁不夠香，火腿煙肉也沒有預期的爆香。反而那杯飲品有其特色，侍應端出來像似一杯啤酒，瀧瀧的一層芝士打成奶泡，那就是餐廳強調的奶堤，因它不會在飲用時塔下，加上有海鹽調味和玫瑰花的香味，烏龍茶似是冷泡方式做出來，不會有青瀝味的，雖然等了25分鍾也叫好！所以飮嘢就是飲嘢，下次試吓他們的小吃希望可以做好些！

平時都有係大埔食開野不過食黎食去都係果幾間 都開始覺得有點兒悶...男朋友話見到新開左果幾靚既餐廳放學就即刻仆去食啦唔知係咪因為下午茶時段入面一個人都冇叫左兩個意粉其中一個有雞翼 實在係好有驚喜我會為左雞翼再黎食架

蝸阿牛原想帶我們去舊墟直街吃糖水，惜不太吸引而作罷。相反，附近了兩間新店 - 食嘢和飲嘢，我們決定去「飲嘢」。 小姐要了一壺符碌茶$78，乃混入青檸和檸檬的水果茶，小姐貪其名字夠搞笑，店員醒目地送上四個杯子。果茶以迷你蠟燭台加熱，入口質感濃稠，果香濃郁且清香潤喉非常。蝸阿牛點來了招牌拼盤$58，有一口腸、雞粒和薯角等，小巧迷你，炸得香脆惹味，可以過吓口癮，又不會太飽，且適合四人同享。

本身諗住去sharetea 買bubble tea, 點知隔離有間飲野好飲幾多人幾特別咁，外賣好多飲品都係$15 又唔洗排隊唔洗等 就入出試下啦叫左烏龍珍珠奶茶，第一個包裝已經加晒分！其實好簡單但係又覺得好有誠意！茶味都夠，多珍珠。如果飲開甜gei 就可能覺等冇咩味，不過叫開半甜/少甜gei 我就覺得岩岩好喇！

中秋節係大埔又想食下甜野，朋友介紹有間門面幾有特式既有食嘢有飲嘢既餐廳，咁就梗係去試下啦，好唔好食點都要試一次既。餐廳裝潢都略有心思，都幾悅目。餐廳以自助下單形式，要自行搵位坐，但發現多張已走既桌上還未清理，亦都等左好耐先有人黎抹桌，相信要改善一下分工吧。我同朋友各自叫左個「Yumyea雪糕燒仙草」餐牌寫左有：芋圓、地瓜圓、珍珠、雪糕、燒仙草，花生、紅豆。等左差不多30分鐘先上餐，真係比較耐啦。但個賣面就有啲差差地啦！「Yumyea雪糕燒仙草$58」分量都大碗，食落去甜度剛剛好，而表面上既雪糕係雲尼娜味道，雪糕都幾好食。芋圓同地瓜圓都煲得幾軟身，唔會太細粒，幾有口感。珍珠同紅豆都應該煲左一段時間，不會太硬，幾好。但係我一食燒仙草就覺得好無奈，因為呢舊好明顯就係涼粉黎，都唔係仙草黎既(覺得違反商品說明條例)！最無奈係成碗有1/3都係涼粉墊底，所以先感覺好大碗。仲有花生都無放落去，唔知係咩原因啦，覺得廚房有點混亂。

夏日炎炎, 同朋友去搵地方坐低傾野飲野, 見到小店裝修幾好, 似乎會坐得幾舒服, 就決定入去啦! 入到去見到好多枱面都未執, 比較亂, 都搵左個角落照坐低然後叫野飲同野食。朋友落order 叫一杯奶堤, 一杯珍珠奶茶同埋一堆小食去share。然後落單位店員問我地要堂食定外賣, 我地就話要堂食喇。但有位高級d 既店員即時截停落單, 表示珍珠奶茶只可以外賣不可以堂食, 仲要話我地："外面寫得好清楚, 乜你地無睇清楚嫁咩？" 我地就再問：咁可唔可以珍珠奶茶繼續係外賣, 我地坐低share 堂食？結果店員竟然答:叫外賣既必須離開小店，而我朋友叫堂食可以自己一個留低食！好唔合理喎！我地唔係無叫堂食喎, 而且堂食既價錢遠超過杯珍珠奶茶！咁若果成班朋友一齊叫堂食去share, 叫足$1000 的話, 中間夾左一杯$12珍珠奶茶, 係咪都係要搵個人企出去飲完杯"外賣"先可以再入返黎坐? 好唔明為左一杯外賣而趕客既原因係咩, 所以最後決定頭也不回咁走左喇!

朋友好口渴，就提意去'飲o野'到，飲返杯野飲品點選了奶緹可可，然後發現有食物的MENU，便補加了一個肉醬意粉。這裡的奶緹，感覺較輕型，也很綿密，帶有少少的咸味，感覺還不錯。而且這裡的飲料還不會加冰塊，保證份量不少，也不會發生冰塊溶掉後，味道會變淡的情況。而可可味道不會過於濃郁，於我而言，是剛好的甜和濃。肉醬意粉的醬汁其實並不是肉醬，而是焗豆，這可能會令想吃肉醬的朋友們失望。不過除卻這個醬汁問題，意粉還是不賴的。意粉軟硬適中、醬汁比例也剛好，不會有一口是乾的，也算是不錯。

大熱天時，飄浮完大埔一日，路過見到“飲嘢”， 就入左去飲嘢，5點幾間鋪得兩三個人加埋音樂揀直就係嘆。裝修到好文青，有貼牆時鐘，吊燈，氣氛好舒服，非常適合hea同傾計。我點左符碌茶，講真我真係諗左好耐，先估到係 fruit tea 以份量嚟講真係超大杯，而且茶味夠重，裏面有新鮮嘅菠蘿片，奇異果片，橙片，檸檬片。 好freash!但廁所環境有待改善。

夏日炎炎，下晝太陽咁晒嘅時間，係街度行都真係幾辛苦下，經過呢間飲嘢，緊係入去飲返杯野先啦！入到去，環境舒服，坐位都吾會迫，一嚟到，店員就送上兩大杯冰水，好合心意，我地兩個嗌左兩杯野飲同碟薯條食下。我係嗌呢杯符碌茶，吾知點解有個咁得意嘅名，其實都係fruit tea嚟，好大份，吾會太甜，入面有橙，西瓜，菠蘿，青檸，檸檬等等水果，味道清新，仲可以食埋入面水果。朋友嗌左嘅係奶媞紅，即係latte black tea，朋友話幾好味，我吾係好受得latte都飲左啖試下，上面嘅白色個層係少少咸咸地嘅，加下面balck tea都幾特別，幾好飲嘅係。薯條係我至愛嘅扭扭薯條嚟，係即嗌即整，所以上碟要熱辣辣好正，一提係醬除左係茄汁，仲加上沙律醬係面，一點有兩隻我喜歡嘅醬，好好食，係傾下計抖下嘅好地方。

飲野旁邊，有間餐廳叫食野但入到去發現，兩間餐廳係互通，因為係飲野到，都有正餐同小食可供選擇。而食物就會由中間既小通道傳送，又幾得意要左杯推介既奶緹可可，朱古力就飲得多，而奶緹其實係咩味，又真係唔知。可能店員見到我面對住厚厚既奶緹，無從入手咁既樣，就教我點飲。其實就係就咁飲，無需故意攪上面既奶緹，咁就可以每啖都品嘗到少少帶有咸味的奶緹。可可味道頗濃郁，且唔算好甜，幾適合我既口味。雖然平時我都好鍾意食朱古力，但遇到成杯都超甜既朱古力，真係飲幾啖就投降。而我既是日晚餐就係白汁雞柳意粉，本身對呢到既正餐無特別大期望，因為呢到主打係飲品，但點知食物又唔差。雞柳味道雖然咸左少少(我口味都偏淡)，但勝在肉質頗嫩，唔似食緊冰鮮貨色。白汁又唔會太'結'，以36蚊既價錢黎講，真係好好(同時都好食過出面好多間!!!)。