飲茶 (朗豪坊) (已結業)

媽咪其實都好中意打卡，今次就帶佢試下咁得意既餐廳！一坐底 就見到餐具已經好可愛先黎左3個咁可愛嘅流沙包督返個口比佢就變成左一條魚 望到就知有幾流心，好重蛋黃味咸香咸香的😍鴨肉包住生菜黎食好清新配搭其他配菜都好有咬口呢個係鳳梨酥，賣相幾靚，不過食唔出鳳梨絲，同出面賣既普通鳳梨酥冇咩分別。櫻花蝦炒飯，媽咪好鍾意。食落唔油膩，米飯粒粒分明。呢間好岩帶少女心既媽咪黎食！

今日一試精緻點心，賣相十分吸引，味道都不錯👍🏻冷盤點左青瓜皮蝦，十分爽脆有鮮甜味，蝦肉都好結實睇相見沙薑葱雞好似唔錯，所以都點左一份，原來係冷盤黎既，醬汁整得幾好，份量都算多當然有叫好岩影相既睇住流奶，好好玩下流心效果，味道有水準，好香奶皇味，又食得又玩得討論左好耐叫唔叫既金四季豆，因為好少有用鹹蛋整，所以決定一試。上碟先發現係得咁細碟。共有12條，承惠$99, 平均8蚊一條🙍味道無乜特別。實在係太唔值。另一款用肉碎炒都要$89, 唔知會唔會都係呢個份量呢？莫非佢係用有機四季豆？因為四季豆得咁少，所以又叫左螞蟻粉絲，竟然有咁多，實在令人費解😐 味道比較重，重口味朋友可以一試！👍🏻甜品點左陳皮燉梨，竟然漏左單，不過好在有驚喜，好好味，清心潤喉，食完舒服曬😆

與友人們相約茶聚, 選了這家提供特別造型且裝修時尚的飲茶。點心除造型可愛, 味道亦相當岀色。睇住流奶: 這個賣相搞鬼的是流沙奶黃包, 奶黃不過甜, 帶點點沙沙咸蛋的口感, 很好吃。有色蝦餃: 外皮色彩繽紛很吸引! 內裡超多蝦而且爽口彈牙, 外皮亦算煙韌, 好吃。建議盡快吃, 蝦餃皮凍了便會變硬。一籠八戒: 是超可愛的豬仔造型叉燒包! 叉燒餡味道不錯, 不會有很多肥肉。黑面墨餃: 外皮的黑金色很型格。此餃和蝦餃類似, 蝦肉再加上粒粒彈牙墨魚肉及爽脆馬蹄, 相當岀色! 近墨者黑: 最後也點了一道主食, 上桌時墨汁味很香。吃下也有墨汁香, 飯亦炒得乾身, 內有蛋白, 蝦粒及魚塊, 魚塊很滑, 相當有驚喜。記得準備紙巾, 吃完嘴是會變黑的(笑另外點了的時蔬, 燒賣, 炒腸粉等都相當岀色, 環境亦舒適, 難怪這麼多人前來, 限時兩小時要交枱。

兔子又和最愛的友人們每月一聚了，今次朋友點選了飲茶，雖然飲茶已經開咗好幾年，友人竟然冇食過。一行四人，就點了八道菜！麻煩三菇，微辣的凍盤，非常開胃。尖椒皮蛋，金魚造型非常有趣。三杯醉雞，小小酒味，肉質鮮嫩。辣蟻粉絲，炒得好香口，仲可以選素食版，啱晒唔同要求嘅朋友。干媽蘿蔔，蓮藕片香脆，小小辣好惹味，蘿蔔糕一口一啖好快食左半碟。黃金四季豆，外面炸得鬆脆再加上鹹蛋黃，充滿咸香，大家都讚不絕口！透明波波，即係黑松露素蒸餃，口感清新。當然唔少得飲茶嘅成名之作，睇住流奶！造型可愛，基本上係每一枱都會必點嘅點心。睇得又食得，奶黃流心做得非常出色，不會過甜。兔子和友人都大滿足！

宜家香港好興呢d新式點心店，我同朋友得閒黎朗豪坊，都會揀黎呢間飲茶。最中意係佢個流沙奶黃包，睇得又食得！！另外佢地其他小菜同飯麵都好出色，如果可以平少少就好喇！

這間新派點心店以造型可愛的點心為主打，趁今天有空便和朋友來一試。就座後先點了兩款點心，分別是「一籠八戒」及「有色蝦餃」。前者其實是叉燒包，賣相精緻可愛，味道亦不錯。而蝦餃皮薄餡多，比起一般蝦餃賣相更漂亮。再來點了辣蟻粉絲、野菌泡飯及龍鬚芥蘭。辣蟻粉絲即豬肉碎炒粉絲，惹味帶微辣，分量亦十分多。野菌泡飯則是較為清淡的選擇，配上脆米更能增加口感。龍鬚芥蘭即蒜蓉炒芥蘭，師傅特別把芥蘭切成龍鬚形狀，為平凡的芥蘭添上特色。

知己好友聚一聚，來到「飲茶」任何時間都可以食點心的地方，吹吹水，update下大家現況。我們隨意的想食就點，想食就劃。上菜時全枱放滿了。 小食，點心也很有特式，味道偏濃，唯一是白合杞子菜芯是清淡的。 這三碟是小食併可選兩款冷盤和一小食睇住流奶飲茶的招牌點心，有眼睛的奶黃包。咬開會流出奶黃呃like一流！龍皇泡飯海鮮濃湯配上脆脆米飯🍚入口就好像食卜卜米般可口湯🥣好夠味！值得一試！椒鹽鬍鬚即炸魷魚鬚香脆！但炸粉較厚Bb鴿普通，可以不吃四個人唔使$800埋單，想食中餐可以考慮下。

已經不是第一次到「飲茶」用膳，他們的點心都有一定的水準，所以今次又再前來吃午餐。這裏不論是門面還是餐廳內都掛了不少可愛的卡通公仔，設計摩登又帶點可愛。伯爵茶流心蛋雞蛋做到流心的效果，但伯爵茶味不算濃，反而感覺像是吃鹵水蛋。龍井蝦餃蝦餃爽口彈牙而且鮮甜，還帶微微的龍井味。吉川奶子包子外層囗感鬆軟，一口咬下去綠茶餡了隨即溢出，綠茶味香濃又討好!睇住流奶包子口感鬆軟，一咬之下奶皇餡料隨即流出，蛋黃味香濃，口感又creamy!近墨者黑炒飯炒得算是乾身，吃上去都算香口，再配海鮮和蛋白一起吃也不錯，不過略嫌不夠香濃惹味!蟹籽燒賣燒賣系想去雖然是爽口彈牙又鮮味，但內里的肥肉也頗多，吃上去有點膩。成砵辣魚辣湯味道香濃，又麻又辣，非常討好，不過魚肉沒有鮮味，口感又太過腍身。今次到「飲茶」的旺角分店用膳，大致上食物都不錯，服務也同樣討好，只是有些少食物仍需改善。

屋企人想試試新嘢就去左飲茶度飲茶啦😂係朗豪坊就真係幾方便既我地都係睇食評嗌我諗呢3款都係會必叫架啦 我都覺得幾可愛食個下都覺得好搞笑 d小朋友就更加好開心啦但係呢個就真係得個樣lor 唔好嗌厚粉 食到個口好乾👎🏿👎🏿👎🏿我地仲叫左d小食同炒飯 都ok呀不過最吸引人都係d可愛既點心呀😚😚😚氹小朋友一流呀👍🏻👍🏻👍🏻最sad係想試其他特別嘢但係呢間分店就無lor!!!早講呀😓😓 我想試腐乳馬拉糕😿😿p.s. 服務就麻麻啦 叫左加水N次都加一次

今次四個人食咗720蚊午餐 之前三班唔同嘅朋友 都話要嘗試 所以我食咗三次 要我畀錢我一定唔揀 食咗三次好多唔同款 所有點心畀酒樓差 食得過嘅只係流沙包 做得出色 其他真係唔掂 三班朋友都最終個個都話唔會再試 大家就知乜嘢事囉平均一個點心都要50蚊 計埋加一55 我真係可以去酒店度食 點心 呢度只係可以用嚟呃like打卡 仲有 人手好少 次次都要叫人加茶 唔好諗住咁貴食點心會有好服務 去酒店好過啦 起碼人哋叫蝦餃蝦都大啲 唔會好似呢度咁 啲嘢得個樣唯一一個ok 流沙包佢所有雞類 都好難食 雪藏好鞋 汁還汁 三款雞我都食過 好差尚可普通不知所謂嘅鹹魚雞粒炒飯 衰過全部茶餐廳黑松露欖菜伊麵 食過兩次都超級咸咕嚕肉唔脆 味道屬於一般差過酒樓叉燒包差過酒樓

Decided to try this out, since many gave it a high rating and wasn't disappointed. The fried rice was good. Tho we chose the cute dim sum, the taste wasn't compromised. However we ordered bit too much and had to takeaway the leftovers. The food are really instagrammable. Even the other table also ordered similar stuff

同朋友仔兩三個人食宵夜，人在旺角，又唔想太迫人，要坐得舒服D，朋友提議去朗豪坊飲茶.  好彩9點鐘唔洗等位嗜, 可以即刻入座.  大家都唔太肚餓, 志在見個面聚下舊， 點左幾個點心同甜品, 睇住流奶，蟹籽燒賣，雞雞春卷，龍鬚芥蘭。 再來過甜品拼盤，原價要$157  ，現價$89，以價錢來說算是買二送一啦.  我地點左楊枝甘露加棉花雲， 可可麻球， 糖不甩丸。 雖然藍色嘅棉花雲係好靚, 好夢幻, 但好睇唔好食呀, 呢D 啱小朋友好D; 楊枝甘露就好一般味道， 唔算滑;   可可麻球裡面係朱古力醬，幾特別;  睇住流奶幾好，流心奶黃都幾流質; 蟹籽燒賣, 雞雞春卷, 龍鬚芥蘭都係非常一般。 每人$150 左右算係合理，環境都可以，唔算好擠迫， 如果唔洗等位呢，係旺角黎講係可以encore 的地方! 

今次叫外賣 食物會預左沒有堂食好。但結果並不祗退歩 。可以算難吃，叫左蝦球伊麵，落單前已經問咗是否會分湯、出來結果是沒有分，當然去到目的地是已經無哂湯加上伊面已發脹，另外店員並沒有意識將已完成的外賣拿出來給客人，因為時間早 只有少少客人、所以我見到袋外賣一路放在裏面，我終於忍不住問店員其實我的外賣得未，原來外賣早已準備好但沒員工理會過。直至我追問。因為落單時説10分鐘左右，但我已經等了25分鐘，所以見到袋外賣便追一下。其他點心是退步了很多很多，燒賣係難食，牛肉好重味精。最初新店的食物 及員工服務全部都很不錯 ，讚賞的，跟住每一次都比一次失望，今次我忍不住要放大事件，希望他們可以改善改善。

同屋企人出旺角飲茶，飲厭左傳統茶樓，想試下新派點心，所以黎左呢間試下。得意版鳳梨酥，雀仔喺雀籠，玩味十足。但略嫌酥皮太厚，搞到食落好乾身。叉燒包，呢個唔錯，皮薄餡靚。同埋豬仔真係好cute春卷冇咩特別，不過不失👌🏻👌🏻蝦腸，皮好薄而且蝦彈牙新鮮。其實本身唔諗住嗌咕嚕肉，不過見到隔離枱嗌左好似好吸引，即炸所以香脆，味道亦調得剛剛好，酸甜度適中。黃金四季豆嘅咸蛋味唔出，有啲失望煎堆仔，有乾冰，啱哂相機食😂 味道okay

D點心全部都好得意, 有唔同既形狀如豬仔, 玫瑰花等等.燒賣係青色, 非常特別. 點心外表特別之餘, 味道仲相當唔錯.另外叫左個XO將炒腸粉, 味道很好, 有點辣,仲有個醉雞, 最失色的一個菜, 味道比較差, 不推介整體味道中上. 不過價錢比較貴, 2個人下午3點幾, 叫左5樣野, 差唔多$400.另外茶方面比較失色, 好淡, 同埋係茶包黎, 有別一般傳統荼樓.另外座位黎講, 都係比一般荼樓細, 有背包會比較痳煩.