飲茶 (朗豪坊) (已結業)

好少寫食評，呢間真係麻麻地，環境尚可，但試過一次就夠。睇住流奶 $49普通奶黃包，不過不失。明太子腸粉 $49中間d餡好鹹，食到一半已經食唔到黃薑安格牛炒飯 $99個飯等左半個鐘有多，以為真係即叫即炒會好食d，點知個飯係冇味嘅，d牛仲要有根，自己整都好食過佢。

想試呢間野好耐了 今日終於去了食晚飯雖然佢賣點係些食物賣相得意但我今次只係點了些正常唔花巧的食物下單後 食物上得好快春卷係暖的 唔係即炸 個餡好糊 一Pet野咁菠蘿咕嚕肉個汁好甜 個肉炸到好硬 好乾炒粉絲正常 只是份量偏少個皮蛋豆腐只係食賣相 真心冇特別 而且重好細碟最後個西瓜涷涷 賣相好靚 重伴上話梅粉但其實唔係好食到咩味 甜囉整體好一般 試過就算 而且每樣野的份量都好細你可以話係精巧 但精巧得來味道好一般所以都係唔推介 除非你只係為打下咭啦⋯⋯

終於黎試一試經常見到大排長龍既店係OpenRice book好位 一去到就入得👍🏻點心款式眾多又有特式.. 左揀右揀諗左好耐🤫流沙包 - 好可愛呢～滿足晒少女心💕佢吾單止外觀吸引仲非常有內涵🤩中間流沙真係流心出黎.. 超正！大推👍🏻👍🏻👍🏻必點👍🏻👍🏻👍🏻醉雞 - 薄切?? 個樣好似元蹄.. 但味道吾錯！仲有青瓜鋪底～個汁都幾好。炸魷魚鬚 - 熱辣辣脆卜卜 外脆內軟 加埋小小辣～無得輸😍😍😍上湯雜菇 - 就咁飲個湯都吾錯 味道略嫌淡些..總結* 呢間好睇又好食 難怪咁多人排隊 雖然價錢中等但一定會再黎食！（仲送多兩張卷留比下次用架）

朋友一家從台灣回來，話想飲茶，咁就真係去飲茶啦！知道這店已有頗長時間，但不知為何就是沒興趣試，心態上覺得此店食物只有好賣相，味道應該麻麻，但怎知食物跟人一樣，真不能只看外表，原來內在也不錯。最欣賞這裡的包點，每款做型均可愛，包鬆化，餡料豐富。未食完一個便開始想食第二個。最喜歡紅豆包因為內裡有我喜歡的麻糬，超正。豬手味道不錯，但切得太細粒，口感差點。乳鴿炸得香口，肉嫩。涼拌茄子味道很好，甜酸辣味都有，涼拌木耳則較淡味。蝦餃除了顏色鮮豔點外，味道跟普通蝦餃分別不大。我們點了蝦腸粉及叉燒腸粉，米漿拉得不錯，粉皮精瑩通透，但絕不會一夾就爛，餡料豐富，好味。乾炒牛河炒得很惹味，味濃但不會過鹹，熱鍋上保持熱辣辣。鹹水角及春卷炸得脆口鬆化，上檯時仍是熱辣辣。糖不甩鋪滿花生椰絲，香口但有點過甜。總體來說很不錯，一定會再幫襯👍🏼

假期跟家人飲茶，又想攪攪新意思，選了朗豪坊的飲茶。菜牌設計很可愛，千與千尋的炭屎球 以一般點心來說，價錢算是中上吧。點了小食拼盤(可於小食組合Ａ組選２款小吃，Ｂ組選１款小吃)，１客湯，１客小炒及５款點心。雖說是豬手豬腳，但整碟主要為皮帶筋的豬腳，不見肉。醬料霎眼看似麻辣醬，其實並不辣，配以大量蒜蓉。豬皮算是爽滑，筋亦彈口，整體略為偏硬。日式芝麻醬配豆腐中規中距。皮蛋切成碎粒，很乾，沒味；青紅椒粒及葱粒也很乾，壞了這道菜。有點像醃青木瓜，又不太像醃青木瓜。冬瓜帶香甜的雜果汁味道，有點微酸，軟軟的又脆脆的，很有趣。如果冰一點可能更好。想點呢⁉️ 可愛就是了八戒　肥佬了 ❌簿簿的一層包，欠鬆軟口感，也欠叉燒醬該有的濃濃香甜味。可能是店舖走 小油小鹽 的路線所致吧？這個是唯一與圖片不相符的點心，但意外地好吃。外皮煙煙靭靭，蔬菜粒清甜爽口，還有黑松露的香氣，不錯  黑白金也算是吸睛的組合。大大粒的墨魚肉及蝦均保留了鮮味及彈牙，帶荀香，一種蝦餃中令人懷念的味道．．．個人希望多一點油香及油潤度，又想起蝦餃了．．．燒賣實在非常失望。就似在吃一粒由一粒粒瘦肉組成的瘦肉而矣 這是我今天的最愛 (我愛炸物)。

星期六一個訓到自然醒既下午起身已經係晏就三點 好想飲啖茶食個包 享受一下放假既樂趣再望下錶 四點都已經係酒樓嘅落場時間呢個時候想飲個茶可以去邊度就諗起一直都好想試嘅飲茶近年香港好流行呢一種全日都可以飲茶嘅點心舖 呢間既點心一向以可愛嘅點心造型為賣點 完全中晒少女心既市場 但一直擔心佢 好睇唔好食今次食完 竟然令我徹底改觀每一款點心都係即叫即蒸黎到既時間熱辣辣而且食材用料充足 同一般大酒樓嘅品質無異有驚喜嘅係呢一個炒腸粉 吵得夠火喉個味道仲有少少似乾炒牛河嘅醬汁 仲有炸乳鴿都唔差呢一個時間可以食到炸乳鴿都已經非常滿足價錢方面就中等但以呢個價錢既食物可以有打卡又好味我覺得已經好滿足買單大約三百幾蚊但係會送返下一次有$80嘅折扣優惠都幾化算！

去飲茶食黎食去都係嗰啲野嗰啲樣食到悶？可以試下呢間”飲茶” 啲點心名同個樣都好得意必食佢地啲招牌”睇住流奶” 同埋”鴿吞鳳梨” 姐係流沙包&鳳梨酥 真係會流晒啲奶出黎🤣🤣 熱辣辣好好味 中環/尖沙咀/銅鑼灣/旺角都有分店 環境好好幾好坐 適合一大班人傾計 不過預返價錢就貴啲啦

上次帶外國朋友來，今次帶日本朋友來，不約而同客人們都很喜歡這裡。主要是點心很精緻可愛吧。(賣相真的滿分)對比上次，今次好似有special menu，結果全張都叫哂這個鳥籠在一般menu都是招牌菜，味道就一般，但外表贏哂。煙三文魚+豆腐，好滑和入味，最滿意這道菜。其他的都是味道合格，賣相可愛的點心。兩人吃有點太多吃不完…(有點濟)總的來説，非常適合年輕人，情侶，遊客，下次有外國朋友來也會再來

上網見到點心個樣精緻可愛，即刻經openrice線上預約位置，食生日飯一入去餐廳，餐廳職員非常熱情，服務態度6個人叫左9碟點心小菜，樣樣都好吸引。其中睇住流奶，辣蟻粉絲，口水雞同椒鹽鬍鬚是值得推薦！睇住流奶，真材實料，比出面茶樓的流奶量多辣蟻粉絲，入味夠味，唔油唔膩，食完會再想繼續食椒鹽鬍鬚，炸粉少，鬍鬚肥美，多口水雞，醬汁香，雞身滑，無骨，又入味，好食到連配菜都食埋惟一比較失望的是近墨者黑，飯的軟硬度適中，色夠黑，但味道淡而無味，唔夠出眾整體，值得再黎的飲茶

早幾日係fb見到介紹呢間餐廳有啲好得意既新款點心 之前已經睇過 覺得好得意 好想過黎試 可惜一直未有機會 咁岩星期六會去開附近 機會黎喇 早一日打黎book定枱 我地5個人 book左下午3點鐘我地去到都唔算多人 仲有大把枱 我地坐得比較近門口 感覺到係冇冷氣 有熱既感覺 係呢度差左啲 可能坐返入啲既枱會有返啲冷氣坐底就睇下有咩點心想食啦 其實一早都諗好有幾款想試 枱枱都叫既包梗係唔少得 要叫黎影下相打下卡 我地5個人叫左8樣野 每人食少少都唔算好飽睇住流奶👈🏻必叫既奶皇包 好好味紅都面埋👈🏻必叫既紅豆麻糬包 好好味呢兩款包食落唔會話好甜 岩岩好 又唔會話好漏 食多個都唔會太飽另外 仲叫左個一籠叉燒包👉🏻一籠八戒 係3隻小豬 呢個係屋企人本身中意食 所以叫埋 都係咁好味佢仲有兩款好得意既包 一個係綠茶奶皇 一個係竹炭白菜豬肉 下次有機會一定要再黎試講返其他點心 叫左個有色蝦皎 一籠三隻 入面真係有好大隻蝦 蝦皎皮有好多隻色 好令 岩晒影相仲叫左一個係一個籠咁既 入面有三隻好迷你既雞仔 原來係鳳梨酥黎 好得意丫 細隻到一啖可以食晒一隻 呢個又係必叫總括黎講 啲食物真係唔錯 幾好味 唔會難

約左一個好多年冇見的小學同學食飯。飲茶，我諗係最好的選擇，可以有很多很多的時間聊天。—————兩個女仔，叫左4樣野。竟然4樣野都好岩我兩心水😋😋好搞笑，距有4種顏色的包，不同口味之餘，亦為他們起了不同的名字，而且配有性格介紹，我沒有太大的印象，但就覺得好得意。呢個係奶皇包，幾好食。其實我仲想試埋粉紅色的紅豆糯米包，下次吧。呢兩款都是辣辣地的菜式，唔使介紹啦，辣炒粉絲和辣炒腸粉，兩樣都非常惹味。蒜蓉炒菜，上面白色好似係杞子同百合。整體來講，食物都算中上，加埋茶錢，兩位都是$300，而且匯豐咭有九折，我覺得幾抵食。

我哋稱之為貴婦飲茶☕️環境真係好舒服，價位算高。自選開茶我哋揀咗胎菊，清香好飲！麻醬豆腐🥢刀功超好，切得好幼細。個豆腐都幾有豆味同滑溜😋七彩茄子🍆其實就係辣茄子，但茄子唔會太軟爛💯櫻花蝦炒飯🍤炒飯粒粒分明，好乾身！流沙奶黃包🍞好味道😋我哋攤凍咗好耐先食，估唔到仲會流沙😍炒腸粉，有鑊氣，腸粉同蝦都好入味蝦一啲都唔霉，好爽口👌🏻醉雞酒味好重🥃 好嫩下面仲有蓮藕，無草青味，爽！伴碟睇心思，好多會是旦白烚就好似小學飯盒啲椰菜😖但呢個唔會！係放得入口嘅☺️

今日和爸爸一起飲茶, 當然想找一間比較特別又食品質素不錯的點心店, 最後我就選擇了一間在朗豪坊的點心店, 好彩有訂位關係不用等就可以入去了, 我地今次叫了不同的做型的點心和小吃當然有我之前食過很好吃的櫻花蝦炒飯啦.茶方面我們叫了二個不同的綠茶和紅茶, 不過味道偏淡, 要等差不多要等比較耐時間味道才特出.點心豬仔做型原來是义燒包, 味道都濃郁香份量吾夠多, 蝦餃顏色十分漂亮而入面蝦肉都好多又彈牙, 春卷就普通不太特別, 蝦腸做型一個圓圈形而皮都好味道, 如果再熱點會更好. 山竹牛肉牛味濃郁而吾會太淋身, 不錯.小食併盤, 雞有失望, 冇咩雞的味道而且雞絲粉皮醬汁吾夠多, 反而菜加紅石榴, 酸酸地幾開胃, 醋味十足.坐得都舒服而且服務態度不錯, 我地食晒仲可以打包, 結帳五百幾以有這造型來講都抵食.

對于超有少女心既我泥講，成日都好想泥呢間餐廳度食嘢，今日同個朋友終於嚟到喇。佢哋場上面個壁畫，幾靚。枱同枱之間嘅距離都算係闊落，唔會話好逼餐牌就淨係一張紙，咁就有曬想食嘅嘢兩個女仔食得唔多，就嗌咗三樣嘢食而家就為大家介紹下啦 一籠八戒呢一籠就好似豬仔咁嘅樣包，圓碌碌脹卜卜， 咬落先知原來係叉燒包嚟㗎。個餡就比較少，不過形象攞滿分鴿鳳梨呢個造型超得意， 連埋個籠一齊上入面三隻好搞笑， 佢係鳳梨酥嚟嘅食落真開心 多色蝦餃你睇下呢龍餃子七彩顏色餃子入面嘅蝦好大粒㗎，同埋一啲都唔會太 咸 乾炒牛河朋友話點都要食返個粉麵或者飯落肚先得所以就嗌咗呢一個乾炒牛河啦，呢個乾炒牛可能出面嘅唔同，佢冇咁油膩炒得多幾香，容易入口 最後嗌咗一個胎菊茶呢個就普普通通咁啦，不過不失值得一讚嘅係，因為我個朋友帶住個bb仔店員好細心咁樣問，需唔需要加張bb櫈同埋攞埋啲bb餐具畀佢，真係幾好不過我覺得價錢就有少少偏貴，兩個人埋單總共差唔多 三百尾不過呢啲嘢事一次就夠㗎啦

一行四人一同下午茶敍，點心賣相精緻，小食分量適合少食量人仕。食物味道也可以，我們點了四個點心，一份小吃併盤，一客小食，一客炒飯，炒飯的份偏少，每人消費$150，價錢合理。因網上訂座，被安排坐店內梳化位置。由於近餐廳門口位置的四人桌，位置太近商場公眾位置，環境比較嘈吵。對是次店員之安排感覺非常貼心。而且店員工作效率也頗高。由於當時為星期六下午繁忙時間，所以用餐限時1.5小時，時間未太充足，但由於香港大部分餐廳也如此安排，也只可接受。