飼說 (已結業)

銅鑼灣開左間文青cafe「飼說」，係「山脈流川」嘅姊妹店，佈置有心思之餘，食物亦有質素食物同飲品都內外兼備，絕對唔係得個樣！「柚子校車」沙冰除左柚子，仲加左我鍾意嘅血橙味道清新，酸酸地好醒胃！有d飲品個名好得意架，好似「昨天燥底」，原來係花茶名。湛藍天王星梳打好靚呀💙搞匀嘅時候會blingbling ✨✨原來係加左食用閃粉營造星空嘅效果。其實係lemonade，飲落帶清新檸檬 味，夠解渴！lunch set均配香草麵包+沙律、咖啡/奶茶/檸檬茶/南瓜湯，我當然揀後者。南瓜湯熱辣辣，味道濃郁帶些少辣，飲得出自家製。餐包烘至微暖，質感鬆軟，加入番茄乾同香草，食落冇咁單寡。近年流行將紅菜頭作菜，以迎合健康潮流。蟹肉紅菜頭意大利飯是頗創作的配搭，risotto呈紫紅色賣相吸引，紅菜頭味道不討厭。蟹肉份量慷慨而且鮮味十足，但飯粒較為腍身。開心果+菠菜+蝴蝶粉？初初以為呢個組合怪怪的，食落先知味道好夾！個人不太喜歡蝴蝶粉，但配開心果醬又合我口味，好快清晒！開心果香氣撲鼻，果仁味突出，配上菠菜竟有意想不到的效果完全沒有違和感，還有雜菌和鬆脆的松子仁增加口感。由環境、擺設以至食物質素都令人喜出望外！價

朋友約左心儀女神遲下食飯，今日同佢出開銅鑼灣，講笑咁話不如實地考察下食咩餐廳啦。唔記得幾時係IG聽過飼說呢間餐廳，去到門口覺得可以一戰，就試左呢間餐廳既第一次。坦白講我地叫得唔多野食，叫左個蟹肉紅菜頭牛油果意大利飯(睇相)。本身我就好鍾意食牛油果既，咁樣配搭第一次試，但味道真心唔錯。你見佢個樣整得係有心思既，唔只我啦我諗邊個女仔都應該會好鍾意掛。你自己見到啲野食個樣靚靚仔仔你都開胃啲啦。另一碟野食係開心果醬菠菜蝴蝶粉。朋友就好鍾意呢個，見佢蝴蝶粉顏色整到咁靚，味道上配合得亦幾好，睇得出有放到心機落去。不過我自己都係鍾意個飯多啲，因為真係中哂我口味。另外有跟埋野飲、湯同前菜既。未到話到極好食但係絕對OK，不過都係放到靚一靚咁。睇得出呢間餐廳菜色設計同佈局上都花左好多心思、而且係餐廳自己諗出黎，唔係左抄右抄啲文青feel野扮哂特別其實冇乜特別既餐廳。我自己對呢啲有Heart有Design既既餐廳就好Impress既，我就唔知我frd個女神會點睇呢間餐廳喇，不過我諗知道個男仔有放心機落去個dating到都會開心掛。

聖誕前幾日去左銅鑼灣到行街行到咁上下 我就同朋友去左呢間文青CAFE到食飯呢間CAFE個裝修都幾靚 成個環境都係白色磚塊同灰色地所以一入到好 已經覺得好舒服 有一種感覺好想係呢D坐一坐 同朋友CHILL既感覺因為我地唔係話好肚餓 所以我地只係叫左一人既份量SHARE黎食MENU裡面 比我想像中多野食 因為平時D文青CAFE都係只有幾個DISH同野飲主要真係食個環境 所以見到咁多野 又有PASTA 又有RISOTTO 又有SOUP 真係好驚喜不過另一方面咁睇 對於我呢D有選擇困難症既人黎講 見到咁多頁 咁多選擇真係好難簡啊不過到到最後 我同朋友終於簡到食D咩啦!先來一碗 南瓜湯想講呢個湯既PRESENTATION 都幾靚佢個湯既南瓜呈橙黃啡色 再加上少許既CREAM 聞落去好香南瓜味 飲落去亦都好CREAMY另外 佢仲ON SIDE左一小碗既SALAD 同墨西哥薯片就咁一個STARTER 已經好豐富了 三樣都係我喜歡的^^另外 我地仲ORDER左個炸軟殼蟹意大利飯配牛油果醬 Fried Soft - Shell Crab Risotto with Avocado Paste(HKD198

如果得閒同女朋友仔上黎食下野都係幾享受~一黎女仔中意靚既氣氛~二黎食物都要靚呢間d食物尤其係色方面食物整得好細心同精緻~意粉方面放左青椒落去有d怪怪地~因為顏色上同味道上都唔太夾~因為佢想整辣d個意粉~但係通常我見最好食既都係用黑椒多~起碼夾起紅汁上黎係夾d野飲整得唔錯~沙冰同水既份量岩岩好~唔會過多~飲起上黎易入口其他主要都係部置裝飾既問題~張台原本幾靚~可惜個陣遇著出面裝修所以差出面個景色!但整體黎講都係好靚~

來到<飼說>是因爲店名特別。店子是銅鑼灣的樓上店，平日晚上7:45 來到己經接近全滿，隔了一陣更是全滿。我的同行男友人十分開心，他是全店約50個客人之中的唯一男生呢！我們坐在露臺位，靜靜地望著銅鑼灣的繁華，對於愛寧靜的我更為喜歡。套餐配上手工麵包，沙律配柚子汁和意式雜菜湯。手工麵包是香草蕃茄麵包。 粒粒的香草灑滿整個麵包之中，而且蕃茄味道甜甜酸酸的，麵包比較濕潤，是不用蘸牛油都好吃的餐前麵包。意式雜菜湯味道清新和蔬菜的甜香。芝士牛肉漢堡扒雜箘醬汁飯漢堡牛肉切開是嫩粉紅色， 肉味濃，只是有點乾。洋蔥是裝假狗，只有一層薄薄的外圈，裡面有些薄片瓜肉。可幸我和友人都不吃整塊的洋蔥。芝士下的飯混上了雜菌醬汁，醬汁鹹中有雜菌的甜香，加上炒製的焦香，有點像醬油撈飯。是整盤的焦點，我們把飯吃得一粒不剩.....罪過罪過....香蕉腰果朱古力，$68泡泡很多，香蕉味濃，是主角。腰果味不太特出，只是豐富了飲品的濃厚度。朱古力有淡淡甜香，上方的忌廉混上了朱古力粉，拌勻了更幼滑。整體不算太特出，但都不俗。喜歡香蕉味飲品的可以試。

難得同老婆仔去cwb買野順便撐枱腳，老婆仔之前聽朋友推介這間餐廳後一直想試，今次終於有機會試到。由於難得一齊早收工的關係，六點已經去到，避開左繁忙時間，所以環境清靜。餐廳裝修擺設獨特，就似其他食評咁講，有一種文青的感覺，再加上寧靜的環境，就似去左台灣cafe。食物方面種類款式多， 雖然晚市沒有晚餐提供， 不過加$48就可以有"手工面包，沙律，餐湯及咖啡或茶"，都算吾錯。如果要無酒精特式飲品則需要加$98今次加左一份芝士牛肉漢堡扒雜菌醬汁飯，再配$98 set 。套餐前菜(手工面包，抽子汁沙律，龍蝦湯) 及 湛藍天王星梳打) $98沙律配抽子汁， 味道酸甜夠清新，蔬菜亦新鮮 ; 龍蝦湯口感幼滑，龍蝦味重，不俗 ; 手工面包有驚喜，面包熱辣辣而且鬆軟，香味撲鼻而來， 牛油味重，好食。加$98的套餐都為左呢杯湛藍天王星梳打， 杯飲品藍色已經好靚，用飲管攪完後成杯閃令令有星雲的感覺。而味道就係檸檬梳打，好解渴。芝士牛肉漢堡扒雜菌醬汁飯$118漢堡扒相當厚，有充分的肉汁，吾乾，煎得夠香，牛肉味亦重，吾錯。醬汁飯亦不俗，雖然色深但吾會太咸，配上芝士，洋蔥，梨片同雜菌相當惹味。

星期日難得有時間快閃銅鑼灣食lunch，原本諗住去brunch club食all day breakfast。上嚟呢度搵吓到有新cafe，於是就同老公去試吓。12點幾上到去已有幾檯客，但好彩仲有last一張窗口位！望一望個lunch menu，$80-$100有飯/意粉選擇，仲包咗自家制麵包，沙律同咖啡！相對All Day Breakfast，差唔多價錢，仲要唔包咖啡，只係細細杯既果汁。唔使諗，梗係揀set lunch! 我揀咗漢堡汁飯，老公食黑松露蝴蝶粉！前菜手制麵包+沙律麵包好味，粉量太少。沙律菜新鮮，配上青檸汁清新，連唔愛沙律既老公都俾個like佢。主菜漢堡扒汁飯-讚，因為我鍾意有汁既飯，又夠濃味，成個飯食晒！漢堡扒正常～黑松露蝴蝶粉-好香松露味，老公好buy，但我食完個飯就覺得太淡！咖啡正常，感覺唔錯，無complaint。地方環境食物及店員都幾好，想係銅鑼灣樓上搵間cafe舒服食嘢，可考慮！

一年又一年，又一好朋友生日了！一早訂好枱跟她慶生，千挑萬選了這間新開的cafe跟她聚聚  一開始見到它的名字覺得有點意思，說明餵飼自己的同時也要說話，但其實我的第一直覺是悅，因為吃東西是一件賞心悅目的事!這裏地方比我想像中大，分內外兩部份，這個晚上裏面似乎被訂了開派對，所以散客都是安排坐外面的半開放式露台，可以見到銅鑼灣繁華的街道，幸好天氣不是太冷，邊食晚餐邊呼吸新鮮空氣，還是挺寫意飼說餐牌上有一般的西式食物，意粉薄餅漢堡都有，名字也改得很有趣，如芝麻街、海底泥價錢則算中上，不過以銅鑼灣來說我說覺得還可以吧~雜莓保守分子不太想飲朱古力類飲品，想要清清不太濃的，最後見這個名字頗搞笑，就試試它吧! 飲下去有一股清新的莓味，感覺是新鮮即製並沒有那假假的甜味，淡淡的水果香解渴之餘又不會太飽~ 至於為何叫保守分子，我就不知道喇HEE選好主菜加$98就有餐包、湯、沙律，不要以為是普通的前菜，而是蕃茄包·甘荀湯·柚子沙律，麵包帶少少蕃茄酸，湯則是有股清甜蔬果味，沙律更不用說，柚子醬本來就香甜易入口，吃過這三款醒胃的前菜，對後面的主菜有更高的期望!炸軟殼蟹意大利飯配牛油果醬一向喜歡食軟殼蟹及牛油果，當

從崇光出來急急腳地沿著怡和街走，在紅綠燈前停下來。抬頭看見餐廳的露台，心想，等了十分鐘的友人，望得到在下面心急如焚的我嗎？距離銅鑼站幾分鐘，而且怡和街有電車和很多巴士，位置相當方便。餐廳在2樓。即使坐在向著大街的露台，嘈音好像過濾了。吹著涼風，很舒服。唯獨是對面的巨型廣告燈牌，燈光很強，不斷轉成藍光、紅光，影出來的相顏色有點古怪。香港的特色，除了世界聞名的夜景，還有造就夜景的光污染。典型的cafe食物種類，但款式加入少少新意。小食除了常見的薯條、雞翼，還有肉鬆炸苦瓜。飲品選擇甚多。不好酒精的我們，目光都停在這一頁。香蕉腰果朱古力用果蓉打成的朱古力，朱古力味濃郁，帶清甜的香蕉味，質地不會太稠，甜度適中。腰果被朱古力蓋過是預料之內，不過表面撒了少少碎，尤其是飲到最後會有一粒粒的口感。起初擔心會濃稠又甜而不解渴，最後幾欣賞它味道和口感都取得平衡。加＄98配湯、沙律和麵包。香草蕃茄麵包很鬆軟，拿上有沒有一般foccacia般油。沙律份量很少，柚子汁酸酸甜甜，相當清新。甘荀湯打成蓉，厚稠又清甜，有暖胃之效。炸軟殻蟹意大利飯配牛油果醬欣賞擺碟的心思，牛油果醬把飯點綴得漂亮。軟殻蟹表面炸至輕脆，蟹身

好少去樓上Cafe,碰巧為了遷就好友要到銅鑼灣一聚，就在網上找到這間樓上Cafe。電梯一開門，只見到牆壁上掛了一副畫，門囗也沒有任何特別，但當踏入餐廳看見周圍的環境，小白色方磚砌成的枱，好有復古氣色，周圍都掛滿畫，最特別是露台的一角，佈置得如一間小房間，裏面包括了床和書枱，充滿文藝氣息。每個餐可以加$48便可以有沙律、餐湯和手工麵包。沙律和餐湯比較普通，南瓜湯味道還帶點辣味，很少遇到，手工麵包就㡬香口。主菜是軟殻蟹忌廉意大利飯配牛油果醬，軟殼蟹炸得很香脆，意大利飯配牛油果醬效果也不錯。最欣賞就是鮮檸檬蘋果梳打，賣相好靚，香水瓶裏是梳打水，杯裏面有冰和檸檬片，另外有一枝蘋果醬，整杯就讓你自己調配，好有滿足感！

最近比較忙，所以都小左出去搵食難得有時間約好朋友見面就去左呢間早排都幾HIT既飼說到試下呢到既裝修幾有心思例如店主將一個角落整到成間睡房甘唔知有冇人真係會食食下去左恰下呢?哈哈枱上面既擺設雖然簡單，但就好有文青Feel唔只裝修有心思，Menu都一樣呢到每杯飲品既名都好得意由其是花茶名，好似有昨天燥底，昨天破聲等等一睇就知杯花茶有咩功效，有創意又實用沙律，南瓜湯，餐包 (跟set lunch)set lunch會送沙律，湯同埋餐包南瓜湯味道比較淡，但飲得出係新鮮自製唔似出面d罐頭湯甘重味又多味精沙律菜夠新鮮，而且佢個sauce有d柚子味所以食落好清新，又唔會太酸餐包係最有驚喜既就甘睇以為個包會好dry，但食落好鬆軟而且入面有d蕃茄乾同埋香草就甘食就已經好夠味，有水準芝士牛肉漢堡扒雜菌醬汁飯 $98可能係有芝士又有甘厚既漢堡扒，望落真係好吸引餐廳用左比較重味既車打芝士片雖然唔會好似mozzarella甘拉到絲但芝士味就會濃郁好多，岩哂d芝士迷 而個漢堡扒都唔會煎到好鞋但調味方面個人覺得可以重手少少而家正係食到肉味，感覺有d單調黑豚泡菜雜菌醬汁飯 $108我當日因為想食辣野，就叫左呢個泡菜飯

又是吃全日早餐的時候，今次上樓上店，台灣文青格調，食物賣相漂亮，味道過得去。我飲凍香蕉朱古力，忌廉豐富口感滑，朱古力味濃。加$48有這份沙律、南瓜湯及手工麵包，麵包最好，新鮮夠脆，南瓜湯不夠甜，沙律普通。我的全日早餐，真係大堆頭！兩大片煙肉又肥又厚但就不脆，今次食炒蛋，加咗香草，味道清，菠菜有些苦，炸魚最得，脆而不油。仲有一瓶黃色流質物體，起初以為是蜜糖，原來是蘋果汁。全店最靚個位是有張牀及書桌的角落，當然一早被人霸了，後來見人家走了，我們狂拍照。樓上店的好處是無限時，這兒環境悠聞，可以邊說邊吃，哈哈！

朋友話帶我去間好有情調既餐廳食飯，一出lift 口見到隻手，嚇到個心離一離呀。。。原來，做緊萬聖節主題，成間餐廳都係halloween feel, d waiter waitress 仲著晒製服，好有心思呀每張檯都用個candle 黎俾光，浪漫order 左兩個set dinner. 第一個set order 左個果茶，一個字，靚d 冰仲雪埋生果入去架我叫左baileys 特飲。啖啖cream 好似食甜品咁滿足！不過酒味好淡，有d 失望送既湯，沙律同包造型都幾cute. 湯好飲我主菜食紅菜頭risotto. 打晒燈影相唔係好靚，不過食落係好味既。紅菜頭既甜味入晒飯到，飯又唔會太硬太軟，出色朋友食海鮮墨汁飯有d 硬呀飯既texture, 不過墨汁味重，鮮味特色情調餐廳❤️

在網路上看到很多人介紹的CAFÉ，前幾天出發去品嚐一番。環境不錯，真想上床睡一睡..ZZZZ前菜少不了，手工麵包很鬆軟，南瓜湯味道也不錯。蟹肉紅菜頭意大利飯拌牛油果整碟的味道很濃，蟹肉滿鮮甜，飯也不會太軟，好食。最後來一杯水果綠茶，有淡淡的青蘋果的味道，與綠茶是絕配。

周日同好姐妹聚會順便發掘銅鑼灣新開嘅cafe位置：近怡和街的商廈內 地鐵站F出口行5分鐘 好方便餐廳環境：裝修光亮 座位間有足夠空間 唔會枱貼枱 坐得舒服我地坐露台座位 比較靜 餐廳內音樂適中 好適合知己聊天 食物：我地點咗兩種pasta - 蒜香白酒蕃茄蜆肉扁意粉 🌶蜆肉份量十足，好似食極都仲有雖唔算太新鮮 但起碼唔會有沙同都幾入味 可以接受；少辣 扁意粉麵質適中 蕃茄仔嘅酸甜中和蒜香的濃- 墨西哥肉醬蕃茄闊條麵肉醬過多 味道太濃 有點膩 指數一般飲品：點咗Rose cafe 同經典朱古力，份量十足 適合吹水嘅朋友 一間好坐可以傾計又有服務 環境舒服光亮 乾淨 回頭指數⭐️⭐️⭐️⭐️推薦指數