餃子妹上海雲吞麵

营业中

休息中

之前有排都成日食呢間 不過都一排冇食到🤣見最近日日都外賣🥡就再嚟trytry😎.📌韮黃膳糊麵 $58第一次食韮黃膳糊 原來賣相係咁🙈黃膳份量都幾多 切到一條條 幾厚肉🤩幾鍾意佢完全冇細骨 食落啖啖肉 口感幾煙韌😚另外仲加左啲韮黃同芽菜😝不過佢唔係炒 係就咁燴晒所有料 賣相有啲差🥺同埋汁太多 浸左落湯到 味道都有啲濃🙈麵底揀左粗麵 口感幾彈牙煙韌 比湯浸耐左都唔會淋晒👍🏻.📌上海獅子頭麵 $53原本以為得獅子頭 但佢仲比埋菜喎 呢個時勢 竟然會有菜 值得讚‼️獅子頭就係豬肉🐷口感似係煎肉餅 變左做波波球🤣除左豬肉之外 仲加左少少馬蹄?蓮藕? 食落多左啲口感 唔會得肉咁dry😌同埋幾鍾意佢個肉碎冇加肥豬肉都整得唔會太乾太鞋口 仲健康啲添💕不過個調味就鹹左啲 但係因為個湯底同個麵都冇乜味 所以夾埋食都唔錯🤤個小棠菜幾清甜 佢唔會煮到好熟好老 所以帶點爽脆同埋有啲草青味🥬今次就揀左幼麵 姐係陽春麵😆相比起粗麵就比較淋同滑啲 不過個麵粉味都幾重🧐

好味指數😋😋😋回頭指數 ⭐️⭐️⭐️開心指數🤗🤗🤗因為去附近有嘢做，想簡單咁食個午餐先走，見呢間都幾多人食，就入去試下！呢間小店唔大，坐得都幾逼，有幸3個人有張4人卡位，食個快飯嚟講都可以接受！裝修都幾舊式，店內阿姐都feel 到幾有人情味嘅～🍴秘製紅燒豬腩肉菜飯（$55）豬腩肉幾大舊都幾肥，煮得好淋好入味，因為幾多肥膏，好正油香味！雖然好味，不過建議大家唔好食晒D肥膏，唔係會膽固醇勁超標😂有生菜底同埋滷水蛋，再加大大碗菜飯，個菜飯正常啦！另配酸辣湯，呢個湯稀杰同酸辣度適中，好味！🍴招牌墨魚餅菜飯（$55）呢個係好多人都讚嘅，梗係要試下！上面有隻太陽蛋，有一塊大同一塊中size 墨魚餅，煎得好香脆，墨魚餅幾煙韌，亦都因為有粟米粒增加少少口感，唔錯！將蛋汁 + 甜豉油 + 菜飯撈埋食都幾正！🍴上海鴛鴦餃麵（$44）呢個有少少雪菜肉絲響面，有雲吞同水餃，兩樣都幾大隻飽滿，味道正常，不過就煮得有少少散開，麵都係正常唔夠彈牙，湯底冇乜味，要自己加辣先多少少味！🍴凍豆漿好香豆味，唔錯！整體上嚟講，食個快飯係okay 嘅，食物質素對得住個價錢，快快食完就走，見到店外都幾多人等位同叫外賣！

琴晚收工自己一個食飯，近近地美孚地鐵站隔離食。叫咗個炸豬扒菜飯。好失敗，啲菜黃琳琳啲飯又濕完全冇咬口，好似食緊啲粥仔咁。豆漿冇豆味又唔甜仲好多沉澱物，飲咗一半就唔飲。

一條女。想食小小。做但暫時荃灣餃子屋係我心中 number 1所以食呢度既招牌。煎墨魚餅菜飯冇叫餃子靚女唔會浪費。當然叫少飯我對墨魚既執著。係會自己去釣果隻！！ 所以我有期望的跟餐豆漿。原大。冇豆味。不甜。飲一半就收皮主角到！！墨魚餅有點油。爽。煎蛋就冇咩好形容啦個自由淡口既（本人係重口味的朋友）菜飯好濕。菜又好碎菜焗到黃哂。老啦睇下個比例zoom近小小。有粟米粒。紅蘿蔔粒食哂墨魚餅。幾啖飯頂頂肚就閃人

由細細個已經成日食佢嘅雲吞同水餃麵，仲會落埋佢地自家製嘅辣豆瓣醬。今日忽然又好想食餃子就嚟叫左一碗。份量雖然比我以前食嘅少，不過都食得飽嘅，一碗麵加埋凍豆漿係$38，都算可以接受。而且餃子入面好多肉汁，又大大隻！不過餐廳嘅衛生有待改善。🙏🏻

📍餃子妹上海雲吞麵 (美孚)美孚美孚新邨第七期萬事達廣場地舖招牌墨魚餅菜飯😎$54之前Mark咗想去😁不過一直都冇經開😅因為都mark底左成年🤣既然今次就咁啱經過☺️點都要食咗先走，始終平時都無乜機會過嚟🤣食完仲可以響隔離搭巴士返屋企😉大大塊墨魚餅😍上面仲加埋隻煎蛋🍳味道方面都OK嘅👌墨魚餅夠爽夠滑☺️煎得亦香脆😁菜飯就普普通通😂但又唔算好特別🤣另外個餐包一碗酸辣湯🙃個湯都幾足料👍

去左美孚附近睇樓, 搞搞下就915pm, 諗住係地鐵站附近趕係10pm前食個dinner, 就pick左呢間茶餐廳. menu同普通茶記一樣, 所以order招牌墨魚餅菜飯. 一上枱, 就被半生熟的蛋吸引,蛋黃流落菜飯度, 感覺好正. 主角墨魚餅煎得好香口, 裡面加左甜甜的玉米, 口味更多豐富. 菜飯就中矩中規, 無咩特別, 但三者十分match! 啖啖肉, 蛋黃令到菜飯更昇華. overall 正常, 性價比高. 價錢hkd54, 加一杯豆漿, 十分滿足.

成日路經過餃子妹都機會入去食吓野，今日決定晚飯外賣返屋企食，試食咗佢嘅招牌墨魚餅菜飯，飲品方面決定試吓佢嘅酸辣湯。回到家打開盒，墨魚餅大大塊熱辣辣香噴噴，墨魚餅下面有一隻煎蛋🍳，煎蛋下面就係菜飯，好有住家飯嘅感覺。大啖食一口，墨魚餅入面有粟米粒，口感分明，配埋煎蛋同菜飯一齊食，感覺冇咁油膩，食晒墨魚餅同煎蛋，仲剩返三份一隻菜飯，但係個人已經飽到食唔落，最後將飯俾咗老公幫我食埋，下次都係要嗌小飯。至於酸辣湯，食到有酸同辣，但整體酸辣湯嘅味道一般，食完個碗底好多辣油，感覺好油膩。總括而言，呢間係一間經典嘅住家菜 食店，想食真香港味道嘅值得一試。

美孚黃店唔多會營業到半夜又好食既黃店更加唔多呢間就係少數既一間～。見到好多人推介既唔係傳統既上海麵或者佢地用以命名既餃子反而係呢款墨魚餅煎蛋菜飯（$51）仲配飲品最面層係煎得好完美嘅燶邊半熟蛋中間就係大大塊嘅墨魚餅而底層就係小棠菜飯已經加入既甜豉油由煎蛋邊漏落菜飯刺開半熟蛋黃一齊食邪惡得黎賣相真係好吸引墨魚餅入口彈牙唔鬆散食得出係手工打製成而菜飯用上珍珠米令到更香軟黎講呢頭不妨一試同時我地都食左佢地既雪菜肉絲水餃麵 ($40)水餃大大隻好足料夜晚宵夜黎講真係食滿足半厭世既同時都要留番半邊係相信呢個世界仲有好多美好既事

由於有時會嚟附近做嘢，所以都食咗好幾次美孚呢間上海舖，餃子妹！對上一次食，餐廳有啲失手，啲飯凍哂、又爛🤧都幾失望，不過始終幫襯過幾次覺得個墨魚餅飯好食，所以決定再比多一次機會。今次個飯熱辣辣好好食☺️幾乎每一次嚟我都係食墨魚餅菜飯，碟頭飯嘅份量好多，如果係女仔嘅話可以叫少飯。上面有隻荷包蛋，吉穿佢蛋黃流出黎，在撈埋啲甜豉油，撈飯好好食！塊墨魚餅有啲粟米粒、咬落幾彈牙，仲有啲紅蘿蔔絲。飲品方面，除咗豆漿仲可以揀酸辣湯酸辣湯都好足料，有蛋絲、木耳絲、豆腐、豬紅、肉絲、筍絲，飲落辣辣地好惹味！

喺美食沙漠嘅美孚🏜️素食店真係少之又少😩有得食齋再加埋係黃店真係罕有‼️食素嘅朋友可以嚟試吓🙌🏻.上湯素菜餃🌱 $41之前都介紹過😆呢度嘅餃子真係雞乸咁大粒😂個人覺得就咁食淨餃 抵食過跟麵底😚雖然佢入面全部都係菜 但係粒粒都好多餡 一碗有六粒 所以都飽肚🤩餡料都幾多樣化:冬菇,紅蘿蔔,雲耳,椰菜,筍,粟米🥰食落個口感同味道都好豐富😋之前食過一次 唔知點解好似有啲醋咁酸酸地 今次食又冇 個味好清 係好清甜嘅蔬菜味🤤最近有條癮好鍾意飲湯底 所以飲咗幾啖 發現有啲唔對路 雖然好清 但係飲落有少少似好清嘅豬骨湯😟飲飲下仲好似食到有粒肉碎😭真係罪過罪過 希望佢冇加到肉落去 係我味覺失調💔

每次中午到美孚工作，必定選擇到此餐廳作客，享受一餐性價比高的午餐。香茅豬扒菜飯是我的摯愛。豬扒口感鬆軟，炸得酥脆可口，不油膩，除了香茅味，還吃到一些椒鹽味，配上爽脆的菜飯，難得套餐都有一些菜吃，套餐配上熱奶茶，屬於正常水準，亦可以選酸辣湯。凍飲加 $1，加$2可選加大裝玻璃樽可樂。如果飲凍飲都非常抵。大多數情況豬扒都比較鬆軟，肉質鮮嫩，但今日有些失準。熱飲杯比較殘舊，影響觀感。如果餐廳可以改善就最好。午餐套餐 $52，性價比高。

前陣子要在附近轉車，乘車前先吃點東西，於是來了此小店祭五臟廟由於近期酸辣湯受到朕寵幸😝，而京川滬菜餐牌上幾乎也有她的縱影，想喝酸辣湯之餘也想吃餃子，所以點了這款。 😋酸辣淨鴛鴦餃酸辣湯食材豐富，豆腐木耳絲豬紅肉絲筍絲，而這裡的酸度較辣度為高，對於愛酸味的在下是很對胃口唷😍，鴛鴦餃分別是白菜餃韭菜餃每款佔三隻，餃子身軀頗珍寶，皮薄滑溜，菜蔬爽脆，豬肉瘦多過肥有肉汁，應該是小店自行包製的吧？整體來說水準不賴，下回再來吃別的

咁啱落開美孚又想幫襯下小店，就同朋友嚟咗上海妹🤣我叫咗個香芧豬扒菜飯，豬扒炸得好香口又唔算油膩，菜飯好足菜，軟硬度又啱啱好，加埋杯豆漿都只係$52，好滿足🥰朋友叫咗個水餃，同樣都係大大份，酸菜又多，食到好飽😂成餐飯加埋都係$100，下次經過一定再幫襯！

喺美孚萬事達廣場嘅角落頭，有間平平凡凡嘅上海雲吞舖，舖頭細細，但係午飯時間呢好多人㗎，幾乎都會坐滿，食過幾次，餃子同飯都食過。最鍾意就係食佢嘅招牌墨魚餅菜飯💰53。自家製墨魚餅好大塊，雖然唔係咬到粒粒墨魚，但我估應該係好似麥如畫咁溝埋啲豬肉煎成一餅，入面仲有粟米，配埋甜豉油，仲有隻蛋係上面撈埋啲蛋汁一流👍🏻菜飯唔會太油，都幾多菜粒。會送豆漿或者一碗酸辣湯。食上海野就梗係飲酸辣湯啦，反正好多地方都有得叫豆漿。都幾大碗㗎，有蛋絲，豬紅，木耳，豆腐等等嘅材料，味道都唔錯唔會太鹹，亦都唔係好辣。👍🏻幾好食😋