餃掂手工餃子雲吞專門店

Nom Nom dumpling dinner! A nice homey dumpling place to try! We ordered one of their signature drink, which is honey lemon barley water, which is sweet but too sweet. Its very refreshing to drink! For the food we ordered the crab and pork wonton which has a very good and strong crab flavor, and also quite nice to add either the soy sauce or the chilli oil! We also ordered the truffle dumplings! both the boiled and also the pan fried one. The dumplings has a very strong truffle smell and flavor,

今日同朋友去銅鑼灣總統戲院睇戲，到食晚飯時間，係總統戲院附近見到有間食水餃店舖，門口餐牌上嘅水餃好吸引，我朋友話這間店舖有好幾間分店，亦有好味道嘅水餃雲吞，咁就入去食。這間店舖叫餃掂手工餃子雲吞專門店，位於銅鑼灣景隆街19號地舖，港鐵銅鑼灣站D4出口，行幾分鐘就到，非常方便。店舖內裝修得好新淨，地方寬敞光猛整潔，座位都坐得令人舒服，店員服務態度都好，來這裏食真唔錯。這間水餃店舖主打手工餃子，為了保存餃子最佳嘅鮮味，所有餃子都係即日包製，先可以保持餃子皮的彈性、肉汁的飽滿和餡料的口感，而材料每天到新界農場購買新鮮本地蔬果，亦採用野生松茸，讓客人品嚐高營養價值健康美味嘅食物。店舖餐牌上餃子食物選擇亦不少，有鎮店極品山珍之皇、中西合璧之選、手工雲吞及麵食、前菜小食及飲品，餃子嘅做法有湯餃子、煎餃子、灼餃子，仲有如果你係素食者有素食嘅餃子，亦有芝士餃子、蝦肉餃子、牛肉餃子、豬肉餃子，而豬肉餃子配搭種類最多，有松茸、韭菜、粟米、芫茜、元貝，真係樣樣睇落都好想食，店舖每天都採用新鮮豬肉，包括梅頭與不見天的豬肉，真令人高興來食。我哋就叫咗至尊松茸豬肉湯餃子及韭菜豬肉煎餃子，亦叫咗雲吞湯麵，菜前小食就

今日做完檢查，朋友見我冇咩胃口就帶我去食餃子，試下啲新口味呢間餐廳都唔少人食，仲有唔少遊客。我主要食湯餃子，揀左至尊松茸豬肉餃，松茸味非常突出，而且佢嘅湯亦都係用料十足，飲落去魚嘅味道非常濃郁但係又唔會覺得腥，味道香甜。餃子亦都非常足料，滿滿嘅豬肉同埋松茸，口感同味道一流！松茸做餡唔係咁多地方有得食，真係好味又特別，推介！另外龍鳳松茸生煎餃，亦都係值得推薦，黑白松露作餡，好食到不得了，煎餃皮脆肉嫩，金黃色外皮睇到都流晒口水！餡料滿滿，香氣迫人！2者比較我更愛此款。食完餃子再飲杯蜂蜜檸檬薏米水，解解滯，清新潤喉！

成日都見到呢間野多分店，今次一於入去食下先。叫左至尊松茸豬肉煎餃，入面落左好重料。主要係豬肉同松茸，松茸好香好清新有一種菇菌香味，食完之後一點都唔會覺得口喝，應該係真材實料無加味精。再且外層餃皮煎到好香脆。 香煎軟心芝士餃，除左粟米同豬肉仲加入左軟芝士入面，出到黎芝士同兩者溶化到一齊。芝味濃郁好鬼芝味。 我都幾種意食個麻辣涼皮，涼皮夠晒香滑，條條夠晒分明夠通透同彈牙。 蜂蜜檸檬薏米水，入口清浪唔會太甜太，加左檸檬汁特別清新，薏米一粒粒都煲得夠淋滑。

平時諗唔到食咩真係鍾意食返我嘅Comfort Food就係餃子🩷 一直都好鍾意呢間餃子店原來係銅鑼灣有間分店🤣比起其他分店坐得更加闊落同舒服🥰今日黎食返一個Late Lunch☀️無論煎餃同埋同湯餃都係一如以往地出色😛⭐️ 至尊松茸豬肉餃 🐖松茸提升咗豬肉嘅鮮度🍄令到豬肉冇咁單調🤪黃金嘅顏色配上辣醬口味好配合🌶️ 仲配上一碗招牌嘅狀元九鼎湯🥹真材實料熬製而成飲落好有滋補感⭐️ 大滿貫素餃 ☘️想食得健康啲可以試吓素餃🫶🏻有豆乾冬菇紅蘿蔔等蔬菜🥕 估唔到素菜都可以做到咁清甜💚⭐️ 元貝豬肉餃 🐚⭐️ 大白菜豬肉餃 🥬大白菜豬肉餃就比較清有種懷念家庭嘅味道好溫暖💛 乾瑤柱又提升咗豬肉嘅鮮度🌊有種淡淡既鹹香好有特色⭐️ 自家製山楂雪梨水 🍐⭐️ 豆漿 🥛山楂雪梨水清甜甜度好自然🍓 酸微微好解渴而去又清熱🤗

大家好今日去左銅鑼灣餃掂手工餃子專門店呢間鋪頭既餃子都係手工製做而且用新鮮食材製做首先食一客麻辣松花皮蛋做頭盤流心皮蛋黃加麻辣好惹味跟住叫左兩款餃子第一款係龍鳳松茸雙煎餃其實就分別係黑松露和白松露醬做既餃子煎餃子煎得好香脆加左松露醬既餃子增添左餃子既香味跟住就係至尊松茸豬肉灼餃 配狀元九鼎湯這隻係灼餃仲有另上既湯餃子裏面松茸既份量都唔少另外湯清完全無渣唔會太咸可以用來伴餃子一齊食仲有一碟XO醬和黑松露醬跟埋可以點餃子食飲品方面叫左山楂雪梨水和蜂蜜檸檬薏米水山楂雪梨水感覺比較消濟蜂蜜檸檬薏米水比較滋潤總括呢一間既餃子好味得來都好有特色

放假同男朋友行街，行到攰攰地好肚餓，咁啱經過餃子店見下午茶時段唔使排隊，直接入咗去食。既然主打係餃子，冇飯冇麵諗住餃子要叫多啲先夠飽啊，打開餐牌發現有好多唔同款式咁佢哋招牌係主打松茸餃子咁一於叫佢最出名嗰兩款龍鳳松茸煎餃同至尊松茸煎餃，另外叫多一款普通嘅餃子雲耳椰菜豬肉湯餃完全睇少咗佢哋嘅份量，以為餃子會好少，所以仲叫咁多佢兩款松茸餃子入邊餡料十足，每隻都脹卜卜，食一碟已經好飽，同男朋友兩個人仲叫咗三碟餃子除咗份量十足，每款嘅味道亦都好好食至尊松茸煎餃啖啖肉龍鳳松茸煎餃好香黑松露味雲耳椰菜豬肉餃好爽口每款都各有特色另外仲叫咗個四川涼麵試吓都唔錯另外叫咗兩杯嘢飲，蜂蜜檸檬薏米水，山楂雪梨水，同餃子好夾，唔需要每次都係叫啲汽水果汁飲冇諗過是但入一間舖頭啲味道都咁好佢仲有好多款餃子未試，下次有機會都想試埋

餃掂手工餃子雲吞專門店喺銅鑼灣總統戲院隔離，晚上八點去食，冇諗過全場滿座，完全同街頭既冷清有好大對比望一望餐牌，同埋大家檯上既食物就明白啦，$70 蚊晚市可以食到位量咁大既餃子，銅鑼灣好難有咁平民價今次食左佢哋嘅幾款招牌餃子，包括香煎軟心芝士餃、至尊松茸豬肉餃同白菜豬肉餃香煎軟心芝士餃呢款餃子個皮煎得金黃脆口，一口咬落去，韌而唔膩餃子入面嘅芝士餡料好豐富，入口即溶，散發出香濃嘅奶味少少流心效果，好出色至尊松茸豬肉餃呢款餃子絕對係真材實料用野生松茸，將名貴食材平民化俾緊幾廿蚊就食到高營養價值既食物，抵佢咁多客皮薄餡足，豬肉餡料鮮嫩多汁，同松茸嘅香氣相融合，帶嚟獨特嘅風味白菜豬肉餃呢款餃子以簡單嘅組合展現咗美味嘅力量白菜係每日由新界農場新鮮買既本地菜白菜嘅脆口同豬肉嘅鮮嫩完美結合，食落既有蔬菜嘅清爽口感，又有肉餡嘅豐富味道另外餃子皮有彈性，值得一讚 值得ENCORE!

近排好想食餃子見到呢間搞掂標榜係天下第一搞，冇理由唔試下喎～.因為見到好多人都力推龍鳳松茸餃，我都嗌咗一個跟湯嘅，試試佢！因為一邊係白松露，一邊黑松露，其實食落個味都有明顯分別。本身白松露嘅味道係比黑松露淡，所以識落其實都食到個龍鳳嘅感覺。另外我食果下覺得個松露味都幾強，用呢個價錢嚟講其實真係算係好唔錯。仲有見到有其他黑松露、白松露嘅配菜，我都仲嗌多咗一隻「龍鳳蛋」，上面有白松露同黑松露醬，用嘅係日本蛋嚟！另外朋友就嗌咗韭菜同芫荽雙拼都係$65咋！好大碗同埋好抵食！平時諗唔到食咩，最啱你呢啲地方食吓餃子👌🏻因為本身係晚餐都想食返少少菜，嗌咗個上湯松茸時蔬又ok喎，上面都有啲杞子同埋冬菇去配。

餃掂手工餃子雲吞專門店 地址: 銅鑼灣景隆街19號地舖電話:=====================我媽媽包餃子手藝很好，除了餡足皮薄，個湯仲會整老火湯或唔同風味，我試過龍蝦湯、冬蔭公等。搬出來住都好耐無食家常feel 餃，所以來食回憶一下。龍鳳松茸雙灼餃$92 8隻，跟湯有黑白松露龍鳳松茸雙灼餃，真材實料，餃皮薄透，中間的餡料飽滿豐富。狀元九鼎湯是好出名，無味精又健康滋潤，由粉葛、鯽魚、鯪魚、鮮排骨，扁豆。平日少飲湯水，來親都是為了喝這碗美味湯水。韭菜豬肉湯餃10隻 $57 韭菜豬肉是我心中最愛，也是媽媽經常用的餡，回憶湧曬出來。日本龍鳳蛋$18 隻流心蛋加菇菌醬$30 原味黄金皮蛋蜜餞雞翼 $33 5隻 蜜餞雞翼的蜜糖甜甜地似食瑞士雞翼，入味軟腍。$20 蜂蜜檸檬薏米，美白去濕 #nomnomdumpling #銅鑼灣 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagra

平時經過這店見到名人和食家如蔡瀾都是這裏的座上客，今日终於有機會試下，覺得這店的手工餃有風味和水準。餐牌見到有多款餃子和小食都吸引，但一個人食量有限，只叫了一份餃子和小食與及飲品。見到店內宣傳推廣松茸的好處，便决定叫這店的鎮店極品，山珍之皇龍鳳松茸餃。這餃子有新鮮豬肉和黑白松露，可選湯餃或煎餃。今天想吃煎餃，餃子即叫即煎，中的一份八隻。餃子個頭大，隻隻煎得外皮香脆，肉餡鮮味，黑白松露香，增添餃子的風味，健康可口，加些香醋和微辣的菜甫豆豉醬更美味。新鮮酸蘿蔔爽甜脆，開胃。日本龍鳳蛋配黑白松露醬都有水準，流心蛋黃尤其美味。最後飲杯酸甜的蜂蜜檸檬薏米水，滿足!下次再來試下湯餃和狀元九鼎湯。

今日終於有幾會試呢間好出名嘅餃子店, 非常滿意😋龍鳳松茸湯餃首先點左招牌龍鳳松茸湯餃, 呢款湯餃係會配狀元九鼎湯, 一上枱見到8隻全部勁飽滿, 咬落去食得出外皮唔會好厚, 而且松茸作為珍貴食材都好足料所以都偏濃味, mix埋九鼎湯清清口balance番😋雲吞湯麵呢碗雲吞湯麵性價比極高, 有12粒小雲吞但餡料同樣豐富, 皮薄口感鮮嫩, 而麵食落就似係上海麵, 硬度煮得岩岩好keep到彈牙有口感, 湯係普通清湯帶點鮮甜味, 絕對值得一試蜂蜜檸檬薏米蜂蜜檸檬薏米好fresh, 飲得出係用新鮮檸檬整成, 而且因為用左蜂蜜唔會有個隻好假嘅死甜味, overall酸味比較出, 薏米就增左嚼勁, 天氣熱必點👍🏻

週末同女朋友銅鑼灣行街，見肚餓天氣熱又唔想食飯，咁啱見到呢間餃子專門店，之前已經聽人講過一路都想試，見下午茶時段唔使排隊就入去試一試入去就見到天下第一餃五隻字，咁有信心？環境都幾舒服，一坐低侍應好有禮貌就遞上一味前菜，醃蘿蔔見佢呢度主打係松茸餃子，於是叫佢招牌嘅兩款餃子，有湯或者煎可以揀，同女朋友兩款都選擇咗煎唔係講笑，好正！每隻餃子都好足料，豬肉同松茸塞到爆曬，大滿足。想啖啖肉嘅可以叫至尊松茸豬肉餃，希望有埋松露嘅香味嘅話可以叫龍鳳松茸豬肉餃，同女朋友兩個人食咗24隻叫咗個大嘅size, 冇諗過咁足料飽到上心口。如果覺得啖啖肉太過膩，可以加埋佢前菜醃蘿蔔食，味道好夾，互相平衡個油膩感。既然有天下第一餃之稱，點可以唔試埋佢其他餃子，於是另外叫咗一個細份嘅雲耳椰菜豬肉餃，今次就試吓湯餃。呢個真係好有驚喜，你話招牌餃做得好食就理所當然，冇諗過普普通通叫個豬肉餃都超級正，我覺得直頭同佢招牌嘅松茸餃有得比，個人嚟講好鍾意，而且價錢上亦相對抵食，即使唔係佢嘅招牌亦都好足料，雲耳夾雜着豬肉好爽口。除咗餃子仲叫咗一份四川涼麵，以一間餃子舖頭嚟講絕對唔失禮嘢飲叫咗蜂蜜檸檬薏米水同埋山楂雪梨水，天口㷫消

等緊食物嘅時候，待應比左碟醃蘿蔔，酸酸地少甜，給最後，開胃小菜。松茸素餃，食到松茸件，味道香濃，配搭蔬菜爽脆口感，非常夾。龍鳳松茸黑松露鴛鴦餃，餃子煎得剛剛好，外皮金黃色，兩種味道各有特色，松茸同黑松露味道濃郁、香口，配搭豬肉新鮮多汁。麻辣涼麵，唔算話好辣，有麻辣香，涼麵煙煙韌韌，會買芝麻醬汁，中和辣味。竹昇米線，清湯配芫荽，米線麵質爽口彈牙。蜜棧雞翼，外皮香軟，內裏肉質飽滿。最後，叫埋杯飲品，檸檬薏米蜜糖水，米白色，唔會太甜，有好多薏米粒係底下，飲完才可以食埋啲薏米。

龍鳳松茸雙煎餃，有黑松露同埋白松露兩樣，再加埋豬肉，簡直係高級嘅配搭，煎餃每一隻都非常香脆，做得非常香，而且每一隻都可以做到金黃色，重點係每一隻餃子都有焦邊，而且餃子食落去非常香脆，咬落去到juicy到爆，真係好推薦俾大家！壽喜燒牛肉餃（大碗）湯顧名思義餐廳係用日本壽喜燒嘅方式去加入呢一個餃子嘅元素，餐廳係用大蔥同埋牛肉主要組成，牛肉嘅味道配上大蔥非常襯托，而且咬落去味道非常有口感，成個口感非常特別係我第一次用壽喜燒味道再加埋餃子，好似有mix and match嘅口感，再加埋本身餐廳比嘅湯，每一次去呢一間餐廳佢嘅湯我都會飲晒，原汁原味絕對冇任何味精，非常出色，所以呢個價錢嚟講都唔算真係太貴，有個湯飲又有餃子食，簡直係完美！呢個餃子好似日式餃子嘅感覺，鍾意食嘅朋友絕對唔可以錯過！蜜餞雞翼，由於怕太飽嘅關係，我哋只係叫咗3隻，價錢亦都唔需要太貴，只係需要$25，呢個價錢小食嚟講，絕對可以一試，食落去第一啖係有甜甜哋嘅口感，而且雞翼即叫即煎，熱辣辣，其實都非常好食，作為小食嚟講，呢一個質素真係唔差，雞翼亦都醃得非常入味，肉質亦都okay, 絕對唔會鬆散，鍾意食雞翼嘅朋友都可以試吓！蜂蜜檸檬