餃里 (宏輝大廈)

营业中

休息中

喺學生時期間唔中都會以餃子來作為主食，有飽肚，而且裏面嘅餡料選擇亦都多，仲可以配埋各式各樣嘅醬汁，簡簡單單又一餐。🤤直到今時今日餃子同埋煎餃仍然係生活裏面嘅重要一樣食物，所以每一次見到有手工餃子店嘅時候就會好奇試吓嗰份滋味，喺炮台山油街公園隔離就開咗一間手工餃子店，啱晒週末週日可以喺公園食吓又一餐🥰紫菜鮮肉煎餃— 🥟一款夠晒特色嘅煎餃，裏面都係豬肉餡，但加咗大量嘅紫菜，🐷平時呢一個配搭相信係絕少見到。煎餃大約要等8分鐘，🐷而且隔住個餃子皮都可以見到裏面啲餡料係爆滿。 🐷味道係純天然，全靠紫菜嘅鹹香味同埋豬肉嘅鮮味就已經概括晒，🐷想增加一啲辣味，佢哋亦都有附送埋辣菜脯，咁就有多重味道🐷椰菜鮮肉煎餃—🥟有特色亦都有傳統而呢一款椰菜鮮肉煎餃絕對係傳統之選，粉嫩嘅豬肉，🐽再配上清新嘅椰菜就提供左額外嘅爽脆感，非常熱賣🐽餃里 （炮台山店） (北角)北角炮台山宏安道2-12號宏輝大廈地下6號舖

我哋今晚去咗喺炮台山嘅餃子專門店餃里食晚餐，真係食得好開心，包裝包得非常之好，所以返到去屋企嘢食仲係熱辣辣！我哋試咗佢哋嘅韭菜豬肉餃同埋紫菜豬肉餃，兩款餃子都幾好味，韭菜豬肉餃嘅韭菜香味好濃郁，而紫菜豬肉餃嘅紫菜味道好鮮美，餡料都幾豐富，令人食完之後好滿足。除咗餃子，我哋仲試咗無花果紅蘿蔔腰果素湯同埋蕃茄薯仔肉碎湯，兩款湯都好滋味，無花果紅蘿蔔腰果素湯嘅味道幾特別，好似有啲五香嘅味道，又幾清淡，飲落去好解渴；蕃茄薯仔肉碎湯嘅湯底好濃郁，仲有啲微微嘅酸味同埋蕃茄嘅甜味，配埋啲薯仔同肉碎，好滋味又有飽肚感。整體而言，餃里嘅餃子同湯都好好味，而且價錢亦都好實惠，一定要嚟試下啦！

天氣好熱、做完gym又肚餓、唔係太想食飯/麵。經過見到 餃里係專賣餃子，於是決定試吓。依家係專做外賣、好多唔同款式嘅煎餃同湯餃。我分別叫咗一份韭菜鮮肉煎餃（9隻）、椰菜鮮肉湯餃（9隻）配蕃茄薯仔湯、同埋椰菜鮮肉煎餃（9隻）。餃子係即叫即整、非常新鮮。店員亦都非常細心、有禮貌、仲送咗個環保袋。🟡韭菜鮮肉煎餃 - 餃子皮煎得好爽脆、韭菜配上新鮮肉好入味、大大粒。再配上菜譜（少少辣）同埋醬料去食、勁正。🟡椰菜鮮肉湯餃 -配蕃茄薯仔湯。除咗蕃茄薯仔湯之外，仲有龍蝦湯選擇。我選擇咗蕃茄薯仔湯、夏天飲解渴同消暑、湯好足料、有好多蕃茄同薯仔、餃子既鮮肉嘅鮮味融入咗湯到、好開胃。🟡椰菜鮮肉煎餃 - 依款餃子嘅鮮肉味會比較、配上菜譜同特製醬料食、會令到你不停想食。大家可以去試下

媽媽愛吃餃子，今天去開炮台山，便去朋友推介的餃里買餃子外賣孝敬媽媽。朋友話餃里在屯門很出名，在炮台山開了分店後，不用去屯門都享用到美味手工餃子。她推介泡菜鮮肉煎餃和芝士粟米豬肉煎餃。餃子款式多，有煎餃，也有湯餃，還有生餃。媽媽愛傳統口味和素餃，於是我揀了韭菜鮮肉煎餃，白菜鮮肉煎餃和清新素煎餃。餃子即叫即煎，等若10分鐘便可取外賣。韭菜鮮肉煎餃和白菜鮮肉煎餃都美味，皮薄饀多，用料新鮮，調味佳不咸，豬肉肥瘦適中，加香醋吃更惹味。清新素煎餃出色，除了清甜的蔬菜香菇粒，還有粉絲，清爽有營，媽媽連吃數個。隨煎餃送的手工辣菜脯辣得惹味又爽口，正!媽媽吃得很開心，下次再買其他口味孝敬她，買生餃回家打邊爐也不錯。

🌼 第一份係韭菜肉湯餃，啲湯汁好鮮甜，餃皮薄薄哋，又唔會爛爛地，好正！仲搭咗無花果湯，真係好爽口，同湯餃夾埋一齊食，真係好享受！🌼 其次就係香荽肉熟餃啦，味道好濃郁，煮得啱啱好，餃皮煮到微微焦香，入口即化，真係好過癮！不過如果你唔鍾意香荽嘅話，可能就冇咁啱你口味啦。總括黎講，呢間餃子鋪真係唔錯啊，餡多皮薄，湯餃同熟餃都好好味。雖然加咗價不過都唔大影響❤️可以係外賣平台叫

早幾日經過見到有生熟餃，我呢個餃粉即刻沖去買😄見到有素餃，因為我媽媽唔食得竹筍，所以問下素餃入面有咩餡？收銀姐姐好有耐性話我知有咩餡，好有禮貌，仲叫我試下芝士味，話超多回頭客，我即刻買翻個雙拼試吓先😂😂試完真係真材實料，好足料，飯都唔洗食😂😂總結👉🏻服務好，真材實料👍🏻下次再試下其他味先😜

之前要喺屯門先食到餃里，而家喺炮台山都有分店，近d！😆今日又可以食到，好高興！🥳🥳🥳一直都好欣賞餃里既餃皮薄餡靚，每隻餃都大大粒，餡料都非常飽滿！1.泡菜鮮肉煎餃 $60/9隻泡菜辣辣地，夠濃味同惹味！個底煎得夠脆，但不油膩！2.芝士粟米鮮肉煎餃 $60/9隻我的最愛！芝士融合粟米、鮮肉之中，芝士味亦濃，好正！😋😋😋3.撈麵 $10/細碗可以撈埋惹味爽口既菜莆一齊食！😋 麵條有口感！👍🏻

今日去油街參觀完展覽，經過炮台山宏安道一間專營外賣餃子叫餃里的小店，見到餃子種類多又吸引，便買了數款回家慢慢嘆，餃子足料又美味，滿意👍。煎餃有十種口味，湯餃有六種口味，還有撈麵，上海麵，湯，飲品和菜脯等供應，落單後等若15分鐘便有新鮮熱辣的出品可取走。整個點餐取餐過程流暢有效率，店員友善服務態度好，讚!我叫了兩份煎餃三拼，可在餐單內10款餃任選3款各3隻。煎餃個頭大，隻隻飽滿足料，各款都好味道，皮薄多餡，食材新鮮，豬肉肥瘦適中味鮮。我最喜歡紫菜鮮肉煎餃和泡菜鮮肉煎餃，媽媽就較欣賞和風椰菜叻喱鮮肉餃，芝士粟米豬肉煎餃和咖喱鮮肉煎餃。韭菜鮮肉湯餃配上海麵好味又飽肚，蕃茄薯仔肉碎湯有營，有住家湯風味，值得一試。外賣附送的手工辣菜脯和香醋都不錯。今餐吃得很滿意，下次再encore，也可買生餃系列回家。

開張以來除了有一天看到疑似老闆娘友善招徠，此後的服務態度都很差，印象太壞，未有機會真正吃一次。當初招攬生意時，特意提我WhatsApp下單，然而早前WhatsApp下單一直沒收到回覆，到店查詢可能太忙碌，所以態度非常不友善，又黑口黑面。在旁等待好一會兒才得知大部分餃子售罄，白等半個小時。之後經過店舖，亦有查詢購買生餃，或下單安排，店員態度愛理不理，說話沒尾音。不知是因為生意好所以可以冷淡不禮貌，還是因為這是店舖特色。見評論多說態度不好，大概先受點氣吃餃子會比較好吃？！？？

朋友介紹，一吃愛上。這裡的餃子跟湯有一種家的感覺，就是像住家飯那樣一吃就知道新鮮而且沒有味精但比一般食肆淡口的味道。個人認為雖然蕃茄湯好好味，但單論餃子是煎餃比湯餃好味，芝士餃一流，其次是香荽餃，新出的白菜餃也不錯。服務方面，那綠色頭髮姐姐感覺有點兇，比較沒耐性，像一般香港侍應一樣。但見她憑人都叫呀妹，氹到d大媽好開心。等候時間跟附近麥當勞差不多，但因店太小要在路邊等。如隔離咖啡店有位建議買杯咖啡坐低等，那咖啡也不錯。

第一次幫襯果陣，唔知有Whatsapp落單功能，結果我等左20分鐘。第二次用WhatsApp落單，去到拎外賣果陣話未覆我所以未整，同埋下次叫我再早啲落單，最後我等左10分鐘(我12點落單，表示2點拎)第三次早上10點半落單，表示2點拎。去到拎外賣發現佢落錯單，我叫椰菜豬肉佢比左韮菜豬肉，問返我點算，員工仲話唔關佢事，張單係老細落，最後我又等多20分鐘，行埋返公司lunch都就快完幾好食都好，我一定唔會再幫襯。

嗌左9隻雙拼煎餃 $58⭕️粟米五隻 泡菜四隻因為我哋仲有其他嘢食 所以淨係嗌少少🤣態度方面都OK正常 成日叫小妹🤭芝士粟米餃🥟🥟🥟個皮煎得啱啱好 冇穿冇爛 又煙韌餃子本身唔算話好大粒 係正常size 餡料偏濕潤！芝士味唔出 食落去口感都幾正 芝士同粟米融合一體唔會話分開晒 推推！泡菜餃子🥟🥟🥟呢個都幾有驚喜 咬落去保持到泡菜嘅口感索索聲 又唔會太辣 餡料都係保持到濕潤 唔會煎到乾身 泡菜同豬肉嘅比例大約係6:4 好食過有d韓國餐廳嗰啲泡菜餃子！

上次放工試左芝士餃 好好味 撈麵少少辣 好惹味lunch time 再試下其他味 泡菜好正佢會比埋個辣菜甫係精粹 😍😍😍但收銀果位呀豬媽真係趕客 我網上落左單同佢講講下嘢佢聽外賣電話 等等都唔講收左線佢望住我 咩都冇講 我心諗what? 咪同你講左電話number 😑ok 再講一次我個order 比佢知佢： 你貴姓呀 (勁冇禮貌）ok 你忙我都理解 但可以態度好少少 又唔係欠左你😤😤😤😤😤never again. (上次男店員好好）

喺社交平台群組知道內街開左呢間餃子店，本來想去堂食，去到原來係外賣店。我叫既係湯餃，好足料，芹菜都好有口感。個人認為浸住湯餃既湯係一大重點，唔口乾，有湯料（有驚喜）。惟lunch時間去到買外賣，目測都唔算太多人，服務都係一般。整體上都值得一試，但係服務真係需要改善。

本身都覺得佢吾係最好食，不過都OK嘅！但係服務態度就差！好多餐廳或者食店就算喺繁忙時段都可以keep住一個好嘅服務態度！不過佢哋就做唔到！永遠做飲食嘅定義就係，啲嘢就算好食但係服務態度，啲人一定唔會返去幫襯！