養心殿台式養生鍋 (已搬遷) 新店位置

落咗成個星期雨，周圍都濕立立，我嘅偏頭痛又發作🥵 本來諗住休息吓就無事，點知都係無好轉🤨 咁啱呢日約咗朋友去銅鑼灣打邊爐，唯有打俾朋友cancel個飯局🙄 點知朋友一聽到我話偏頭痛，就話我更加要出嚟... 唯有就範！原來我朋友好細心，安排左今晚去養心殿，仲特登幫我叫咗個寧神養心鍋補一補，湯底都係用一啲專治頭痛嘅材料嚟煮成，既有川芎、白芷、天麻、當歸，仲有烏雞同大魚頭，我朋友話食咗包我冇事😅 飲咗碗湯暖暖地，似乎真係好咗啲🙏🏻 胃口都返哂嚟😉 又可以食到我最愛嘅竹笙同千層豆腐👍🏻 可惜今日個爐火唔多得，煲湯煮極都唔滾咁🤨 想煮片羊肉都有排先熟... 不過慢有慢嘅好，大家又多啲時間傾吓計🍻 呢個先係我哋出嚟打邊爐嘅精粹呀嘛🤩

今晚又可以食養心殿，食過幾間分店質素唔錯，所以可以再來一次先食個前菜咀嚼下先，鹵水鴨舌夠味入口淋身任可烹調方式的鴨舌我也很喜愛的😚一行四人貴為美女，美人鍋係必點的（對大家都咁好）🥰霜降肉眼肥牛帶點肥肉幾嫩口，淥一陣又食得涮鍋小羔羊肉片很香羊味，大家都很喜歡食雙拼丸(黑松露蝦丸拼芝士牛肉丸)+自家製極品水餃，店方丸類選擇有得雙拼，好細心芝士牛肉丸，芝士香濃又流心，時間啱啱好切成滾型的萵筍食落有口感我鐘意呀打邊爐食蔬菜係指完動作，雜錦蔬菜係我們的最佳選擇，有兩款菜類、三款菇類又有粟米呢度有紫淮山麵，打邊爐都可以食得幾健康調味料有芫茜、紅辣椒、香葱、香醋、蒜泥汁、豉油整體服務唔錯，食物質素唔錯，保持水準

前幾日同一大班朋友黎，其實未食之前已經久仰大名，好多人食過都話好，所以一於試下係咪真係咁好拉！我地book左夜晚8點，安排坐廚房隔離，雖然有點嘈，但碗碟碰撞都唔係問題，最大問題係隔離有兩間K房，然後隔音唔太好，結果成餐飯都夾雜住別人既歌聲，係有少少尷尬。講完環境講下食物，坐低左先知原來野食都幾貴，除番開一粒丸要$12，嚇親大家。我地叫左一個麻辣鍋同一個美人鍋，湯底真係好足料，飲完個美人湯立即覺得成肚都係骨膠原，非常養生，而麻辣鍋就認真幾辣。我地叫既食物都好basic，都係丸啊，肥牛啊，金菇啊等等，值得一讚既係個烏冬好彈牙，不過准山面就麻麻地，好似普通上海面咁，同埋唔知佢係咪即叫即整，個准山面等左勁勁勁耐。最後想講既係，呢間野既服務態度十分好，個個都好友善！總括而言，呢到既食物質素同服務態度都幾好，不過價錢真係overpriced左，下次應該會等優惠時段再黎！

依家香港除左吹番起珍珠奶茶既熱朝之外，台式火鍋都好受人熱棒！所以，今次就去主打台式火鍋既養心殿試下！鍋底方面試左酸菜白肉+麻辣鍋。酸菜白肉個湯底夠曬純夠曬白，係個白肉太肥...另外麻辣鍋個麻辣味道好似唔太多夠，但聞落去就夠曬香！料方面，今次試左佢個肥牛，份量唔錯略嫌覺得油脂分佈唔夠平均🤔🤔🤔。另外都試左佢個麻辣牛肉餃，出奇地成件事都好夾🤤🤤🤤！佢個牛肉煮完都唔會太老而麻辣既味道又唔會太搶，成件事好Balance!

朋友提議打邊爐，即刻諗起養心殿我地嗌咗個麻辣鍋同美人鍋個美人鍋湯好充料，有原隻烏雞同桃膠而麻辣鍋就有啲失色，唔夠麻辣美人鍋記得飲咗先開始淥食物呀！推薦梅花肉，手切牛肉，墨魚滑同芝士牛丸

聞說呢個養生殿火鍋十分之出名呀，湯底好唔錯，所以呢就久仰大名呢嚟試下。原來佢七點前埋單有唔知幾多折，感覺幾抵嘅，但係冇辦法我要去到已經8:00。入邊個裝修好古色古香，都算係個特色。兩個湯底點左個養心鍋同埋一個美人鍋，兩個鍋都有半隻烏雞，睇個湯底d料都要可能夠飽。個湯底個味道好濃郁，個養心窩呢有少少辣味，感覺有驅寒作用，即係好有中藥嗰種感覺，好似幾正氣。然後我呢就點左係啲特色丸，仲有個牛胸爽啦（雖然細份啲但係有幾爽又幾特別喎），仲有牛坑腩啦、水餃，冰菜（好特別），今次呢冇點海鮮，下次可以試吓點啲海鮮，我睇隔離枱果d都幾新鮮。其實打邊爐最緊要係個湯底，湯底好嘅話呢基本上嘢食係好。下次可以試吓佢係有得打邊爐家唱K嗰啲餐廳。

今日OT搞掂個project放晏左，飯都未食，咁收工就同同事一行兩人一齊去搵好野食，但因為已經11點幾，好多鋪頭都已經關左門，咁岩想打邊爐就上OpenRice搵到養心殿開到淩晨3點，咁就出發啦。咁上到去，慶祝project完成，緊係叫個最貴既養生鍋湯底啦。個湯底入面本身已經有鴨血等等既食材，而且超好味，真係當湯飲都得。之後我地仲叫左好多野食，肥牛，丸，菜當然唔小得，另外我地仲叫左蠔食，全部材料都好新鮮。為左慶祝，仲叫左兩支白酒飲，哈哈！最後因為宵夜時段做會員仲有7折優惠，但因為我地叫得太多野既關係，都真係唔平啊！

之前一路聽啲朋友講話好好食，今次終於黎試咗啦不過打邊爐來講呢度嘅燈光都算係幾暗😂因為永遠都係有啲朋友鍾意食辣，又有啲唔食得到所以都係叫鴛鴦火鍋最方便我哋有一個係美人鍋嚟㗎，個湯底好足料煲得好香，唔會係死辣。就算唔辣嗰邊都好清香咁打邊爐就梗係唔少得牛肉啦牛肉花紋尚可 牛胸爽夠晒薄，一淥就食得又爽脆即炸響鈴同樣趣卜卜叫麻辣湯底仲有得送多一煲鴨血我仲有叫我最鍾意食嘅冰菜，喺台灣空運返嚟㗎，聽落都覺得夠晒新鮮墨魚滑同樣爽口彈牙雖然唔算係驚為天人，但都算係叫做唔錯嘅火鍋店

天氣炎熱，但都無阻我倆去養心殿打邊爐嘅心情，因為都真係幾耐冇食喇，癮又起了。識叫一定點鴛鴦鍋啦，一次過試晒兩款湯底。酸菜白肉鍋~~酸酸的，很醒胃，仲有QQ麵係底，吸盡湯的精華，見咁好味，我地再加多個QQ寬粉條，正！記得仲可以追加一次酸菜白肉美人鍋有半隻烏雞，很滋補，又有大量桃膠，養顏必食！養心殿嘅丸一向岀名，我地當然不會錯過啦！最愛是黑松露蝦丸，爽口又彈牙，仲有濃濃的黑松露味 這個菜強烈推薦，翠綠新鮮，拖幾秒就食得，很爽嫩。記得不要淥過龍，否則就會過”林”。黑豚肉半肥瘦，豬肉味濃郁，肉質軟腍不嚡口，再叫一杯桂圓茶真係透心涼。

忍唔住要寫食評讚一讚先～今次是第二次吃養心殿台式火鍋，因為對它的酸菜白肉湯底念念不忘，一想起就口水直流。今天我和老公點了一個鴛鴦湯底，一邊小麻辣(不是很辣，惹味，能接受的辣度)，麻辣湯底已經有鴨血，不過唔夠自己可以再點，我地得兩個人，夠吃了。另一邊是最愛的酸菜白肉湯底。一開鍋，迫不及待要喝一碗酸菜湯，但這間分店的湯我認為酸度不夠呢！可能我太喜歡吃酸了！配料方面，我們兩人點了鹽酥雞，兩杯1664生啤，蝦滑，雜菜，豬肉，韭菜餃子，凍豆腐，雜丸等，樣樣都新鮮好味，由於點了太多，食物也吃不完，不過價錢小貴，埋單九百多元總括來說，我會再次光顧的。

店內的裝潢重古典風味，進食的氣氛10分好我們選了美人鍋和寧神養心鍋。鴛鴦鍋正能滿足我嚐嚐不同口味！一邊用鮮魚餚成湯底呈奶白色，可能有藥材中和的關係，完全沒有魚腥味！另一邊的湯裏有原隻烏雞，而且肉質鮮嫩不會因為淆製湯底而變得老韌。桃膠你口感特別，我特別喜歡南棗，入口像糖果一般。我和友人都對湯底十分滿意，還吃光了雞我們點了杞子菊花圓肉露來清熱，有粒粒香甜的龍眼，而且十分清香，和火鍋很撘。甜不辣！厚脂黑毛豬梅花肉，肉質鮮甜唔點醬都ok!魚皮餃和鵝肝墨魚丸，本來以為鵝肝係混在一起，點知咬落中間全部都係鵝肝，足料！

好耐冇打邊爐，行開銅鑼灣，見到養生鍋，就心思思同朋友一齊上咗去啦。I 我們叫了一個鴛鴦鍋，一邊是小辣麻辣鍋一邊是美人鍋。美人鍋其實是烏雞雞湯鍋，打邊爐前侍應叫我地飲咗湯先，的確湯很鮮甜，帶淡淡的藥材味，很高質素，還有是我最喜愛的桃膠，真的很寶啊。此外，湯入邊還有半隻烏雞吃，不錯啊。麻辣鍋就相對比較遜色，可能比預期差吧，只是有點那沒有什麼太大的特色，但是你們可以叫多碟鴨血，是附送的，反而鴨血比麻辣鍋更出色，滑脫脫的。下次更想試酸菜鍋。配菜方面我們叫了羊肉，丸子，水耕菜，烏冬。羊肉就是普通質素，但丸子就不得了，我們叫的是丸子拼盤，總共有六款丸子，各有特色。其中最喜歡的是芝士牛丸，牛丸彈牙，咬開時啲芝士爆出嚟，很滿足。蝦丸及墨魚丸都是很彈牙很鮮甜值得推介。原來水耕菜就是我們叫沙律的羅馬生菜，配上雞湯，效果出人意表喎。烏冬就略嫌失望，因沒有想像中那麼彈牙。總括依然，食材高質素，湯底優質，下次一定約埋班friend 一齊嚟打邊爐。

窩夫四月中終於跟閨蜜們試了養心殿台式養生鍋，沒想到養心殿提供的是沒有椅背的木椅。第一件事是選湯底，六款當中選了美人鍋($188)。美人鍋($188)有原隻烏雞，配以桃膠、杞子和南棗等，女士養顔首選。上桌煮至大滾後先喝碗湯，然後再用來打邊爐，不過湯底愈滾愈鹹，後期要求加水不加湯。下次有機會試試它的巧手小食。火鍋配料選擇豐富。手工丸類拼盤($108)有六款共十二粒，款款都很有水準，窩夫推介芝士牛肉丸，吃時要小心裡面的流心芝士燙咀呢。即炸脆響鈴($68)上桌時帶暖，新鮮炸起零舍不同。鮮甜三蔬($68)有粟米、秋葵和山藥，全部都很新鮮，粟米超甜。千層凍豆腐($48)的豆香味並沒有湯底蓋過。窩夫之前在台灣吃過水蓮，印象深刻，見到有每天新鮮空運到港的台灣翠絲水蓮($88)，窩夫自然要推介給閨蜜一試，口感非常爽脆，大家都很喜歡。後加了餃子拼盤($118)有六款共十二粒，全部都很飽滿足料，其中一款是麻辣牛肉餃，不吃辣的朋友不要吃錯。寬粉條($38)的QQ口感正合窩夫的口味。

男友突然話去打邊爐，突然很想食台式火鍋，第一時間就唸起養心殿。 👍🏻我地點了雙拼火鍋，一邊係靈神養心鍋，另一邊係美人鍋。靈神養心鍋主要材料是鮮魚和鮮雞，魚味香濃，如果喜歡喝魚湯的朋友不容錯過。美人鍋主要食材是原隻烏雞，知音而且養顏！湯底都有淡淡的藥材味，聞到都精神，好嘢味呀！兩個湯底都唔會太濃太重口味，唔食火鍋，只係飲湯都夠補梅花豬：好好食！仲好味過食牛！而且一d雪藏味都冇，下次一定再叫黑松露蝦丸，非常有特色，好重既黑松露味!自製水蓮餃-入面既水蓮好特，同肉味好夾！好鮮味午餐肉（炸）有炸過，就咁食都好鬆脆整體來講，如果講湯底，好難搵到對手，好少打邊爐既湯底可以直接飲用。火鍋配料都係屬中上水準，佢既質素絕對配得佢收既價錢！

天氣反常🌨 #小秘書 呢兩日居然要著 #冷衫🧶返工❄️ 不過都好嘅，又有藉口比我班 #豬朋狗友 約出嚟 #打邊爐😉唔知由幾時開始，養心殿《銅鑼灣》台式養生鍋 成為咗我哋嘅 #聚腳地。呢晚大家都準時收工，未夠6:30已經坐抵開爐👀 不過唔係咁好彩安排我哋坐咗喺gas爐張枱，成晚煲湯又唔多滾... 唯有慢慢食斯文啲啦😅🤣 #小秘書 每次嚟 #養心殿 都會叫 #麻辣鍋，因為食至愛嘅 #鴨紅 、#響鈴 就一定要配埋佢🤩 而呢度嘅 #麻辣鍋 唔係嗰種辣到爆炸嘅口味，可能係 #廚師 喺湯式加咗啲 #龍眼肉，將辣味調和得啱啱好👍🏻 至於我朋友揀嗰個 #養心鍋，裡面有 #烏雞 同 #魚頭，#服務員 仲話有 #專驅頭風嘅藥材，聽起嚟都好補😏#打邊爐 當然唔少得 #牛、#羊+#肉丸 啦😉 呢晚最難得 #竹笙 有貨返，貴就貴啲，不過好厚身，索哂啲 #藥材湯 一齊擺落口，好好味呀❤️