養心殿台式養生鍋 (已結業)

三五知己叫了（美人鍋和麻辣鍋），美人鍋可以的，但麻辣鍋叫了（中辣）有失望，因為不辣和缺乏了麻辣感～這間火鍋食材新鮮，雪花肥牛和手切牛也可以，環境富有特色！中午時分至七點半前埋單很抵食有半價，我們消費了$800 ，最可惜我們有兩架車，他們10分不願意給我們多一張單作免費泊車飛，所以令我們最尾都幾反感～為了公平起見我們唯有叫他分單，才能爭取了多一張免費泊車卷（因為商場內消費滿$300可有泊車免費優惠）坦白說我們確實消費了$800！也沒有理虧（慳多張車票、無左多單生意）戇居

約咗朋友去打邊爐，仲要入到馬鞍山，今次試吓新開商場嘅養心殿火鍋。呢間的分店一直有食開，質素都係有信心保證。佢有好多啤酒選擇，最正係有幾款生啤！打邊爐啤酒係好緊要嘅！火鍋湯底我哋叫咗酸菜白肉拼麻辣湯底，淨係個湯底都好多嘢食，啲酸菜白肉即係五花腩，非常爽口，一啲都唔覺得油膩。麻辣湯底嘅鴨血同豆腐都好受歡迎，所以我哋免費追加嗰份選咗鴨血。打邊爐一定要食牛肉、羊肉、牛柏葉，呢間竟然有黑牛柏葉，正！最鍾意呢間火鍋店嘅火鍋料可以揀半份或者一份，咁就可以試多幾個唔同嘅食材！而且價錢好均真，叫本分唔會收多你！呢個手打丸嘅拼盤有六款唔同嘅丸，款款都幾好食！食完仲有甜品送，係好好味嘅雪糕球！榴槤味最正！

老友在馬鞍山新屋入伙，相約上去坐吓，但係佢唔識煮嘢食，所以坐完就要出街食入伙飯。佢屋企有個新開張嘅商場叫we go mall，有新開張台式火鍋，梗係要去食麻辣火鍋啦！呢間係麻辣火鍋嘅大阿哥，港九新界都有分店，仲要係幾正宗嘅麻辣火鍋！我哋叫咗鴛鴦喎，一邊係麻辣火鍋，一半係酸菜白肉鍋！兩個湯底都非常好味，麻辣湯底有鴨血同豆腐，鴨血好滑好入味，仲可以免費追加一份！酸菜白肉鍋，酸酸地都好開胃，白玉好爽好彈牙！配料用料都好新鮮，叫了美國肥牛及羊肉，一樣好食。其他食材質料上佳，炸響鈴非常新鮮，即叫即製，食完再Encore 多一碟！

吹水會員又再進行大召集，精明的會長提議吃養生火鍋。一班豬朋狗友半男半女，所以火鍋都分開了兩邊：美人鍋加養生鍋是也。美人鍋有烏雞及桃膠，骨膠原濃重。養生鍋有很大陣中葯材的味道，更有大顆人參！正是一邊滋陰、一邊補氣，雙管齊下！未放材料前我們都淺嚐數口湯，眾人大讚！因為湯底勁正，灼的食材自然甚佳。除了不同的豬牛肉片之外，小人最喜歡乃是豬粉腸，洗得乾淨，外爽內糯，趁養生湯一流。蟹籽墨魚滑相當彈牙；響鈴是熱脆的；而水餃更有韮菜味、麻辣味等，極之豐富。滋補又養身，登上吹水會登峰頭號之列！

朋友間近期流傳呢間養心殿台式養生火鍋開到成行成市，氣勢好勁下，於是就同屋企人去試下。目標清晰，嚟得食佢，緊係叫佢個招牌養生鍋湯底啦。佢地個養生鍋係用火腿、雞、豬肉肴製，仲加咗人蔘、鴨血、千層凍豆腐、紅棗、龍眼乾、…總之一上檯睇見個湯底好豐富。我習慣係湯濃時先飲一啖湯試下原味，用有蔘味嘅沙底嚟打邊爐真係第一次，真係貴氣返晒嚟呀。 我哋叫咗羊肉片、極上雪花肥牛、黑松露蝦丸、響鈴、餃子拼盤、鴨血、凍豆腐、炸午餐肉、烏冬。羊肉、肥牛都好新鮮。但我想推介黑松露蝦丸，又香又彈牙。 另外都推介餃子拼盤，因為啲餃子都好大粒好飽滿，魚皮餃好好味，韭菜餃簡直係一咬即刻爆曬d韭菜出嚟。飲品方面，我地叫咗1樽杞子菊花圓玉露，都幾清甜。今次4個人一齊養生，埋單1200左右。

早排聽到住馬鞍山同事話黎左食，幾好食咁...咁啱我番馬鞍山搵媽咪...媽咪又生日...又有人揸車...咁就去試下啦店舖開晌馬鞍山私樓區個新小型商場入面，如果唔係揸車去...都有少少唔就腳。我地叫左養心鍋同養生鍋養心鍋浸味我真係接受唔到...相反媽咪鍾意呢個多啲..養生鍋我就覺得幾好味...個手切牛都係必食...好好味呀！牛柏葉唔駛叫！響鈴又係必叫，黎到仲熱辣辣，應該係即炸嘅，我哥仲空口食左兩條...不過就比較油！啲丸呢...蝦丸好味...牛丸聽講好騷...其他火鍋料都係一般啦埋單二千蚊....有啲貴喔...

馬鞍山一向被喻為「食物沙漠」，唔好話火鍋店，就連比較好d既餐廳一開都排滿晒人，最近知道馬鞍山開左我幫襯開既養心殿，咁近我屋企，又點可以唔去幫襯下？！是晚星期四，估唔到7 :00 左右已經人頭湧湧，未至於要排隊等位，不過都十分多人！好彩間店既座位多，我哋一行四人都無大問題！養心殿主打台式養生火鍋，除左火鍋外，有好多配料都係台式食品，有d仲係飛機直送！ 配料種類之多，足足有2 頁紙，每個類別都有好多選擇，真係好難揀呢！醬料方面貴精不貴多，因為本身個鍋既味道都十足，而且配料都幾新鮮，唔駛點醬汁都好好食，當然加d蒜汁，葱，辣椒同醬油都幾惹味！湯鍋喺落單後無耐就送到，參味濃郁，而且配料都非常豐富，有桂圓乾，鴨血，當歸，紅棗等材料，除左參味仲帶d甜味！食開養心殿都知佢哋既質素有保證，今晚都唔例外，極上雪花肥牛肥瘦均勻，賣相吸引，牛味重！至羊肉就鮮味十足，味道有少少膻，不過經過個湯底洗禮後，又會變得鮮甜！ 今晚我哋食既配菜同湯鍋，其實除左肉類外，佢哋既丸類同餃類都係好好食，餃既餡料都鮮味十足，隻隻都大大粒，想食晒咁多隻味，可以叫餃子拼盤，每款有2粒！另外特別推介香脆十足既響鈴，仲有有咬口既鮮味鴨血

今晚朋友約到馬鞍山食飯，朋友話好耐無打便爐，難得呢幾日風高氣爽，就一於食個火鍋。上open rice搜索一番，發現呢到的邊爐未吃過，兩人便起行。餐廳有點古代中國特色。茶芥醬料每位要$20見到餐牌上個酸菜白肉鍋有得免費再送肉喎，咁就點左呢個湯底。湯底酸酸開胃，又有蕃茄等各蔬菜，感覺健康。倆個人點少少餸先。響玲：打便爐中我的最愛，香脆可口。千層凍頭腐係我另一喜歡，難得呢到有，每一口都浸滿湯底，真係那快感少有。丸類方面點左個拼盤，樣樣試d，全部手打，彈滑有致，丸都係手打質感最佳。肉方面就點左一口肥牛粒，嚼勁十足。最後最值得一提係原來有甜品送架，吃完便爐清清喉嚨很不錯，好彩有店員願意開聲同我地講，唔係真係唔知道，成餐飯最窩心係呢句。

男人話要慶祝紀念日又想打邊爐所以就㨂左黎養心殿，7:30前埋單有5折優惠，8:30前埋單就有7折優惠入到去好古式古香咁，枱與枱之間有足夠既空間，坐得好舒服醬汁要出去拎，我覺得個蒜泥汁好香好正我地一次過落單，所以會一次過送過黎，好吸引咁叫左個鴛鴦鍋（美人鍋+養生鍋），我覺得2個湯都好好味，而男人就唔太鍾意人參味，所以佢鍾意美人鍋多啲，我飲左超多湯終於可以食嘢了，有男人最愛既牛肉，佢話好好味，之後仲要叫多碟牛胸爽，佢食到好滿足。而我就最想食鴨血，好滑，食到唔停得口。我地叫左鵝肝墨魚丸同黑松露蝦丸，首先試左個蝦丸先，好勁黑松露味，好正，而個墨魚丸就覺得麻麻地。黑柏葉就普通無特別。枱旁邊會有個呢啲嘢（唔知叫咩）用黎整寬粉條最好，寬粉條比平時既紅薯粉淋啲，唔係好吸到啲湯既味道，唔知配麻辣鍋會否match 啲呢分享養心殿 facebook 及簽到打卡就免費送杯飲品突然間話有杯沙冰送，枱枱都有，飲第一啖先知味道，係柑桔檸檬，好清新8:30前埋單有7折優惠，但只可以比現金，如果比信用咭就只可以得72折優惠，好彩咁啱夠現金，但回到家再仔細咁諗，其實72折都只係相差20-30蚊左右啲侍應好nice，會主動

今日男友黎接我收工,話要帶我去打邊爐。我:你到底係有幾想我死?最近天氣又熱又局仲同我打邊爐?點知佢話原來養心殿係馬鞍山開左新分店,咁近我咁又真係無理由唔食既,好啦原諒你啦^^新分店位於馬鞍山新SHOPPING MALL "WE GO MALL",馬鐵大水坑站一上地面直行5-10分鐘就可以到達。門面都係一貫既宮廷風格,搞到最近煲劇上腦既我即刻上身人黎明扶本宮回宮!連配料既碗都好宮殿風湯底都係養生為主,但本宮有本宮既至愛酸菜白肉鍋!(尖叫聲唔該!)酸度適中開胃,白肉食落唔UN而且陣陣肉香,最緊要係呢個湯已經有埋寬粉,仲可以免費追加多一碟酸菜白肉!我個人建議一開始就可以追加定,因為可以將酸菜放埋落去一齊滾下個湯,咁就可以更惹味喇~霜降肉眼肥牛油脂分佈均勻,淥5-10秒已經食得,牛味夠,而且肉質都唔會過UN炸午餐肉人氣必食!厚切午餐肉再炸真係邪惡萬分!黑松露蝦丸(半份)黑松露味好香,而且係手工丸既關係彈牙多汁老油條又係必食推介!我就係鍾意佢夠老!非常硬身,所以你放落湯就算滾左5分鐘先食都係脆口!仲要索哂D湯汁,真係太好味喇!雖然WE GO MALL 交通未算係最方便,但終於係新界開左一間我愛既

話說lunch同屋企人黎左馬鞍山wego mall分店一試，我叫左個藥膳燉排骨加碗白飯，我地13:30坐低，1430先黎個類似瘦肉湯既物體，冇藥味都算，你等左成粒鐘等左d咁既野，冇回頭

作為馬鞍山嘅朋友，已經習慣咗要係其他區覓食，難得係屋企附近開咗新商場，仲要有幾出名嘅養心殿火鍋，唔洗點排隊都試到，實在係馬鞍山人之福😍 預約咗七點半，唔洗排隊，入面都幾多人。環境有啲古色古香，而且有曬間隔，方便同朋友吹水唔怕騷擾到人。湯底多選擇，比較特別，今次就試下酸菜白菜鍋。湯底相當足料，有薄腩肉、透明彈口嘅粉條同酸菜，食曬湯底嘅料已經飽曬😂 兩個人叫咗六款食物，其中即炸響鈴，手工丸同烏龍面最令人驚喜！平日唔係特別鍾意食響鈴，但呢個即炸響鈴真係好酥脆，浸一秒即刻食就剛剛好。手工丸款式好多，選擇困難症嘅人揀拼盤就最安全。重點係每一款都好好味，好特別，有黑松露味、有芝士流心、墨魚、鵝肝等，每次都要放入口先知係咩味，好有開彩嘅感覺！甚至連梅菜豬肉味都有，實在太有創意😂烏龍面放到最後先食，雖然面嘅單價係最平，但實在係一大重點，吸曬湯底嘅精華。而且份量也不少，加埋都每人都食咗兩碗。另外仲食咗一口牛、農場嘉美雞同鮮蝦滑，份量比想像中多，而且質素都符合價錢。今晚食得好飽，遲啲有機會可以試埋其他食物！食飽之後係海旁散步行返屋企，成件事非常圓滿！

而家天時咁熱，但係朋友依然嘈住話要嚟呢度打邊爐，到底有咩咁吸引？好啦，就成全朋友一次，而且見呢間餐廳都算新開，不妨順便試試佢實力。我地晚上6點就到達餐廳，估唔到裡面已經幾乎坐滿食客！美人鍋$188從來未試過食咁清甜，而且感覺咁滋補養生嘅火鍋底，飲完第一啖已經覺得值回票價！未開始打邊爐我已經飲左3碗湯啦鍋底仲有巨多桃膠喺裡面，桃膠富含膠原蛋白又高纖，女仔食真係會有份外滿足嘅感覺架黑松露蝦丸半份$48呢個手工丸真係好好味黑松露味好突出，蝦丸亦打得夠扎實，入口感覺好好，下次如果有機會再嚟嘅話都一定會食返呢個黑松露蝦丸!!即炸脆響鈴$68響鈴送到上枱嘅時候仍然有微暖，而且仲聞得到有一種啱啱炸起嘅氣味，未食已經覺得餐廳對食物質素有相當高嘅標準。極上雪花肥牛$188份量適中，色澤同埋雪花好靚好均勻，牛肉味亦都夠香濃，值得推介。整體嚟講我覺得餐廳嘅食物質素真係相當高，侍應服務態度亦都夠友善，而且仲好勤力；坦白講，呢一餐嘅價錢談唔上平民化，但係佢的而且確係值回票價。

馬鞍山友人帶我去新商場，順道嚐嚐被港人追捧的養心殿。叫了鴛鴦鍋，一邊是美人鍋，另一邊是養生鍋。我們超級喜歡藥膳味，湯底一煮開，我我們就連續喝了幾碗。點了一碟靚牛，一卷卷的放在碟上，賣相相當吸引。且牛味香濃，友人讚不絕口，一直吃一直吃。蜂巢豆漿吸收了湯頭，滿滿的藥膳味留在口腔內，很香很上癮。沒想到秋葵用來打邊爐會這麼好吃，非常香脆。喜歡吃黏黏的可以煮久一點，不過會容易變黃變黑，所以要好好控制煮的時間。芋頭有預先煎煮過，所以放在鍋內一會便可吃。而雜錦丸亦很吸引，挺彈牙的。其實湯底及食材是不錯的，但價錢實在太貴，吃這些不算貴價食物都要每人三四百元.......

養心殿同朋友食過好幾間，今自馬鞍山呢間新開就嚟呢到試下！湯底我今自揀咗美人鍋...鍋裡面有完隻烏雞，金華火腿仲由桃膠添呀，唔怪得個侍應話呢個係屬於甜湯湯，完來咁滋寶！我地兩個人另外再叫多碟千層凍豆腐，鵝肝墨魚丸，農場野菌同霜降肉眼肥牛。未開始打邊爐之前試飲咗個湯底先。美人鍋清清地唔會有浸藥材味而且個湯底有原隻烏雞好足料！鵝肝墨魚丸各半份，鵝肝墨魚丸真心推介！墨魚丸夠彈牙，鵝肝夾雜喺入面味道好突出！打邊爐當然要有肥牛，肥牛當然唔少得。一來快熟可以快食，二來肉嫩。豆腐係我最愛，吸哂湯汁，好味！鮮菇，金茹菜。經典組合，茹經過仔細清洗食唔到任何苦味！食材新鮮，湯底火侯十足，特別一讚內場侍應，有禮相待，我都明白服務業係比較辛苦，特別係做火鍋。當中有一位係較為年長既侍應。佢多次提點我地用餐小心，更多次幫我地加湯。非常細心！