養心殿台式養生鍋 (已結業)

又食養心殿喇!!掛住佢個寧神養心鍋呀! 因為我真係好鍾意川芎, 天麻燉魚頭湯的味道仲有補身烏雞個湯夠晒濃郁當然要襯埋麻辣湯底先夠滋味麻辣湯底就當然有鴨血陪伴啦手切牛肉(細) - $238前幾次都係食雪花肥牛今次一改常態食手切牛肉牛肉油花靚而且味濃煮熟後油花爆出的味道超正即炸脆響鈴 - $68打邊爐最開心係見到 “即炸響鈴”唔即炸我唔洗出街食麻樓下街市都有啦!!響鈴吸收晒湯底精華真心正.鮮甜三蔬 - $68鮮准山、粟米、秋葵蔬菜類我鍾意放落寧神養心湯底會份外鮮甜黑柏菜 - $78新鮮黑柏葉放進麻辣湯底真係超正又辣又爽口鵝肝墨魚丸 (半份) - $48每次嚟都會order呢個鵝肝墨魚丸都係嗰句 - 唔係周街有得食麻硬開彈牙墨魚丸要小心入面熱辣辣的鵝肝

事隔兩個月，又來到養心殿開餐喇今次來到馬鞍山全新shopping mall入面嘅分店唔知水準係咪同其他分店一樣好呢？裝修一如既往都係帶點古色古香嘅感覺由於得兩個人食，叫嘅嘢食唔算太多先來個大合照先湯底方面都係揀返麻辣鍋，再拼養生鍋佢嘅麻辣確係出色，唔係一味得死辣而養生鍋感覺係藥材成份比較多，個人來講都幾中意「極上雪花肥牛 $188」見到均勻嘅雪花佈滿咗係塊牛肉上面嗎？超濃牛肉味，厚薄一致我哋之後再enocre咗一碟哈哈「日本蠔 (6隻) $138」雖然得6隻，但勝在每一隻都好肥美由於本身佢size都唔細，所以淥完都唔會話變咗迷你蠔「日本金菇 $48」「香菇貢丸 $48」強烈推薦食麻辣湯底一定要叫金菇啲金菇索晒個湯底真係正到無朋友貢丸真係食到有片菇喺粒丸入面！應該係自家製？出面好少食到咁足料嘅貢丸(左起) 「麻辣牛肉餃$42，韭菜餃$42，水餃$42，芝士牛肉丸$48，黑松露蝦丸$48」我哋全部都叫咗半份，驚食唔晒麻辣牛肉餃唔會辣到飛起個隻，有麻辣香味韭菜餃同水餃好足料芝士牛肉丸有驚喜，入面芝士係流心黑松露蝦丸都好特別，淥完味道都不減總括而言食物質素都係一如以往嘅好希望下次帶多啲朋友一齊

之前去過尖沙咀間養心殿食過，食物質素好好，服務都好好。見We go mall都開左間分店，又好似幾好評價，於是就同老公去一探虛實。我地叫左鴛鴦湯底，酸菜白肉鍋同寧神養心鍋。酸菜白肉鍋有大白菜，五花肉，寛薯粉，湯底清甜。酸菜白肉鍋可免費追加一份酸菜白肉。寧神養心鍋有川弓白芷，魚頭，一隻烏雞腿湯底有好大陣藥材味，好足料好甜。配料方面我地叫左蟶子皇自家製極品水餃手工丸類拼盤牛胸爽炸午餐肉蟶子皇：好鮮甜，$48/1隻自家製極品水餃：其實只係木耳絲加豬肉再加一粒蝦，$42/4隻，味道普通手工丸類拼盤：有6款丸，每款兩粒，$108芝心牛丸黑松露蝦丸鵝肝墨魚丸蝦丸墨丸梅菜豬肉丸最好味係芝心牛丸，粒鵝肝墨魚丸嘅鵝肝得一粒粟米咁大，好搵笨！牛胸爽：好爽口彈牙，$138炸午餐肉：都算厚身，$58如果剩係計食物質素，我會俾80分不過計埋環境及服務，呢間分店係零分啲位又窄櫈又無椅背，坐左一陣已經想快啲食完快啲走仲有人手完全不足，想搵人落order又無人，要自己去加湯，埋單又要催幾次，上甜品又要催幾次。總結：去養心殿都唔會再去呢間分店廢事扯火

之前知馬鞍山開咗養心殿，心情異常興奮，是關旺角果間試咗兩次都非常好。頭先六點幾跟openrice留嘅電話訂今晚8點，順便問非優惠時段係咪可以轆咭，接電話條女話唔知，佢只係熱線，訂唔訂到位都係唔知，叫我等覆！等了半小時，再打電話問飛咗線，再15分鐘依然無反應……算吧……無缘好心快安番條電話線啦，個熱線無功能嘅，乜都唔清楚，又駁唔到去馬鞍山分店，訂唔訂到位又唔知，淨係叫你等電話食品相信不會差，服務未知，真心希望呢間及得上其他分店

有咩事唔使緊張， 慢慢食住同大K講!如果你唔小心，行錯左入咗沙漠，好似馬鞍山沙漠，都唔需要緊張，因為有大K!除咗啱啱有證號行咗入去馬鞍山沙漠之外 做啱啱開咗間養心殿 呢間養心殿就不得了囉 除咗裝修好有中國特色之外最緊要嘅就係食力包你食得安心放心。最重要的係地方乾淨，睇下個爐就知。爐邊，爐底係最容易污穢的地方，你係垃垃令我哋最大嘅問題嘅就係乜嘢都想食 眼闊肚窄從來都係食家嘅大忌 大家記得食得曬先至好嗌今次呢坐低就嗌咗個養生鍋 呢個喎真係正到不得了隨手一份就係 人參， 有相為證睇下之人心成個人字形咁 絕對交足貨 足料炮製仲有各式各樣嘅蔬菜 賣點 係新鮮。 份量足夠兩至四位用 另外貼心嘅餐廳 每一張檯面都有一盒紙巾同埋一個專係 煮 粉面的筲箕平時啲麵啦 肥牛呀碌撚碌就會散曬 縮曬衣問最後渣都冇得淨 呢個筲箕絕對幫你慳返唔少精神時間一於食盡佢啦。另外 大K推介， 養心殿自家秘製響鈴 未食我哋唔好話係我大K介紹嚟㗎。 響鈴食物最緊要係新鮮炮製 我唔係唔使一定響鈴 絕對可以滿足你。建議食法 將響鈴垂直插入 湯鍋 裏面 然後馬上攞番出嚟 只係容許享明過一個月湯嗰種 又脆又熱又窩心嘅感覺 簡直係來回地

抱歉沒有影d食物分享比大家，個人意見除左響鈴值得一讚之，其他既都係一般料， 但價錢高左d,環境還可以總算唔太嘈，但因燈光較暗，調味吧基本上睇得唔太清， 最重點係唔好要求有服務， 個場太大，一格格又難叫人，其實應該好似某d餐廳咁 按鈴服務啦，D人d面口又麻麻，4個人食左千7蚊得到一個總結～沒有下次

平時普通火鍋經常都食到，沒什麼特別，今次和朋友就到新商場新開幕嘅養心殿，食養生火鍋，果然沒有揀錯！我們選了酸菜白肉鍋及美人鍋，兩款湯底味道都十分濃郁，我個人特別喜歡酸菜白肉鍋，酸菜味令湯汁更惹味，未開始食火鍋前已經不停飲湯了，另外還配上一碟酸菜白肉，份量十足。美人鍋亦不遜色，烏雞鮮甜，配合一些有益藥材，確是補身又美味之選。配料方面，我特別喜歡餃子，材料十足，味道不錯，水蓮餃是我最愛之選，其他火鍋店應該沒有的，水蓮也是很少吃到的，真的很有台灣風味。整體而言，我和朋友都十分滿意這個晚餐，餐廳舒適，而且平日時段多數不用等位，上菜速度快，有時我們較大了爐，侍應都會很貼心幫我們調較一下令我們食得稱心。食材乾淨新鮮，下次一定會再來。

高質台式火鍋😍最近有鋪邊爐癮😛呢兩個星期已經打左四五個邊爐，超超超滿足🤣今晚湯底係麻辣鍋+美人鍋😍😍美人鍋有桃膠，含豐富膠原蛋白，仲有原隻烏雞、杞子、南棗及金華火腿老火肴制湯底，打邊爐前飲碗湯先，夠哂養顏😬手切牛肉 細$238手切牛肉有著如大理石般的油花，輕輕放在鍋中拖幾秒便可，油花在口中慢慢融化～櫻桃鮮滑鴨片$88第一次打邊爐食鴨片，原來都幾正😍質感嫩嫩的，有如鴨胸肉片充滿鴨香。手打丸類拼盤$108鵝肝墨魚丸及梅菜豬肉丸最得我心！鵝肝墨魚丸爽口彈牙，用料十足，真的會咬到墨魚肉，真材實料，調味恰到好處，實在不能錯過。翠絲水蓮$88第一次用水蓮打邊爐，碌佢十秒就食得，質感爽脆又充滿湯底精華的味道😍😛

昨天book了位，今天來吃， 7點半前半價的台式火鍋我們3人5點05到達。。。。幸好預先book了位，等了5分鐘左右就有位置了我們3人叫了半份美人鍋半份酸菜白肉鍋， 一份水蓮菜，一份細手切肥肉， 半份麻辣牛肉餃， 半份黑松露蝦丸，一份蔬菜盤， 一份響鈴，一份烏龍面兩個湯頭都十分清甜好味。。。食物亦十分新鮮，7點半前結帳有半價，平均每人185元， 值得一試

食味有質數且新鮮，鮮蝦滑爽口彈牙，最中意響鈴新即炸，鴛鴦湯底～養生鍋湯&美人鍋湯底超正，唔洗去台灣都食到，簡值👍🏻👍🏻👍🏻😊一家人食，滿足地走😋😋

係馬鞍山新商場開左呢間養心殿..朋友食過出面果d都讚好..所以一直想試下..今晚終於約齊朋友一試究竟...8點左右黎到..都幾多人..但環境寬敞..每張枱都格開..坐得都幾舒服..唔會好大陣味..好肚餓..首先叫左個鴛鴦湯底-酸菜白肉鍋同美人鍋..價錢就會按貴果個收..酸菜係秘製大白菜..唔係平時既咸菜..食落酸香..好特別..仲額外配多碟酸菜同白肉..好足料..個湯酸酸地好開胃..我飲完一啖又一啖..入面就有d QQ麵..好彈牙..另外果個美人鍋入面有好大隻烏雞同桃膠..仲有好多美顏既材料..清清地..都好味..肉類叫左御選梅花豬...薄切睇落好新鮮..賣相唔錯..食落爽口彈牙..另外嘉美農場雞肉..份量都幾多..我地覺得餃子拼盤值得一試..因為種類都幾特別..除左平時既韭菜餃.水餃..雲吞..仲有麻辣牛肉餃同水蓮餃..好少係第二度有得食..墨魚丸同蝦滑都有質素..食落都好新鮮..響鈴都平時食既長..但又不失脆卜卜..仲有一個幾特別既甜不辣..入面食到有芋頭..感覺唔係平時果d..份量差唔多..4個人都食到捧住個肚走...

午餐諗唔到食咩，同事覺得這店太好味，所以就算只得兩人，佢都想同我去食，但我一直疑惑，兩個人打邊爐，食啲咩？在新港城三期對開的公園有免費接駁車到這商場，到達後完全不用等位，可能係因為平日約1:20時間吧！我們點了麻辣及美人鍋，鍋一到，麻辣味勁誘人。麻辣鍋中有豆腐及鴨血，已入味，好好食；美人鍋裏有半隻烏雞及桃膠，食完真係可養顏，因為桃膠係近年平價的女士恩物。麻辣鍋可以免費追加一份鴨血，非常開心，不過冇原先在鍋內的入味。我地兩個人另外再點了雜菜籃，份量少少的；鵝肝墨魚丸，鵝肝好細粒，不過墨魚丸好彈牙，好味；鮮蝦雲吞，一樣好新鮮、彈牙，好味；店舖好貼心，一啲食物可以叫半份，適合我地兩個人；另叫了薯粉，店舖亦好貼心，有一個小籃子，好似炸薯條那款，俾你放麵去煮，唔會煮完唔見左啲麵，不過啲洞太大，混左啲香料在麵中。這餐最重點係只要晚上7點前結帳，就全單半價，這餐唔洗$300，抵食！😀

選擇早D食完, 可以有半價優惠, 就試下5:30PM就黎到, 已經好多人排緊隊, 要預先BOOK位先有得入.店舖裝修算幾簡陋, 是但掛個SPEAKER, 掛幾個燈籠,  油到牆身就開得舖.檯面都幾油下, 自己用濕紙巾抹乾淨先敢掂.野食唔算太多選擇既, 樣樣都有D.酸菜白肉鍋 - 入面已經有QQ粉, 酸菜, 白肉, 湯底幾清唔濃的, 酸菜係微酸, QQ粉份量都算多, 可以有3碗, 白肉仲可以免費叫多一份.甜不辣 - 暖暖的, 熱食時外皮有點脆, 不過附帶的是茄汁, 好似怪怪的.鵝肝墨魚丸, 自家製水蓮餃 - 鵝肝墨魚丸好彈牙, 入面真係有一粒鵝肝, 有一粒包得唔好, D汁就漏曬, 否則係爆汁的.自家製水蓮餃就幾特別既.鮮甜三蔬 (秋葵, 玉米, 山藥) - 真係好新鮮, 秋葵大條, 玉米好甜, 山藥好大片.千層凍豆腐 - 因為凍豆腐要吸了湯底先有味, 所以....湯底唔濃, 變左個凍豆腐係無咩味既.極上雪花肥牛 - 上檯真係好靚, 片得勁薄, 變左肉味唔重, 無咩咬口.不過7:30埋單有半價都叫抵食既. 服務都OK有禮貌.

馬𩣑山新商場竟然有一直想食既養生殿，兼且又做promote， 7:30pm前埋單有半價，點都要試下。同男朋友5:00黎到，已經要等位，超誇張！好彩佢地服務好好，留低電話，到差唔多有位就打俾你，咁我地就可以行住街等。6:00入座，唔理咁多即order湯底，目標希望7:30前埋單！湯底叫左美人鍋同養生鍋，美人鍋堅好飲連烏雞都滑滑的，養生鍋相比之下就一般，有一陣藥味。醬料就係我地前面，原來有幾處地方都有醬料拎，好方便叫左水餃，芝士牛丸，腐皮，烏冬同牛腩，講真如果無特價其實價錢略貴牛腩都好食，仲要勁多塊趕住埋單，倒晒d野食入口，我地飽到反晒肚。細心處係可能大家都想有半價優惠，侍應到7:20已經問定我地駛唔駛埋單，讚！最後埋單都係3百頭，如果多人食仲抵！

呢間開喺馬鞍山的一間新商場中。商場位置有d尷尬，既唔近大水坑站，又唔近恆安站，鐘意搭火馬鐵的食客要留意。適逢假日，商場算多人。餐廳有好多小朋友，所以比較嘈。上菜比較慢，拖盤好大個，有d重同佔地方。台式肉燥飯好正，花旗參湯好濃郁，保就唔係個個受得住陣味，佐飯小菜都幾好味，只是小小辣。另叩咗個麵都有驚喜，d麵質好筋斗彈牙，麵身够滑，只是口味略淡。服務生大多係“小鮮肉”，一叫即到，週到熱情。