影片
港铁彩虹站 C4 出口, 步行约4分钟
继续阅读
营业时间
星期一至六
12:00 - 22:30
星期日
全日休息
以上资料只供参考，请与餐厅确认详情
此店在彩虹邨紥根多年，但揾食肥華卻從未光顧過，因當年此店有另一間名氣雲吞麵舖，穩記，與其打對枱，肥華衹識食穩記雲吞麵而忽略咗呢間以牛什成名的麵家，近日在FB有不少好評提及此店，所以在7月22日肥華和靚媽到彩虹村朝聖嘞，首先試食個鎮店名物五香牛什，果然名不虚傳水準比坊間一般麵店牛什為高，牛丸湯米大致同蘇記清湯腩個碗同類食品水準相若，而個碗雲吞麵就充滿六七十年代屋村街邊麵檔味道，不過雲吞卻偏咸，口味重咗啲，而此店可能主力係牛什食品所以枱上調味醬料衹有潮式辣椒油，而没有食廣東雲吞麵係绝配嘅嗰款廣式辣椒醬，真係有啲美中不足掛萬漏一之感
继续阅读
饒平牛雜麵久仰饒平牛雜嘅大名，真係有料到！新興係極少數全部都用新鮮牛雜，難得一場來到就叫一碗牛雜淨食。新鮮牛雜跟急凍牛雜有咩唔同呢？新鮮牛雜嘅牛肚除了金錢肚亦都會有草肚，牛腸亦都會有竹腸、牛粉腸和牛大腸，呢啲佢全部都有齊。（如果是一早來食還會有機食到極少有的牛沙瓜，但我是晚上去食的所以就食唔到了。）一向以來我都唔太鍾意食牛腸，但佢真係整得好好食，我全部都食晒。牛膀牛肺都洗得好乾淨，尤其是牛肺的色澤是很淺色不是深黑色的，即是佢真係好有心機將牛肺中的血水和雜質全都沖洗出來才去煮，所以食落是軟滑彈牙而不會又黑又實掘掘。一煲牛雜的靈魂，當然就是靠那煲牛雜的滷水汁底。新興牛雜的顏色是比較深的啡黃色，跟中環水記的淺色很不同，估計佢應該在滷水中加了「糖色」所以色水要比水記靚，色香味全，可見店家連滷出來的牛雜要有靚的色澤都有考慮埋，用心做就係咁的。再呷幾口個牛雜汁底，隱約地食到個滷水應該是加了少許北芪或黨蔘之類的中藥材在其中，但又唔會好似藥饍咁重藥材味，要細嚐之下才會食得出這少許藥材的香味，怪不得個味道辟到牛雜的騷味之餘仲要比坊間的牛雜食落更加香啦！就算是牛雜這一種下欄食物，都用心做好，做到極致。做食店有這樣的態度，自然會受到食客嘅尊重，唔使賣廣告或矯情地賣理念都做可到街知巷聞。
继续阅读
這家店看來和一般的屋邨街坊食店沒兩樣，但我很喜歡這店的牛腩河。這店的牛腩不韌不硬，又夠入味夠香，肥瘦尚算適中。而且湯底亦夠味，應該沒甚麼味精。雖然未必級得上華姐、九記等名店，但我認為在街坊店來說是很不錯的。另外此店近期裝修過，光鮮了不少，還有大電視播翡翠台，可以睇住電視食。不過此店經常在星期日打烊，想食都無得食....
继续阅读
因家住附近，已多次光顧此店，個人推介的有以下食物:-豬手 - 好冧、好入味(太太至愛) 雲吞 - 本人至愛，因為好有傳統的大地魚味在雲吞內，好傳統的味道牛腩、牛雜 - 都好好味，諗唔到用咩形容詞炸醬 - 無驚喜，仲油咗少少食物以外，湯低也都係麵食的主要配合一環；這店的湯低就正好不太重味精，令食麵後都唔會覺得太口喝。 good
继续阅读