香港人冰室

营业中

休息中

出開街見時間岩就嘆返個下午茶，依間新式冰室裝修企理，室內個夜景好靚！卡位坐得舒服，而且上餐速度都好快👍✦ 斑蘭西多士＋沙律 💰36沙律有一貫水準，配大大塊熱辣辣厚切多士😋不過斑蘭味唔濃。✦黑松露煙肉蔥花滑蛋潛艇 💰37一向係潛艇愛好者既我，見配搭咁特別更想試下！每種材料既味道都好分明，黑松露配煙肉同蛋簡直係perfect match，係下午茶必叫之選！✦阿華田雪山＋紅豆冰 各＋💰10Tea set 會送熱飲或凍飲加3蚊，但就想試下特飲特別係阿華田雪山😝野飲上面鋪左層五穀麥芽粉加上唔太甜，飲晒成杯都無罪惡感！

今日出咗去長沙灣嗰頭行街買衫，行到攰攰地想搵個地方坐低！於是醒起有個fd話呢間冰室d野食唔錯！見到佢哋個名*香港人冰室*特別有親切感。入到去佢個裝修都有大大個香港夜景😍雖然間舖頭唔大，但估唔到佢地既餐牌係超級多野揀👍👍我都有d眼花撩亂😍😍樣樣都想食！由於我哋去到嘅時候已經係下午茶，所以我地叫左平時一定必點既沙嗲牛肉麵、斑蘭西多士、公司三文治，仲有佢哋推介既五香肉丁麵😅😅係3-4個人既份量😹😹而且老闆同伙記都好有禮貌，值得再次幫襯！ Ps.佢哋仲有免費Wi-Fi提供，好貼心嘅服務👏👏第時開放晚市可以再去幫襯😻😻🍜沙嗲牛肉麵牛肉味道香濃嫩口，配埋出前一丁麵，係好食既味道！😋🍜自家製五香肉丁麵第一次食自制肉丁，相比平時罐頭的肉丁味道較淡。但係肉質鮮嫩，無咁實及鞋，而且都入味！🥪公司三文治拼薯格三文治超級足料，有蕃茄芝士火腿煙肉午餐肉生菜🥬，加上烘焗左既麵包片，食落香口又juice,而且佢既擺盤好靚😍好岩我影相📸️🍞斑蘭西多士拼薯格係餐牌見到西多士同斑斕西多士，即刻忍唔住叫一份試吓！因為我好似未見過有。食落雖然斑斕味道不是太突出，但整體都好好食😋而且佢哋啲薯格超級香脆🥯菠蘿油拼奄列其實佢係跟麵餐

雖然係下午茶時間不過六點後冇堂食所以都係當晚餐咁食㗎喇，所以都叫了幾款小菜。蝦仁炒滑蛋夠大碟，蛋夠滑又有蛋香，加咗蔥花食落特別香口，重點係選用咗大大隻蝦🦐簡直口感太爆發呀！椒鹽鮮魷係避風塘feel，食落夠香脆又有鑊氣！咬開脆口咸香嘅外層，食到魷魚本身好新鮮，外邊爽脆中間軟心食落好味喎！送啤酒一流呀！蜜椒薯仔牛柳勁好味，我鍾意佢黑椒汁得嚟食落係甜甜地加咗蜜糖，個薯仔又煮得夠林仲吸晒啲甜甜地嘅醬汁，超正囉！牛柳都ok 嘅，水準之作👍

因為親友就住在順寧道，所以，大概一年前就曾來過此茶餐廳與親友吃過晚飯，當時所吃的都是小炒套餐，做得紮實又美味，價錢又相宜。今次就與朋友行行鷹巢山，再沿小徑下去長沙灣一帶，就想起此餐廳，故此，在這吃頓下午茶補補體力。餐廳環境依舊整潔又光猛，牆上掛了大電視，正正了解今日疫情的新發展。中間是方枱，左右兩側是卡位，典型的茶餐廳格局。不用多說，茶餐廳另一吸引之處就是食物應有盡有，午餐、下午茶餐、晚餐、常餐、碟頭飯、小炒……等等，而且，定價一向都是相宜，是街坊的飯堂。我就簡單一點，要了「芝士焗肉醬熱狗、凍咖啡」（$36+$3）就夠了，奉上的熱狗烘香噴噴，表面加入肉醬及芝士，份外吸引，雞肉腸有點脆口，配上惹味肉醬，是很好的配搭。凍咖啡也很味美，咖啡味十分醇香，冰凍涼快。友人說今天早午餐一起吃，故吃得比較早，所以選了這重量級組合「公司三文治拼薯條、紅豆冰」（$45+$10），着實份量十分之大，加上三文治一看就知很足料，味道豐富，薯條又香脆，吃罷晚餐也不用吃了。再者，紅豆冰大杯又足料，紅豆又綿又清甜，真心滿足。雖然近日天氣回熱，但出來走走，呼吸一下大自然新鮮空氣，再出一身汗，倍感舒暢。

好耐冇食過中式小炒，見呢間街坊冰室嘅小菜款式多，重點係屋企自己整總係差減d鑊氣，唔夠地道。我哋叫咗三款小菜，每款都係$70左右，價錢經濟實惠，另外仲炒咗碟菜。椒鹽鮮魷 $78鮮魷件炸到金黃色脆卜卜，魷魚鮮味爽口，加埋洒喺面椒鹽，香口惹味，餸飯餸酒都岩。枝竹牛腩煲 $70牛腩煲用個瓦煲仔上熱辣辣。份量都唔少，非常抵食，除咗大量牛腩，特別要提下d牛筋，炆到勁腍身。另一個重點係枝竹，已經炆到入哂味吸收哂牛腩煲嘅精華，但唔會爛哂，keep到完整食落口感味道一流。豉汁蒸黃立䱽 $76叫咗條蒸魚，揀黃立䱽當然係貪佢少骨。條魚火候控制得岩岩好，魚肉鮮嫩滑溜，加埋豉油、豆豉同香蔥調味，色香味俱全。腐乳通菜蔬菜方面叫咗碟腐乳通菜，通菜爽嫩，同鹹香嘅腐乳醬簡直係絕配。菠蘿冰跟餐加咗杯特飲菠蘿冰，只係需要加$10。飲落清甜解渴，仲有粒粒菠蘿肉。。。香港人冰室 (深水埗)深水埗順寧道29-39號新寧閣地下D號舖。。

今日去左深水埗呢間香港人冰室食野。我地兩點零去到唔洗等就有得入座，點知越坐越多人仲要等位，好彩。呢度裝修光猛，牆身仲有香港既維港景，好靚。睇睇餐牌見鐵板燒68蚊咋，好抵食，好多款肉揀兩款，有雞牛豬扒、雞翼、蝦、腸同漢堡扒。同朋友一人叫一份。西冷薄牛扒配香茅雞中翼配蒜蓉汁吉烈豬扒配香煎魚柳配蘑菇汁上菜時塊鐵板真係好夠熱，要小心。自己淋汁，呢度啲汁比較杰，好易控制。啲扒好大塊，吉烈好香脆，魚係滑嫩架，而香茅雞翼都煎得好脆。我鐘意佢有幾朵靚仔西蘭花食下，話哂都要食下菜。叫多個咸牛肉滑蛋潛艇，咸牛肉配滑蛋真係好正，麵包都有烘過外脆內暖。呢度有啲特飲，試左阿華田雪山巨峰椰果七喜，兩款都唔錯。

由深水埗行到長沙灣，經過見到呢間香港人冰室門面和裏面裝修都同深水埗一本舊式餐廳有所不同，正好下午茶時段，所以入面嘆返個下午茶。沙嗲牛肉麵沙嗲牛肉麵+火腿奄列+丹麥多士，這個配搭，簡直係早餐下午茶時段最多人食😂而且岀餐非常快，熱辣辣，即叫即整，啱晒香港人👍🏻鹹牛肉滑蛋潛艇出面好怕食鹹牛肉既野食，因為以往食親都太鹹，每次食完都要飲好多水，但呢度非常驚喜，鹹牛肉比外面一般嘅淡，夾埋滑蛋，鹹味適中，而且麵包好軟身，推介！斑蘭鮮油多喜歡鮮油菠蘿包的人可以試吓，厚厚嘅鮮牛油，邪惡又滋味咖哩牛腩飯咖哩不太辣，適合喜歡食甜咖喱的你，裏面有新鮮青椒，紅椒，增添色彩，白飯另上，而且份量十足飲品鹹檸七+巨峰椰果七喜

🔆靚裝修高質打卡冰室🔆香港人冰室 (深水埗)深水埗順寧道29-39號新寧閣地下D號舖今日要出去朗豪坊買snova精華呀好耐冇出嚟啦要行吓街先咁我就等個friend放工，去深水埗食完飯再慢慢行街🥳🥳🥳🥳例牌我就係飲凍朱古力㗎啦🥳🥳🥳朱古力🍫味濃好飲我Friend叫左凍奶茶☕️茶味濃，有少少回甘，可以多番少少奶就正啦2:30呢啲時間，我就因為太肚餓就食咗個鐵板燒lunch，$68真係好抵，因為可以叫兩個餸，我揀左煎雞扒同吉列魚柳，重有我最鐘意嘅薯菜，因為食飯同食麵實在太飽啦。我個friend就食個下午茶就夠啦，叫咗個炸雞翼薯格西多士都係$42鐵板燒嚟到嘅時候真係渣渣聲好夠獲氣，聽到啲聲都覺得興奮，好耐冇試過咁有氣氛咁食飯。我叫咗蘑菇汁上面啲蘑菇好大塊，容易送返入口，當到啲燒汁落去嘅時候，又會再次渣渣聲，真係好療癒😂😂😂佢係咁出現熱辣辣真係覺得好新鮮。薯格就夠脆，西多士牛油🧈勁足，雞翼外脆內軟，清晒😋煎雞扒都好鮮嫩，吉列魚柳炸都好脆。要讚下牆身瓷磚好靚，忍唔住影相食飽飽就可以有足夠嘅力量去行街啦🥳🥳🥳

記得當日落大雨而且喺街滑倒，收工之後想買一個真正茶餐廳嘅食物返屋企。鄰近長沙灣mtr地鐵站東京街就行過嚟唔到12分鐘，入到來見到餐牌。雙拼鹹牛肉雞蛋三文治實惠又實際而且可以頂肚餓又飽肚，而家潮濕嘅天氣最啱食呢款。通菜炒牛肉新鮮嘅通菜配合真正嘅靚牛肉。牛肉大塊而且又新鮮，絕對啱我哋打工一族。而且佢哋用特別嘅芡汁炒覺得好有鑊氣，出邊食唔到。今日有小北風於是叫熱華田，女仔最緊要暖肚。覺得服務唔錯而且比較細心周到。地理位置就更加啱曬。☺☺

深水埗真係有好多好野食啊，呢日同屋企人去左呢間新開既茶餐廳食dinner。打開餐牌，見到有好多小菜可以選擇。小菜跟埋白飯、例湯同飲品，好豐富，我地點左三樣野食，首先係小炒王，小炒王夠哂鑊氣，入面有韮皇、蝦、蝦米、腰果等，好惹味。冬天梗係要食返個羊腩煲暖下身啦，平時出街食羊腩煲都好大煲，呢度有提供一人羊腩煲，唔洗一大班人食飯先有得食羊腩煲，仲可平啲tim！羊腩腍得好入味，加埋腐竹一齊食，好正。最後，仲點左個搖柱扒豆苗。

工作後經過深水埗因為天氣凍,想試一試真正嘅鐵板餐。看到menu, 有款鐵板餐好啱我哋食,就係香煎雞扒加香煎魚柳。香煎雞扒絕對是大大件,好抵食而且雞肉好嫩滑,加上距地英國寄過嚟嘅魚柳。再加英式薯條絕對係 FISH N CHIPS😊😊絕對好食,加上蒜蓉汁真係香到零舍不同。加上佢哋特製嘅炒飯可以話係完美。當然會有少少頸渴會飲佢哋出名嘅鹹檸七。既解渴,冰凍。無論餐廳嘅地理位置,本人都覺得100分。服務態度GOOD

趁最後一晚堂食，今晚同朋友去咗呢間茶餐廳食最後晚飯，一去到已經見到入邊坐滿客人，心諗呢間茶餐廳應該非常好食，之後坐低睇吓餐牌，發現有好多唔同款式嘅中式菜式，例如有啫啫雞煲、蒸水蛋、蒸肉餅、椒鹽各樣各樣，而我覺得最能夠試到餐廳有冇鑊氣，莫過於試吓佢個豉椒炒蜆，佢個豉椒炒蜆非常之有鑊氣，而且每粒蜆肉都非常鮮甜，仲要非常足料，之後我哋嗌左支竹牛腩煲，個牛腩煲一開蓋就見到卜卜卜卜，就知佢係即場叫即場整出嚟，熱辣辣嘅牛腩煲，再加埋佢嘅牛腩炆得非常之冧，拎嚟送飯簡直一流，我呢啲食肉獸，一個牛腩煲梗係唔夠啦，我仲叫咗一個三杯雞煲，呢個三杯雞煲，佢個汁整得好好食，再加埋佢啲雞非常鮮嫩，又係一個送飯嘅好餸，食完佢嘅中式菜式，梗係要試埋佢嘅炒粉麵類啦，我哋就叫咗一個瑤柱金銀蛋炒飯，呢個炒飯炒得有鑊氣又唔油，每粒飯都炒得煙煙韌韌，而且瑤柱十足，講完食物到嘢飲，佢嘅紅豆冰好足料，好多紅豆而且又唔會太過甜，啱晒我口味，總括而言，餐廳款式繁多，價錢合理，最重要係每一款菜都非常之有鑊氣，經過可以一試。

係深水埗行街食厭咗食街嗰邊嗰幾間打開openrice有人推介呢間就入去食左餐 地點 6/10 真係唔係好就腳 鐵路去唔到 完全唔近 如果要食既話真係要特登行過去 環境 6/10 四人枱好細 真係好細 同行既人比較大份 要坐出走廊😂唔信既真係可以去試下 😵😵講到食物見到個好特別既飯 巴黎汁豬扒拼漢堡扒太陽蛋飯7/10到底巴黎汁係咩味 🤔但食完都唔知係咩味 😂😂😂😂個飯其實都唔錯 黎得真係好快 所以黎既野都唔係好熱 ****同行人叫焗野 真係等左25分鐘以上 所以叫焗野真係要睇住時間基本上我食完佢都未黎 所以真係小心但整體就真係唔錯 係位 坐得唔係咁舒服

香港人冰室，傳統茶記味道。就算放假星期日中午一樣坐滿客，傳統常餐，焗飯，晚飯小菜都有得飯。雞翼烏冬配火腿奄列及多士 $48雞翼烏冬大大碗，三隻大雞翼，另外有香脆多士配火腿奄列再加杯熱飲，港式豐富常餐又飽肚，而且全部食物上枱仲保持住溫度。黑椒牛柳絲炒烏冬 $50炒烏冬幾有鑊氣，又勁多牛柳絲，配搭蘿蔔絲和青椒絲增加口感，黑椒炒惹味好食。焗咖喱雞扒飯 $60雞扒焗飯香噴噴，焗咖喱芝士如熔岩般澎湃，而且味道香濃，口感微辣加上芝士拉絲倍加開胃。

一到秋冬，老公成日都嗌話想食羊腩煲，無奈我又唔多食羊，今日咁啱經開呢間香港人冰室見到1人羊腩煲，即刻要入去試下。 呢個1人羊腩煲份量真係啱啱好1個人食用，羊肉係選用蒙古嘅黑草羊，肉質軟腍，有羊味但唔會過羶，煲內配料有枝竹、竹筍、冬菇等，份外入味吸汁，羊腩肥瘦相間，連骨位置滑溜，盡沾惹味湯汁，味美豐腴。仲有生菜贈送添，一路滾一路滾，食完個人都暖笠笠。 砂鍋雲吞雞經長時間熬製而成嘅奶白色雞湯，既清甜又好飲，雞肉煮得好嫩，非常鮮美。紹菜吸收咗雞肉嘅精華，更加爽甜。雲吞餡料豐富，粒粒都好大粒。 雞湯炒豆苗，好少食用雞湯炒嘅豆苗，平時都係蒜蓉炒多，老闆建議我哋試下用雞油炒特別香，果然無介紹錯，豆苗清翠嫩綠，炒得有光澤，色香味俱全。 宜家叫小菜仲有得送例湯添。