香港仔海鮮小菜 (已結業)

本身好鐘意打冷同打邊爐! 所以今次我會一次過介紹兩間我最喜歡的給大家!我可以話試過大部分有名嘅潮周打冷。有D 得個貴字, 有D 平但係水準奇差! 而此店就價錢合理,好食! 唯一係坐得無咁舒服,但係大排檔又真係幾有香港風味嘅!鵝頸起骨 : 超好味每次我一定叫! D鹵水好入味! 正!韮菜豬紅 ：一樣好傳統嘅潮周菜式, 但係要做到D 豬紅入晒味就真係唔係到到做到喇! 此店此菜式做得幾好, 唯一缺陷係另一主角韮菜次次都好老! 炸餅 : 此菜做得好好! 雖然係炸物, 但係一D都唔油! 大家不妨試下!以上三樣是本人覺得做得幾好的! 但除此之外實佢地所有嘅滷水野都做得好好!大家可以放心 order 自己喜歡嘅滷水菜式，應該不會失望! 但千其唔好叫小抄! 一來等得耐, 二來水準麻麻!價錢大約$140 一位食飽飽!

比較差的食店:1) 豉椒炒青口：青口是滚水煮熟的，豉椒也未炒混；2) 乳鴿：不是豉油王，亦不是鹵水，也不是油炸，是用色素染的；3) 豆腐斑腩煲：味道一般，但豆腐變咗味，酸酸地；4) 豉油王炒麵：最正常，比賣粥的好些少。永遠難忘的一餐

這次是招呼一些台灣朋友,因為佢地想食d比較地道既野,點知,服務我都唔唸住有乜要求,因為街邊食野,有乜服務可言丫,第一,杯碟架生又唔拎黎,佢係有時間招呼你坐低,其他碗杯筷子就要自己出去拎,除非你係習慣用手娜黎食啦.仲有d茶係凍既,想飲熱茶都無.跟住開始食物就黎喇,個士招炒"顯"出水既,又凍又無味,椒鹽九肚魚又油,賴尿蝦d肉又梅,沙拉骨個汁就過得骨但係d肉硬到可以"定"死狗既,係得個白十東風螺可以放得入口,d野又細碟,就實大小都唔係最緊要,最緊要係唔好食,個廚房完全唔掂,唔知點解仲咁多人幫襯,我可以話一句,我以後都唔會去呢度食,去佢對面間粥鋪食碗粥無咁嬲,最慘係做臭個名,d遊客會覺得香港係美食天堂,但係點解d野咁難食既.希望佢地間野有改善啦.我覺得做飲食唔可以淨係向錢看,有時要拎個心出黎做先得既.

同老公兩個人去食，侍應即係介紹有風扇既位俾我地坐，服務唔錯，大排檔黎講都算有笑容！叫左椒鹽鮮魷、香橙豬扒、咸魚肉片煲仔飯。椒鹽鮮魷($55)－－非常好味，不過面頭層炸皮顏色偏黃，唔知係咪萬年油呢，但老公話可能係咖喱同埋蛋！老公覺得呢度既椒鹽鮮魷比起出面另一檔好味好多！香橙豬扒($48)－－老公讚不絕口！無「la」味！多肉～～咸魚肉片煲仔飯－－差不多食晒之前兩樣先黎，仲係超級熱辣辣～～不過ｄ飯焦真係太燶，根本食唔到，ｄ飯相對太少，要叫多一碗先夠食～我覺得呢個飯一般。整體黎講都係好味既～～不過真係好熱，我諗呢個夏天唔會再去！

行混都係覺得呢間香港仔海鮮小菜最為人多旺盛，海鮮望落幾吸引，D檯擺到成個街口都係非常對辦仲要入面冷氣座岩岩好有座~ 自然是直沖內部坐低~ 見食客屬外籍人士居多，睇離都係景點重地打開餐牌，屬於自由行的1份子，自然也是什麽都不懂，價錢等等~ 實在無在HK食海鮮的經驗大閘蟹還未到季節，可惜可惜~ 真的不知何時才能1試，聽説秋天才是旺季~ 不知到時能否趕上要了白芍東風螺、炒醬油蝦、臘腸潤腸煲仔飯~ 很想來碟炒蟹，但150大洋炒隻蟹是否貴了少許？還是我的價念觀有問題？落jor單無耐芍蝦便上檯，甜醬辣醬齊曬，第1次食東風螺，感覺很不錯少食海鮮的我實在不太懂海鮮這玩意，只是好食便執落口~ 點知老婆仔話非常不對味，自己芍仲好食我@@" 有棵甘ge樹？算了，我覺得好食就得啦，呵呵~ 心情沒被影響，越食越開心對我來説，食得開心就係好食~ 不久炒蝦便上檯~ 終于有機會試下9點幾都爆滿的大排檔炒出離ge食物是何等風味與質素~ 迫不及待落手滅開D蝦~ 蝦是非常的新鮮不騙人的揭開個頭都連埋D膏係肉度~ 食落真係夠曬鍋氣~ 味道調得好好，非常美味~ 細蝦也有細蝦的好味~煲仔飯是等了許久~ 上到離係異常期待，經常聽見

每次聽到 buddy 講去廟街金山食海鮮我都好想試，今日的起心肝看食評看看有什麼招牌菜…連位都訂好了，但臨門一腳等位的時候我們決定不試，改了去在同一條街，但「有風味」一點的香港仔海鮮小菜!坐在街邊、張枱兩邊滴住水，好在食物質素都幾滿意…真的是攞命博的，我今個月都未有 sick leave 可以請架!豉椒炒田螺 ( $35 ) - 幾夠味! 不過略嫌多沙了一點…而且份量真的幾多，35 元一碟真的好抵食!奇妙沙拉骨 ( $48 ) - 之前在白田村的大排檔哥哥仔介紹了這道菜給我試，今天在不同地方再點，味道都不太一樣! 這邊好味一點，好好味!蒜蓉粉絲蒸聖子 ( $60 ) - 比我們想像中大碟好多，入面起碼有三十隻聖子呀! 我覺得比上次在珠海吃的更好味更抵食呢! 而且，我們都喜歡有好多蒜蓉和粉絲舖在面，不過真的要點豉油才夠味，粉絲有點點硬，不過都不過不失!星洲炒米 ( $35 ) - 不錯，沒有一般餐廳炒的那麼多油! 而且不是太鹹，幾好味!這一餐吃了 $200，都幾抵呀! 而且好夾口味，有機會可以再試…不過下次我還是想試一下金山呀!