香港地 (已結業)

又再一次可以跟兩位旅遊達人聚聚了，每次跟他們吃飯都覺得收穫滿滿，就似是跟他們去了很多地去旅遊一樣，超讚的！ 這次的聚會地點定於將軍澳Pop Corn的香港地，很厲害的是平日晚上也全場爆滿，須要輪候好一陣子呢。 朱古力沙冰奶 先來三款霸氣飲品，是整支樽倒插在杯中的，飲品容量倍增— 有原味、士多啤梨和朱古力味。我選我是朱古力，味道很不錯，入口有粒粒小碎冰，個人是覺得碎冰融了會更好喝呢。 砂鍋· 窩蛋三蝦香菇 炆飯 如果要在當晚選一道最喜歡的，該是這個炆飯，炆飯夠熱夠入味之餘，味道亦因蝦米和香菇而有所提升，是有種令人想enchore的衝動。 香港地重量級咖喱豬扒飯 相對平常相類近餐廳的出品，是相近的價錢而做出超水準— 吉列豬扒還是脆的，分量也如其名字般是加碼的。 頭抽乾炒M5澳洲和牛炒河粉 在飯類以外，河粉類也是好選擇，河粉顏色均勻，鑊氣挺足。雖說是吸引的M5澳洲和牛，還是覺得牛肉質感有進步空間 招牌常餐 香港地沙嗲牛肉即食麵·配日本農場炒蛋 火腿 牛奶 厚多士 喜歡吃得輕怡一點的話，可選常餐，賣相也不錯。 聊得輕鬆愉快的一夜，說著旅行，不個道下一次又會是甚麼時候呢？香港地 網址

食香港地食到我超開心😂😂☺️ 喺香港生活左咁耐雖然香港有好多美食不過香港茶餐廳嘅嘢食都好吸引我好似有種情懷咁 食到開心到見牙唔見眼士多啤梨沙冰配倒轉維他奶熱辣辣飲沙冰就最啱啦 沙冰加配$18就有超大杯 倒轉維他奶一路飲沙冰嘅時候一路會跌啲維他奶落嚟 超抵食 倒轉士多啤梨沙冰維他奶將佢倒轉放入喺士多啤梨沙冰入邊，一路飲士多啤梨沙冰維他奶會一路跌落嚟。原隻冬瓜盅冬瓜盅湯頭清甜 入邊仲有冬菇雞肉蝦乾等等配料 最滿足嘅係份量好大我哋五個人一人3碗A5和牛頭抽炒河粉造型好特別係用鑊鏟裝住 牛肉相對上真係比其他茶餐廳嘅鬆肉粉牛新鮮好食得多 味道都唔錯食得出有少少鑊氣 不過稍嫌啲河粉斷得太多 比較鬆散咖喱豬扒飯 兩塊超大豬扒 啱晒食肉獸 咖喱汁濃郁撈埋飯一齊一流

The True Spirit of Hong Kong🇭🇰 the traditional local food culture💫..香港味道 點止地道。。✨香港地✨ 原來已於2010年成立，專注於打造地道飲食文化 承傳發揚。置身係香港地，會發現好多綠💚 感覺好熟悉 係戰後既大量香港綠`香港情❣️ 你又懂嗎❓ 以香港綠 帶來種種香港人回憶，令整個美食體驗別具一番故事，連繫每一個您和我。ll $118Winter Melon Soup with Seafood & Imitation Shark Fin炎炎夏日 點少得冬瓜呢，消暑又滋味。雖然係地道湯品 卻特選素翅 配上廚師精挑海鮮，用料好豐富 海鮮鮮味最夾冬瓜清香。ll $38Smoothie with Vitasoy Milk涼浸浸倒插✨維他奶✨沙冰強勢回歸，配以大小朋友都至愛既口味，涼透整個Summer☀️。呢種玩意 唔單止小朋友鐘意，仲係大人都一樣經歷過既童年回憶吧，一定大人細路都鐘意。.✨士多啤梨沙冰奶 Strawberry✨濃朱古力沙冰奶 Double Chocolate✨紅豆沙冰奶 Red Beanll 邂逅維他奶先生，草莓控

今次去到主打香港情懷既香港地食晚餐，其實佢呢間有啲似高級版既茶餐廳，有一般既茶餐廳食品、亦有一啲新創菜式！頭抽乾炒M5澳洲和牛炒河粉 ($62)茶餐廳人氣美食乾炒牛河既升級版！以M5澳洲和牛製作既炒河，用左和牛果然有啲唔同🤣，牛肉肉質好軟嫩，而且牛味好重，河粉好滑溜，加埋銀芽口感好豐富。重量級咖哩豬扒飯K真係幾鐘意食咖哩飯，佢呢款用港式咖哩整既重量級咖哩豬扒飯，用上兩塊大大塊既厚身豬扒，難怪叫重量級🤣連飯量都好多😝咖哩味道香辣，撈飯一流吖～砂鍋窩蛋三蝦香菇炆飯$72 鐵鍋形式上枱，一上枱都feel到佢既”熱氣”😆上面放有生雞蛋，食時將佢拌勻😝炆飯加入冬菇、大蝦乾咁，上面仲灑上大量蝦籽，難怪一上枱就聞到非常香呢😙炆飯既醬油味道突出，幾惹味喔。海皇素翅冬瓜盅 $118用上素翅製作既冬瓜盅不失口感得黎又夠環保！份量好多，夠3~4個人食嫁，每人都起碼食到兩碗🤣而且裏面係激多料！有魚肉、蝦、冬菇、金華火腿等，十分鮮甜，很推介呢。倒轉Summer維他奶沙冰 ($38)有三款不同口味，分別係士多啤梨、濃朱古力同紅豆，杯杯都超大杯，透心涼吖。紅豆冰裏面係香甜既紅豆蓉，加埋維他奶又有豆奶既香味，而且唔

喺Popcorn Namco玩到肚餓就去咗對面好多人等位嘅香港地醫肚，原本以為只係普通一餐，估唔到有驚喜。頭抽乾炒M5澳洲和牛炒河粉 $62 出面普通乾炒牛河閒閒哋都要五十幾蚊，呢到加多幾蚊就有M5和牛食，雖然未係好高級，但比起普通嘅牛肉脂肪比例更加高 (fyi 澳洲M9大約等於日本A3)，都算抵食，而且河粉都有鑊氣，overall都好滿意。砂窩 · 窩蛋三蝦香菇炆飯 $72 超香口！三蝦分別係蝦球、蝦乾、蝦籽，成個飯滿佈蝦籽已經勁香，蝦乾又添鹹香，蝦球又夠彈牙，不得了。海皇素翅燉冬瓜盅 $118 本來以為香港地好似茶餐廳咁，估唔到連冬瓜盅都有，呢到採用素翅好環保，又可以過下口癮。入面仲有各種海鮮，冬瓜清甜，海鮮又夠鮮。整體足料又抵食，記得搵幾個朋友一齊share。濃朱古力沙冰奶 $38 個賣相好夠gimmick，價錢都合理，如果跟餐轉配會更抵飲，朱古力味唔會因為維他奶而溝淡，上面仲有粒粒，口感唔錯。紅豆沙冰奶 $38 紅豆搞爛哂，成杯散發濃濃紅豆味，配維他奶感覺都幾清新，沙冰又有口感又消暑，成個combination都幾創新。唔駛加一服務費，埋單2人約$320 (唔小心嗌多咗😛) 。

近排同一班朋友一齊去到香港地食飯，見佢嘅裝修都有幾有特色，仲要主打香港嘅菜式梗係要試吓。倒轉紅豆沙冰呢個非常之推介，飲落有好重的紅豆味， 配埋維他奶簡直係新搭配，有創意。A5和牛頭抽炒河呢個可以講話係高級版嘅乾炒牛河，用咗A5和牛，食落好有鑊氣，每一條河粉根根分明，上面仲配搭左啲雞蛋絲。抵食冬瓜盅平時喺茶餐廳好少見到有冬瓜盅食，香港地都有冬瓜盅，$118超大個，湯頭非常之清甜，入邊有唔少材料添，真材實料。柱候牛腩煲推介入面嘅蘿蔔同埋牛筋，兩者都整得好入味同埋好淋。

🥘香港地 🥘🍓士多啤梨沙冰奶 $38🥤紅豆沙冰奶 $38呢兩個應該係呢間最signature既野🤣紅豆沙冰溝維他奶岀奇地好飲—🍲砂鍋窩蛋三蝦香菇炆飯 $72🥒海皇素翅燉冬瓜盅 $118🐷香港地重量級咖喱豬扒飯 $62頭兩個我都好推薦 炆飯好香好 又唔太油膩冬瓜多料夏天飲好解暑既感覺豬扒飯份量係好多但略嫌味道比較普通—呢間啲小菜都幾多款 屋企附近有就好😅見到佢有蜜桃生炒骨好似好好食有機會都會試吓😛

#香港地 顧名思義就係食香港地道嘅嘢食 餐廳嘅裝修都幾有香港本土風味 主要以綠色為主題 有啲舊舊地嘅感覺 維他奶係香港人嘅回憶，見到有個倒轉沙冰幾得意，叫咗紅豆冰沙冰，一路飲一路啲維他奶會跌落嚟，越飲豆奶味越重，估唔到維他奶同埋紅豆冰都異常地夾喎。另外亦都叫咗喺茶餐廳比較少見嘅冬瓜盅，性價比好高，冬瓜盅湯頭清甜， 配有魚翅蝦粒勝瓜雞肉等等口感豐富。澳洲M5和牛頭抽炒河粉 用嘅牛肉相對上比較高級，唔係普通肥牛或者落晒鬆肉粉嘅牛肉。夠獲氣根根分明唔錯。

難得唔喺香港咁耐 星期五陪屋企人食飯👩🏼👵🏻👨🏻‍🦳 身為香港人梗係去試吓 #香港地 道嘢食香港地嘅裝修我幾鍾意 有舊式香港嘅味道倒轉Summer沙冰奶🍧有紅豆士多啤梨同朱古力三種味非常之推介紅豆味 有啲似飲緊紅豆冰同時又加咗維他奶 奶味更香濃海皇素翅冬瓜盅其實我勁鍾意飲湯 冬瓜盅清清地 夏天飲最啱 清熱氣 我最少飲咗五碗🤭 仲要好抵飲先$118比酒樓平勁多 份量都唔細 一家8口都夠分砂鍋窩蛋三蝦香菇炆飯🍲呢個蚊飯濕濕地鹹鹹地，配埋個蛋口感唔錯啱晒老人家 另外佢有三種蝦超香蝦味 .

星期四起身落街去食左個魚米三寶同生姜茶，魚腐同魚春卷表層係冇煮熟就送上，痴線！相比起其他品牌連鎖餐廳都好過佢。成碗野得d米線同紫菜係食得，點知食左一半個胃就開始痛，食唔落去走人，仲要肚瀉又胃痛左幾日！食物好唔乾淨！完全唔會想再幫襯！慎重選擇！慎重選擇！慎重選擇！服務又唔係特別好，服務員黑口黑面，選擇性扮睇你唔到

今日做完運動就去附近搵野食醫肚，就見到香港地，就決定試一試。見到佢有牛尾湯班尼粉的確特別便選擇了牛尾湯班尼粉常餐，先來了多士，炒蛋，火腿和腸仔，比起平時常餐多了腸仔，味道沒什麼特別主菜到，就是牛尾湯班尼粉，味道是不錯的，份量也可以，但是牛尾就只有幾粒碎肉。餐飲點了熱奶茶，味道也是一般，不夠滑老婆點了星洲炒米，這一碟大家可以望下，係只一粒叉燒，一隻蝦同兩條火腿，基本上全部同是只有米粉和很淡整體來說，味道有點失望，價錢下午茶來說偏貴，所以未必會再來

日日下雨，真的不想搭車外出用膳，所以決定在附近的餐廳吃晚餐！看到餐牌有套餐（已經包小菜、白飯及湯），菜式也合我的口味，排隊等待大約20-30分鐘才可以坐下來！原來兩餸套餐是用一個迷你煲盛湯，如果單餸就送上一盅湯（真材實料，不像其他茶餐廳的例湯）涼瓜炆䱽魚：好入味！一碟菜有瓜有魚😋，不過條🐟比較細條，很快就KO了！茄子魚柳煲：大大煲，茄子🍆好「林」又惹味，特別好送飯！蟲草花蒸雞：雖然要等20-25分鐘，但勝在雞肉鮮嫩，沒有雪藏味！如果多少少蟲草花更好！

Weekend又係獎勵自己食個靚早餐既時候~鍾意呢間餐廳可以用Apps攞位唔駛等位等到由早餐變午餐!去到已經好多人係出面排緊隊，就算用左Apps都要係出面等一陣!早餐餐牌入面既選擇唔多。但每個餐都必定配撘一份雞蛋~可以選烚蛋、炒蛋或者煎蛋~佢地既雞蛋係用日本蛋，蛋黃既色澤好橙色，味道亦好濃!我一向偏愛食炒蛋，但我見好多檯客都叫烚蛋，而剝出黎之後個蛋黃顏色係好吸引!我下次都想試下!而今次我就叫左仿鮑魚火腿絲通粉配炒蛋同牛奶厚多士，老公揀左沙嗲牛肉麵配火腿煎蛋牛奶厚多士。仿鮑魚火腿絲通粉配炒蛋及牛奶厚多士鮑魚火腿絲切得夠幼，可以用匙羹一啖將鮑魚絲、火腿絲同通粉放哂入口!湯底係濃郁既奶白色，份量亦算多，食完一碗夠哂飽肚!呢度既炒蛋炒得好滑唔會過熟，仍留有少少蛋漿既質感，係我最喜歡既炒蛋口感~而且日本蛋蛋味濃，無論就咁食定擺上麵包食都好食!而牛奶多士似美心買果隻牛奶麵包再烘成多士，唔算大塊但好厚，烘得香脆唔會過燶!同樣本身多士有味，就算唔配雞蛋上去或者唔搽牛油上去就咁單獨食都好夠味!食哂成個餐飲埋杯熱檸水真係非常飽肚!沙嗲牛肉麵配火腿煎蛋及牛奶厚多士茶餐廳食麵最怕食到煮得過熟既公仔麵，呢度既麵

上星期五去左香港地lunch,叫左個set黑椒雞扒飯,雞扒幾大份，唔會韌,不過黑椒辣左少少,但份量好足,抵食夠飽肚,仲有配埋餐茶，都唔使六十蚊,都算係幾超值,值得－去

很少到＂香港地＂，因為每次也要排隊等候，今天本來打算到這裡樓下的茶樓，但可能由於附近的 food court 關閉了，來茶樓的人比平日多幾倍呢！所以就上來到＂香港地＂，其實門外等候也有不少人，最後也等了大約15分鐘，在將軍澳區搵食不容易。今天點了一個午餐-重量咖喱豬扒飯餐，附送飲熱飲$62。豬扒十分大件，熱烘烘炸起，酥炸脆口，咖哩偏辣但可以接受，整體味道很好，只是飯量很小，是普通快餐店的一半飯量。另外點了焗厚切鮮茄焗豬扒飯，豬扒夠厚夠淋，味道不錯，只可惜沒有飲品，凍奶茶需要加$20。在香港地吃一個午餐真的不便宜，在＂香港地＂人均消費也要七十多元一個午餐。