香港小熊

营业中

休息中

早前係尖沙咀港鐵站附近見到一間好得意嘅小店，店內色彩繽紛，以小熊佈置為主題，忍唔住去睇下，原來小店叫「香港小熊」，主打蛋榚、曲奇同台式飲品。一向都好喜歡古早味蛋榚嘅我當然唔會錯過，試左香滑原味蛋榚同埋海苔肉鬆捲。香滑原味蛋糕 （整個）：個人認為，要睇下店鋪嘅古早味蛋榚合唔合格，就一定要試下原味，呢度嘅香滑原味蛋榚蛋味香濃，入口鬆軟綿滑，甜度適中，下午茶時配埋咖啡，簡直係人間美食，一個蛋榚都只係＄60，可以切到好多件，如果驚太多食唔晒嘅亦可以揀半個，都只係＄30，可以放係雪櫃三日，慢慢食。海苔肉鬆捲（一盒四個）：另外亦到試左佢地嘅海苔肉鬆捲，蛋榚上有好多海苔肉鬆，賣相相當吸引，味道方面，蛋味香濃嘅蛋榚配上有咬口嘅海苔肉鬆，食落非常有層次感，除此之外，香甜嘅蛋榚配上鹹香嘅海苔肉鬆成強烈對比，一盒四件都只係＄39，算係性價比高。下次一於試埋佢地嘅小熊曲奇啦。

《香港小熊》主打飲品同自家製多種口味嘅肉鬆小貝，仲有香港製造嘅小熊曲奇🍪今日經開又買咗盒返屋企煲劇食╰☆香港小熊曲奇 $100罐面有唔同圖案，揀咗海洋公園封面😝一罐有齊4種口味🍪，原味、朱古力、咖啡同抹茶🍵一開盒聞到好香牛油味，入口好鬆化，我最鍾意抹茶同朱古力味，好香濃，每塊🍪都帶有牛油香除咗曲奇我都好鍾意買佢嘅肉鬆小貝╰☆肉鬆草莓小貝 $20成個蛋糕都比粉紅色嘅肉鬆包住，中間夾住🍓奶油餡，口感好rich

香港小熊📍尖沙咀樂道36-50號華源大廈地下7A號舖小熊曲奇🍪～香港名物～見好多人都來買曲奇做手信～我都買返盒試。四味曲奇～有分大-$160同小-$100 兩款由於鐵罐裝～送禮自用都岩～唔會壓碎唧花曲奇口感鬆化～4款口味一次過食到～原味🧈帶淡淡牛油香～～抹茶🍵抹茶回甘～不油膩～咖啡☕️ 咖啡味濃～朱古力🍫好夠香而且曲奇甜度較低😄食多幾塊都唔會覺得膩除左有主打香港製造小熊曲奇～更有飲品、肉鬆小貝、古早蛋糕我買左蟹黃味肉鬆小貝～$39 有4件肉鬆完全包裹全個蛋糕小貝😋蛋糕濕潤鬆化～鹹香滋味♥️👍🏻

平時嚟到尖沙咀都中意穿過唔同嘅橫街小巷，今日經過樂道，見到呢一間店舖都提供左唔同種類嘅食物，例如曲奇🍪、蛋糕🧁、手調飲品🥤等等，都好似幾得意咁，同朋友嚟到呢一到就一於試一試佢先😋🧊小熊四味曲奇 大盒$160呢一盒曲奇一次過可以試到四款唔同口味🥳，有原味、朱古力🍫、抹茶🍵同咖啡味☕️，曲奇入口鬆化，牛油味都幾突出，咖啡同抹茶味道香濃，同牛油香味都幾夾，最中意就係朱古力味，朱古力味食完會留低香味🤩，四款味道既曲奇都好好味嫁，曲奇既份量都會有兩層，啱哂share食😼🧊海苔肉鬆卷 $20蛋糕外面比肉鬆同海苔包住左，肉鬆既味道鹹香，海苔味令蛋糕既味道更加好味😋，入面蛋糕加入左忌廉，整體食落味道鹹鹹甜甜，配合唔錯👍🏻🧊惡魔肉鬆卷 $20惡魔肉鬆卷外面加入左朱古力🍫，入面都加入左朱古醬，外面既肉鬆鹹香配合朱古力原本既甜味🤩，食落冇想像中咁甜😆但朱古力味道都幾濃郁突出，味道幾正整體嚟講呢一間店食物款式都幾多🥰一次過可以試到唔同既甜品，價錢方面都幾合理，都幾推薦大家嚟試下嫁🫶🏻

竟然俾我喺尖沙咀發現咗間充滿童心的飲品店🤩正正係bakehouse 後一條街~🤭入到小店的右手邊➡️有好大塊📜Menu board介紹飲品🥤🧸店內滿佈各款小熊, 超多熊啤啤公仔🐻🤣除了珍珠奶茶🧋 冷萃茶🥤,仲有不少🌟創新款式: 椰奶🥥、牛油果🥑系列感覺新鮮, 飲品選擇十分多😆🥳🔸怪獸阿華田 $36 7/10阿華田表面加上😈邪惡嘅忌廉同🍫朱古力格格脆濃郁阿華田味😋, 勾起兒時茶餐廳喜愛點嘅凍飲😌🔸烏龍珍珠燕麥奶茶🧋$36 6.5/10珍珠係黑糖味⚫️🍂奶茶中帶出淡淡烏龍茶味🫖🔸海苔肉鬆卷 $15/件 6.5/10🟰古早蛋糕片🍰中間夾住海量肉鬆🐷＋紫菜碎🌱＋沙律醬肉鬆甜甜地同蛋糕出奇地夾😲鹹鹹甜甜, 幾特別~☺️✅可存放3日, 隔日放雪櫃冷藏保鮮❄️

大食妹由細到大都系阿華田加 Oreo super fans系茶記食野必叫，但系成日都中伏，阿華田common 得黎但真系唔易遇到好飲怪獸阿華田$36阿華田味好濃郁但唔會太太太甜面層有層cream foam ，口感更有層次杯邊有朱古力醬，同阿華田味好夾，打卡又靚D旋風奧利奧$36Oreo 味一樣好濃郁，呢個似沙冰偏凍同阿華田一樣層cream foam 連埋Oreo 好好飲草莓肉鬆卷$20見到深圳大熱肉鬆卷，另外買多舊試下$20一粒有少少貴，不過又真系好好食士多啤梨味唔假，中間有少少cream，蛋糕夠鬆化

今日行過樂道近海防道口，比呢間野吸引左入去，叫香港小熊，店面不大，但個餐牌勁吸引，有蛋糕有野飲仲有曲奇賣，全港得佢一間鋪，無其他分店今次就買左最出名既海苔肉鬆卷，蛋糕非常鬆化，入邊仲有一層醬料，一鹹一甜，十分夾。有一件裝或一盒4件裝可以買，最後買左一盒😝草莓小貝-$20另外仲買左一件裝既草莓小貝，第一次見粉紅色的肉鬆，真係好吸引，但個人覺得入面個醬比較甜，所以我覺得一般咖啡味古早蛋糕雖然平時好少飲咖啡，但唔個點解好鐘意食咖啡既製品，一入到鋪口就已經聞到香噴噴既咖啡味，原來係岩岩出爐，充滿咖啡味，下次伯再買今次就無試飲品啦，下次有機會先試，比大家主下先，重要讚店員好有禮貌🤗

喺香港比較少地方可以食到好食嘅肉鬆小貝，最近經過尖沙嘴就見到一間有埋飲品、古早味蛋糕、肉鬆小貝同小熊cookie嘅舖頭「香港小熊」。海苔肉鬆小貝：海苔味香濃、肉鬆鹹香、禮貌嘅蛋糕濕潤鬆軟、而cream好多。鹹鹹甜甜正！蟹黃肉鬆小貝：同海苔肉鬆差不多、但就無海苔係蟹黃。不過個人覺得蟹黃味唔濃。海鹽芝士古早味蛋糕：芝士份量好多、海鹽味都好突出。古早味蛋糕鬆軟、蛋味香濃。桂花烏龍：本身唔加糖、解膩一流。

小店有曲奇,肉鬆蛋糕,古早蛋糕,手搖等，見好多遊客買曲奇，行多陣見啲人走哂就決定做一日遊客🤣，試下係咪真係咁好食😂，不過我就唔想試曲奇，試左古早蛋糕😂。-🍰寫住每日新鮮岀爐～💕 經典芝士蛋糕 半個$45 (整個$85)👅好味指數：9.5/10必食‼️新鮮岀爐😍雖然唔即食會焗到個紙袋濕濕地，仲放左半日，但都係冇影響佢味道🥹虎紋既外表，內裏芝士味勁濃郁‼️中間有流心半溶芝士😍又有原塊芝士😍，每啖都食到芝士🥹❤️而蛋糕本人超濕潤綿密🥰，鬆軟得黎又有回彈力🫶🏻🥰真係似芝士蛋糕個種🥹好重芝士味😍-💕 雙重摩卡蛋糕 半個$45 (整個$80)👅好味指數：8.8/10有咖啡味我都會簡咖啡😛一開就聞到好香濃咖啡味😍，面層有咖啡味餅碎，中間有流心咖啡️摩卡餡☕🥰，蛋糕都有咖啡淡淡香氣。雖然咖啡都正，但有比較下反而芝士會驚艷到我啲！-💕 桂花烏龍 $18👅好味指數：8.8/10好抵飲！$18大大杯，食完蛋糕飲好解膩☺️-環境：7/10服務：9.8/10整體味道：9/10回頭率：9/10

呢間七彩繽紛嘅茶飲店以熊仔做主題，除咗店名 ❛香港小熊❜，店內擺放咗唔少熊啤啤公仔🧸呢度亦售賣香港製造嘅小熊曲奇，茶飲選擇都多不勝數！🥑牛油果好芒 ($45)呢杯飲品質感打得幾順滑，飲落有牛油果嘅香味，感覺好健康😋仲有粒粒芒果，味道鮮甜，果然係好芒～🍑白桃烏龍茶 ($32)烏龍茶底味道香濃，白桃清甜而不膩，最正係有粒粒白桃果肉！😍🦀蟹黃味肉鬆卷 ($39)蟹黃味比較少見，咁啱呢到有就試試佢～一盒有4件蛋糕，每件份量都唔細，建議同frd share🤣外層肉鬆多到滿瀉😍少少脆脆地幾有口感，入面海綿蛋糕鬆軟又creamy，夾着蟹黃沙律醬香味可口，唔錯！總結：呢度嘅肉鬆蛋糕款款都好吸引，都幾多人淨係買蛋糕走🤣下次再試其他味！

位於尖沙咀樂道的香港小熊一直以曲奇而為人熟悉原來佢地除了曲奇還有賣飲品，同最近大熱的肉鬆蛋糕ꔐ楊枝甘露（$38）層次好靚的楊枝甘露芒果味香甜，還有西柚珠珠等口感真係好豐富！椰奶份量唔會太多，芒果香甜中帶啲椰香味ꔐ玫瑰蜜桃烏龍（$18）玫瑰味稍稍重手，但都仲試到蜜桃香不過烏龍茶味就偏弱左少少ꔐ海苔肉鬆卷（$15/1個）用透明小盒包裝，非常可愛灑滿肉鬆同海苔包體十分鬆軟，內餡稍稍偏甜不過配合肉鬆麵包一齊食，咸咸甜甜又幾好味

環境裝修充滿童真，色彩繽紛又有好多熊仔裝飾，心情都跟住好d～❤️海苔肉鬆卷 可以散買或者一盒4個咁買，有4款唔同口味，揀左推介既海苔肉鬆味試試～食落質感好軟綿濕潤，中間夾住海苔肉鬆多左唔同口感，仲有肉鬆香味，甜中帶少少咸更加好味～🧡原味新鮮古早蛋糕 半個蛋糕都幾大個，質地好鬆軟好綿又濕潤，好有蛋香味，愈食愈有幸福感💛夏日繽紛果茶 充滿水果甜味，有唔同既果肉粒粒好好咬，水果香清新再加埋岩岩好既茶味，夏天飲岩晒

Oreo smoothie 旋風奧利奧 🍪 $39曲奇smoothie 有別於傳統沙冰🍧嘅口感，飲落去有少少似oreo 奶昔🥛，牛奶味相對濃郁，面頭有少少曲奇碎，加埋煙韌嘅珍珠令飲品更有咬口Milo demon 美祿恐龍 🦕 $36 呢款美祿恐龍係飲品店其中一樣推薦產品，入面有豆腐、咖啡jelly 🍡☕️，有豐富嘅層次同口感，雖然甜度冇得選擇，但係飲落去唔會太甜！Pork floss 海苔肉鬆卷 🫔 (R) $15Crab flavour floss 🦀 蟹黃肉鬆小方 (L) $15两款方狀卷物都係外層滿佈肉鬆，中間係口感鬆軟嘅海棉蛋糕🍰，左邊嘅蟹黃肉鬆小方有淡淡蟹肉蛋黃味🍳，食落去幾特別，而右邊嘅海苔肉鬆卷係鋪頭熱賣小食之一✨，口感鬆脆香酥，加埋甜脆嘅海苔片，都幾有特色

我真係好鍾意食肉鬆蛋糕，知道尖沙咀海防道附近開了一間名「香港小熊」，當中有售賣肉鬆蛋糕，我當然要買回家慢慢歎！他們除了售賣肉鬆蛋糕外，更有多款人氣飲品、古早蛋糕、鬆餅、甚至還有大熱的曲奇餅！蟹黃肉鬆卷先來這款蟹黃肉鬆卷，他有著鬆軟蛋糕口感，一咬開軟腍柔軟，當中更有蟹黃醬汁…令人一食愛上。海苔肉鬆卷另一款則是人氣大熱的海苔肉鬆卷，他們每件肉鬆卷都大大件，落足料份量十足，表面都沾滿了海苔肉鬆，入口香甜軟熟，咸香滿滿，真係令人食唔停口！生打椰椰芒用上椰奶同芒果打成，入口更有椰汁、椰果等…濃郁香滑，而且芒果果肉非常足料，口感豐富！

位於尖沙咀地鐵站A出口附近嘅香港小熊 門口個熊仔公仔好得意 見到有台式飲品同其同食物都好吸引 買左啲返屋企食生打椰椰莓見到店內海報呢杯顏色好吸引椰子奶加士多啤梨嘅結合椰奶同士多啤梨醬蓉層次分別飲落去內有椰果同西米 飲落去頭一層都幾順滑跟住再飲落去 有椰果西米士多啤利果嘅口感 咀嚼一下 又香甜又fresh唔錯既結合黑糖波霸奶茶烏龍茶底都幾香茶味黑糖珍珠都幾煙韌甜味份量均勻海苔肉鬆卷 見到網上近期大熱人氣食品嚟一盒四件 份量都幾足海苔肉鬆卷都十分之多撒滿香軟嘅蛋糕面 蛋糕內夾住一層奶油令到蛋糕香滑更加易入口 鹹甜佳有倍添滋味 唔使咁遠上深圳買（鮑師傅）喇香港小熊曲奇通常遊客會買返盒做手信今次我做返遊客 自己買返盒返屋企自肥 曲奇好香牛油味入口鬆脆的即化 有埋 （珍x小熊曲奇）冇既抹茶味🍵 😋 送熱茶或咖啡一流#香港小熊#海苔肉鬆卷#黑糖波霸奶茶#生打椰椰莓#香港小熊曲奇#曲奇#鮑師傅#hkfoodshare #hkfoodie #hkfoods #hkfoodsnap #hkfoodpic#hkfoodblog #hkfoodblogger