香港茶餐廳 (已結業)

蕃茄湯叉燒米線10:40 落單11:00 催餐, 5min後覆話冇蕃茄湯, 改清湯11:15 再催11:25 番嚟再話冇蕃茄湯11:30 再催, 覆話即刻跟11:35 同一人走番埋嚟問究竟仲有咩未嚟, 佢發脾氣話我唔應該向佢發脾氣無話可說... Never come back

魚片炒蛋三文治同奶茶幾好但警官咖哩唔得太稀我食開PTU咖哩同警官Mess 啲咖哩不一樣不知是否今天是星期日所以差別大其它地方不錯我昨天來了一次但要等很耐才有得食但堂食冇乜人不知為甚麽

睇草猛, 順便試下黃生開設茶餐廳. 平時睇佢寫野, 佢話自己管理下屬非常好. 點知去到茶餐廳D待應不知所謂首先我自己一個人入去坐低先, 入面只有幾個人, 坐低5分鐘先有杯茶俾我. 之後一直都無人理我. 呢樣唔緊要, 因為我男友還未到. 我又咪諗到食咩.無人走埋理問我呢樣個樣 係我等人既期間, 見到D侍應同廚房傾計, 坐係好入既客人要走出來同佢地講落單, 佢地先走埋去. 或者經理叫到佢地先走埋去落單. 只有俾杯茶個果亞姐同經理先自己主動做野等齊人後叫個男侍應埋來落單, 我要蛋魚片三文治, 佢話無魚片. 咁我地問佢蛋治仲有咩野夾係好味又出名架. 佢竟然答我地"您鐘意夾咩到得". 話真係俾佢激死, 我男友見佢咁既態度就快叫一個無骨海南雞脾飯套餐就叫佢走之後, 當我再落單時, 叫左俾茶個果亞姐埋來寫野, 佢見我唔知食咩好, 就好耐心介紹其他食物俾我最後我選出前一丁面餐,, 我地問佢面包要烘底, 佢話好, 又不用加錢. 點知咁就出事啦. 第1次幫我地落單既男待應(肯定好細個)就好大聲同俾茶亞姐講"個餐個面包一直有烘底架啦, 寫咩烘底呀"之後係到狂笑, 其他待應都好大聲和應 但亞姐仲笑笑口答"係呀

三文治﹐都係不外乎腿蛋﹐餐蛋﹐蛋牛......... 見到雜誌介紹香港茶餐廳有魚片蛋治﹐便膽粗粗去試下~一入餐廳﹐見到食客們都係碟頭飯﹐公仔麵~心想﹐莫非新口味不被人接受? 唔理了﹐幾大就幾大﹐order了:咖哩牛腩飯: 不過不失﹐牛腩切成一口牛﹐情況就好似食蛋撻用刀叉﹐忽然高尚左~ 先入為主地﹐牛腩應該係大大舊﹐先有果種風味~ 再說﹐一小碗牛腩裡面﹐有成4﹐5舊唔係好淋的牛根﹐似乎比較適合女士們品嘗。沙爹牛出前一丁: 一碗好吃的沙爹牛丁其實不簡單~ 一上台﹐濃郁的牛肉味已直撲入鼻~ 先喝一口湯~ 90% 是殺爹牛的味﹐那份味精湯的咸都消失了~ 試一舊牛~肉質軟硬適中﹐淋得黎仲有肉味~ 沙爹的效果亦不錯~ 值得回味~~~魚片蛋治: 等了一陣先登場~~ 麵包烘得脆脆﹐一試落口﹐除了已溶化了的牛油香﹐估唔到魚片同蛋炒埋可以夾成這樣!!!!! 蛋唔會炒得好老﹐仲有滑嘟嘟的口感~ 魚片算係厚切﹐彈牙不在話下﹐味道簡直係一流~~急不及待已經要KO埋餘下的~~

今日試左呢間開左一排既茶餐廳, 星期六2點半多唔係太多, 可以坐卡位, 我地叫左個懷舊熱狗卷配凍檸茶, 雞中翼撈公仔麵配凍檸水懷舊熱狗卷 - 估唔到係炸既麵包包住條腸呀, 麻麻地, 寧願食番正常既熱狗好過, 反而做配菜既沙律幾好食雞中翼撈公仔麵 - 雞中翼有三隻, 幾脆口啲肉幾滑, 可惜公仔麵比較乾身只得少少豉油喺面, 連薑蔥都冇, 失色失色總結 : 咁既價錢寧願去隔離間太興食好過!!!

好一般茶餐廳, 不過不失...環境 - 好光亮, 卡位私人性極高...食物 - 台式吐司(花生醬+果醬) 配熱奶茶, 兩種醬只係食出一種味, 花生醬都有自己打過, 可取之處係個吐司唔係隔夜... 同事食咗餐蛋麵, 麵係出前一丁(又唔使額外收費), 個湯都好香麻油味, 不過塊餐肉就薄切咗...

本人今日於中午時間跟女朋友光顧 , 點左一個沙嗲出前一丁特餐 (最緊要是佢個個麻油(日本黎咖) 勁香!!! 同埋叉燒拉麵 (之前叫左豬骨拉麵,個人認為呢個好食D) , 加左兩個七味豬油豬(勁抵1蚊雞1個必食推介) , 不得不提既是佢地既甜品 (勁好食特別是個個焦糖布甸) (都只是8蚊1款) 奶茶都OK啦 , 總共消費左97蚊,一個字抵! 值得一讚既是佢地上菜真是好快!!!環境同普通茶餐廳冇咩分別 !已經幫襯過第4次,頭2次唔是食上面所寫既野,平心而論冇咩特出表現PS : 溫馨提示: 呢D是人地最好食既野 ! 唔好叫左其他野就話人地唔得 !

D 甜品布甸好好味， 估唔到咁好味， 個杏仁豆府好有杏仁味， 真係好好食其他餸都OK， 但咸左少少，個咩芝士“哈” 相當油（普遍都較油）但係個七味咸豬包好食又得意， 最回味有個叫力保健花旗參檸蜜，好啃下！ 唔貴，少人但好食！

此餐廳一定係有心人經營，因為食物中有唔少心思，我光顧咗三次，包括早、午餐：早餐 - 沙爹牛出前一丁 - 味道出色，用紙碗，比較環保，碗內有中隔，湯跟麵分開，唔會浸到發脹- 凍OT - 夠茶味，唔淡口，大大杯午餐- 泰色扎肉雞絲炒河 - 味道不錯，好大碟。我見對面檯果碟蒸排骨有兩人份量，好巨型，又有好多人食剩飯，我建議份量可減少。仲有$1一個奶油豬，可比美"醉畫"的質素，"醉畫"仲要賣$12一個，真係一個頂十二個，超正。

上星期六晚上與數位朋友到訪毅力兄的尖東「香港茶餐廳」晚膳，我們點了中式套餐及特色小炒皇一碟。餐廳的特色是卡位夠多及椅背夠高，私隱度非常高！毅力兄是一位願意接受客人意見的老闆，因在卡位的牆上貼有毅力兄的真心留言，希望客人能夠提供寶貴的意見給他以作出「改善」！小弟在上月曾到訪過一次，跟着把意見寫給毅力兄，他有跟進小弟的意見去作出「改善」，真是值得一讚！中式小菜比較好吃，賣相及食物質素也很吸引！HK$48.00的中式晚餐包括白飯一碗、中式例湯一碗及飲品一杯，不用收加一服務費，在尖東這區來說是很不錯的選擇！毅力兄，努力呀，小弟會繼續支持您！最近到訪日期：29/05/2010 及 26/06/2010