香港華商銀行公會

营业中

休息中

人一生裡頭會做錯幾多個錯誤的選擇？可能有許多。你可以怪天意弄人，也可以怪自己沒想清楚。一個錯誤的結局，卻可能是另一個美麗的開始呢，天曉得。是日為同事踐別，選了「香港華商銀行公會」。「鳳梨蜜豆西汁牛肋骨」鹹鹹甜甜的味道，鑊氣不足，令人吃得若有所失。「脆皮金沙雞」這個好得多，皮炸得很香口，肉也嫩滑。「蝦子一品琵琶豆腐」蝦子味不夠，魚肚也不夠入味，有進步空間。「生煎蒲魚藕餅」「秘製流沙包」不太真正流沙，算是失敗了吧？！「點心系列 - 山竹牛肉 / 春卷 / 咖喱土魷 / 回味糯米包」「甜品系列 - 焗西米連蓉布丁」「夏枯草」很驚喜，飲茶竟然有清熱涼茶附送。那麼人一生裡頭會吃過幾多個死貓呢？人吃過死貓的苦頭，才會珍惜活貓的可愛呢。都係飮多碗夏枯草吧啦！

舊年「蝦佬喂」o黎食過一次, 食完去「蝦佬喂」真係好順路, 所以今年再接再厲...不過今年唔知點解好爆, 間晒房, 我地要坐係D路口轉角位+收集食完嘅杯碗碟膠盤側邊... 感覺很不是味兒...朋友們ORDER咗幾樣招牌菜, 我都冇睇過餐牌, 所以唔係好記得D餸名...杏汁白肺湯--必吃招牌菜之一, 杏汁味好濃, 不過好似比舊年稀咗...啫啫蝦醬生菜煲--又一必吃招牌之作!!! 生菜份量好足, 蝦醬香濃惹味... 明知好肥, 但係都忍唔住口...脆鱔球--好正!!! 鱔球又香又脆, 仲落埋同樣係脆脆地嘅蘋果一齊炒, 減低咗油膩感, 酸酸甜甜好開胃...石鍋駌鴦雞--好熱呀D油, 彈到週圍都係, 仲彈咗好耐... 而且D油多到浸住晒D伴菜, 好恐怖呀!!! 唔敢食個底!!! D駌鴦雞味道冇咩特別, 唔知鴛鴦個名何來... (ORDER時仲幻想有2種做法嘅雞放埋一切)仲有一味已經完全唔記係咩, 睇個樣似排骨炒年糕, 印象中味道都OK架...必吃嘅甜品孖寶... 焗西米連蓉布丁 & 紅薑皮蛋酥!!!焗西米連蓉布丁--依然美味!!! 不過轉咗做一位位上, 以前係一大盤~ 紅薑皮蛋酥--依然美

Our colleagues went there for a birthday lunch celebration. We ordered a numer of dim sum, fried rice and dishes. The food generally is ok (not delicious) but service quality is extremely worst. We ordered one dim sum as "Fish ball" and felt that the taste is spoiled and requested to return. Their staff replied: we do not receive any complained from other tables and only can cross this out from your billing. Then, we tried to order an extra two dishes with "XO sauce fried beef and Deep-fr

父親節和外父吃飯，選址中環華商銀行公會。六人套餐$1450免加一茶芥，定價都算合理。套餐美食如下：蓬萊素鵝伴蜜椒豚扒：以素鵝配豚扒，此配搭實在令人有點摸不著頭腦。素鵝做得幾薄幾脆；豚扒因切得薄，入口尚算軟腍，味道無乜特別。翡翠俄式腰豆燴蝦球：俄式腰豆醬汁甜甜地，蝦球經油炸泡製，但外皮唔夠香脆喎，可能唔炸更好。蝦球肉質結實，但味道很淡。海底椰蟲草花響螺燉乳鴿：湯底清甜厚實，湯料足亦好味。XO醬炒螺片貴花蚌：XO醬調味挺辣但搶口，螺片甜美，貴花蚌爽口，OK喇！碧綠素鮑片扣鵝掌：茨汁過稠。鵝掌雖諗但不夠入味。素鮑片則幾神似好吃。翡翠蝦籽炒斑球：以蝦籽炒斑球瑤，蝦籽味不突出。斑球肉厚，魚味中等。瑤柱竹笙浸時蔬：無乜特別。檸汁茄醬伴脆皮雞：雞件挺香滑，檸汁茄醬亦幾好吃。鮮蝦荷葉飯：荷葉飯色水差啲，荷香符水準，用料稍嫌不足。酥皮蛋撻仔：出品熱辣，酥皮夠鬆化，蛋香力度可再加強。合時果盆：內含西瓜、蜜瓜及哈密瓜，幾清甜喇！

朋友带过去的，只招待会员。环境还不错，不算太吵。点心种类不算多，有10几种，推荐西米矩布丁，虾饺，叉烧包， 味道很不错, 送的糖水（海带绿豆沙也不错). 不过鲜虾麸皮卷非常油.老火汤也很不错，通常叫套餐里都有一款当天煲汤 。中环饮茶吃饭的好地方.

友人請食晚飯，依度係會員制，唔收現金只收信用卡。聽講招牌菜係菜膽杏汁白肺湯，當然要試啦，一盅可以分到5大碗，每碗有2條菜，4至5片切得薄薄的豬肺，個湯係煲唔係燉所以比較稀，而且個杏汁並唔係一齊煲而係後加的，失敗！魚湯浸豆苗：用石鍋上，上菜時熱辣辣，但因為個石鍋太熱的關係，啲豆苗其實仲繼續煮緊，所以無幾耐啲豆苗已經黃晒，又失敗！支竹豆腐炆斑魚腩，一個字：腥。唔食得！四季豆臘味煎蛋白，期望大失望越大，煎得比較油，味道一般。酒香桂花鹽焗雞：普通鹽焗雞，無酒香！成晚只有一碟子薑香芒咕嚕肉好味，放耐咗個皮都仲脆，但嫌子薑略少。食物和服務都強差人意，而且價錢也不便宜，如無必要，不值再來。

承蒙姨仔之福，有機會走嚟一試「華商銀行公會」嘅點心同炒粉麵。星期日，太太嗰邊要去薄扶林掃墓，一大家人先過嚟中環匯合，食完晏仔先出發，姨仔係依度嘅會員，所以提議晌度食，貪佢夠靜局，騷擾少，況且食物質素不賴。仲有就係依餐免費，因為姨仔話出咗花紅，由佢請，真係姨仔萬歲。華商銀行公會屬私人會所性質，供華商會員銀行及其屬下嘅銀行員工使用，但其實入會都唔算太難，都係俾少少會費啫。雖然叫私人會所，但環境猶如中式酒樓，樓底矮矮，比一般酒樓感覺仲要迫少少，但星期日嘅中環，中午時段本身已經唔多人，更何況依類上樓嘅中菜「私人會所飯堂」，我哋係第一枱客，食咗成個鍾，計埋我哋全場都係得兩枱客，清靜得緊要，真係好少飲茶咁寧靜，所以，如果三幾個老友，又想嘆吓點心，又想靜靜哋傾吓偈，依度算得不二之選。一入門口嘅告示板，就印有「招牌名菜」同「廚師特別介紹」嘅推介，另外，仲有一個菜譜，包羅多款小菜及炒粉麵飯。依趟飲晏晝茶，點心係主打，所以睇點心先，點心紙一張過睇晒，分兩大類：「蒸益求精」同「甜得有營」，前者一共羅列咗20款點心，後者就係5款甜品。點心價位唔平，特點$34，頂點$29，大點$25，中點$21，小點$18，茶

華商素來是我常去的地點之一,一來地點便利,二來價錢便宜.雖然服務比較"小資",但價廉物美,只要你不要要求太多,埋單落單,兩不相干.點了我最愛的杏汁白肺湯,杏汁味很濃,但感覺上比以前稀了點.香芒子薑咕嚕肉-雖是紅酒死敵,但在咕嚕肉的FANS公關再三堅持下,阻住還是要低頭...香芒和薑十分新鮮,味道酸甜剛好平衡,可惜我個人比較喜歡有骨落地的版本,但如果閣下喜歡啖啖肉的話,應是不錯的選擇.脆皮金沙雞-很脆,少油,可惜沒有雞味,這個是現在在香港吃雞的通病吧.啫啫蝦醬生菜煲-很香蝦醬味,煲仔上,熱辣辣,但個人不喜歡太咸,但阻住很喜歡.脆鱔球-見菜式10大龍虎榜有這個菜,便點了一個.可惜,脆比較瘦,汁醬也比較漏,不是我杯茶.雖然當晚是星期六的晚上,但只有三圍,冷清得嚇了一跳.有朋友還在趕來,我們便打算邊吃邊等,於是便等到9時再點菜.著男侍應過來寫單,他剛要下筆之際,女侍應大叫"大廚走了啦!"眾人->我們朋友還沒來,怎辦?人家刻意趕來,店家竟然要打樣,弄得我們不知如何是好呢!姐姐續說"大廚走了很久啦!"我們忍不住說"但沒有人告訴我們LAST ORDER呢!"我們於是4個人,8隻眼,將目光轉移

由於朋友是會員, 所以每次在中環諗唔到去邊度食飯,就自然上左來!可能是會所的關係, 感覺份外親切!價錢唔貴又好食~最愛咕嚕肉, 啫啫蝦醬生菜煲, 大千蝦球, 酥皮蛋撻仔咕嚕肉好重薑味, 甜甜酸酸, 好好味!啫啫蝦醬生菜煲好香...正!大千蝦球有點似泰國的咖哩抄蝦球, 不過沒有那麼spicy, 仲要比較香! 好好味!酥皮蛋撻仔即叫即做, 熱烘烘好味!仲有朋友的最愛紅薑皮蛋酥, 不過我唔食皮蛋!朋友就話超正!

其實不論你是否銀行員工也可以參加做會員,會費一年好像是$50.平日不是太多人,但等菜時間比較久.大千蝦球:蝦球的汁很好味,很爽鱔球:鱔球夠新鮮,很惹味杏汁白肺湯:杏汁味很濃五代同堂炒飯: 應該是有大細蝦,蝦乾,蝦子, 飯炒得很乾身.我最喜歡的是紅薑皮蛋酥,可能是夠熱吧!(但製作需時,要早30分鐘叫)

友儕一向待人真誠,遇上生日,大斑好友已經早早佈局,廿幾人藏身VIP房內,仲要息燈,人一現身,Tong Wong生日蛋糕同生日歌即時由美女奉上,既開心又好玩.其實大廈上下都有出色的食肆,五陵會及上海商會,都是水準不俗的食店.雖然地方有的逼狹,但大家親熱些就更開心.菜單是一早擬定,大家都不用勞神費心.滬式素鵝 拼鳳梨小排骨 : 素鵝其實是腐皮包裹素菜同炸,而鳳梨小排骨即是生炒骨,不過名稱有變,事實上,甜酸汁調教得恰到好處,排骨肉多骨少,醬粉厚薄一般,比上不足比下有餘,不過奇怪地將兩道完全無關係或口感食材放在一起.鐵板秘醬龍鳳球 : 蝦件跟雞塊的配搭,兩者都先經拖油,不過明顯雞件是比較乾身,而且冰鮮雞無乜味道,蝦仁反而處理得有水準,爽口彈牙,又沒有半絲醃過的痕跡.鮑汁海螺片鮮菇菜膽 : 為減輕成本,近年來酒家都將鮑魚片改為海螺片,味道看似差不多,而實際上都是鮑汁的功勞.再鈎個玻璃茨上面,可以說是又快又好睇.原煲杏汁白肺湯 : 強近幾間店舖都以豬肺湯掛帥,真的有趣,當然,陸羽的杏汁是最濃郁芳香,但奶白色的湯下,只能聞到杏仁味,港大校友會好少少,杏味無咁重,而此處是介乎兩者之間,但是老話題,杏汁

香港華商銀行公會連book table食飯都要比左會員numbers先可以訂...睇黎真係好認真...食晏時候, 真係有d亂...連帶位都係得一個女人帶, 而且態度不是太好...粵式大千蝦球: 汁多, 蝦彈牙, 都算好味道! 而放底既西芹都好多, 墊高左個蝦, 好似好多咁!啫啫蝦醬生菜煲: 油了一點, 咸了一點, 少了香味一點!香芒子薑咕嚕肉: 子薑多了點, 肉就少了點, 而味道都不錯!脆皮金沙雞(半只): 嘩, 塊皮真係唔肥喎, 而且好脆好香, 又熱架!五代同堂炒飯: 炒到粒粒飯都好分明, 而且有好多蝦乾蝦籽蝦米蝦仁!錦江豆腐煲: 真係好多豆腐喎, 又唔太油淋淋, 幾好呀!蛋白賽螃蟹: 好滑唔油, 正正正!!穫仔爆牛肉: 上面有只半熟旦, 自己攪拌一下下面的牛肉, 好好味道!!!花生糊(送的甜點):食完2個鐘, 個口都有好香既花生味啊! 所以真係好好味啊!因為比左50蚊入會費 (即出會員卡比你, 都幾ok), 所以一定會再黎過食...哈哈哈

12月13日（星期日）晚，我和女友出席食友新手兄的生日飯局。為了給壽星佬驚喜，事前檸茶兄細心安排和精密部處是日的每項細節，務求能給予驚喜。幸好故事發展也盡在茶兄的計算之內，當壽星佬得悉所有的事情都是為了給他一個驚喜，感到非常開心。任務完成，又是時候入正題：開飯喇！原煲杏汁白肺湯：猶如牛奶色的湯，未喝前已聞到芳香的杏汁味，喝時卻祇能嚐到湯的咸味，杏汁味卻感受不到；滬式素鵝拼鳳梨小排骨：素鵝像一般素腐皮卷，鳳梨小排骨就和生炒骨極度相似，梅頭肉肉味甚濃，不過炸得有點乾，甜酸汁味道並不突出；鐵板秘醬龍鳳球：鑊氣十足，雞肉雖然有點老，但很惹味，蝦球不細且爽口，不過醬汁不夠多，未能嚐到其“秘醬”有何獨特；大海班兩味：分別是薑汁芥蘭炒班球和法式焗頭腩。薑汁芥蘭炒班球的薑汁味不夠濃，班球則肉質軟滑鮮味，芥蘭翠綠無渣；從外表看上去法式焗頭腩很像焗龍蝦，殼很硬而魚肉結實，差點以為自己吃的是龍蝦而非頭腩；鮑汁海螺片鮮菇菜膽：螺片很像鮑片，口感軟腍，芡汁味道不太濃；瑤柱翅群絲扒豆苗：味道清淡的一道菜，瑤柱絲和翅群絲的份量都不少，芡汁同樣味道不太濃，豆苗新鮮翠綠；古法扣羊腩煲：如何“古法”就真的不知道，看上去和

nov 13, 09, 5人來晚飯,叫咗 : 1) 杏汁豬肺湯 (hk$75)-杏汁味都濃,也滑-只喺豬肺切得大件咗少少,唔調味就輕手咗少少,所以豬肺就顯得唔夠味-不過整體也不錯 2) 粵式大千蝦球 (hk$95)-個人覺得個皮沾咗嘅粉厚咗少少,經炸過後,咬落就略為硬咗少少-蝦肉爽實-個汁就有微微的辣意 3) 啫啫蝦醬生菜煲 (hk$55)-熱騰騰的上枱,惹味香氣已遠遠撲鼻,事關有蝦米之類的海鮮-菜脆,新鮮 4) 香芒子薑咕嚕肉 (hk$72)-個肉切得太薄太細,兼且有骨,所以肉嘅剖份就更所剩無幾-唔難食,不過就絶對稱不上水準之作 5) 蜜椒蝴蝶骨 (hk$72)-肥膏同肉各1/2-但勝在入味,又惹味-反而呢個幾稱職 6) 5代同堂炒飯 (hk$85)-飯炒得粒粒分明,又唔腍-亦炒得很香-有埋d蝦乾仔,份外惹味 7) 蛋撻仔 (hk$30)-喺落單嘅尾段,侍應已問我哋要不要蛋撻仔/迷你皮蛋酥,因製作需時(大約45分鐘-1個鐘)..............不過2者都要6件起-我問清楚咗喺酥皮後,就揀咗蛋撻仔-個皮鬆化,亦有因為+有豬油的香-蛋漿部份滑,甜度適中-後來見到隔離枱叫迷你皮蛋酥

中環一帶有很多會所食肆，華商銀行公會係其中一間。價錢唔算貴，食物質素都OK。杏汁白肺湯：好香杏汁味，OK。粵式大千蝦球：招牌菜之一，蝦球大隻爽口，醬汁惹味，唔錯。啫啫蝦醬生菜煲：出品熱辣辣，蝦醬香味撲鼻，另一惹味之選。脆皮金沙雞：皮薄唔肥，有雞味，不過肉質只屬一般滑。香芹煎銀雪魚：銀雪魚煎得太乾身，賣相唔吸引，so-so喇！錦江豆腐煲：都幾足料，OK。蛋白賽螃蟹：口感一般滑，唔算油膩，OK。蒜蓉炒白菜：無乜蒜蓉香味，似清炒白菜多D。焗西米連蓉布丁：熱辣辣，香噴噴，幾好食。蛋撻仔：迷理size，撻皮鬆化但唔算好香，蛋的份量很少。