香港華商銀行公會 (裝修中)

It has been a long while since i last met up with my University friends and finally we got the time to catch up with each another. He was a member of Chinese Bank Association, thus he suggested to bring me there for dinner. This chinese restaurant was centrally located near Central MTR, and was exclusively for members only. We go for their dinner set, which consisted of 5 dishes and 1 dessert. The price was very reasonable, for $638. Baked sea whelk stuffed with seafood - When served, the waiter

好耐冇食過中餐，聽聞呢度大件夾抵食，趁佢裝修完，走嚟試吓。非常光猛，雖然同其他檯相隔唔遠，不過坐得好舒服睇完成個menu後，散叫嘅餸菜唔多，但我對$638嘅二人套餐非常感興趣，有6個course，樣樣我都鍾意，非常期待！杏汁花膠燉白肺湯 一碟湯渣，有齊白肺、花膠、瘦肉及鳳爪，非常足料！杏仁味唔算超濃郁，但味道清甜足火喉，估唔到花膠件件都咁厚身，白肺又非常潤喉焗釀鮮響螺係呢度嘅名菜，聽經理講，原來一日要釀成百幾隻㗎！自從細個食過之後，愛上咗呢道菜！材料中西合璧好豐富，入面有螺肉、鮮蝦、蟹肉、豬肉、洋蔥、白菌及芝士，焗得香噴噴，食到冇停口翡翠炒龍躉鮮斑球龍躉魚味香，冇魚腥味，最重要係連住肥美嘅魚皮，入口滑溜唔油膩；芥蘭脆口又爽，好正豉汁蒸帶子豆腐又係另一道細個經常食嘅菜！其實我真係非常鍾主意豉汁，最鍾意揀晒一粒粒豆豉嚟食，呢個汁非常杰及濃郁；豆腐嘅豆味冇傳統豆腐咁濃，但勝在夠嫩滑揚州炒飯實在好耐冇食過揚州炒飯，飯粒粒分明爽身，乾濕度適中。仲好足料添，有蝦、叉燒、燒鴨、蛋及芥蘭，但如果蛋嘅份量再多啲，咁就最好了！生磨杏汁雪山包呢個雪山包熱辣辣漲卜卜，外層係我最愛嘅甜脆皮，一咬開即刻辣親個咀！

上星期五老闆話要同我同事餞行, 雖然我們個個都好唔捨得他, 但他舉家移民無辦法啦, 所以老闆好隆重咁下旨唔食午餐改食晚餐, 仲叫秘書姐姐BOOK去老闆成日去的會所食, 我們成班嘩瓜都不知幾開心 !  一行人放工出發, 原來好近地鐵, 我們公司係金鐘, 早知行過來都得.  老闆話新裝修之後, 佢日日下午幾乎都來飲茶.  我們點左個龍蝦/燕窩/焗響螺宴食, 足12位, 開餐啦!!!

一家去玩，覺肚痛！老細請食飯仲覺肚痛，屙嘔不適，點樣算？ 咁又唔使食李氏整腸丸，睇醫生就得㗎喇！不過今次就真係老細請食飯，我哋呢啲小員工又點會係銀行公會嘅會員呢？杏汁花膠燉白肺湯 $388從湯渣可見，呢個白肺湯真係落足料，味道清甜，杏仁味豐富，花膠百肺又非常潤喉。蔥燒龍躉斑球 $234呢個龍躉球魚味香農，甚少魚腥味，肉質實滑，可見食材新鮮。手吊脆皮雞半隻 $198老細請食飯當然唔食炸子雞啦，但絕對唔係無情雞！呢個炸子雞皮脆肉滑，完全做到骨肉分離嘅效果，而且雞味香濃。香芒紫薑咕嚕肉 $110咕嚕肉都算喺中菜之中最考到師傅手藝嘅菜式之一，咕嚕肉外脆之餘又可以掛醬，實在都唔易做，呢度嘅咕嚕肉仲加入芒果同紫薑嚟吊味，真係非常開胃。生磨杏汁雪山包 $38最後想睇當然真係甜品啦，老細叫咗呢度最主打嘅甜品，真係識食。呢個包包嘅包餡有好濃烈嘅杏仁味，而且仲慢慢流出嚟添， 效果同一般流沙包差唔多。中環蘭桂坊 一向都係花天酒地嘅地方， 估唔到呢度有間隱世又高級中式酒家，如果唔係有老細呢啲高級會員帶路，否則真係唔識嚟！

今晚你說貴嗎不是太貴🤣說平🤔在中環也是沒有能夠多貼地位置佳人客滿滿環境優雅酒家但有種不同的味道在焗釀生拆鮮蟹蓋🦀蟹肉吃得津津有味焗蓋唔止金黃蟹樣有睇頭還有真功夫鮑汁鱆魚雞粒飯四方🐓粒已走皮去肥🦑令濕炒既🍚更香鮑汁旦花香菇更濕潤了其中芋蓉燉鮮奶🥛品燉到滑嘟嘟入面既芋泥煲到蓉紫白色不太甜之甜點作結温馨提示☺️需要會員方可內進吃喝可經友人推介填表當會員Member餐廳都好有質素今個夜晚太有驚喜價廉物美內外兼備

老細請食飯，去左一間平時自己去唔到既餐廳，話說只招待會員😍服務幾友善，員工有笑容，感覺到係到工作幾愉快，廿圍左右全層都是這餐廳，夠人自然快手。青瓜海蜇頭前菜但好足料，大碟爽口青瓜脆，食到好新鮮。食食下熱情部長問我地食到辣無，仲醒左碟潮洲辣椒油我沾吃呢👍🏻香煎腐皮素鵝係蘿蔔荀西芹菇菌多樣素菜即炸成，十分香口，喼汁食好吃，重要是腐皮還嫩。杏汁花膠燉白肺湯煲得好白，具火喉有杏香，而且不乏湯渣，花膠多無斯場，豬肺瘦肉鳳爪等。翡翠野菌炒龍躉班球好爽口，炮油後的魚塊不油了，配上菇菌和清新西芹，感覺健康，不重口味。食後感：以前又係好鐘意去d特別地方用餐，例如什麼督察餐廳，警察遊樂會咁，次次都要識人，先帶到我入去，想食唔係咁易。P.S.朋友介紹只要150元年費，就可以全年無加一的享餐，價性比高。下次想來吃點心呢😍

終於裝修好啦！仲請左玉桃軒大廚坐陣！玉桃軒出品質素一向唔錯，3日前訂枱都有期侍。裝修前，華商格局係90年代舊式酒樓比較局速，出品一向都份量大、價廉物美、中規中舉見稱。裝修後，地方光猛環境舒適，出品比以前精緻(份量)，味道更好，價格更高。雖然比以前貴，不過味道同服務比以前好，繼續 on Central Lunch List! 今次同事發現『四人午市商務套餐』只需$398！ 十分抵食！老火湯．粉葛湯近日天氣潮濕，粉葛可清熱、去骨火啱曬！煲湯有三分一湯料，湯夠濃味，好足料！．點心比以前好食，更精緻咸水角．熱辣辣新鮮炸起蝦餃．新鮮彈牙蒸排骨．淹得夠味夠滑香芒子薑咕嚕肉用上香芒子薑比較特別，咕嚕肉甜酸適中，肉仍然脆皮金銀蛋上湯浸莧菜金銀蛋足料，菜唔會太油太咸黑松露蛋白炒飯炒飯帶微微黑松露香，炒飯粒粒分明炒得乾爽唔油膩．Menu

星期六老公同D 朋友聚會去左呢到食， 有朋友勁推最呢間。朋友仔係呢間香港華商銀行公會會員， 都有介紹我地其他人入會， 仲話五月尾先新裝修完， 星期6 晚想搵d 甘嫁价錢，地點同服務真係好難👍👍👍👍大拼盆入面嘅燒肉同春卷好脆，海蜇都好爽口之餘又唔會太咸，份量亦都好足。帶子好鮮而且夠入味，唔會咸，西蘭都唔會話硬到食唔到。鮮炸百花球炸成金黃色，賣相唔錯，好香口。蓮子令碟菜有陣陣清香，而且食落好爽口，魚湯都令啲菜更有鮮味。脆皮雞唔會太肥或者太油膩，皮香脆肉嫩滑，　好有水準。炒飯唔會乾，但係都仲食到一粒粒，而且蝦仁夠鮮味，好爽口。雙喜伊麵嘅份量好足，調味適中，仲有爽口嘅芽菜令碟麵食落清淡啲。有濃郁嘅芝麻香，上菜個陣仲熱辣辣。焗布甸好滑，好香，而且顏色都好鮮艷，加埋啲西米同芋頭响入面令口感更豐富，　朋友仔話平時食要訂先有得食。紅子薑皮蛋酥 , 裏面仲有半粒皮蛋同紅子薑，令味道更豐富, 又唔會比皮蛋搶曬D味, 交晚仲唔係成日有, 都係朋友仔提早訂。

今午來到剛重新裝修好的華商銀行公會飲茶， 裝修後看來高級了， 當然又可以收貴d, 經理侍應很多都是某酒家過來的， 都是熟識的。 經理說點心是自己師傅一早返工整的， 不是交來的， 一定要試，所以就叫了些點心。黑松露帶子餃~黑松露味道不大， 可以話沒有， 帶子亦不多， 反而蝦肉就多，可能改錯名， 蝦肉餃會貼切d, 味道都不錯。蝦餃~不是巨形size, 蝦新鮮好彈牙燒賣~上面一隻蝦， 真係每道菜都蝦， 肥豬肉不多，都幾好食。山竹牛肉球~味道鮮，內裡多魚肉，所以肉質好soft叉燒腸粉~腸粉皮軟熟而不爛，叉燒切得細細件，好食， 只是油多了些。龍門炒米粉~好有鍋氣，吃起來不油，其實都是普通的料，內有叉燒，蝦，芽菜，韭菜。但米粉好碎， 如果唔係咁碎就好了。紅子薑皮蛋酥~這個我無食， 聽其他人評就話皮蛋份量不夠，不覺得有皮蛋。生磨杏汁雪山包~皮不夠脆，是淋的，幸好杏汁不太甜。叉燒包~因為太飽了，沒有食了， 賣相都ok. 經理送的椰汁紅豆糕~椰汁不夠香，不夠濃，多點椰汁就好了。總括食物ok 啦，下次再試小菜

為了方便家姐及與朋友聚舊, 所以訂左昨晚6奌半5位 dinner.玉蘭黃金大蝦球 $132 : 有6件大蝦球, 外面用旦黃包著, 好有獲氣, 加西蘭花件伴碟, 好味.金沙雞半隻 $98 : 皮脆肉嫩, 好快就食到冇乜, 下次要叫一隻先夠食.风梨柚子小排骨 $90 : 好多汁及好香柚子味, 风梨和三色椒都幾多, 小排骨就得幾件, 所以覺得有奌贵. 下次都系叫返 "咕嚕肉" 啦 上湯豆苗 $90 : 清清地, 正正常常, ok 啦.五代同堂炒反 $98 : 好大碟, 好多鲜蝦仁, 炒得好乾身, 果然系華商嘅招牌菜. 薑葱銀絲班腩煲 $128 : 勁多薑和葱, 亦都好有獲氣, 粉絲索滿汁加上有少少白菜仔一齊食, 正. 反而个主角班腩就好一般, 炸得有奌干及好細件, 不太出色.焗西米布甸 (位上) $25 x 3 碗 : 夠熱, 甜度適中, 可惜真是太細碗, 有奌吾夠喉.另外5位茶 $60, 共 $776總括來説, 是 ok 的. 由於晚反散叫的品種不是太多.都系叫一席或半席比較不用费神諗食ｄ乜 ~

訂了一席 $2780 (12人) 作爲做冬晚飯.上週他們已经致电给我, 我選了B餐. 12月22日早上再致电作實, 可能是冬至正日的關係. 亦都因為是冬至正日, 所似枱與枱好擠廹.两小碟 : 素鵝 - 最不好是有奌汁淋在素鵝件上, 不夠乾身, 做不到付皮脆口的素鵝. 小排骨 - 好香镇江醋味, 但好奇怪有些彩椒在内, 好像是一碟生炒骨.蛇羹 - 足足分到12大碗, 好多料好丰富,加了薄脆, 味道更佳.西蘭花黃金蝦球 - 蝦球好新鲜及好大隻, 用薄薄疍黃包著再炸過, 西蘭花就伴碟, 好好味.帶子贵花蚌脆肉瓜 - 帶子贵花蚌炒到剛剛熟,分量也不少, 好有獲氣, 不俗.菜遠炒班球 - 菜遠是用菜芯, 班球就啖啖肉, 略嫌班球炒得老左少少, 但都不差.炆頭腩煲 - 亦都是好大煲, 頭腩先炸後炆, 再加大量粉絲, 羌薑及白菜仔, 尤其粉絲吸收了頭腩的精華,简直絕配. 金沙雞 - 好大隻, 隻雞炸都好香囗, 但内裡的肉仍然好有肉汁,  不乾, 不嚡口, 難得.羊腩煲加唐生菜 - 好大煲, 但這个比較差, 味道不夠, 枝竹不入味, 汁太 "唏", 所以食浄不少, 要携走.臘味糯米飯 - 亦系好大碟,

華商係我平時喜愛午飯去開餐嘅地方之一，無論午市或晚市都座無虛席，必須預早訂位。 食物份量都好足，小菜煮功出色穩定，點心款式時有更換味道一流，而份量頗足夠抵食。 店員雖然忙個唔停但同食客都有傾有講，態度親切。一行四人約定去飲茶，可能冬天無論體溫、體力都消耗得好快，行唔夠10分鐘路程上到去酒樓都不約而同大叫肚餓，好彩所叫食物雖然即叫即造但仍能迅速送上。糯米包每次有都會吹，傳統款式用黃色嘅皮包住炒得又香又多料嘅糯米飯。外皮唔會蒸到好濕保持乾身，糯米飯粒粒分明無黐埋一舊。 秋冬時候會供應炒糯米飯，差唔多每枱都叫大受歡迎。燒賣係豬肉餡為主混有蝦肉同冬茹，夠實淨無散開又唔會硬，味道好鮮。梅子排骨酸酸地幾開胃，肉排服瘦均衡，大小適中。腐皮卷每次都會叫，好大件腐皮炸得鬆化，輕輕一咬就即刻碎晒，裡面有鮮甜蝦肉同爽口馬蹄，一次過有唔同口感。 炸蝦角即炸蝦餃，餡料有大蝦仁同少量筍絲，外面炸得香脆入面保持肉汁，連埋沙律醬食非常滋味。沙薑雞腳係非常搶手好快會賣晒。雞腳係用正常細細隻size，用沙薑湯汁炆煮得又淋又滑入晒味，明顯有叻於一般急凍貨色，雞腳膠質好重，食完個嘴都黏住晒。炒粉麵飯所有都做得出色，大大碟足夠

我地一行11人去呢間食，係賀兩位壽星生日～食套餐，因為我地當中只有幾個人食蛇，所以加個例牌蛇羹$180，由於我唔食蛇，所以唔知味道，但聽佢地講好稀～女侍應好欣勤招待我地～亦可能因為為好少人，我地啲餸黎得特快，且水準都好唔錯呢個蘭花千島蝦球好得～呢個美極牛肋骨亦好得～風沙雞球夠熱又好食～ 銀絲斑腩煲啲粉絲如果乾身啲更好杏汁白肺湯超好味，仲好甜，我估應該比我無食到嘅蛇羹更好食～香芋臘味炒飯係十級好味，一啲都唔油，仲好乾第，由於我地已經好豐富，所以啲飯都要打包，但泵心嘅係，打包左唔記得攞，浪費左～收切餅費，開瓶費只係$38呢個係１１月份menu，豐儉由人，粗俗啲講句，大件夾抵食～

雖然唔知點解樓下位龍少爺寫個食評都忽然間甘傷感, 不過唔緊要, 睇我哩個食評一樣姐 今日同 Bankers 食 Lunchu, 哩間酒樓真係好 exclusive, 只限 Member 入黎食, 尊貴感覺超越 TWCCT 望望環境, 都好似幾多 bankers 黎哩度食 Location 一絕, 嚮正 喜愛夜蒲2 拍攝場地隔離, 感覺高尚, 可惜撞唔倒 mama mia 先黎一籠蝦餃, 正, 皮薄函靚咪哩 d 囉.再睇睇上週龍虎榜, 睇下哩期邊樣送最猛先, 但可惜全部都係小菜, 飲茶唔多岩我地叫左太多點心, 比較難逐一介紹, 所以就等我介紹最正果幾樣啦個流沙奶皇包真係幾好味, 多函又夠熱辣辣, very good!但真係要小心 D 食, 因為熱得滯可能錄親條利架, 不過睇唔倒我哩篇食評既你都唔洗驚, 因為酒樓都好細心甘叫個包做"小心食流沙包", 不過電腦單就漏打個食字, 真係唔小心. 午市人比較多, 所以都冇人加水, 我地一行 10 人冇水飲真係勁口渴.. 不過叫多幾次就 ok, 所以朋友們要比 d 耐性, 唔好好似我 d 朋友甘郁下就喝倒彩, 唔好學呀大家 個紅油抄手就麻麻地, 真係

人一生裡頭會做錯幾多個錯誤的選擇？可能有許多。你可以怪天意弄人，也可以怪自己沒想清楚。一個錯誤的結局，卻可能是另一個美麗的開始呢，天曉得。是日為同事踐別，選了「香港華商銀行公會」。「鳳梨蜜豆西汁牛肋骨」鹹鹹甜甜的味道，鑊氣不足，令人吃得若有所失。「脆皮金沙雞」這個好得多，皮炸得很香口，肉也嫩滑。「蝦子一品琵琶豆腐」蝦子味不夠，魚肚也不夠入味，有進步空間。「生煎蒲魚藕餅」「秘製流沙包」不太真正流沙，算是失敗了吧？！「點心系列 - 山竹牛肉 / 春卷 / 咖喱土魷 / 回味糯米包」「甜品系列 - 焗西米連蓉布丁」「夏枯草」很驚喜，飲茶竟然有清熱涼茶附送。那麼人一生裡頭會吃過幾多個死貓呢？人吃過死貓的苦頭，才會珍惜活貓的可愛呢。都係飮多碗夏枯草吧啦！