香港賽馬會滿貫廳

营业中

休息中

開年飯好朋友一早預先訂位。帶我來跑馬地馬會中餐廳：滿貫廳落地大玻璃盡覽綠油油馬場賽道。樓底高。很多大電視。隔幾張枱就有一排電視。播放餐廳招牌菜式。新春期間.菜名好好意頭。好吸引。座位寬敞舒適。侍應生多名服務殷勤。有精美點心. 海鮮. 小炒。朋友叫四菜一湯+甜品//合家慶團圓（紅燒肘子）//年年皆有餘（堂煎原條釀鯪魚）//不得了豆腐//金華玉樹麒麟雞//髮菜蠔豉豬脷瘦肉湯//紅豆沙吃完飯可以行馬會歷史博物館。

啱啱食完一頓得意嘅大餐，覺得好有必要同大家分享下！第一樣上嚟嘅是燕窩雞肉羹，每啖入口都係滑溜溜嘅感覺，燕窩啲韌勁真係賣相滿分🍲。緊接住蒸豆腐，就唔同啦，嗰個梅菜嘅鹹香迫得好夠晒味，豆腐吸晒啲汁水，嫩得黎又惹味。跟著嚟嘅炆龍躉，好到唔得喇，肉質彈牙，啲醬汁啲香氣撲鼻，食落口感絕佳，黐得好實嘅🐟。至於蝦子柚皮，呢個真係格外刷新，啲柚皮爽口得滯，蝦子嘅鮮味好充斥喺個口腔入面。食完之後覺得，呢度嘅味道真係可以話係傳統同新鮮感嘅經典結合，全部野都整得啱啱好，令人食完之後滿嘴生津，仲想再嚟多幾遍！🥢👍

-臨時約去食飯, 諗來諗去都唔知食咩好。又唔想打邊爐，又唔想太貴，又想坐得舒服，仲要好食。朋友靈機一觸，諗起呢度。於是試下即日book位，又咁岩book到。實在是太幸運～-食物：呢間餐廳主要食中菜，香港人最鐘意食的上海，潮州，廣東菜都有。我地點左幾個小菜share，燻蛋，茶樟鴨，炸豆腐，例湯，雞，甜品。所有食物的質素都有水準，唯獨炸豆腐，如果係用炸過的蔥蒜油淋上去，味道會更佳。芒果布丁有汁同奶俾你淋上去，令到個味道更重，好吃！ 環境：座位寬闊，面對住馬場，可惜星期日冇馬跑。相信賽馬日餐廳一定好滿。 總結：埋單計大約每人$310左右，計埋茶介，值得再encore，可惜我冇賽馬會會藉。香港賽馬會滿貫廳地址: 跑馬地馬場快活看台2樓電話: 29667111

落地玻璃，景緻盡入眼簾，環境舒適，點心唔止賣相精緻，而且都幾好味，尤其叉燒，好淋又唔肥膩，雪山叉燒包，雖然唔係好雪山，但都好好食，煎腐皮卷都正，剛煎好，腐皮夠乾身鬆脆，不過呢度上點心的時間好慢，大家要有耐性😅

今天來到滿贯廳聚餐，其中有一位朋友要陪媽咪看醫生故决席午餐，我們四人仍然是你一句我一句仿佛傍若無人，十分吱喳。先來一小碟鹵水鴨舌～味道適中有嚼感；然後再選了薺菜餛飩～柔軟嫩滑；砂鍋XO醬銀芽炒腸粉～熱氣騰騰很惹味的一道菜，手打牛肉球～爽滑彈牙有咬感；黃豆醬蒸排骨～滋味無窮有嚼勁。最後點了蕃茄免治牛崧燴飯～酸酸甜甜倍增胃口。在進餐其間收到朋友的電話相約我們在三時下午茶，wow太好了！

滿貫廳係我覺得最好食嘅馬會中餐館，難book到呢… 今日得償所願食個business lunch，大滿足！前菜 - 鮮砂薑南渄鲍片、蜜汁叉燒皇、竹炭豆腐鮑片爽口，半肥瘦叉燒齒頰留香，豆腐滑嘟嘟太史花膠五蛇羹好好味，足料好多蛇肉，加咗脆脆好正陳皮仁稔蒸東星斑件啖啖肉，嫩滑，魚皮煙靱滿滿膠原清湯蘿蔔崩沙腩牛肉燉到好淋，清湯好甜鐵覼音茶燻雞皮香肉嫩，好喜歡伴碟塊炸葉雞油炒豆苗鮮甜，食多多都ok黑松露帶子粒炒脆米飯炒飯粒粒分明唔油膩，黑松露超香，加咗脆米好好味桂花紅棗燉桃膠配酥皮迷你蛋撻蛋撻超滑，桃膠清甜滋潤

Now is the season for crab. We had a wonderful crab dinner with different kinds of crabs cooked in various ways.We started with crab and uni terrine with caviar on top. What a luxurious starter ! 🥂Then we had hairy crab roe in a bowl , with chinese pancakes! This was my favorite as it was pure enjoyment with no work!We also had mud crab fried with ginger and scallion! Also yummy!We had fried milk, which is a traditional Cantonese dish.We also had a stewed goose! Very satisfying dinner !!!

已幾次回訪雖然餐館裝修只係一般中菜隔局～但大玻璃可看馬場跑道～坐位寬敞樓底高，座得舒服！服務亦佳食物質素有水準，價錢合理～值得推介食物方面，餐牌上選擇頗多！每月都轉換不同主題嘅"廚師推介" 餐牌～今個月係<百子千"酸" 所以都在依個餐牌order咗三酸酸酸甜甜嘅菜式好味亦好開胃！特別適合夏天w:♕︎ 有營例湯♕︎ 山渣鵝肝:♕︎ 酸甜松子脆桂魚:♕︎ 話梅桂花梨伴黑醋g:♕︎ 石鍋松茸魚湯手打魚腐♕︎ 脆皮炸子:♕︎ 黑芝g:♕︎ 黑糖蜂巢糕♕︎ 生磨蛋白杏仁:♕︎ 石榴柚子珍珠露♕︎ 芒果蓉布:以上菜式有g:係推介y:當中"黑芝麻卷" 好夠黑芝麻味，但整體可以少些糖，吃多一件覺得太甜y:除咗食，餐廳外還有不同馬會精品售賣！同一時間可以shoppingD:每次食完都好滿足r:阿媽非常鍾情這家中菜e:

朋友帶路食好西火焰叉燒, 煎海鮮蠔餅,一口豆腐,招牌燒肉 ,飲酒吹水之夜先上第一道係用鐵板上叉燒,仲要點埋火燒,所以食既時候有淡淡酒味 叉燒焦香邊位仲要係黑既,又脆又香口 半肥瘦豬肉特別甘香 肉質鬆化淡淡蜜糖甜味小食一口豆腐 七味粉 微辣開胃,當小菜~煎海鮮餅,入面有墨魚粒,蠔仔 好重蛋味,煎到好脆口 厚厚一件份量大,食一件已經好飽例牌燒肉只12件 一層肥一層瘦,個豬皮夠曬脆口爆曬皮 當然唔少得飲左幾支酒吹下水平均消費$400評分8/10跑馬地馬場快活看台2樓2/F, Happy Valley Stand, Happy Valley Racecourse, Happy Valley

今日非常開心，一行六人於十二時在跑馬地某會所聚餐，其中有位是稀客， 與她闊別了三年，當然話說當年。會員朋友點了筍尖鮮蝦餃，清甜爽口的筍加上鮮蝦的鮮味，確實好拾配丶又爽又有咬感，小籠包味鮮甜又多汁，皮的厚度適中丶牛柏葉吃出腐乳汁味很特別，好爽脆丶蒸土魷味道普通但有嚼感丶魚頭雲很滑丶xo醬炒腸粉，xo醬加醬油放了些銀牙味道濃郁，腸粉亦很爽滑，櫻花蝦炒米粉，用洋蔥絲丶蔥絲丶蛋花絲丶櫻花蝦等等炒成一碟，味清櫻花蝦又脆，非常惹味又有嚼感。 另點了夾餅內有花生，像兒時所吃的花生夾餅，很好味呵！六位女士走在一起，妳一句我一句非常熱鬧，吱吱喳喳，氣氛融洽。不知不覺已是二時許，意猶未盡決定轉埸去咖啡店再聊天，一樂也。

第一次來滿貫廳、環境比想像中簡約、唔似馬會會所餐廳、但價錢比想像中平、份量都足夠、火焰叉燒肉質好淋味道好正、最滿意係炆龍躉撥水、魚肉好滑、材料好豐富、稍為失望係個莧菜、物非所值、可能唔合時卦、甜品馬拉糕都滿意、聽到隔離枱讚咕嚕肉好食、下次要試一試先。

上次爸爸生日去咗鋸扒，今次爺爺生日當然要食下中餐啦！滿貫廳平日下午除咗點心外仲有唔少特色小菜同中式飯麵～蘿蔔絲酥餅外層鬆脆，蘿蔔絲清甜；蛋撻酥皮層層鬆化，蛋漿滑溜充滿蛋香，係餐廳嘅熱賣之選亦係我最鍾意嘅；菠蘿雞尾包焗得好靚又多餡－全部都熱辣辣好好食呢！蒜泥白肉擺盤幾精緻，唔好俾佢紅卜卜嘅辣油嚇親，食落好惹味但其實唔太辣。火焰叉燒皇個名夠晒霸氣，上菜時侍應會淋上酒再點火，有畫面又有香味。叉燒用到梅頭肉，食落好腍肥瘦均勻，有少許燶邊，仲有而家好少見嘅蜜汁蠔油豆伴碟。烤鴨有二食，片皮鴨係即場片既，水準唔錯，配上薄薄嘅餅皮同經典嘅青瓜絲京葱同烤鴨醬，食得好滋味。第二食嘅鴨崧生菜包亦都炒得幾香口，配搭新鮮爽口嘅生菜食落冇咁膩。酒樓嘅揚州炒飯真係特別出色－炒飯粒粒分別唔油膩，用上大大隻嘅蝦同足料嘅叉燒粒，味道好豐富。餐廳送嘅壽桃包係傳統嘅蓮蓉餡，細細個冇咸蛋黃，餡料唔會好甜。

3/5不是賽馬日的情況下，性價比更好。菜式火喉水準穩定，質素味道也可。是日只是蠔仔湯飯的蠔仔不太新鮮。If it is not a race day, the price is better. The dishes are stable and the taste is good. It's just that the oyster soup rice is not very fresh.

星期日飲茶食點心地方愈嚟愈小。好多地方都只係翻熱冰凍點心，不如屋企食。好一點水準酒店氣氛又太正經，唔太星期日。 呢道可能係少有以前飲茶風味。 第一茶有茶香，唔係只有顏色。 點心大多是香港經典，例如馬拉糕。但又有新創意，好似今次「吉列鯪魚球」其實好間單，唔知以前點解冇人做。

朋友的媽媽生日， 邀請我一起到馬會的滿貫廳吃飯。 之前都係啤酒節喺嗰度食德國美食。 真係未試過喺馬會嗰度食中菜， 向來聽朋友講馬會嘅中菜，整得好有水準。真係好開心，今次有機會可以試下。佢哋嗌咗好多個餸， 我最鍾意就係片皮鴨， 外皮烤得色澤均勻， 肉質 嫩滑， 變成薄片再配埋餅皮， 青瓜蔥段同埋烤鴨醬， 捲埋一齊嚟食真係好滋味， 鴨油充足， 齒頰留香。炒龍躉球非常美味， 魚肉質地結實， 層次分明， 魚皮彈牙充滿膠質， 魚味甚濃。蒜香鮮鮑魚切片， 鮑魚新鮮煙韌， 蒜蓉香味又唔會搶咗鮑魚嘅滋味。另外比較特別嘅，煎米粉餅配滑蛋蝦仁，米粉煎成薄餅形狀香香脆脆， 切到好似窩巴嘅大細， 食嘅時候配上滑蛋蝦仁， 真的好好味。