香港賽馬會滿貫廳

营业中

休息中

上年抽獎, 中左滿貫廳$3000 晚餐禮券, 於是搵齊十二人去食晚飯. 在電話訂, 已說明用禮券, 又問長問短, 但佢地服務態度一流, 有問必答連自己都覺得自己長氣.講到食物方面, 味道好, 價錢公道, 份量足, 並非想像中以為樣樣都係好貴又細碟. 記得當晚叫左以下菜式:燕窩雞肉羹梅菜蒸豆付炆龍躉蝦子柚皮甜品仲有其他唔記得左.最後埋單, 唔夠$3000, 我話餘額當貼士, 點知佢地話唔收貼士, 終於我地仲打包好多甜品, 又食又拿.

老細請客食飯所以好早來打點發現到條星斑反左肚攪到當晚我都唔敢食菜味道同服務水準一般最好就係馬場靚景d客係咁係度拍照

前幾日中午同阿爸阿媽黎咗跑馬地依間滿貫廳飲茶,一入去d環境幾好,我地選擇坐在窗旁,對住個綠草如茵既草地,別有一番風味!!當然啦!!!以前一向招呼開馬會會員既地方,質素有一定既保證!!我就覺得d點心整得好正,好有新意,賣相又好,我記得最深刻既點心就係魚翅豆苗餃同埋個壽包,魚翅豆苗餃果d翅夠粗,個壽包食落好特別,唔知有d咩餡,好似有少少燕窩,甜甜地,好味!!!仲有,果度有個唔知咩燉蛋都好特別,層面有d菠蘿飽既皮,好似仲有d奶茶味,好特別架!!!果然好介紹!!至於其他點心d味道都尚佳,大家不妨去試試!!最後埋單阿爸比,所以唔知幾錢啦!!!總知就係正啦!!

世上係冇永遠贏的道理。精英大師跑輸個日下午﹐同媽咪去做腳底按摩﹐一邊按腳一邊看電視﹐本來已經將電視轉到非賽馬節目﹐但唔知幾時﹐有人轉左睇跑馬﹐結果迫住睇埋精英大師點樣輸。晚上又好蹺﹐約了朋友去馬會食飯。馬會的滿貫廳裝修舊舊地﹐坐的椅子唔算好舒服﹐當日的賽事已經完結晒﹐外面熄晒燈﹐看不到馬場﹐後來隔離的香港足球會開了一點燈光﹐有人練習﹐才可以看到綠油油的草地。兩個人叫了﹕炸軟殼蟹($48)、蝦米粉絲雜菜煲($78)、豆酥魚($128) 、招牌甜品併盤($25)和蛋黃糯米滋($16)。軟殼蟹幾惦﹐蟹肉鬆軟﹐外皮香脆﹐這碟雖然是前菜﹐但都有五、六塊﹐幾抵食﹐但我唔知道點解炸軟殼蟹會當係前菜﹐應該係主菜黎丫嗎。粉絲雜菜煲就麻麻喇﹐菜的種類唔多﹐選料亦唔係好新鮮﹐湯底亦唔鮮甜。至於豆酥魚﹐我係因為鍾意食北京樓的豆酥魚才叫的﹐但條魚來到完全唔係北京樓的整法。人地北京樓的豆酥是軟身香口的﹐而滿貫聽的豆酥卻是炸過的麵粉加蒜蓉﹐完全同條魚唔配合﹐魚肉亦太硬身﹐唔夠鬆化﹐魚下面重墊住好多粉絲﹐但粉絲亦係做得太乾身。招牌甜品併盤即係合桃露加蓮蓉/蛋黃糯米滋﹐合桃露一般﹐但蓮蓉/蛋黃糯米滋就太黏口了﹔朋友亦覺

舊同事的新office 好近馬會，於是就「啦」我黎呢度食個馬場景的午餐。中午一點幾入到黎，都唔係太滿，食到後來至見佢坐滿，睇黎呢度的常客都唔係我地呢D要限時限刻番工的打工仔。由於有落地玻璃窗直望馬場，整個環境俾人好明亮舒適的感覺。我地四個女仔叫左杞子魚片粥、鱆魚肉餅飯﹝與飯桶同食必叫菜色﹞、雪菜火鴨絲腸粉、蟹粉小籠飽、油菜、兩款唔記得咩蒸餃、香蕉煎堆、糯米。整體黎講，呢度的點心味道都OK，個粥好多料，魚片亦好鮮甜。鱆魚肉餅飯就略嫌唔夠香，鼓油亦唔及醉湖好味。舊同事好推薦呢度的蟹粉小籠飽，話38元有三隻，好抵食。但個人認為雖然都係幾有蟹粉味，但個皮就好唔掂，有少少夾生，蟹粉亦有少少腥。腸粉係中規中矩之作，好足料，但唔夠滑。反而個香蕉煎幾好味，係意外之喜。個唔知咩做的紫色糯米就好唔掂，又唔煙韌，個內餡又怪怪的，大家咬左一口就放棄了。埋單一人只係85元，都唔算貴，以咁樣的環境而言係值回票價。

30/7同小熊來食lunch叫了很多野食:點心有帶子腸,蝦蛟,灌湯蛟,豬腳仔等,我覺得最好食係豬腳仔,好淋,其他都ok啦,另叫一窩津白雲吞烏冬,好大窩呀,2個人食真係食唔曬,津白同雲吞都好好食,湯底都唔錯,但好似同個烏冬唔係己match,同埋太林了,我覺得配米線會好好多,最後叫了兩個甜品,一個係花旗參蓮子紅棗,另一個好似係d糕點類,環境同服務都唔錯(小熊最鍾意馬,佢話佢一定要養隻馬,做馬主,我覺得佢簡直有d crazy,不過算啦lee個係我識佢敢奈,都係佢唯一的夢想,我都無謂反駁他),lee到都唔少人來食野,但都唔覺得嘈,最後埋單h.k.bank白金免收加一$296,同埋lee到係唔收tips,所以都好抵食用,真係食得好飽

黎親呢度飲茶，都會覺得唔係好夠款式揀，但勝在樣樣都好好味﹗之前必叫係燒腩仔，真係勁正﹗前兩日黎，叫左個腸粉包住春卷(唔知叫乜名，因為唔係我點…)，勁好味，大家有機會必試啊﹗0係度飲茶真係唔平，好彩通常都係D亞頭請啫…嘻嘻…

可能我同班同事耐不時都來，覺得最好係夠均真，唔收貼士，幾抵食。又覺得侍應們的服務OK喎。Dress code係呢度有左好耐的規矩，幾多racing members都嚴守。其實唔太離譜通常佢地都唔會出聲，smart casual都應該OK，不過T恤牛仔褲可能會太casual都唔定。其實都係尊重他人、尊重番個地方同自己吧！

waiter黑口黑面. 一d都唔友善. t-shirt牛仔褲去食野好失禮咩? 洗唔洗咁?

初四中午食開年飯，座近落地玻璃，對正馬場好舒服。D點心好一般，本來叫個鹹魚火鴨炒飯，因為見到格離台食好吸引，但最後叫了個福建炒飯，都唔錯，勝在唔貴12碟點心加一碟炒飯，只係三百幾蚊。

每次o黎親呢度都要訂位gei.。因為佢成日都咁多人幫襯！<br>不過Ｄ食物又幾好食，尤其係個龍蝦配生麵墊底~<br>真係好好味！其他點心都幾好唔錯，甜點都唔差呀！！<br>點心係就係細o左Ｄ。<br>但環境幾舒服ga~<br>

D 野好細碟，叫十碟都唔夠八個人食