香港郵意 (已結業)

今日有朋友帶我嚟呢度食嘢，一入到去覺得個餐廳環境好新奇，原來香港都有一啲地方可以咁relax🤗我哋搵一個有背景可以影相嘅地方坐低，就睇吓餐牌有咩食，但係原來價錢都唔平，最後我哋叫咗三個意粉同埋一個全日早餐仲有一個pizza！Pizza出奇地10分好食，佢係薄批嚟嘅，加埋番茄醬同埋芝士口味好夾！但係上餐嘅時候佢係原個上，冇幫我地切開，所以搞到我地都幾難分開個pizza😖另外叫咗黑松露忌廉意粉，但係個意粉汁勁水，感覺到佢個味淨係靠面頭嘅黑松露醬，完全唔好食呀！另外個All day breakfast要百幾蚊，感覺好唔抵食，而且又冇咩特別。總結來講，如果係想同朋友Hea下，搵個地方坐傾吓計，依度靜靜地都係一個唔錯嘅選擇，但如果特登嚟朝聖食嘢，就不如去其他地方啦😖因為佢價錢上真係對唔住佢嘅食物，而且餐廳係自助嘅，冇服務可言。如果都要比二個價錢，我會去一啲好啲嘅餐廳食😣😣

本身諗住去左夾公仔，但有啲餓就去醫下肚先... 見到呢個cafe環境唔錯，用左木調做裝飾，環境夠大夠靜就去試下... 佢寫明冇服務，連水都唔提供，因為鼓勵大家飲咖啡^^" 點左個all day breakfast 同意粉，份量幾足，all day breakfast嘅腸好大條好味，啲煙肉煎得到口份量亦多，唔錯，至於卡邦尼意粉味道稍咸，因為芝士太多，不過起碼證明佢冇偷工減料，下次會再黎!

呢度轉地3000呎，好大好舒適有日式茶座又有舒適座位。想他他調調喺尖沙咀搵個地方hea.行左呢個冇乜人的首都商場，上到二樓有間隱世caffe shop。呢間文青咖啡店，地方好大，座位有日式的，也有舒適座位，地方寧静。不停播放住一聲台式音樂。仿佛到了台中交遊。我哋叫咗個皇牌全日早餐，吃早餐的德國菜好好味，法式牛角包好鬆化。個炒蛋都好有水準。之後就叫左個番茄龍蝦意粉，意粉用上手工意大利粉，咬落煙韌。值得加許係佢就係杯香芋牛奶，香芋味濃郁，牛奶滑，飲落有心曠神怡的感覺。喺繁囂的尖沙咀算係搵到一笪寧静的綠洲。😁

與友人尖沙咀來個有得食有得玩的地方,尖沙咀金馬倫道附近算就腳,又有個又大又舒服嘅postcard主題cafe香港郵意,欣賞下postcards,文青一下,.夾到肚餓就去郵意點餐~主要目標飽肚~*All Day Breakfast 全日早餐我地滿於打卡,放涼了,要盡早吃,內裡有炒蛋,粗大香腸,炒雜菌,迷你牛角包,煙肉,黑醋開胃沙律,可愛蕃茄仔,用料算充足大大份,食完算係可以滿足胃口*煙三文魚火箭菜薄餅份量算多,性價比也算最高,餅身不是很厚的那種,芝士味濃煙三文魚充足有火箭菜平衡咸味

呢間店成間都好自由嘅感覺，裝修得好舒服，而且又可以任坐，買一杯野坐幾耐都得，又唔驚被人望住哂，好岩星期六日過黎hea 坐下，做下自己野。因為都冇加一，所以係買完之後，等佢響，然後自己拎，類似canteen 食飯形式，雖然冇人serve 但食飯位就唔會成日有店員行黎行去，坐得舒服😚 好似個名咁講，呢度有得買香港特色嘅明信片，仲可以幫手寄埋，都幾特別😝 All day breakfast 正常水準，有滑蛋，煙肉，黑醋汁點菜，特別鍾意個牛角包，因為焗得好香脆🤤 條腸都大條，所以岩岩夠飽🙈 要推介呢個pizza 芝士巴拿馬火腿番茄醬薄餅 $98 我地4個人岩岩好，每人兩件，個薄餅底好香脆，有黃芝士，而裏面就有好多番茄醬，火腿再加白芝士。抵食🤤朋友叫左卡邦尼意粉，唔會話好乾，而且有煙肉，洋蔥，芝士等等 不過就略咸😆百利甜洒朱古力 $58 好好味😍 首先，有個簡單拉花，整得好有心機😆 然後百利洒又同朱古力好夾，飲到香甜嘅酒味，但又完全唔苦，好香醇，飲落好舒服。

呢度係一間環境好好嘅餐廳! 啱晒三五知己傾計聚會, 好多精品同明信片可以買或者參觀，重點係非常隱世，唔係朋友帶我嚟，我都唔知有個咁嘅地方！入到黎感受到寧靜，啱哂週末黎放空下或者hea下時間~ 加上食物水準都唔錯, 令我印象最深刻嘅係豆腐蛋糕，凍冰冰咁啱哂越嚟越熱嘅天氣, 而蜆肉意粉嘅水準都不俗，蜆肉有鮮味! 如果可以再大碟啲就好啦! 總括來講，呢度都係令人非常回味嘅地方，因為環境舒適，特別係尖沙咀閙市中，都搵到呢個咁靜，又可以慢慢坐嘅地方，唔使同人迫，絕對唔容易~ 所以下次有咩情況要同朋友慢慢傾計，都會第一時間考慮呢度, 交通方便之餘有得扮下慢活嘅文青~ 走之前仲買咗啲小精品，食野又買野，原來快樂可以好簡單!

我與朋友一齊相約一聚 過往嚟過環境又舒服 又特別 但星期六去到 四周都係學生和韓團粉絲 枱上放晒相同簿 又無人坐 我哋訂位又無留坐 攪到 我同朋友訂咗位又無位坐 噤早些話無訂位服務 唔洗我哋走嚟走去最後要去另一間餐廳午膳 😰😰😢😢

呢間Cafe 就感覺有好多小手作野賣，來自五湖四海呀！而座位比較多，個日完成唔使等位。說起食物方面，cafe 主要都係西餐，仲有 Waflle 食呀，不過今次就無食到，有人話唔比食呀！哈哈~今次食左菠菜意粉，份量唔算太多，岩岩好一人份量。 開初個份實在太咸，頂唔順，就退返比餐廳。 不過，佢地好好人，幫我換過一份。 Cheese 鋪面頭，且有好多菠菜條，意粉又唔太硬，係幾好食嘅！另外，最好食就係佢嘅Benedict 啦！ 兩個大大粒雞蛋配上脆皮嘅牛油多多和少許煙肉，流心蛋，甜甜地，好好味！ 值得寫黎推薦既！比較令我們意外的是茄汁煙肉Pizza, 皮真係算薄，而脆口，Size 又好大，茄汁和煙肉超多，Share 一齊食都好飽肚呀！

自助形式 ，多區座位選擇嘅餐廳榻榻米夠hea夠曬feel，環境空曠安靜所以個人空間十足，同朋友談心都唔怕隔離聽到！出色的龍蝦肉蕃茄醬意粉濃濃蕃茄醬配上唔同香草，好香，蕃茄味又好出，龍蝦肉亦好彈牙，啖啖肉，好足料All Day Breakfast整體都唔錯，其中好難得地用左串串茄，好新鮮好好食，香腸亦唔會話好咸，唔會搞到好重味，值得一提用左牛角包代替方包，好食好多下次可以試下沙律甜品同其他意粉另外附近仲有精品鋪，餐廳亦本地特色明信片出售整體感覺唔似尖沙咀，繁忙中嘅一個平行空間同歇息地

Openrice話可book位，book左今日去到原來係同無book無分別，因去到無人喺門口招呼話自己再搵位， 自己搵位都算得返一枱冇人坐，坐低咗發覺張枱完全未抹， 等咗好耐原來係唔會有人招呼， 要好似大家樂咁排隊買嘢食， 仲要係去到係好多學生妹，好似街市咁嘈，完全唔會傾到計，搵個人行過嚟問句野都無人，一路都係嗰到嘅客人行嚟行去，喺度影啲韓星 相片，因為場上面全部都係韓星嘅相 ，唔知以為去咗信和， 等咗十分鐘都冇人嚟 幫手抹枱 ，亦冇人行過 ，所以決定唔食嘢就走 ，實在太嘈， 重點要係自己走咗都冇人知 ，因為佢哋根本冇任何service， 所以直頭冇興趣試佢嘅嘢食就已經走，以後都唔會再去呢一間。 離曬譜

這間在公司對面的cafe，由點餐至取餐全以自助的形式，所以沒有加一收費。餐廳沒有套餐，全部都是散叫，全部主菜由六十多元起。煙三文魚火箭菜沙律火箭菜的苦澀味被甜香的麻醬中和，沙律菜爽脆，番茄仔甜而不酸，加上五大片的三文魚，可以當正餐的份量。黑松露汁雜菌意粉意粉略為乾身，黑松露香味同雜菌混合一起，扁意粉煮得爽口不腍。芝士巴拿馬火腿蕃茄醬薄餅四大片的薄餅即叫即焗，餅底香脆，表面舖滿的茄醬及芝士，還有巴馬火腿，味道不分合拍。

幾年前郵意開左係灣仔 當時去左5次5次都冇開🤣因為個陣門牌都寫住店主主張鐘意就開門鐘意就閂門既經營模式 直到最近一兩年見到佢地終於係尖沙咀開左間大舖 就決定今次黎一定要食到！ 同朋友慶生 就揀到呢到 上到去見到依舊係有好多郵筒 但同以前灣仔既desgin好吾同 依家呢間裝潢較普通 但係就好大間 好多位 我同兩個朋友帶左蛋糕黎慶生 吾收切餅費👍🏻 我地就去買野食1.皇牌全日早餐 $88 熱辣辣 配料豐富 好鐘意個牛角包 🥐好香！88蚊都算抵食2.芝士濃蛋汁cabonara $78份量比較少 賣相都普通 用紙盒做碟睇落好似冇咁好食咁🤣不過不失3.egg benedict $128 相對較貴 整體還不錯食完大家仲可以行下 有好多好有香港特色既postcard 出面搵吾到架

起佢開張無幾耐就有FB既宣傳中發現左呢個特別的小店香港郵意估地面積真係好大，SALE佢地方大、裝修非常雅致個陣就同朋友來過食左一次上次我同朋友都非常滿意呢間CAFE質素，今次隔左好耐再來，就試下佢水準有無變先~~棉花糖拿鐵拿鐵咖啡味香濃，好濃烈但只要搭上一粒粒既棉花糖，就變得非常甜你地睇下佢地既環境係唔係好正先?好簡約同居家風格架帶子蘆筍海膽汁意粉意粉較似偏身，份量多架~~蘆筍同意粉都係一條條，咁就可以一口氣食不同材料用左海膽汁煮，好重的海水味，同時見到幾粒海膽蓉三大粒既帶子清甜又肥又厚煙三文魚火箭菜沙律煙三文魚係完全毫不吝嗇地落起碼成六大塊咁落火箭菜沙律新鮮蕃茄先誇張，六大粒，仲要係巨型SIZE添份量好足~~

原本尖沙咀首都廣場俾我的印象就是一個死場, 點知今次去, 真係耳目一新! 呢間郵意餐廳帶返旺個場, 首先基本上佢已經佔左成個3樓一大半, 環境舒適好多位, 格局好日式, 仲有免費wifi, 寫明"歡迎放空", 因為以尖沙咀呢個地段黎講, 佢地方真係好大, 完全無壓迫感, 好岩同朋友黎hea, 或者學生哥黎溫書打機都岩晒。另外佢個裝修真係幾用心, 好多不同擺設同設計, 令人有種好relax 脫離鬧市繁囂既感覺, 有個大郵筒, 又擺了好多特色心意咭, 應該是可以買的。真龍蝦肉蕃茄意粉 $98今次試左個真龍蝦肉蕃茄意粉, 不出所料係有真既龍蝦肉, 落足料, 意粉硬度剛好, 配埋一個玄米茶$58, 不是一杯, 是一壺咁上俾你, 可以慢慢坐煙三文魚火箭菜沙律 $68我本身中意食西式沙律, 亦超級中意食火箭菜, 佢上面仲鋪左d cheese, 同用隻靚車厘茄, supermarket 見過這款車厘茄都唔平, 是落足料的餐廳, 值得一讚, 不過略嫌火箭菜不夠新鮮, 加了個Cappuccino $38, 有水準的咖啡整體來說, 淨係食環境都值回票價, 約朋友吹水, 見客, 溫書,

今晚同朋友路過尖沙咀金馬倫道等過馬路時，望上首都廣場，見到有間叫香港郵意的餐廳，比個名吸引咗，一於上去坐下食下嘢先！上到二樓，見到好隨意的一間cafe，個環境都幾舒服！好有文青feel，立即覺得自己後生咗十年！哈哈！今晚沙律order 咗煙三文魚火箭菜沙律，火箭菜上鋪滿芝士碎，有小紅茄，好新鮮，三文魚塊大大塊，有大半隻手掌咁大，正！10％黑松露汁雜菌意粉，意粉好幼滑，軟身，個汁好香，好滑，菌又多！真，龍蝦肉蕃茄醬意粉！真的有龍蝦肉，不是取巧！醬汁味道不會太濃！正cafe主要都想客人飲咖啡，但我哋夜晚飲咗咖啡，晚上會怕瞓不著，所以叫了壼茉莉玫瑰花茶，有美容效果，而且還大大壼！好香！店內主張客人食完食物自己負責，有個放置餐具，垃圾桶的地方，客人都好自律！有個大郵筒，可供客人打卡影相，同寄信！下次要下午上去嘆下咖啡，看下書，寫意一下先！