香港郵意 (已結業)

係尖沙咀地區, 附近都是人來人往的地方, 竟然有一個文青CAFÉ, 係周末晚飯時間上到去竟然無乜人, 而且地方好大, 還有榻榻米區(要脫鞋), 一問之下原來係任坐自助式,基本上職員係唔會理你, 最適合和朋友一齊飲杯野吹下水, 又或者, 叫杯飲品靜靜地一個睇下書又得。門口還有店主排好的小狗擺設, 好可愛, 當然, 黎得文青CAFÉ, 我們都是有文化的人係唔會隨意破壞別人的心意, 不要因為小狗可愛就拿起來看呀。食物方面, 我們叫了2份卡邦尼意粉, 1份黑松露意粉, 1份PLZZA。飲品方面叫了: 小確幸, 芒果少女, 朱古力和花茶。因為文青CAFÉ都係精緻為主, 加上是自助環保形式, 用後需要自行分類及清理。

黎呢度開餐主要係因為想搵個地方坐下，同朋友傾下計，發覺呢個地方好適合！餐廳好大，座位好多，門面擺左好多柴犬公仔，好得意！！座位闊落，又可以選擇坐塔塔米，好舒服！同朋友或知已黎一流，傾到地老天荒都無人會趕！總不能齋坐，所以我地叫左個巴拿馬火腿pizza。黎到發覺好大個！應該係12吋，但只需$98！芝士好多，火腿香香的，因為有蕃茄醬，所以pizza酸酸地。係薄皮，所以焗到好脆口！大大件！呢杯叫綠野仙蹤，其實係牛油果奶昔。感覺係健康飲品，唔算好甜，有牛油果味！呢度地方幾適合同朋友黎hea，傾計！食物又唔貴，係消磨好地方！

陪舊友行尖沙咀，兜兜轉轉黎到呢個好似旺中嘅商廈，不想竟邂逅如此文藝氣息的咖啡小舖。見到郵筒、各式明信片，仲有隨性擺放的茶座，腳步就放慢了。去叫嘢飲，見櫃面前寫道：本店不設服務，請自律保持清淨，自行收拾碗碟。好，一切從簡。簡簡的服務，嘢食選擇卻不少，大都以紙碗紙碟呈上。餐具自行在隔離檯拎。【煙三文魚沙律】份量十足，厚厚幾片三文魚，新鮮蔬果清爽開胃。【蘆筍帶子意粉】三粒帶子好大好厚好吸引！食落有蘆筍的清香。不過意粉好似鹹左啲，不過這個價錢這個環境當然也可接受。【全日早餐】驚喜之選！配料豐富，炒蛋同牛角包都超過期望的好食。雞腸同煙肉又是鹹左啲，不過配搭沙律菜都平衡返。食完後我地靜靜係度坐左一陣，享受這不多得的愜意。呢度係一個打發時間，睇書寫文，飲嘢悠閒的好去處。

地方幾大 環境好舒服 令人好放鬆☺️☺️至少叫一杯嘢飲就可以無限時咁坐 正😏👍🏼餐廳係以自助形式既 要自己去搵位 落單 攞嘢食同執嘢 好彩啲人都幾自律 環境都幾乾淨😃餐廳仲有個明信片區 有興趣嘅仲可以寄明信片嘢食味道幾好 呢間餐廳都幾唔錯👍🏼.材料最貴的皇牌全日早餐💰$88有香腸 煙肉 炒蛋 牛角包 蕃茄 菜 蘑菇 啲菜淋咗啲黑醋汁 幾開胃 而啲蛋幾滑牛角包幾香仲有啲脆 整體味道都唔錯😆.真龍蝦肉番茄醬意粉💰$98酸酸甜甜 幾開胃 龍蝦肉份量都唔少下😋面頭仲會有啲芝士同香草😌😌.10%黑松露汁雜菌意粉💰$78食落幾重黑松露味 野菌份量都幾多不過意粉就比較乾身 多番啲汁就會好啲😚.芝士濃蛋汁卡邦尼意粉💰$78面頭舖滿好多芝士 仲有啲火腿同蘑菇😌個汁幾好味 幾重蛋同忌廉味🤤.曖昧💰$58聽個名都估到會係酸酸甜甜咁 實質係草莓藍莓乳酪smoothie黎既😌呢杯嘢好杰身 初頭有啲難飲到 後尾用匙羹搞下就方便飲啲😂飲落幾足料 唔係好甜 酸味比較出啲😌.溫馨提示💁🏻‍♀️夜晚黎食就早少少嚟 免得啲嘢賣晒 因為嗰日我夜晚七點幾到 好多嘢食同嘢飲都賣晒 本身仲諗住食薄餅 唯有留返下一次☹️

係尖沙咀四圍行街，甘岩係樓下行過就見到呢間餐廳寫住不限時，所以同個朋友走上去望下。呢度地方好大，真係好多人，所以我地都搵個地方坐下先。。。。餐廳係全自助式，吾會有人招呼，但其實都幾好丫，買完野食坐低又吾會有人阻住😬😬只要個咇咇響就自己出去拎食物。餐牌食物吾算太多選擇，飲品選擇就較多。龍蝦🦞肉蕃茄意粉：好多龍蝦肉係意粉面，意粉係用扁意粉，仲有好多蕃茄肉！意粉食落好濃郁既蕃茄味，吾係茄醬，幾好食😁。。。。黑松露野菌意粉：哇！好多黑松露醬，勁香。。。。基本上每啖都有，而且好多本菇。黑松露加白汁個味真係好正！😆😆茉莉玫瑰花茶：成壺花茶，用料好多，飲完可以再加熱水。我地叫左一壺慢慢嘆。花茶清清地又夠香，邊傾計邊飲，岩哂。我地都坐左成3個鐘，幾舒服。餐廳仲有塌塌米既地方可以坐，不過要除鞋所以無乜人坐。雖然自助但地方乾淨都算整齊。

本身同朋友係商場行緊，去果間好多平零食既店舖，無意中見到呢度有間餐廳，位置都幾多，又舒服，所以就坐底黎食吐，抖下啦！黃牌全日早餐 $88都幾大份，有唔少食物，有牛角包、炒蛋、沙律菜、煙肉、雞肉腸同菇等，都只係$88，價錢唔貴！炒蛋唔係全熟，流流地，幾滑！牛角包好脆。煙肉有三塊，唔會煎得好乾車厘茄好大粒！好juicy！綠野仙蹤—牛油果好大杯，飲落唔錯！唔會好甜，飲到有牛油果味，夾雜有啲香蕉味，唔知有無get錯幾好飲！食物唔貴，座位好多，又舒服，同朋友黎食，傾下計，玩下game好適合！值得推薦既聚腳點！

好寫意既文青餐廳📖尖沙咀發現一間好有文青氣氛既cafe 牆上有好多post card令我諗起朋友每逢去旅行都不忘寫明信片俾我再加上我有集郵既習慣好似返咗去讀書時代🔖真心我係有郵票架好似冇咩人信😢蒜香三文魚多士沙律$68這個比較欣賞三文魚輕輕灼燒加上芝士同埋麥包味道一流All Day Breakfast $88All day breakfast 一向係最穩陣既餐基本上碟上既材料都好易handle 可憐煙肉咸咗少少同埋炒滑蛋比較淡味過敏的心太軟$68心太軟上面加入雲尼拿雪糕 熱流心朱古力加凍冰冰既雪糕同時入口即溶口感豐富🍵茉莉玫瑰花茶$58市面上一般只有單一味道花茶這個玫瑰花加上茉莉可以更加帶出玫瑰花花香味道

今日eatmug9 #45香港地豆腐潤咁細但人就咁鬼多行下街都搵個地方抖下真係唔係咁易但睇到依篇食評嘅你 有福了今日想介紹下依間cafe 過你座落尖沙咀 最低消費一杯嘢飲你hea 幾耐 坐到腳痹都仲得 同層嘅大部份位置都拎咗嚟做夾公仔機 情侶嚟呢度嘆下啡調下情夾下公仔又一日先講講環境 私隱度唔算高冇乜間隔 但環境都唔會太嘈依度都傾向自助服務自己出cashier叫嘢食 自己拎餐食完自己清理返個盤自律的我表示幾buy 依種方式嘢食方面叫咗個all day breakfast同carbonara前者都同坊間整嘅分別不大 合格嘅後者反而有驚喜 個卡邦尼汁做得偏甜但甜得嚟同面頭嘅芝士味又出奇地夾 建議情侶冇地方hea 又想有啲娛樂 不彷嚟呢度

估唔到係一個繁榮嘅鬧市....無意中之間發現.....竟然有一個唔限時同舒適嘅地方....而且充滿特色.....門口有電子餐牌可以慢慢揀.........買完嘢食之後...職員就會比一部機你..當有嘢食部機就會震....薑味拿鐵....薑味唔會太濃唔會太淡👍🏻👍🏻黑糖薑母茶...可以慢慢嘆All day breakfast....好大條腸....蛋滑...誠意十足👍🏻👍🏻👍🏻黑松露意粉.....黑松露味充夠...意粉軟硬度適中可以慢慢嘆野食...又吾限時....座位又舒適....下次都會再嚟.....!

今日去左尖沙咁出Outjob...中間有兩個鐘時間食飯..想搵間唔會俾人趕..又靜既餐廳...行左入「首都」睇睇..呢個商場經過就多...之前已經聽過人講呢度有間餐廳好舒服...今日黎試下..開升降機門..見到開放式餐廳..好吸引...點完餐.拎左個拎餐感應器就搵個位坐下先...全部餐具.拎餐.食完放回全自動波..我鐘意...呢度有得揀坐地板梳化仔..好輕鬆咁傾下計...可以揀坐普通位，做下野..傾下計..呢度唔同其他餐廳好嘈，環境空間大，唔會迫。仲有個postcard位，可以寫下postcard寄俾人。今日太餓.揀左個全日早餐加意粉全日早餐份量都幾多.煙肉都有三大塊卡邦尼意粉，好濃好多芝士加埋杯「小確幸」香蕉士多啤梨奶昔。捱埋下半場...

這天緊友人相約在尖沙咀，想找一個寬敞而好Hea的地方慢慢聊天，上網搜了一下，覺得這兒應該會是一個很適合的地方，所以便到訪一下了餐廳以木色為主色調感覺很清新舒服😌既名為郵意，當然有不少關於信件的擺設, 同時也有不少製作精美的明信片可供選擇合心意的話還可即場投入郵筒，傳一份心思給朋友怕用餐悶的話也可以借閱旅遊書一看起初有點猶豫，這裏的主題概念、室內裝潢，也挺有心思，不知道食物質素是否也一樣好不過待食物來到之後便知道也是有心機的製作皇牌全日套餐 ($88)炒蛋10分嫩滑，讓人意猶未盡，一口接一口，在旁的牛角包也穌脆煙肉烤得香脆而不乾身龍蝦肉番茄醬意粉 ($98)龍蝦肉吃下去口感不俗，配上惹味的蕃茄醬汁，一盤意粉很快便吃光了黑松露汁雜菌意粉 ($78)黑松露味道歲不算很濃郁，但配上份量不少的芝士碎，新鮮的雜菌，還是不錯吃的

之前聽人講依間個環境好舒服，好啱同朋友傾計，我就約咗朋友兩個人黎食😛我地揀咗個遠啲既位坐，佢仲有啲日式榻榻米既位，感覺好舒適地方夠大又唔會好多人，可以同朋友靜靜地傾計影相，真係幾好。野食方面，我地睇餐牌果時比佢個帶子沙律吸引住，真係好好食，帶子都好大粒好新鮮。仲有桃、火箭菜、蕃茄仔、青蘋果。之後叫咗個黑松露汁意粉，佢雖然睇落細細碟，但食落都夠飽。同埋佢係扁意粉，唔係普通既意粉，口感同個汁更加夾，唔錯！我朋友叫咗一杯apple and pear 沙冰，不過因為佢用新鮮蘋果整，所以杯野飲會好快氧化，要快啲飲果日係慶祝我朋友生日，於是我叫餐廳幫我係甜品上面寫啲紙，佢地雖然本身無廚房用具寫，廚房既人都好比心機幫都搵啲工具擠啲朱古力出黎寫名同生日快樂，好欣賞👍🏼佢果度有賣postcard/心意卡，我都買咗一張送比朋友

今日往尖東出席講座, 中午往香港郵意食all day breakfast和凍cafe latte。all day breakfast材料有牛角包, 沙律菜、蕃茄仔、煙肉、炒蛋和香草腸。牛角包熱辣辣, 入口鬆脆；沙律菜食落新鮮爽口, 配上黑醋汁食落醒胃；蕃茄仔有2個, 食落開胃；煙肉食落香脆惹味；炒蛋炒得香滑有蛋香和最後香草腸食落彈牙而不感到油膩, 整份all day breakfast材料豐富足料, 口感十足；最後中午時間可以用優惠價$10加配凍cafe latte, 凍cafe latte飲落咖啡味香濃。餐廳座位闊落舒適, 有很多不同的post card, 感覺舒適, 而且座位有插頭位可以差電話等器材, 餐廳是自助模式, 午膳後將食物和餐具自行分類, 很欣賞餐廳的方式, 而且餐廳入座不受時間, 食物美味, 份量十足, 價錢合理,午膳舒適好地方。

聽朋友介紹尖沙咀有間好大既樓上cafe可以同朋友一邊食飯一邊傾計，今日終於都試到啦。一上到2樓已經見到一個好大既空間，就咁睇有少少似圖書館既一角。可能係café餐廳所以飲品選擇好多，有唔同既咖啡同埋茶。我地叫左一個carbonara，一個all day breakfast同埋心太軟配雪糕。之後店員就會好似foot court咁俾個機我地等食物準備好就出去攞。Carbonara睇得出有溝過蛋黃所以令到每條意粉都會深黃色，面頭再加上芝士碎，用意粉既熱力將佢溶入意粉入面，加埋煙肉真係好入味同埋好creamy，成個意粉都整得好出色。All day breakfast有好多沙律菜同埋一條有大既腸，加埋煎香咗既煙肉、炒蛋同埋好新鮮多汁既車厘茄，真係好滿足同埋飽肚得嚟又唔會太滯。牛角包好香牛油味店員同我地講如果想後上心太軟就最好早15分鐘同佢地講聲，我地之後出去同佢order後等左大約十分鐘就有得食，雪糕加上心太軟真係絕配，一凍一熱既口感好好，心太軟亦都有好多朱古力流心，作為甜品份量岩岩好！加上環境好好坐得好舒服，估唔到尖沙咀都有一個咁chill同埋唔多人既地方！

今原本想搵個地方同朋友hea下，下午2點半左黎到，點知有好多個意粉都冇哂，甜品都已經得返一啲Cake可以選擇，成個凍櫃係空既⋯⋯之後點左一個黑松露意粉，朋友點左嗰all day breakfast，之後就等左至少半個鐘先黎左嗰意粉。到左之後完全係instant food既程度，又咸份糧唔多、又凍朋友既all day breakfast，啲煙肉’un ’到好似煲左好耐湯既瘦肉咁😶咁既價錢完全係唔合理⋯⋯然後wifi又唔用得🙉想飲水，佢就話為鼓勵客人飲咖啡，唔提供水，得啲水杯係度唔知做咩🤦🏻‍♀️總括而言，如果單純想同朋友gathering可以黎叫杯野飲坐下，但真係超級超級超級唔推薦黎呢度食野🤦🏻‍♀️