香港魚蛋皇

营业中

休息中

香港鱼蛋皇位於港島軒尼詩道309号旺區，交通方便，地方不大，簡約裝修，座位不多。我們點左紫菜四寶河$48，有魚片頭，魚皮餃，豬肉丸、魚蛋、紫菜。魚餃皮薄餡料多，有肉香味。魚角外層炸得香口，豬肉丸好彈牙，湯底清而不淡，紫菜有淡淡嘅海水味，真不錯👍。手唧魚蛋河$36，魚蛋好彈牙，魚味突出，粒粒形狀不一，證明是手唧的。魚腐米線$36，魚腐勁大粒，共有四粒，食落去軟綿綿，口感好正，鱼腐香滑河粉又爽滑，總結不過不失。

今日去開灣仔呢頭做野，全日都冇食過野，所以放工嘅時候好肚餓，見好耐冇食牛腩麵就入左去香港魚蛋皇到醫下個肚先！選擇除左平日食開嘅牛腩牛什雲吞魚蛋之外，仲有好多潮州特色嘅魚餃魚腐魚麵！🔥牛腩牛丸金錢肚麵 $58牛腩炆得好夠淋，金錢肚好香腩汁味又夠爽口，手打牛丸一咬入去係會爆汁，好陣牙！成碗麵好多餸，牛腩汁味好香濃，唔使加其他調味料已經好好食！🔥淨雲吞 $36由於太肚餓嘅關係要叫多碗淨雲吞食，有成8粒雲吞，份量比我想像中多！仲要隻隻都好大粒蝦！🔥凍檸茶 +$12

放工冇嘢做, 隨便搵間麵鋪食返個一個人的晚餐, 居然有意想不到嘅驚喜😛我叫咗一碗紫菜四寶米同蠔油菜心, 事頭婆問我洗唔洗加嘢飲, 最近咳嗽不止嘅我, 禁止自己飲凍飲, 諗咗一諗, 叫咗一杯熱奶茶 (平時絕少飲奶茶)🙈四寶米好多料, 湯底清而不淡, 紫菜有淡淡嘅海水味, 四寶丸結實彈牙, 而且份量頗多👍🏻最令我驚喜嘅係佢嘅熱奶茶! 茶味香濃, 配上濃滑嘅奶, 真係好有驚喜, 連平時唔飲奶茶嘅我, 都必須要點讚😋好推薦大家試吓

今晚早咗收工，去行街之前想食個快飯，經過香港魚蛋粉餐廳又冇乜人就入咗去食。打開餐牌睇真係花多眼亂，除湯粉麵外，又有撈麵、飯、魚麵等，不過黎得魚蛋舖梗係要叫個手唧魚蛋粉，另外叫咗個招牌牛三寶河，一個芥蘭先黎個招牌牛三寶河，好大碗，有牛肚、牛腩、牛筋，三樣都炆很好入味，牛筋好淋好有驚喜手唧魚蛋粉，魚蛋可能係手打啦，好彈牙，魚片都好有鮮味，又係大大碗的另外叫咗兩杯飲品，咸檸檬柑桔，有兩種檸檬，一款係普通檸檬，另一款係咸檸檬，甘甘甜甜，幾醒胃另一杯就凍菜蜜，簡簡單單又一餐。

今日下午好想食港式既食物，見到呢間香港仔魚蛋王就入左去幫襯下，點知都有意外既驚喜🤗-牛三寶河粉 ($60)牛三寶河粉包括左牛肚，牛腩同牛根， 滿足曬我行入黎既三個願望haha😆 呢三樣餸都非常之足料，舊牛肚好入味，牛腩都好有咬口同好重牛味，牛根就煮得好”林”！$60蚊買到咁大碗真係非常抵😍-蠔仔鮑片泡飯 ($50)呢個泡飯都係非常足料，d蠔都非常鮮甜同肥美，鮑片就大大塊，d味入曬落個泡飯到，加埋上面既蔥花, 食落去既層次感都好豐富🤤

難得有個空閒既Leisure Sunday🤣趁下午要幫朋友拎野前中午仲有空檔🙇🏻‍♂️黎灣仔行陣街食個Break Lunch亦最好不過☺️還掂近近地一於黎Tea陣食碗麵醫下肚啦🤪🍜位於灣仔軒尼詩道既香港魚蛋皇🍜雖然距離地鐵站比較遠🙈但假日散散心慢慢行過黎繁華鬧市中既小麵店☺️🍜由灣仔站A2出口沿住軒尼詩道行過黎亦夠方便😆呢度簡約設計既環境裝修🙈區內算係性價比高既麵餐小食☺️🍜亦吸引到唔少回頭熟客及上班一族黎進膳😆🍴牛筋魚蛋撈河牛筋夠哂爽口之餘煮得夠腍嫩😋🐮食落富彈牙有膠質既口感滿滿牛香亦是一絕🤤🐮而粒粒手打爽口彈牙既魚蛋更係呢度既招牌貨色😋煮得夠爽口唔會一夾就散既河粉🍜😆配合充斥牛香既腩汁拌食更是一絕🐮🤤紫菜湯配合爽口彈牙既紫菜絲🤤甚帶風味之餘作為開胃頭啖湯一流的😋🍲凍咖啡奶味較重既凍咖啡☕️走左甜亦帶出郁咖啡香☺️為醒腦醒神既假期做充電準備🔋🤪

速食香港魚蛋皇 地址： 灣仔軒尼斯道309號地下做完野放工，今日好多客攪到要9點先放工走人 勁肚餓原本想直接回家,但返到去再煮都11點啦,變宵夜了，決定食完先住坐巴士回家，同夜點紅隨無咁塞車,人少可能有位坐添快快食碗麵同叫碟油菜, 呢間粉麵係同區叫貴人十蚊左右,但見佢過湯係用魚骨煲，咪即管試下。湯係唔似平粉麵有股皂水味,而其他就差別不大啦呢餐就食了50蚊......…................下次來想食飯

OT完就同男朋友係附近食個快飯，食完就早d翻去休息，聽日再工作😭😭❤️雲呑魚麵雲呑係每一次食粉麵店必叫既配料，因為中意食雲呑皮同蝦肉，勁正🤤呢間雲呑皮都算薄，入面蝦都唔細，豬肉亦唔會太肥，剛剛好。魚麵份量唔算多，但好彈牙，又冇咩腥味，正！❤️牛筋腩河粉牛孖筋超正，勁香濃，好似肥豬肉甘！湯底應該加左腩汁，勁濃郁，再加辣椒醬仲正！河粉份量多，又夠滑，又唔會碎濕濕甘🤤🤤❤️生菜加多份生菜全走，就夠哂健康。❤️凍奶茶估唔到茶味都幾重，唔會太甜，正！

有時行行吓自己一個人實在係肚餓，平靚正就係去食碗粉麵。1️⃣牛腩魚麵 $53佢嘅湯底好特別，佢用鯊魚骨響螺豬骨製成，令到湯底鹹鹹地好惹味。魚麵比一般嘅麵健康，好似食緊魚蛋咁，每一條都爽口彈牙。牛腩嘅份量好多，而且肥瘦均勻，咬落去好嫩口，唔會覺得靭身。🙆🏻‍♀️美味指數:6.55/10 2️⃣菜心 (全走) +$10平時食得油膩野多，💩有啲唔暢順，所以即刻叫返碟菜食下🙈，冇諗到佢一碟嘅份量都幾多，而且仲要淨係加$10咋喎，抵到喊👍🏻🙆🏻‍♀️美味指數:6/10 💡整體來講，魚麵我真係第一次食，我覺得幾特別，不妨試吓！香港魚蛋皇地址：灣仔軒尼詩道309號地下

放工約咗朋友喺灣仔等， 諗住去電腦商場 買啲嘢， 好好彩放工去到巴士站即刻有車搭, 速去到灣仔😁😁😁 因為實在太順利太方便, 所以太早去到灣仔, 其中有2個朋友仲未到, 係巴士站對面見到間麵舖。 諗諗下都係早啲去食嘢，食完先行街。 潮式麵店佢嘅格局都算闊落😀傳統潮式粉麵店，仲要有我最鍾意嘅魚扎， 同埋魚皮餃， 即刻二話不說入去試試先。我要咗魚扎魚皮餃撈麵， 而家真係唔係咁多地方有魚扎食， 之前喺旺角試過但係之後已經冇埋喇😶。呢間嘅魚扎同埋魚皮餃非常之彈牙， 面質非常之爽口， 最重要只係53蚊啫。另外金錢肚河粉， 金錢肚好入味， 而且可否好滑溜😍😍😍另外嗌咗凍檸樂即係加14蚊好抵飲。不過溫馨提示，落單姐姐雖然有禮貌，但係記性麻麻地🙄🙄 要講咗好多次先攞到張單。。。。。。。

今日去左舊公司附近的<香港魚蛋皇>同男朋友平食一下❤️ 清下腸胃話明魚蛋皇 甘當然要叫啲我最心愛的魚蛋😌來試吓佢地師傅手勢啦，叫左會淨魚蛋一碗 $36，幾彈牙 d 片頭炸得幾香口😏 ，男朋友再叫多碗水餃米線 醫肚 $36 幾清 皮薄 唔錯 份量都唔錯本來想叫 香茅雞中翼 $33 可惜已經賣晒😭😭😭😭😭😭 唯有下次先試啦佢啲炸嘢都幾幾搶手 我哋七點去到已經賣晒左我加多左要個set 要埋炒通菜 同野飲 都唔錯❤️❤️❤️❤️❤️cp 值好高

今日喺灣仔行完電腦商場，見有啲肚餓，就入咗依間鋪頭食嘢。餐廳門口煲住一堆牛雜牛腩，賣相好靚。係思索左一陣之後，我要左一個招牌牛三寶飯，三寶分別係牛腩、牛肚、牛筋。嘢飲方面，就叫咗凍檸茶。招牌牛三寶飯份量好大，賣相都唔錯。牛腩汁好香好濃，撈飯食一流。金錢肚則食落爽口彈牙。牛腩亦都好正，肥瘦均勻，肉味濃，好冧好正。牛筋亦都整得好出色，炆得好冧，吸收晒肉汁，食落好膠好漿口，非常之好吃！凍檸茶茶底濃，夠晒冰凍，而且唔會太甜，好有港式嘅味道。

呢間香港魚蛋王，已經食咗唔知幾多年，公司有間分店喺呢頭附近，所以次次好趕時間又想食粉面嘅時候都會入嚟食 食咗咁多年都知道咩係招牌食物，但每次都真心好想讚下個湯底（鯊魚骨豬骨湯底）夠濃得黎又唔會太咸依家百物騰貴，喺呢間食野平均都係30幾蚊都算係咁。今日趕時間就叫左幾個外賣拿拿聲拎走鮮蝦雲吞（$36）一碗有成6大粒 仲配埋少少生菜底，雲呑皮夠薄，餡料好足，大大粒，同事都話正。紫菜四寶（$48）我既最愛四寶，呢間紫菜好好味，四寶包括：魚片頭，魚皮餃，豬肉丸同魚丸。每樣有2粒好足料仲食到好飽腐乳通菜（$19）呢度d菜好大碟，而且一定睇著係即叫即整，唔會煮好左淋返湯上面

去了歐洲十多日，麵包，意粉，披薩...真的有點悶。回到香港第一時間就是找間麵店食番一碗魚蛋粉，果然簡單就是幸福。魚蛋皇是店中寶，但見隔離客人食牛什又好吸引喎，最佳辨法是雙併了。魚蛋牛什河，河粉滑溜。魚蛋爽彈有濃厚魚味，不愧為王者。牛什有牛肚，腸粉 ....份量頗多好抵食。最喜歡牛肚，勁有嚼口。腐乳通菜大大份，只十多元。腐乳味濃郁，跟通菜夾味非常。檸檬菜蜜味道不過甜又滋潤，還有三片厚的檸檬，毫不吝嗇。

今日去左灣仔食飯，朋友同我之前黎食過一次魚麵。我食過一次之後就非常驚喜，成日心思思想再食，今日經過又入黎回味一下啦！餐廳乾淨好整齊，唔係普通茶記，唔會周圍濕哂！我叫左牛丸雲吞魚麵。雙拼魚麵價錢好抵食咋！牛丸粒粒好爽口，入面充滿肉汁。牛丸彈牙夠哂驚喜，最愛牛丸入口味道濃香充滿牛肉味。雲吞皮薄餡料多，粒粒都好大粒，仲有原隻鮮蝦夠鮮甜，蝦肉爽口，豬肉比例剛好唔會好膩。魚麵是主角！魚麵好爽口，入口充滿魚肉鮮甜味！