香湘辣妹 (已結業)

多年冇去過紅磡, 自從通左車之後就覺得方便左好多都心郁郁想試下個面既美食今次同友人吃既呢間叫做香湘辣妹故名思義都知係食辣野架啦一入去就聽到好大聲咁播緊周杰倫既歌剛好原來MENU上既菜名都係用周杰倫既歌名黎命名 好有趣今次嗌左既有干鍋肥腸同酸菜魚先說干鍋肥腸吧肥腸口感不錯 SIZE也算是大塊 咬起上來很有口感值得一讚的是他的上菜方式是直接給我們一個鍋會一直把肥腸加熱 好的地方是因為他肥腸的數目很多但如果凍吃肥腸會太UN和不爽口店家這樣子上菜就不會令後吃的肥腸變凍十分細心再來的是酸菜魚這是一道水煮魚的菜式整條魚都浸在酸菜湯入面使得魚除了有魚的鮮味還有酸菜味和辣味都是很開胃的菜式而且酸菜湯很易入口, 送飯真是一流的整體來說飯菜都是在水準之上值得一試

紅磡多嘢食就不嬲大家都知啦，近期食咗一間專食辣野嘅餐廳，好有中國風味架，估唔到喺香港都會食到咁正宗嘅湘川菜。一入到去已經聞到好香嘅辣味，成個裝修同感覺其實有少少似返咗大陸，不過係大陸嘅高級餐廳，同埋就乾淨好多。梅菜扣肉，扣肉唔算話好肥，肥瘦適中，好多梅菜放喺底。扣肉都煮得好淋好入味，入口即溶。不過我覺得如果可以個汁再濃郁少少就好啦，而家個汁令黎撈飯有少少唔係好夠味。食辣野點可以少得酸菜魚喎。呢度嘅酸菜魚我都覺得ok，佢唔似出面嗰啲，表面唔會浮左一層辣油，感覺冇咁油膩。酸菜同辣椒個份量都好多，魚肉都OK架，感覺都幾足料。不過就略嫌辣到唔係好夠，酸味都可以在濃郁啲，整體一般啦，算係抵食之選。干鍋肥腸，真係背埋一個爐，即炒即食，熱辣辣感覺超正。呢個飛翔好香口，好惹味，調味真係做得幾出色，好好食。

自從開咗黃埔站之後，我哋兩口子由以前一年都去唔到一次黃埔，到依家一個月至少嚟一次，貪呢度夠晒方便又多選擇！今次就一於試吓啲特別嘅菜式啦！由細到大，都聽過中國有八大菜系，唔知成日懶醒嘅A姐又唔知係邊八大呢？A姐：川菜……（10秒後）我所煮嘅菜都係名菜，你個衰佬，你話係唔係呀？其實除咗川菜（四川菜），中國八大菜系有魯菜（濟南菜）、粵菜（廣東菜）、淮揚菜、閩菜（福建菜）、浙菜（浙江菜）、徽菜（徽州菜），仲有今次我哋去食嘅湘菜（湖南菜）！A姐，你知唔知湘菜出名係辣，咁同川菜嘅辣又有咩分別呢？A姐：就係好辣同無咁辣嘅分別！其實湘菜嘅賣點係鹹香同酸辣，而烹調方法主要係煙熏同醃製；而川菜嘅賣點係麻辣，而烹調方法主要係發酵同滷製。既然對湘菜唔太認識，今日一於去試吓香湘辣妹Spicy Girl啦！由一踏入呢間餐廳，已經聞到陣陣酸辣烤魚味，而電視仲播緊湖南衛視，點菜落單嘅店員都係講普通話，配合埋呢度嘅設計，真係好似番咗大陸咁。除此之外，因為老板娘好鍾意周懂，所以每道菜都配上周杰倫Jay Chou嘅歌名，又真係幾有心思喎。涼伴木耳（黑色幽默）：記住！記住！記住！（好重要所以要講3次！）要撈暈先好食，我地初頭

Went here because it looked pink and girly.There menu had a good range and I liked the mini taros with chopped chilies but my friend wouldn't eat taro so ordered other stuff instead.The panfried tofu was very tasty and spicy.The duck was interesting because it was like sweet and sour with lots of fruits in the sauce.Last but not least was this RICE TOFU.I was expecting it to taste like tofu but it tastes a bit like steamed radish pudding without the radish and meat.It was a very memorable dinner

Very tasty and wonderful service from friendly staff. Especially the lovely waiter. Love the food here, not so spicy. Will recommend to my friend and come again. All the food is named after jau chau songs, it is quite funny if you are his fans.

一向喺香港都搵吾到啲較為正宗既川湘菜，往往都要返大陸至食得出地道風味既野竟然比我喺香港搵到，真系過足口癮！晴天(醬黃瓜)辣椒同醋滲透清甜黃瓜，是頭號開胃涼菜。半島鐵盒(鐵板魷魚絲)葱，韮菜同辣椒粒搭上魷魚絲，味道鹹香，鐵板上枱夠哂火辣，但魷魚絲尺寸較小，如果有埋生菜比我包住食會更開心時光機(辣子雞)通常食辣子雞都系辣椒粒多過雞好多，啲雞仲要系骨多過肉，呢度既系粒粒無骨烤雞，每一舊都帶啲辣味，食落香脆可口，送飯送酒一流，必食！麥芽糖(香芋金絲酥)粒粒芋頭餡非常飽滿，外頭包住油炸至金黃色表面，根根細如髮絲既面包絲，質感極之豐富，好好味，略嫌一碟五件真系吾夠食

Spicy girl👧🏻-以四川以及湖南菜作主打，完全係司令既至愛呀😽。而且店主應該係一個終極周杰倫迷😂，將所有菜式都改左做周杰倫既唔同歌名，又幾過癮喎！不過最重要都係食物味道好唔好，司令都食左佢幾款菜式啦！-好久不見-酸菜魚 ($158)又係每次必點既酸菜魚☺，以$158黎講份量真係十足！酸菜湯味道偏淡，司令就覺得唔係幾夠酸同辣🤔。不過加分位係每舊魚塊都好滑，夠晒肉厚，送飯一流！-千山萬水-手抓羊排 ($148)羊排較為出色，食落香料味頗重，同時羊膻味都偏重，司令就幾中意啦😽。-以父之名-乾鍋肥腸 ($112)乾鍋肥腸被配菜之一既青椒搶晒味😂，食落係肥腸既口感，但青椒既味道！

環境都算ok~偏大 服務員都好nice~同埋服務周到~先講講碗飯~飯係偏香, 小小硬身 帶有d玉米~因為佢地d菜偏咸同重味~所以要叫碗淡味既飯黎一齊食會係比較好!呢碟牛肉就偏硬身,以爽口為主呢到基本上全部菜式都係辣~但香港人係絕對可以接受到~呢碟牛肉就軟身為主~ 炒出來香味比較濃, 同多汁~呢碟會比較推薦!同埋有菜食~ 土豆絲其實都幾好食~但配料真係差緊d呢到係可以改善既地方~ 例如加d 火腿蛋呀等等會更好~因為其實我看餐牌係ok多配料~

話說好味glo之前住過大陸一排成日都會食好好味嘅湘菜返到嚟香港，成日都搵唔返呢個味道有次落樓下百佳買野，經過呢間野就忍唔住同彭仔即刻衝左入去試一試佢首先嗌左我最愛嘅手撕包菜唔好以為睇佢得菜+辣椒咁寡其實呢味菜十分濃味 廚師加入香醋、粒粒肥豬肉、包菜、辣椒呢幾款材料都係10分配 香濃惹味，最緊要廚師炒很夠鑊氣 足以令我食3碗白飯 (因為大陸白飯任裝lol)第二道我嘅最愛 農家小炒肉廚師將所有材料嘅特質散發出黎尖椒、豬肉、蒜頭 勝在原汁原味 突出乾脆俐落的肉香和辣椒香充滿了濃濃的鄉土味兩個人嗌兩個餸 再加1人1碗東北大米飯足以勾起我喺大陸食嘅豐富美味問一問先知，原來大廚真係湖南人唔怪得可以完全做到果種風味！鍾意食湘菜嘅朋友，一定要黎試吓！

近來天氣又濕又凍，天文台公佈17-22度時，實際是冷得有如15度。如此天氣之下，一於來一個辛溫美饌，驅寒去濕。來到這家主打湘菜的餐廳，門口紅磚裝潢，內裡正常的枱椅，播放著周董的歌，就連餐牌都用上了周董的歌名。　下單後，豆丁就坐在店門的櫈子上看風景。　　　辛溫美饌上來了！好久不見～酸菜魚　　　　真的久久未有嚐過酸菜魚了！　估計跟平常的酸菜魚差不多，但表面多了一串青花椒，卻不見紅花椒的蹤影。大片魚肉已沾上蛋白，表面滑溜，筷子難以夾起魚片。肉質結實，魚皮較厚。是否鱸魚？再看，大盤內還有魚中骨及魚尾，果然用盡整條魚。魚中骨及魚尾是没有沾蛋白哦！＜酸菜魚＞本應是鮮X酸X麻X辣。但這盤酸菜魚，泡青椒，乾紅辣椒，卻不見花椒。加上這個青花椒的香味較淡，未能帶出＜麻＞味。沒有麻，就失去川菜的神韻。噢！忘了這裡是湘菜館呢！米蘭的小鐵匠～米飯　白飯表面，有豆丁最喜歡的粟米粒。梯田～土雞鉢　　　只見雞件浸在橙紅色的湯內，以火爐加熱至冒出氣泡，即收火。這湯汁的辣度，比酸菜魚更辣，雞肉一放入口，即可感到這種霸道的辣。鉢內有腸及肝，也有萵苣，還有其他調味料：蒜，青辣椒，紅椒碎，泡青椒。橙色的湯汁配白飯，還可嚐到雞油

今日和朋友往香湘辣妹食lunch, 餐廳老闆是杰倫fans, 所以menu菜式也是杰倫的歌曲,我們點了《黑色幽默》涼拌木耳, 《梯田》土雞、《不能說的秘密》香芹燜黃牛肉和《彩虹》包菜水晶粉。涼拌木耳木耳食落爽口, 醋味香濃易入口, 不會太過酸, 佐酒一流；土雞肉質鮮嫩,雞肉燒得金黃, 雞肉有少少辣椒香味, 易入口得來又不會太辣，怕辣者食也ok；香芹燜黃牛肉有好香牛肉香味, 肉質爽滑,味道香濃, 炒得甘香, 香芹少少辣, 好惹味；最後包菜水晶粉顏色晶瑩通透,味道爽口,泡菜辣度適中, 十分醒胃。餐廳座位舒適,而且邊食邊聽杰倫的歌, 開心的一頓晚餐, 惹味湘菜。

Spicy girl is one of the best Hu Nan restaurant I have even been. I love the way they serve customers, with smile. I really enjoyed the 'joy' that their service bought us as well.Must try Yellow braided fish sambo, you gonna love the taste and the texture of 3 different fish Sambo.The fish with Chinese style pickle really impressed me, be aware of the fish bone. The food quality of spicy girl is higher than I expected m, will definitely return in the future. 

個人好中意食辣！今次食湖南菜，餐廳外觀其實唔似中國餐館，好多霓虹燈，有點old school又有點似飲野既地方，但一入到去燈光十足。坐低翻開menu，哈！有驚喜啵，餐牌上既名我都認識，皆因全部以周杰倫既歌做歌名，老闆娘果然係忠實粉絲😂，幾有創意首先試既係 - 時光機 (炸子雞) $108。望落好似好辣咁，但唔洗驚，取其香而不重辣嘛~~炸雞粒肉質可以但係份量較少，但用炸乾辣椒撈飯可以食好多😳之後再黎個 - 說好的幸福呢 (香辣QQ蝦) $158。侍應拎過黎果陣見到咁大盤有點嚇親😂，為保持溫度，送到埋枱先打開個蓋，蒜蓉份量好多！好多時食蒸蓉蒸粉絲會嫌蒜蓉唔夠，入唔到果，但呢個問題，係呢到係唔會岀現，因為多到撈飯都有餘，蝦亦佔上蒜蓉既香，頗彈牙，美中不足係不夠辣最後歎個 - 好久不見 (酸菜魚) $158。都幾大碗，見到湯程白白綠綠咁既色，一呷，魚鮮味岀，繼而係酸菜散發既味。至於魚既質感嫩口，酸菜味道幾開胃，再突出啲就更好味。食飽後，去返轉黃埔花園玩冒險樂園，之後仲可以搭地鐵返歸，開通左地鐵，相信黃埔會愈來愈多美食🤣

好久不見 酸菜魚 ($142)點解叫好久不見，原來係因為老闆娘係周杰倫既fans 所以所有菜都係以佢個歌命名架，作為90後真係首首都有共嗚，酸菜湯底味濃鮮味 有酸辣麻既元素，但略嫌唔夠酸菜既香，魚片舊舊厚身又嫩滑，入味非常，但多骨食時要小心。彩虹 包菜水晶粉 ($75)呢個水晶粉睇落無咩特別，但食落真係辣勁十足，彈牙既水晶粉每條都夠哂辣香，加上椰菜絲唔會太油膩 愛辣必食。

一得閑我就會帶公公婆婆出嚟食好嘢，要花多少少時間陪老人家，公公婆婆特別鍾意食辣，聽講紅磡有一間專係食湘菜嘅，而且啲菜色都比較創新，用周杰倫嘅歌曲名稱做餸名，幾得意咁樣，今次就大都婆婆去試吓。麥芽糖，香芋金絲酥＄48好似蘿蔔絲酥餅咁樣，但係裏面就用咗香芋，食落好甜，真係同個餸名一樣有麥芽糖嘅咁甜。蘭亭序，干鍋鹿茸菌＄128成個菜用一個小窩上，食落好夠獲氣，用咗醬汁去炒，鹿茸菌非常入味，再加埋其他嘅菇類，加上一啲青蔥，味道香濃，而且份量都唔少，小小汁仲可以用黎送飯。青花瓷，有機菜心＄62菜心都幾嫩，唔算落咗好多油去炒，食落清新。好久不見，酸菜魚＄158酸菜魚面頭都有唔少辣椒，以為會好難，但係飲落又唔係話好嗆，魚肉非常鮮嫩，火候控制啱啱好，一啲都唔覺得老，但係要小心魚肉都幾多骨。個湯鹹鹹地，酸菜都新鮮，可以用黎送飯。時光機，辣子雞＄108一雙枱就見到成鍋都係辣椒，炒得好香好香，連辣椒都食得嘅，而且個雞一粒粒炒得好入味，仲好食過出面嘅炸雞，鹹鹹辣辣咁，送飯一流，但係雞嘅份量唔多，四個人唔係好夠食，辣椒反而就剩低好多。千山萬水，手抓羊排＄148楊牌揸得好酥脆，加左啲辣椒，麻麻辣辣咁樣，仲有啲自然