香葉灣 (太和廣場)

营业中

休息中

兩公婆肚仔餓落街e下肚，成日都想試下呢間，見有位就入去試下，叫有下午茶，泰式海鮮炒金邊粉和香茅乾炒牛河，先來了炒牛河，睇上去色水幾靚，但係無香茅，不過老公話味道幾好，好期待我碟金邊粉，但失望和嬲嬲位來了，一啲都唔係泰式喎，除左無花生碎，其實係無味架，應該師父唔記得調味吧，咁咪問待應攞泰式蒜醋，自己調下味啦，結果待應話，我唔係食撈檬，所以唔俾，我同佢地講，無味道，我想自己調下味，結果就俾左美極 辣椒仔 豆瓣醬，即使問佢攞醋，都係唔俾！！唉，泰式炒金邊粉，乜唔係有花生香，魚露香，酸香咩……我在九龍城食開係咁喎，好吧，我細路囡唔識，今日長知識，待應們唔洗黑口黑面對住我的，食完我就走。btw, 珍多冰係好味嘅！再睇多次餐牌，會不會犯左商品說明條例架！！

午餐時間見門口多人就試一下啦，一座低就有一陣陣臭味。估計是抺枱布。叫了一個西冷飯，一個肉眼飯，一個雞翼撈檬，西冷好不好就不說了。一分錢一分貨。（肉眼好一點點）撈檬最重要的汁竟然沒有。只有汁渣。我問職員，職員說只有這些。那個樽洞口塞了，職員叫我用另一個位堵出來。很污穢呀。唉，沒辦法。最後在渣裡壓點汁出來。雞翼味道怪怪，不知道用什麼處理，裡面肉是紅紅橙橙的。食完，埋單，埋單位置看到廚房，很多支汁呀。而且滿滿的。咁，唔會再有下一次啦。

下午茶時間，由大埔走去太和試新野。去到店鋪，需要排隊拎飛，等左大概20-30分鐘成功入座。是日下午茶叫了雞翼喇沙河，我食下去，感覺非常普通。喇沙湯的味道很淡，沒有喇沙既香辣味，椰香味也不夠。至於雞翼只是普通炸過，沒有香茅味道....有點失望咖啡是新加坡咖啡，但與港式沒分別

因為落大雨，所以同屋企人只可以近近地係屋企附近食飯，就揀左香葉灣。一開始以為係茶記，因為佢下午菜有扒据、有焗飯食😂。但原來係泰式餐廳。叫左一串燒套餐，一百蚊都唔洗，有12串，真係好抵。而且有雞肉同牛肉。而店家亦沙嗲醬同生果來配搭串燒，所以食極都唔膩！而另一個我好欣賞既係海南雞，d雞唔會太老，而醬汁亦調校得非常好，不太酸不太辣，送飯一流！而隨餐會附上熱飲同一碗湯。有紅湯（羅宋湯）、白湯（忌廉湯）選擇。

原本對香葉灣印象好一般，事緣食早餐時，味精極濃，樣樣都咸，奶茶又不熱，雖然價錢不貴，但太和站有好多選擇。但係中午後，這餐廳為何永遠都好多人攞飛等位，這個世界沒可能咁多冇味覺儍人，於是又去試吓。咦! 啲味道正常喎! 又試多咗幾次午餐及下午茶餐，質素平均，維持得好好，沒有早餐那種極咸的味精，無論炒河及炒飯，都不會油冧冧，味道適中，啲魚柳、雞豬牛扒亦新鮮。冬蔭公金邊粉等酸辣適中，不會死咸。惟一係奶茶始终沖得好普通。咖啡都合格。

不知所謂 我問職員個春卷係普通春卷定係泰式春卷，佢居然答我唔知wo,咁搞笑嘅 唔知你又喺度做嘢？個樣仲要黑晒面，唔知wo 夠膽死講出黎架wo 野唔好食唔緊要 態度係好重要囉

呢間餐廳系以前既紅蜻蜓。個人認為佢既牛柳最好食😋所以今次都叫左鑊仔牛柳再加多個焗雞扒飯。仲包埋熱餐包同湯😋食個好多西餐廳 但都系覺得呢間牛柳系最好食架😋焗雞扒飯都吾錯 熱騰騰～一定會再去食😆👍🏻

行完山喺太和落返山搵個下午茶食下誰不知就嚟到呢間香葉灣見到冬陰公湯底忍唔住又入去試下#冬陰公香茅豬扒金邊粉賣相算係唔錯 味道算濃 味道還可以（雖然唔係我鍾意果隻冬陰公 但可能你地會鐘意 純粹個人口味）一人叫一碗 本身叫左個唔知咩芒果冰特飲既不過味道真係一般 連相都唔想影😂😂😂下次都係叫返茶餐廳穩陣野 凍檸茶算喇新裝修店舖環境休閒舒服都算幾乾淨仲有少少盆景 都算幾靚咁😂😂本人真心覺得30幾蚊一個下午茶真係好抵（係咪因為我好少食下午茶呢？😂）

最近新開餐廳，日日爆場，6點40左右都開始都要等位啦！焗鮮茄意粉西冷牛扒意粉，好食整體上菜快，侍應有禮貌，反應快，可能想快d有下一轉😆 全卡位坐，只係要早d拎定飛因為食左三次都等10至20分鐘。