馬六

营业中

休息中

餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。仲有地道推介茶餐。豬頸肉喇沙摻摻 $48喇沙好少見配豬頸肉，豬頸肉一共五件，口感味道都唔錯。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻超好味糖心蛋，豆角，豆卜4件，同少少爽口芽菜加香口脆脆。馬六無骨海南雞飯 $65馬六無骨海南雞飯有好多雞肉食。雞肉算嫩，皮滑溜，伴有四條青瓜，跟有大大碟三色醬汁。雞油飯大大碗，非常黏口。仲有一碗紫菜蔥花湯。加$10可以轉脾位。娘惹芝麻蝦多士 加$18娘惹芝麻蝦多士一客兩件，每件都有一半係蝦膏，面頭鋪滿白芝麻粒。食落係脆口中帶彈牙蝦膏，正呀！伴有甜酸醬可以調味，同樣伴有青瓜同車厘茄可解膩。凍桔仔話梅水 加$3凍桔仔話梅水好多料，味道甜甜酸酸，夠凍，有獨立飲管。桂圓紅棗茶 跟餐桂圓紅棗茶好足料，有紅棗又有杞子，菊花等，味道唔甜，非常熱。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。服務員哥哥態度好友善。

海南雞清湯米咖吔多士豬勁肉喇沙白咖啡檸檬茶馬六服務態度良好，不會因為食下午茶有編差。對員工十分優待，能食任何餐廳內點食。香港有特色有品質的餐廳已經買少見少。馬六加油👏🏼👏🏼 為你打氣👏🏼👏🏼👏🏼定會再來🎉🎉

今日好友約我去食下午茶餐，我地去左位於北角炮台山電氣道264號地舖的馬六食海南雞飯，環境舒適，坐得舒服。我點左個 馬六無骨海南雞飯 $65，好友亦都點左個馬六無骨海南雞飯 $65，另外點左個 馬來黑醬油叉燒 $36，斑蘭咖吔多士 $28，2個餐飲都係凍桔仔話梅水（跟餐）。馬六無骨海南雞飯好好味，海南雞的雞肉嫩滑，雞味濃郁，配油飯係好好食；馬來黑醬油叉燒皮脆肉嫩，好惹味；斑蘭咖吔多士好香口又好食；桔仔話梅水好清涼好飲。

去咗間叫「馬六」嘅餐廳食嘢，今次體驗就幾……中規中矩，但有驚喜！🤔**排骨肉骨茶配油飯 🍲🍚**呢個排骨肉骨茶，味道依然係中規中矩！😂 湯底主要係當歸味，其他藥材味就比較淡，如果鍾意濃郁藥材味嘅朋友仔，可能會有啲失望。不過，今次有驚喜呀！原來佢哋嘅肉骨茶仲有豆卜！😋 豆卜吸晒湯汁，脹卜卜，幾入味！👍 排骨🦴都算腍，唔會太靭，油飯🍚都OK，但係整體嚟講，就欠少少驚喜，冇咩特別令人印象深刻嘅地方，但加咗豆卜呢個小細節，都幾加分！**凍手工拉茶 🍹**呢杯凍手工拉茶就真係幾特別！同一般茶餐廳嘅奶茶好唔同！佢比較清淡，少咗奶茶嘅苦澀味，呢個就真係見仁見智啦！我個人覺得有啲太淡，可能鍾意清淡口味嘅朋友會比較啱飲。**油炸鬼 ** (加咗3粒油炸鬼啦！)另外，我哋仲叫咗3粒油炸鬼，呢個就真係幾好食！外脆內軟，熱辣辣，幾香口！😋 係呢餐飯嘅小驚喜！總括嚟講，呢餐飯就……幾中規中矩，但有少少驚喜啦！🤔 有啲嘢好食，有啲嘢就麻麻，價錢都算合理，下次可能會再試吓其他嘢食。 大家去之前，可以參考吓我嘅意見呀！😅#馬六 #馬六餐廳 #排骨肉骨茶 #油飯 #豆卜 #凍手工拉茶 #油炸鬼 #廣東菜 #香港

馬六今次要介紹喺北角嘅一間新加坡菜餐廳叫「馬六」，中午真係好full，店員雖然好忙，都搵個方便我嘅座位比我坐，我都喺門口等咗大約10分鐘，等人食完我先可以入去，呢間餐廳門口係有一級，輪椅人士如果要入去食嘅話，記得要自備斜板！1.豬頸肉喇沙摻摻$48+美祿哥斯拉$8（9/10）呢碗豬頸肉喇沙摻摻份量好多，豬頸肉又香又大塊，都有6塊豬頸肉、半粒糖心蛋、4舊豆卜、豆角同芽菜，摻摻即係黃色粗麵再加幼身粉絲，完全好掛汁，湯底好香，唔會好辣，好掂！飲品只係加$8就可以飲到美祿哥斯拉，美祿有少少甜，美祿上面有好多脆脆，夠哂脆，唔錯！2.馬來椰香咖哩鴨飯$69+老街椰汁冰$8（8.5/10）呢個馬來椰香咖哩鴨飯嘅鴨肉多骨少肉，鴨肉大約有10舊，咖哩汁唔會好辣，拎嚟撈飯都唔錯！飲品只係加$8就可以飲到老街椰汁冰，椰汁冰唔會好甜，好有椰汁味，好好飲！3.班蘭咖吔多士$28+古仔路芒果冰$8（8.5/10）呢個小食班蘭咖吔多士外脆內軟，班蘭味好出，牛油唔會好多，味道夾得好好，一共有4舊班蘭咖吔多士！好少餐廳小食可以用優惠價加飲品，呢間餐廳就可以用優惠價加$8飲到古仔路芒果冰，芒果冰雖然好有芒果味，但係好甜，

性價比高受街坊歡迎嘅星馬餐廳，店鋪細比較窄，位置不多，坐得唔耐娘惹大蝦喇沙摻摻 ($80)油麵加米粉，十分掛湯吸汁，口感豐富湯夠濃郁，椰奶味重但都夠辣！大蝦就得三塊薄嘅，配料有半隻糖心蛋、豆角、豆卜、爽口芽菜，份量多好飽肚！馬來黑醬油叉燒撈粗 ($75)叉燒口感似豬頸肉 較肥，有5大件！醬油撈粗煮得入味，又唔會太鹹🤤 套餐包咗一碗蟲草花湯，清甜潤喉👍馬六娘惹茶燻鴨飯 ($73)鴨肉勁肥美厚身 多肉汁！唔洗點其他醬料都已經好夠味😋 大大件每啖都好滿足🤭—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: no𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: maybe💳 𝗉𝗋𝗂𝖼𝖾 $80-100 𝗉𝗉 🌟 𝗈𝗏𝖾𝗋𝖺𝗅𝗅 7/10📍 馬六 MALACCA CUISINE北角炮台山電氣道264號地舖

呢間餐廳開咗好耐，近排見到佢有全新嘅餐牌，多款晚市套餐，尤其係排骨山非常吸晴😍🌟馬來黑醬油叉燒撈粗🌟非常精緻叉燒撈粗，叉燒非常爽脆，口感好似食緊豬頸肉咁😍,件數有成5大件，好味夾抵食。醬油撈粗煮得好入味，又唔會太鹹🤤套餐包咗一碗蟲草花湯，清甜潤喉👍🌟街頭排骨山🌟 我同朋友都好想試，所以叫咗大份，有成5大件，成個爐頭上枱，睇見已經流晒口水，大大件嘅排骨經過魚露、青檸、芫荽同埋辣椒醃製，味道感覺酸酸辣辣，有啲像泰式嘅風味。排骨煮得軟爛，容易脫骨，戴上手套大口大口咁食，好味之餘食得開心有過癮😆🌟凍香茅橙茶、椰子班蘭冰🌟椰子斑斕冰，真係好好飲😝😝味道配製得非常出色，清幽嘅斑斕味道亦不減汁嘅香味😍😍😍香茅橙茶，清香解渴👍👍

我諗我真係好鍾意飲肉骨茶同埋食海南雞飯，每次放工肚餓就會即刻諗到呢兩樣食物，呢晚都一樣，咁啱媽媽都好鍾意飲肉骨茶，所以我決定今晚叫佢陪我落街食飯，去馬六一人嗌一樣share食，fit晒～ 呢一間嘅· 晚市套餐 · 好抵食，$66-$82，無加一，仲送熱飲，凍飲就加$3，特飲都係加$8。 《 肉骨茶配（油飯） $78 》 好大兜！夠晒2-3個人飲，湯香濃帶藥材味，是我杯茶！排骨好大件，啖啖爽肉，蘸黑醬油好味。揀咗油飯，又係大大碗～ 連湯入口好味～仲有油炸鬼件。《 海南雞飯 $75 》無骨雞肉好滑而且切得細緻，要讚讚師傅嘅刀工。職員話佢燥嘅雞係每朝新鮮製作，唔怪之得有雞味、肉質又嫩滑～ 配有紫菜湯。配 《 椰汁班蘭冰 （特飲 跟餐 +$8） 》配 《 凍桔仔紅茶 （凍飲 跟餐 +$3） 》《 蘿蔔餅（1件）（ 跟餐 +$18） 》 第一次食原來係一啲蘿蔔絲同甘筍絲一齊炸埋成餅狀，都幾香口～

今晚自己食飯，終於可以食早飯，唔使等其他人。呢排特別鍾意飲肉骨茶，我諗上個月都已經飲咗兩次，今晚又想飲，好彩屋企附近有間「馬六」，無論午市、下午茶定晚餐都好抵食！晚市套餐最平$6x 就有得食,仲包埋嘢飲，凍飲加$3特飲加$8，而且沒有+1收費！抵呢～《 肉骨茶配（油飯） $78 》份量比一般嘅多，而且飲到有藥材味，肉牌塞滿咗成個碗，肉唔柴仲食得，仲有冬菇肉，其實一碗夠晒兩個人飲有多。可以配油飯或者米粉。我就比較鍾意食飯～《 雞肉串燒（2串） （ 跟餐 +$26） 》 香烤美味，雞肉醃到入晒沙爹味，仍然嫩滑～《 古仔路芒果冰 （特飲 跟餐 +$8） 》呢個係店員推介我飲嘅，都唔錯～ 埋單都係$108，好味又十分飽肚！

自從喺檳城食過好好味嘅蝦麵，一直想在香港找看看有冇類似嘅味道😂今次再黎馬六呢度搵下😆🔅檳城蝦湯麵🍜套餐+馬來手工拉茶湯頭有櫻花蝦，少少辣並帶有淡淡蝦湯味～雖然無檳城那碗嘅甘濃香～ 但尚算不錯👍湯麵🍜係摻摻，即油麵及米粉，十分爽口～豆卜吸收了湯汁，豬頸肉份量唔多，炭燒口味，脆脆口感！🔅怡保芽菜 （跟餐加配）必叫系列～同本地的芽菜唔同，怡保芽菜係肥肥地，而且特別多水份～嘢起來爽脆可口～ 醬汁方面同馬來西亞有啲少少唔同，但一樣咁好味🔅脆炸芝士（跟餐加配）店員推介系列～果然真係好味其實係竹筒魚糕包芝士香濃芝士仲要流心😋🔅馬拉手工拉茶馬拉嘅奶茶厚甜，呢度茶味香濃，叫咗少甜味道啱啱好～餐廳仲有幾多馬來西亞小食選擇，而且價錢屬於抵食之選，十分推薦！

我今日約同好友去位於北角炮台山電氣道264號地舖的馬六食下午茶，環境舒適，坐得舒服。我點左個馬六無骨海南雞飯 $65，配娘惹芝麻蝦多士（4件）$38，餐飲係熱桔仔話梅水；好友點左個馬六娘惹茶燻鴨飯 $62，都係配左個娘惹芝麻蝦多士（4件）$38，餐飲係熱桂圓紅棗茶。馬六無骨海南雞的雞肉嫩滑，雞味濃郁好食；馬六娘惹茶燻鴨的鴨肉鮮甜好食，送飯一流👍；蝦多士新鮮炸起，熱辣辣好好味；熱梏仔甜梅水好潤喉，熱桂圓紅棗茶好飲。

我叫兩個海南雞飯外賣，收咗錢。10分鐘後我發覺落錯單，同收銀講。佢問我点解會落錯單，佢都自己知錯，跟著佢去廚房話出返個海南雞飯。我就企在收銀處等佢退差價。其間佢返來收其他人錢，我以為佢收完錢會退錢比我，但佢無。佢只係到收拾其他單據，之後想離開收銀處。咁我咪問佢會否退差價，佢話等個外賣出先至退差價。我心諗關外賣乜事，外賣出又唔係佢囉俾我，点解要等我取外賣先退錢。之後佢就立即去睇餐牌計返差價俾我。佢可能博我唔知價，冇諗過退返差價俾我。大家小心。

地道抵食星馬菜馬六，下午茶🫖Set性價比真係好抵食，份量大大份，整體食物質素都好好食，地道高質❤️斑斕咖吔多士 $28多士外脆內軟，斑斕味都好出，好好食🤤海南雞喇沙摻摻 $58海南雞肉質嫩滑，雞皮爽彈，份量都幾多下，喇沙味道好濃厚，有唔同麵條，口感豐富馬六娘惹茶燻鴨飯 $62茶燻鴨好入味，入口就有陣陣既香氣，肉質都好細嫩，值得推介新加坡咸蛋黃魚皮 $22魚皮外面滿滿都你咸蛋黃，魚皮都夠哂脆卜卜，一咬入口勁濃郁好食😋+$3 馬來手工拉茶+$8 美祿哥斯拉

係好食係貴，但一定要比較，留意外賣自取價格。外賣平台，店內面對面落單都要留意價格。店內外賣自取要加錢外賣盒每個1蚊，外賣平台不用加錢外賣盒每個1蚊，但有平台費等，但平台如有優惠期間，面對面落單貴過平台。

而家時世又開始睇樓買，行到累累地就同媽媽去搵野食，坐底休息下。係北角炮台山附近有間餐廳係星馬泰風味既，係我最鐘意既味道。首先點左個小食斑蘭咖央多士，個多士非常香脆可口，外脆內軟，中間重有厚厚既牛油，配合咪咖央醬真係天衣無縫。值得一試。主食方面就選左大蝦喇沙，呢個湯底非常香濃可口，而家啲料非常豐富量多，麵底就採用咗粗麵同米粉，兩款併咪口感一流。真係非常滿足。另一個就係什錦椰漿飯，呢款係馬拉風味，係香港都食到原汁原味既馬拉椰漿飯真係非常有驚喜。味道都唔錯，未試過既朋友仔可以試下。飲品方面就選左老街椰汁冰，上面有片薄荷葉做裝飾，椰香好香濃，非常好飲，夏天消暑一流。另一杯係古仔路芒果冰，芒果🥭味好出，我個人非常喜愛，世界級享受。