馬六

营业中

休息中

放工搵好野食又點會唔揀去荃灣搵食，今日行左去千色匯，一入商場就見倒呢間新加坡餐廳。由於自己其實都唔多食新加坡菜，問左店員有咩好推介，佢介紹左我食茶燻鴨。娘惹茶燻鴨  配 油香飯 ($88 餐配小食及飲品)成餐呢個鴨真係最令我驚喜，鴨肉有微微燻嘅味道，煮係入味得黎又無好乾，鴨皮油脂都好夠，配上油食飯食係perfect。呢個餐仲配左一條烏打(魚肉條) 同小小魚仔同蝦片，令成個飯都感覺好多元化。餐配 (雞肉串燒 2件)之所以覺得個餐都幾抵食因為佢現多2件雞串，雞肉燒得幾嫩滑，配上個汁充滿左香茅味。參峇醬烤雞脾 配 油香飯 ($68)雞脾Size真係超大隻，重點係佢係生炸而唔係包粉炸，食落雞肉好嫩滑。參峇醬係一個辣辣地嘅醬，配雞脾食感覺幾新鮮。參峇古方雞翼尖 ($26)上左枱望落同元朗某店好相似，但係味道呢度比較無咁咸同無咁重味精。雞翼尖完全無雪味，辣辣地好惹味。手工拉茶 + 椰汁涼粉 食東南亞餐廳大家都知食左少甜有一半機會係同平時一樣，因為多數飲品都好重口味。今次拉茶甜味調得剛剛好，茶同奶味都好夠。$200唔洗食倒呢餐真係好抵食。

突然想食咖哩，於是近近地去去附近商場望望🤣見到呢間鋪頭有唔少咖哩款式既菜式，而且價錢相宜，就決定一試！🌟斑蘭咖央多士（$28）一向好鐘意食咖央🤩呢間嘅咖央好香，多士夠脆口！味道同平時食開既差唔多，唔算太特別，普普通通，但好食😋！🌟咖哩豬扒配米飯（$68）咖哩好香，辣辣地，配埋飯食味道岩岩好☺️！豬扒肉質都好嫩滑，唔會太硬好難咬，而且份量亦好，切開都有5舊！而且仲配有啲花生、青瓜仔、蕃茄仔、炸雲吞仔做配料！🥹🌟咖喱蟹肉配薄餅（$68）呢到嘅咖喱同岩岩豬扒飯既咖喱差唔多，但配薄餅食反而有啲太咸，配飯食就岩岩好🤣而薄餅加左香蔥，煎得好香好脆！而且份量真係超級多，有8塊！2-3人份量🤣蟹肉份量真係比較少，所以食唔出啲咩特別味道🫣！整體而言，餐廳亦多卡位座位，坐得好舒服，唔會好迫！店員亦好有禮貌，好熱心服務！食物整體價格亦好合宜，係平平地又好食嘅晚餐之選！

去左荃灣行街買嘢，個人行到好攰想揾嘢食，係千色匯見到呢間食馬來西亞野，趁仲未過下午茶時段拿拿臨入去叫個茶餐醫肚！🍛巴東牛肉配斑蘭椰醬飯牛肉淋身，醬汁幾濃郁惹味，斑蘭飯有淡淡嘅椰醬味幾夾，味道係唔錯嘅｡蝦片都OK脆，個飯同其他配料都打爆晒，成碟飯份量好足。🍢馬來街頭雞肉串雞肉串上枱時仲熱熱地，咬落都嫩滑，雞肉都幾入味，值得加配嘅小食。🥤美祿哥斯拉表層打爆勁脆嘅美祿波波，美祿味夠重夠甜好飲！另外冰底唔會過多唔錯

馬六係一間好出名的新馬菜餐廳，疫情前是經常有去吃，現在開到好多分店，這次就到荃灣的馬六，隨意吃個晚餐喔。說是隨意的隨意，沒想到馬六多了好多菜式，讓我驚喜的是，真係越來越好味，越來越抵食，真的沒有選擇錯。看看餐牌，真係好吸引，沒想到有喇沙火鍋，點了喇沙一人鍋，crazy 真的好多配料，有一大碟蔬菜，有嫩滑的雞肉，還有紋理清晰的牛肉片，$88 不加一，火鍋啊火鍋，飽飽又划算啊。再來一份主食，日常會點的無骨海南雞飯，大大碟還有湯喔，$72 還能吃到嫩滑的海南雞和雞油飯喔。小食必點鹹蛋黃魚皮，哇哇哇真的是又脆又香，我的最愛，好好吃喔，滿足了。飲品方面建議試試玫瑰黑粉，黑涼粉是其次，玫瑰香的飲品好特別，女生一定喜歡的。

同朋友係荃灣千色匯行街, 搵緊晚飯食乜好, 就見到呢間新加坡餐廳, 裡面座位寬敞, 幾舒服, 新加坡既名菜, 海南雞, 喇沙同肉骨茶都有, 選擇都唔少.喇沙一人鍋香濃喇沙湯底, 好特別. 味道濃郁. 配料有美國牛板腱: 好腍, 好香牛味. 花雕雞: 酒味唔會太濃, 唔會搶左喇沙湯底既味, 肉嫩滑. 季節時蔬: 蔬菜, 蕃茄, 金菇, 本菇, 粟米, 豆卜, 魚片, 油麵, 仲配一份小食, 我揀左檳城五香卷, 入面係豬肉, 外面炸到脆卜卜, 好香口! 呢個餐係超抵食, 材料多又鮮, 一定飽!仲有配飲品: 凍美祿哥斯拉, 配火鍋一流!馬六無骨海南雞飯雞肉同樣嫩滑, 皮下無肥脂肪, 配埋海南雞必備既濃醬油, 甜辣醬, 疆蓉, 無得彈! 當然唔少得油飯, 粒粒金黃色雞油包住, 香噴噴, 仲有海帶湯. 風味一絕!

馬六琴日出開去荃灣，見千色匯大執後多咗好多野食，見到馬六算多人食又出名，於是拎位入去食呢間新加坡菜！1.馬六無骨海南雞飯 配美祿哥斯拉$62+$8（9/10）呢個海南雞肉好嫩滑，仲要係無骨，份量算多，雞肉有大約14小舊，仲有3色醬汁比人點雞食，雞油飯好香！好耐無飲美祿，好鬼甜，上面美祿波波好脆！2.巴東牛肉 配斑蘭椰醬飯 配熱南洋白咖啡 $62（7/10）牛肉夠淋，綠色飯食到淡淡斑蘭味，但椰醬味唔重， 應該特登調教過適合比香港人食！蝦片比較淋身，唔夠脆， 可能我相機食先太耐搞到淋咗，蝦片隔離仲有1舊炸雲吞，入面應該係雞肉，其他就有青瓜、炸花生同魚仔乾！3.巴東牛肉牛角包 配熱南洋白咖啡$38（7/10）牛肉入面有少少辣，我覺得比較乾身，如果加d醬汁更好味！白咖啡好香，揀咗少甜！4.斑蘭咖哋多士（不配飲品減$4）$28（9/10）呢個多士一碟有4件，入面有芝士同埋班蘭醬，每件多士都有舊芝士係非常邪惡，但好好味，必食之選！👍2人總共價錢$198個人口味總評分：8/10地址：荃灣眾安街68號荃灣千色匯1樓1023A號舖#荃灣美食 #馬六 #hkfoodie #hkfoodblogger #h

作為海南雞飯控,早幾日食完泰式海南雞飯,今日又心思思食返個星加坡海南雞飯,shopping到荃灣,去咗呢間朋友話唔錯嘅馬六,地鐵站有天橋連接行過去只須幾分鐘,好方便。首先點咗個海南雞飯$62, 外貌吸引冇骨雞肉有十幾件,好好彩大部份都係雞髀同雞胸加一件中翼,估計份量大概有四份一隻雞👍,雞肉嫩滑有雞味,油飯係星加坡style所以有香茅冇黃薑粉,飯粒爽口好味,食到有啲停唔到口,😋,三款醬汁薑蓉、酸辣薑蓉、同黑醬油份量多,難得跟餐雞湯加少量紫菜絲,都相當鮮甜好味。跟餐要咗個白咖啡,$62份量足又好味,推薦👍。參峇雞翼餐$36有兩大隻,生炸上枱,外皮香脆內裏有好多肉汁,特色香料醃製有南乳香味,個friend超鍾意, 跟餐叫咗一杯熱手工奶茶比較普通。見到隔離枱啲咖央多士好吸引,就叫多一份班蘭加央多士餐$32, 四小件多士鬆脆,班蘭醬有班蘭香,唔會過甜,再夾上鮮牛油,小小邪惡但係真心好好食😅。跟餐加$8叫咗個椰汁涼粉特飲。另外每份茶餐可以追加一份小食,我哋點咗鹹蛋黃魚皮$22,同埋炸雲吞$18,每款都有4件,兩款小食都香脆可口,性價比唔錯👍。免收加一,兩個人食到捧腹,埋單只需$178。🍽 餐廳:

見到餐牌就比烤雞脾吸引到，配左油飯、飲熱桔仔紅茶！主角烤雞脾有驚喜！！好足既香料味，主角雞脾好大隻，醬汁好多，雞脾既肉吸曬醬汁既味，就算係雞脾入邊既肉有入味，而且雞脾無雪藏味，可惜就係油飯太過油，食到最尾都食唔曬。

試食左肉骨茶，配左油飯、飲熱手工拉茶！主角肉骨茶有驚喜！！好香既藥材味，而且份量十分充足，一共有三塊骨，而Ｄ豆腐卜同埋腐竹吸收曬肉骨茶既味，好香，好入味！可惜就係油飯太過油，食到最尾都食唔曬。整體都鍾意職員既待客之道～

今日同媽咪嚟到馬六呢邊行街😚😚❤️斑蘭咖央多士$28好正🥰斑蘭醬加牛油🧈好完美好好食每次嚟到馬六都係必食😋😋❤️海南雞喇沙摻摻$72海南雞份量都幾多，肉又嫩滑👍🏽喇沙湯底正，整得好好味😋❤️巴東牛肉班蘭椰漿飯$72有少少辣辣地，椰漿飯好香好似之前去新加坡旅行食到嘅椰醬飯咁好食❤️熱桔仔話梅水$6媽咪唔飲凍嘢，所以叫咗個熱飲，話梅水健康啲，佢話都幾好飲。❤️老街椰汁冰$12都幾重椰汁味，如果少啲冰就更加好喇😋😋

🤪係千色匯行完街，想平平地食個Tea，見門口轉左新餐牌，所以又黎左呢度，環境乾淨企理，卡位闊落坐好舒服！🐔海南雞飯（$62）每次嚟都必食海南雞飯，鍾意佢肉嫩滑無骨，雞有雞味，點上三種醬汁好好味，油飯又香又有咬口！🦆茶燻鴨配油香飯（$62）茶燻鴨色澤好靚，外皮香脆，口感有啲似煙鴨胸，鹹香惹味，配埋脆花生魚乾仔、口感豐富好滿足！🦀️蟹肉酥盒（$48）賣相好精緻呀，酥盒好香口，入面有d蝦米冬菇，味道唔錯！🦐櫻花蝦蘿蔔糕（$48）蘿蔔糕一口一粒，沾滿櫻花蝦，入口外脆內軟，好香XO醬味道，好高質呀！🍵熱手工拉茶跟餐送既奶茶，味道香濃好飲！

「馬六」位於荃灣千色匯一樓，由電樓梯直上就到。餐廳主打新加坡美食，下午茶餐款式都幾多，輕食有多士、蘿蔔糕、牛角包，飽肚啲就有喇沙摻摻、麵、米線、海南雞飯、咖喱飯等，連飲品，價錢都係$3x起，真心抵食。 咖央奶祿$42第一層中間搽咗朱古力醬，第二層就搽咖吔連少許牛油，上層就鋪上一層美祿粉，多士非常鬆脆，唔會好甜，又帶有美祿的可可味。 櫻花蝦蘿蔔糕$48蘿蔔糕面層煎至脆脆，中間就軟腍，加上脆炸的櫻花蝦，味道濃郁惹味 美祿哥斯拉（升級加$8）冰凍美祿，加上美祿脆粒，甜度適中，真係又好飲又好食

.呢間餐廳嘅服務，差到難以想像，震撼了我的三觀！大家如果想為生活帶來一些調味，即管去幫襯佢，佢足以激發起，你對於「服務」的重新想像！首先，佢落單的時候……完全跟唔到單，問完又問，講完又要再講……好似玩緊麥兜咁樣！最大的問題當然是……佢態度勁衰… 勁惡！其次，冇搵人睇住門口，但就屈你冇做安心出行，死唔斷氣，問完又問，如果真係咁緊張……就應該搵個人企喺門口，而不是不斷騷擾食客。第三，我哋一行六個人，食到尾聲的時候……佢大概過30秒左右，就問我哋一次食完未，逐次逐次來收走我們一些餐具……極度滋擾！問題是，門外都冇人等位，我完全覺得佢係存心騷擾！講句公道說話，佢嘅食物冇問題，只係服務差到好離奇……我唯一想到的解釋是……公司或者冇出足量比啲員工……佢哋故意倒米！

今個月有d忙，上星期終於得閒可以抽空同到媽咪去食飯，除左星期六日同兩老去飲茶，基本上每星期都會有一日請佢食返餐飯，而今日就同佢去左呢間係荃灣嘅馬六餐廳，因為佢話想食馬來西亞🇲🇾菜，懷念一下封關前全家過馬來西亞吃喝玩樂嘅日子！原本想試馬六無骨海南雞飯，但係其實我一陣間仲約咗朋友食下午茶所以就想食得輕盈啲，所以叫咗個雞絲豬頸肉青雞湯米線，而我阿媽佢本身都食得唔算多嘢，所以佢叫咗個巴東牛肉乾伴油麵配紫菜湯。我覺得呢兩個菜式都好有馬來西亞特色，食落都有啲回味當時嘅日子，下次有機會都會再嚟試埋個無骨海南雞飯。

行咗入去「千色匯」買少少嘢，買完之後諗住食個簡單嘅午餐，見到商場裏邊都有啲餐廳🍴，咁就決定喺商場醫肚啦😆，行咗個圈，見到呢間餐廳，好似幾啱呢日嘅胃口，咁就決定入去開餐😆叫咗 $72 嘅「海南雞🐓喇沙米粉」，跟餐揀咗飲品「馬來手工拉茶（凍+$3)（少甜少冰)」，再加 $22 嘅「鹹蛋黃魚皮」😆「馬來手工拉茶🥤（少甜少冰)」幾香幾滑，凍冰冰飲落唔係好甜，都幾 refreshing 😆。「海南雞🐓喇沙米粉」：飲啖湯先，湯底有椰汁香味😋；海南雞 雞肉都幾 嫩滑😋。「鹹蛋黃魚皮」嘅魚皮 脆卜卜，加埋味道濃郁嘅鹹蛋黃醬，幾惹味😋