馬場洞烤肉專門店 (形點 I) (已結業)

星期五黑雨放假 想話同媽子食餐好嘅 就試左呢間韓國嘢 咁就中左伏叫左個358蚊嘅牛肉燒烤套餐qr code 落單 等左成廿分鐘d牛先到咁算啦 今日黑雨日 人手唔夠都正常理解嘅d牛一到 個店員就問我地舊牛排洗唔洗切我地話切 佢就拎走左碟牛之後碟牛就失左蹤喇！問店員拎番碟牛 佢話幫我地睇睇之後連個店員都失埋蹤喇！唉 算啦 當我蝕底啲 碟牛我唔要喇失蹤嘅店員又突然出現 見我地碟牛仲未到 講左聲唔好意思 話再幫我地跟跟我都不抱希望架喇 點知今次一分鐘都唔洗 碟牛就出現番 店員又講多左次唔好意思 咁算啦 碟牛到番就冇嘢…至奇！我真係從未見過咁唔新鮮嘅牛燒完又鞋又冇牛味 真係搞唔掂好啦 當我中伏 埋單想走個陣 見到其他檯全部都有燒烤夾同剪刀 原來佢地連d燒烤用具都冇比到我地計埋加一圍起差唔多200蚊一個人 有咁嘅預算 上上下下前後左右任何一間餐廳都好過呢間嘢唯一優點係座位舒服 裝修同食物擺盤精緻 好打卡able 同d影嘢唔食野嘅港女黎就啱曬

來到形點韓燒😋地方闊落坐得舒服，大大卡位正😎店員友善👍🏻二人set好豐富😍仲有魚糕鍋超開心🥳五款前菜（泡菜、沙律、通菜、西蘭花、蓮藕）好好味仲可以refill😍.🌟二人燒烤牛肉套餐 $358四款牛，最愛菲力牛排，牛味濃又厚身，口感軟熟好好食😋 牛膈肌最有咬口，牛肋骨肉好喜歡韓式調味甜甜地又淋身，枱面仲有海鹽、青芥末、芥末籽醬、包肉醬，可按個人口味，不同配搭味道各有特色👍🏻.二人餐仲有小食相當豐富，炸雞Juicy香脆，配蜜糖芥末汁味道甜甜地，送啤酒一流😎 牛舌厚肉，軟熟爽口我地都大讚👍🏻.🥬韓式鍋肴雜菜盛合 $98食燒肉估唔到都有鍋物😍兩大串魚糕煙煙韌韌韓國味道😋 好多豆腐、菇、菜、瓜好健康😂湯鮮甜飲左好多😋.最後大讚杯啤酒好大杯🍻😂 酸酸甜甜開胃清新，食燒肉緊係要飲啤酒😎飲得暢快😌

yoho真係越開越多新餐廳原來馬場洞都開左入黎元朗約埋媽咪去食個2人燒烤套餐😍-個擺盤實在太打卡able 用左樓梯級一層層咁擺上唔同的牛肉包括有~🔸菲力牛排100g原塊上既菲力牛排 店員會即時幫我地切開牛排特別軟糯又香牛味🔸韓式調味牛肋骨肉80g個調味好特別入味牛肋骨都算好多肉🔸牛膈肌80g呢個位置係好爽口的🔸牛肋骨100g仲可以揀兩款食物~🔸芝士紫菜飯卷伴生牛肉個芝士紫菜飯卷係炸過既 再伴上生牛肉好有趣既口感 仲有沙律菜 食落更加清新🔸烤蝦及雜錦蔬菜同埋跟兩杯野飲~🔸水果梳打 （荔枝&奇異果）再add on~🔸蒜蓉牛油煮大蜆🔸韓式焗芝士粟米燒烤一定要叫邪惡芝士拉絲夾埋d肉黎食係絕配-📍馬場洞烤肉專門店 (形點) 📌元朗元龍街9號形點 I G樓G008號舖

依間衛生極差！坐低諗住飲杯水，倒出黎見好混濁，隨即問職員係檸檬水定清水，點知佢話係清水，我即刻打開蓋睇，入面係超級混濁。同職員反映後，唔好意思都無句，仲話佢都唔知點解。然後問佢拎多支睇，樽身外面唔乾淨之餘，入面都係好污濁，有理由懷疑佢係無洗過。啲牛同豬肉 肉質好差，但爐好容易燒燶肉。仲有個豬肋肉，黎到係好黑色，唔知係咪壞咗都唔敢再食。依間嘢真係唔好去，佢小菜吧又係無遮掩，啲人行黎行去，乜口水都噴晒落去。嘢食一般，價錢貴，職員直頭係非常hea加無禮貌。大家真係食側邊幾間都唔好入依間。

當粟米遇上炸雞 ◕◡◕ ，夏日炎炎將粟米入饌，想不到配搭有驚喜!⃝環境餐牌 夏日紛飛套餐 $𝟹𝟶𝟾包括以下：- 粟米初雪炸雞- (四選一)粟米卡邦尼意大利麵/卡邦尼炒年糕麵/芝士炒年糕拉麵/玫瑰醬寬粉炒年糕- 包𝟸杯$𝟻𝟾以下飲品- +$𝟻𝟾烤粟米沙律 粟米初雪炸雞 粟米初雪炸雞份量好多◉‿◉ 是我最愛的初雪口味即芝士口味，但這款不同的是不再只是用普通的芝士粉，而是加了粟米味粉，甜甜的好開胃，配上厚度適中的炸皮跟雞件，還有冰凍的烤粟米，好吃❤︎︎ 烤粟米沙律還加了$𝟻𝟾要烤粟米沙律，配上芝士粉，份量挺多的。 包𝟸杯$𝟻𝟾以下飲品 飲品方面點了清新的熱情果青檸梳打及檸檬青檸梳打，前者酸酸甜甜很開胃，後者味道就奇怪了一點。 芝士粟米辣雞醬麵 $𝟷𝟶𝟾 我本身也很愛吃辣雞麵，但好像沒有見過粟米味，這裏既然有這款口味，當然要試試，表面鋪了海量芝士ᕕ( ᐛ )ᕗ 蘊藏了粟米粒，相信辣雞醬麵也有特意調整過辣醬份量，所以吃上去先是甜味，辣醬的後勁才來，但也不是平常吃的那麼辣!⃞

今日落元朗探朋友，順便食埋晚餐先返屋企。今日朋友帶左我去位於Yoho 的「馬場洞烤肉專門店 」食精選2人燒烤套餐。餐廳環境寬敞，以卡位為主、坐得舒適，抽風系統做得好，食完沒有油煙味。一坐低，侍應會先奉上5碟韓式前菜有木耳、泡菜、沙律、蒜芯，海帶，全部都可以無限追加。精選2人燒烤套餐擺盤吸引，牛肉包括菲力牛排、牛膈肌、韓式調味牛肋骨肉、牛肋骨，其中菲力牛排和牛膈肌，牛味濃郁，肉質軟腍，加少鹽肉味更提升，再用上生菜包住一齊食，可以減低油膩感。招牌炸雞新鮮熱辣辣炸起，炸得香脆，肉質Juicy，有埋我至愛既蜜糖芥末醬，非常滋味。烤蝦及雜錦蔬菜蝦有2隻，爽口彈牙，雜錦蔬菜有青紅黃椒、茄子、金菇、洋蔥、薯仔、蘆筍。另外我地亦加配頂級芝士豬肉香腸&韓式焗芝士粟米兩款芝士芝味十足，仲可以拉絲，其中最鍾意韓式芝士粟米，味道就好似細細食粟米波既味道，以種味道好懷念。荔枝梳打&奇異果梳打梳打不算太甜，味道剛剛好。

突然想食韓式燒肉，去咗Yoho Mall呢間馬場洞烤肉專門店，餐廳環境舒適，大部份都係卡位，一坐低就送上數碟韓式小食，有泡菜、青瓜、醃蘿蔔、魚糕同沙律，相當豐富。今次叫咗個2人套餐食，都幾豐富，而且食完身上都唔覺有煙味🔸馬場洞特選韓豚配牛肉套餐 $298套餐嘅肉類包括有:韓國豬肩肉50g雞腿肉100g極級霜降肉80g牛膈肌50g豬五花肉50g擺盤精美，每層一款肉類，當中豚肉燒起上嚟特別惹火，肥瘦適中，口感最好！極級霜降肉肉味最香濃，肉脂比例平均，燒完帶出焦香同油脂，亦可以用包飯菜包住肉食，配埋韓式豆瓣醬，食落更加有口感！除咗肉類，仲有菠蘿，冬菇、翠玉瓜同茄子等配料。🥢招牌炸雞 (4件)即叫即炸，新鮮熱辣，雞肉飽滿啖啖肉，肉質外脆內嫩好juicy，亦配上蜜糖芥末醬，非常滋味套餐包兩杯水果梳打，分別叫咗西柚同芒果，兩者都清新解膩，非常解渴🥢韓式鍋肴雜菜盛合 (+$58)想一邊燒肉一邊食火鍋，就一定要叫埋佢！有魚糕、豆腐同好多雜菜，似足韓式風味🥢蒜蓉牛油煮大蜆 ($68)蜆肉用錫紙兜裝住，撈勻牛油食提升風味

一入到餐廳，服務生話俾我哋聽用膳一個小時，但係當時唔夠六點，同行者同我都話可以，但係當時餐廳幾枱客人，坐低嘅時候已經有4碟前菜，賣相已經麻麻，好似擺咗好耐，食落去無味，QR code點菜,十分方便，上菜速度快，但係味道一般般，途中我哋有禮貌地問服務生攞兩隻碗，仲要係唔該前，唔該後，要問分別三個唔同嘅服務生，仲要黑口黑面，唔好嘅聲線答我等陣，我先乞求到兩隻碗，一講話埋單，佢就超速，總體表現食物一般，但係服務態度差，唔會再幫襯

適逢週末形點都好多人，大概6:00左右就睇吓有邊間餐廳有位食飯見門口位服務員話可以唔一定燒肉都有熱食可以嗌就行咗入去，坐低個服務員同我講食熱食限時60分鐘。我帶住小朋友食60分鐘真係好勉強，咁我就問佢如果燒肉限時幾耐服務員答我90分鐘。所以到最尾我哋嗌咗一個燒肉套餐，再散嗌一個霜降牛肉釜飯前菜，泡菜無味、一碟酸瓜洋蔥加韭菜定蒜心有渣食唔到佢燒肉拼盤所有肉都好鞋🤢有啲仲要咬都咬唔開又乾個飯嚟到冇比匙羹，問服務員攞佢俾咗個湯羹我😑望吓隔籬枱先知原來有匙羹。問返佢攞隻匙羹就大大聲咁，可能我真係好麻煩啦。個飯啲霜降牛質素仲差過我喺百佳買嘅牛扒，啲飯有淋好似食緊爛飯仔咁連埋加一埋單$909，食咗個寂寞。唉唯獨是成個餐廳有一個侍應生好好禮貌，其他都不願置評

大熱天時餐廳冷氣幾乎為零，好好地食餐飯食到全身都係汗，一路燒就一路㷫住，食物又唔係咁好食嘅情況下，淨係想快速燒完快速埋單走，真心勸退。最慘係成間鋪頭都係一樣熱，想換個位都冇得換，難怪成間鋪頭都冇幾台客烤肉…

間餐廳係位於商場既地下及邊邊位，所以一入到餐廳會見入面既園林景，感覺好舒服，加上餐廳用左大大既落地玻璃，令成間餐廳光線好充足。牛肉牛骨湯麵配飯$88份量幾足夠，但味道就一般般。湯底嘅牛肉味唔算太濃，麵條口感還算彈牙，飯就軟糯好食，不過總括嚟講就係冇咩特別之處。如果你鍾意簡單嘅口感，就可以考慮下啦。石鍋牛肉拌飯$88份量同樣幾足夠，但味道都一樣普通。石鍋入面嘅牛肉有啲乾柴，拌飯嘅調味料都冇咩特別之處，總體味道就有啲素淨。不過，如果你鍾意石鍋嘅熱度同埋外皮酥脆嘅飯底，就可以試下啦。

就咁睇佢門口係唔會知道入邊係點樣😂😂餐廳環境好大而且真係好光猛，座位好闊落完全唔會覺得同隔籬枱好迫。同平時嘅韓式燒肉店唔同嘅感覺🙌🏻燒肉嘅質素都是中上的。如果諗唔到食咩嘅話可以試吓😚

天寒地凍，諗住黎食碗粥暖一暖身😀一坐低店員送上三碟前菜，分別係牛腩滷蛋、泡菜、洋蔥蔬菜🥬先講前菜，泡菜比較生，口感上比較爽脆，唔算入味所以唔係好辣，但個人口味鐘意食比較稔身入味嘅泡菜多啲😗牛腩滷蛋唔知係放左好耐定真係凍食，凍食有啲怪怪地，牛腩同滷蛋都偏硬身，我唔太鍾意😌洋蔥蔬菜依款伴菜，用醋涼伴洋蔥、青瓜、豆角，酸酸甜甜幾開胃😂🍴 章魚醃辣泡菜粥 $78📝評分: 7/10食韓國粥品嘅特色係食到尾都仲係有温度，所以好適合冬天食暖一暖身，今次食依款章魚醃辣泡菜粥，加入酸酸辣辣嘅泡菜去煮粥非常惹味，而且章魚份量都幾多，口感彈牙爽口👍🏻整體來講，個粥唔錯，適合冬天暖一暖身☺️但伴菜就麻麻地🥲不過留意到佢哋嘅伴菜會經常換款，希望下次可以試下其他🤣

🌳叢林背景。韓國餐廳🇰🇷餐廳🍴名叫「馬場洞烤肉專門店」聽到個名都好想食，因為喺韓國真係有個地方叫馬場洞，食烤肉勁好味！🥰（但我今次唔係食烤肉🤣）餐廳窗外有我喜歡💕既🌳樹景～望住好舒服😌餐廳既位置都好寬敞好舒服/我地今次lunch黎到試左佢地既午餐精選幾多選擇！性價比都高💓前菜：泡菜、芽菜、西蘭花🥦 麻油香，juicy😋🦐香辣海鮮豆腐湯烏冬🍲 $88韓國🇰🇷辣豆腐湯真係好好味，都算辣😂 佢用石鍋，所以keep住好熱～ Good good有青口🦪蜆、蝦、金菇、豆腐、蛋～足料足料！ 烏冬索左d辣湯😋唔錯！🐮水冷麵配牛肉 $98記得第一次去韓國🇰🇷試左食水冷麵🍜 酸酸既汁，再友冷凍既幼身麵😳真係又開胃又好味！餐廳仲配左一大碗牛肉，入面有菇、洋蔥🧅等配料～味道都醃得唔錯！以上午餐送汽水🥤 另加一

朋友生日，決定食韓國菜，但元朗韓國菜選擇不多，呢間是新開的，所以就試吓。原本諗住打電話訂座，但只有Walk in。7:00有多便到達，用餐時間90分鐘，但朋友未到齊，所以等一陣。門口侍應很好，他同我們講，7:30俾你入座，你可以坐超過90分鐘，因last order係9:15, 所以應該唔會有人入咗，又可預先幫我們預留醬油蟹。又介紹一些食物給我們。入到去，客人不多，環境舒適，乾淨整潔。我們點了1) 香蒜醬油炸雞 6件 - 外皮鬆脆，入口熱辣辣，食到醬油味，但唔覺有香蒜味道2) 海鮮蔥煎餅 - 香蔥勁多，粉亦較多，所以煎出嚟比較厚身，只食到魷魚，總括味道唔錯👍🏻，但食完有飽肚之感😅3) 韓式醬油醃生蟹 - 味道一般😔4) S2 牛肉套餐 : - 菲力牛排150g ： 這個味道都不錯，只要唔好煎得太熟- 極級霜降牛肉100g : 味道一般，牛肉比較韌😔- 牛膈肌150g : 這個很軟，入口很淋，唔錯👍🏻- 雜菇 : 只得3小片，太少啦- 韓式伴生牛肉(小) : 可以👌5) 芝士炒年糕拉麵 : 味道唔錯，辣嘅程度有中辣，芝士味唔覺，唔知點解食落有茄汁味道😅6) 燉牛骨 - 以香港來講，味道可