馬場洞烤肉專門店 (新城市廣場三期) (已結業)

食韓燒又點可以無韓牛呢？想嘆抵食高質嘅韓牛除咗去韓國首爾馬場洞之外，原來沙田都有馬場洞烤肉專門店！馬場洞烤肉專門店嘅韓牛質素有保證，加上餐廳地方寬躺，枱與枱之間有一定距離，所以坐得舒服，環境唔錯。泡菜食韓國菜又點少得泡菜呢！一落完order，店員就送上泡菜，泡菜非常惹味開胃，重點係可以無限refill，啱晒鍾意食泡菜嘅我哋！韓牛西冷今日我哋就揀咗1++級嘅韓牛西冷，韓牛份量十足，有成180g！韓牛油脂分佈平均，大概燒到7成熟就啱啱好，肉質軟腍，肉味香濃，非常juicy！想增加味道嘅層次，可以點上醬汁，我哋就特別鍾意Woomtree Wasabi，因為可以中和油脂感，更加惹味！伴碟仲有香菇同鳳梨片，燒過嘅鳳梨片，又香又酸又甜，好好味。伊比利亞豬肩肉除咗韓牛，呢度嘅伊比利亞豬肩肉都唔錯，份量都有成150g架！燒豬肉個時間一定要控制得好好，如果唔係就會好乾好靭，好彩店員會幫手，令到呢個伊比利亞豬肩肉以最佳面貌見人，燒到外脆內嫩，完全無浪費隻豬！海鮮嫩豆腐鍋食完咁多肉，係時候飲返個熱湯暖胃啦！呢個海鮮嫩豆腐湯嘅海鮮同樣足料，有蝦、青口同大蜆，湯底可以揀辣或者唔辣，今次我哋揀咗唔辣，可以飲到海鮮

炸雞🍗🍗🍗愈邪惡的食物，愈是美味！外皮香脆、肉汁鮮嫩的炸雞!韓燒豬肉突別係豬頸肉位置回味無窮五花腩肉位置都一級棒👍👍👍如愛食牛肉的朋友，直心要食呀😄😄下次要在試其他🤤🤤🤤

行過見到呢間餐廳的裝修唔錯Lunch set選擇都算多可以揀烤肉、拌飯、湯烏冬或蔘雞湯可以加錢要韓式炸雞或黑毛豬肩肉所以想試一試餐廳招牌簡約得來幾型午餐選擇多元化我哋三個人嚟食坐低冇耐，侍應就俾咗三碟餐前小菜我哋份量來講都幾少，有泡菜、菇同蒜芯我覺得可以俾多少少我哋，特別係個蒜芯味道方面還可以餐飲方面，同事帶咗蕎麥茶，不用加錢我覺得份量都係偏少可以配罐裝汽水，不用加錢。呢個感覺抵啲。辣海鮮豆腐湯烏冬$88好啱冬天食上菜嘅時候仲滾緊，熱辣辣石鍋魷魚伴飯$78鍾意食菜嘅朋友應該都幾鍾意食呢個拌飯菜材料份量十足～包括菠菜、泡菜、芽菜、蘿蔔等等撈勻後每一啖都一定食到蔬菜魷魚🦑份量就唔係好多啦整體來講不過不失啦如果想食韓式嘢都不失為一個選擇嘅。

黎呢度食通常都諗住食燒肉/韓式湯鍋，今次叫多個炸雞試下，有驚喜喎，我地揀左甜辣味，老實講，一啲辣味都無，甜甜地咁，但都令我地覺得佢好好食因為佢係外脆內軟，有肉汁，肉質唔鞋口，就算凍左都唔鞋本身以為份量好少，得6件，點知每件都幾大下排骨湯係次次都見到人食得好好味咁而叫黎試下，食落麻麻地，無果種肉嘅香味，試一次就算了牛肉湯估唔到咁多牛肉，食極都有咁，牛肉口感唔係新解牛肉，無咬口，淋身易咬，纖維應該雪到破壞了味道不過不失

未入到去食野已經比個不之所謂嘅員工激到唔入去食，用埋啲韓文講粗口🤬🤬🤬🤬🤬🤬😡😡😡😡😡😡😡😡😡仲諗住同佢隻揪架喇，屋企人叫住我咋，如果唔係佢死緊呀，都未試過去間餐廳食嘢食到差啲要打交，一定要black list呢間餐廳呀！呢間餐廳快啲執咗去啦🤬🤬🤬🤬🤬😡😡😡😡🤬🤬🤬🤬🤬😡🤬😡😡🤬🤬🤬🤬🤬🤬😡🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬😡😡🤬😡😡😡🤬🤬🤬🤬😡😡😡😡🤬🤬🤬🤬🤬🤬😡😡😡😡😡🤬😡😡😡🤬🤬🤬🤬🤬

上星期六諗住同屋企人去食lunch, 預先訂座攞飛，去到餐廳繼續等，前面仲有一個no 之後就到我地（三至四人位). 之後張經理先安排前一枱入座，但係佢安排前後座俾客人，當然客人話繼續等要求安排隔離座位，我地都係一樣，所以大家繼續等！等嘅期間，張經理不停只安排兩人入座，突然聽到前一位客人大聲話個張經理，明明睇住有左右兩枱座位，但張經理完全無考慮安排三人入座而不停只叫兩人入座，結果前一枱客人氣沖沖地走了！到再有三人座位時，因前一枱客人走了，正常會輪到我入座，結果佢竟然係叫我之後嘅no 入座，我上前問佢點解咁安排，佢竟然話，叫no 係一個訂座，一個walk in, 問題係佢從來無安排過訂座嘅人入座(因前一位客人已走），就直接安排walk in 客入座，仲要理直氣壯話咁安排無問題！完全唔明白一間位於新城市，算係有規模嘅餐廳，竟然有d咁劣質嘅僱員，新城市有大把其他餐廳選擇，依d咁嘅餐廳，未食先受氣，一定唔會再去！

疫情持續好多餐廳都hea做質素每況愈下但係沙田尼間燒肉反而愈抵食！Lunch 叫左個牛肉2人餐 $598平時一定唔夠飽今日發現牛多左！但係質素keep到好肉之前咁正👍🏻韓國牛juicy 肥同肉分佈平均下下都爆汁🤤套餐除咗牛肉 重有炸雞🍗Lunch 人蔘雞 $128天氣轉冷 諗住食返個人蔘雞暖暖身上菜時唔畀多隻碟想我喺石頭鍋直接食嗎？？😰食落味道就應該唔係廚房自己整啦但係人蔘都冇半條有點失望不過$128 價錢同超市買就差不多重多左個石頭鍋熱上都係唔好要求咁多

📍馬場洞烤肉專門店沙田好少韓國餐廳，如果想食韓國嘢我哋就會去馬場洞，已經幫襯過唔少次😂前菜仲可以refill，而今次介紹嘅lunch set算得上豐儉由人🍽食物✨脊骨土豆鍋配飯 $78 9/10幾乎每次嚟都會嗌呢個🤩之前未有lunch set嘅時候，佢哋全日menu有個300幾蚊嘅土豆鍋，2個人食真係飽到反肚😂 所以佢lunch set加入呢個Menu個時真係好開心，雖然係一人份但排骨有3大舊仲有菜乾、薯仔同芽茶，連湯底都係還原係韓國食嘅味道～ 一食就會諗起冬天係弘大이대조뼈다귀 食完暖粒粒嘅感覺🤤不過食完好口渴，會飲好多水😂👍🏻蔘雞湯 $125 7/10有一隻完整嘅春雞，熬煮到連骨都咬得開，直頭好似溶落啲湯到咁，但雞肉唔會煮到乾晒，仍然係好幼嫩。入面塞滿左糯米同細細條嘅人蔘，有啲似食緊雞粥咁😂呢個係比較清淡嘅菜式，適合將雞肉蘸少少鹽或者配埋泡菜一齊食，會令味道更豐富～👍🏻脆炸特選黑毛豬肩肉 $98 8/10嗌多咗個小食，但係得5塊豬肩肉，同其他lunch set比較CP值差好遠😂不過即叫即炸，嚟到仲係熱辣辣，豬肩肉醃過有啲甜甜哋，咬落去仲有肉汁，食完5舊都唔夠喉😂⛩環境👉🏻4人枱好闊

Hanwoo Modern Majang 今日約咗媽咪食飯，佢今日帶老细（姐係我）我食韓燒都試過好多間，個人覺得哩間既食物質素都唔錯，值得推介。套餐可以選擇美國牛或者韓牛，當然價錢會唔一樣，美國牛會平啲。餐廳除咗訂位之外，會預留俾人walk in等位，可以用返新地廣場嘅APP，預先攞位差唔多時間先行過去。套餐除咗有各樣嘅牛部位之外，同埋前菜refill▫️ 韓牛肉眼▫️ 韓牛肋排肉▫️ 韓牛霜降肉▫️ 生拌牛肉或 招牌炸雞 3至4人份量已經好夠食！仲叫咗枝Makgeoli 韓式傳統米酒，呢款酒好適合女仔飲，酒精濃度唔太高6%左右，呢款比牌子有D唔同。係一款有汽既Makgoeli。我非常喜歡😁，推介推介！§ 1048 + 10%• 馬場洞烤肉專門店 新城市廣場三期3樓A311號食物質素：⭐️⭐️⭐️💫服務態度:⭐️⭐️💫餐廳環境:⭐️⭐️💫打卡位：⭐️💫係燒肉嘅途中先至發現要問佢攞個牛油，如果佢喺開始前準備，同講解一下牛肉嘅部位會再好D。

而家佢有個抗疫便當menu，價錢由$58-88不等，如果就咁叫餐牌就原價8折，最欣賞係可以電話落單，同佢講埋幾點拎就唔駛等啦～燉牛排骨 $102.4不愧係招牌菜之一，外賣份量仲係大大份，三個人做餸絕對冇問題，蘿蔔、白蘿蔔同牛排骨都燉得夠哂淋，配埋醬汁送飯一流韓式甜辣炸雞 $86.46粒炸雞大大舊，神奇嘅係鋪滿汁隔左30分鐘仲有脆嘅感覺，雞肉都唔乾，好似食緊咕嚕肉😂又係好岩送飯脆炸特選黑毛豬肩肉飯 $78其實之前已經食過一次，個時好欣賞佢個豬嘅味道，唔知今次係咪因為來貨問題轉左來源，食落完全冇味🙊下次都係試另一樣⋯總結：外賣來說質素保持到，價錢又比堂食平左啲，如果想係屋企食韓國野，佢都係一個幾好嘅選擇～ 評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

星期日外賣兩盒牛肉和一盒排骨。回家才發現少了排骨，只有兩盒牛肉和三盒前菜。兩盒牛肉我無法分辨哪一盒是霜降牛，但有一盒牛肉很「嚡」，另外一盒味道不錯。最差勁是打了十幾通電話都無人接聽，無法追討損失

門口睇menu d 相覺得唔錯，裝修又幾好，就入去食。嗌咗一個人蔘雞，一個牛。野飲只可揀熱茶/ 百事 / 七喜 / 健怡百事，無得加錢轉特飲 (好彩無得加，慳番幾十蚊)蔘雞湯: 完全無味。上菜時侍應都知無味，另附上一碟鹽 (不用另外收費) 比你，湯底係得一層油同水。隻雞比佢熬到d骨碎曬，每啖肉都有骨髓依附住，成件事勁raw 。風味牛排骨肉湯配飯: 隻牛騷到我以為唔係牛肉。又話風味牛排，一d鋒味都無，個湯依然係清湯但你d牛肉咁cheap好心就唔好做清湯，我寧願你落重味精去蓋過你隻老牛騷味。無牛味，無鮮味，仲要煙靭過擦子膠，食咗一啖就無食。無錯，汽水都有得講。兩罐汽水要催先送上黎，我當你一時唔記得，唔緊要。但你送上黎個兩罐汽水係室温汽水，你都好意思。罐身一滴水珠都無你就知佢幾健康，室温汽水。最後由入餐廳到離開餐廳只係20分鐘，唔係用安心出行記錄我都唔知呢間餐廳浪費咗我20分鐘+$250當然離開餐廳後走番出商場又去掃安心出行🤗最後再去另一間小店cafe再食，終於返回人間。

今日經過沙田要買野，行過見到個lunch menu都幾吸引下於是行入去試下，望下個環境度幾舒服，之後望下個menu有咩食，見天氣凍凍地於是叫在個韓式清燉牛尾（可以有清湯飲）同埋招牌炸雞!出到嚟個牛尾望落去都唔錯同埋份量都ok，個炸雞非常熱辣辣，不過個飯就一啲都唔熱！ 食落個牛尾真係好一般，個炸雞都夠脆不過味道真係麻麻地，如果寫韓式炸雞會好啲（仲話招牌）總括嚟講！（10為滿分）味道3分服務7分環境8分價錢6分

今日難得放假，出咗去新城市食lunch～成日都話想試吓呢一間馬場洞，今次終於入咗去試～入到去個座位幾闊落，亦有陽光曬入嚟～Lunch set都算有幾多選擇，有啲小鍋，有啲係燒肉，我哋就各叫咗一個～叫完嘢食，店員好快就放低咗三碟前菜，有泡菜、薯仔沙律同埋蓮藕，我自己最鍾意食蓮藕，好爽口🤣呢三款前菜都可以refill嘅～烤肉餐就梗係叫呢個牛肉套餐 (一人份) ($153)啦！🤤一嚟到就覺得啲牛肉個樣幾靚仔，佢有三款肉，分別係極級霜降牛肉、牛隔肌 (封門柳)同埋牛板腱肉，基本上三款肉都幾有牛味，算係唔錯，當然最好食就係最多油脂呢款，油脂感同肉味好平均，而且唔會韌同嚡！🤤另一個餐叫咗韓式牛肉配飯 ($88)☺️呢個牛肉就有少少嚡，始終都係小鍋形式上，都唔會係好嫩滑嘅牛肉，但佢個湯都幾好味，甜甜哋，而且有冬菇同粉絲等等配料，都好好送飯嘅🤤呢兩個餐除咗會跟白飯之外，都會有熱茶或者罐裝汽水～我覺得呢個價錢雖然唔算係好抵食，不過食物質素唔錯，環境都舒服，店員人手唔太夠，但佢哋嘅態度依然保持有禮貌，已經算係咁👍🏻

今日首次到這間餐廳用餐。正值午飯時間，有不少顧客堂食或購買外賣。然而，負責外賣收銀及帶客只由一名侍應負責，令食客等待時間增加。今次我哋見左兩個lunch set: 脊骨土豆鍋配飯及牛肉牛骨濃湯配飯。Lunch set 包含前菜三碟：除甘筍有少許腥味外，其他正常。等待上菜期間發現水杯斟水後有少量異物浮面，水杯唔係完全洗乾淨。脊骨土豆鍋配飯菜單話個湯係辣，但辣度可以接受。不過食落似係用辣油添加辣味，其實呢個set應該可以畀食客揀辣定唔辣。湯牛味濃郁，送飯唔錯。但湯中薯仔唔入味，又畀辣味同牛味掩蓋左味道，改用粉絲等較吸味嘅食材其實更好。侍應附上一個空碗用黎裝骨，非常貼心。牛肉牛骨濃湯配飯相對較淡，但用左牛腱肉，進食唔使拆骨，而且牛腱肉好有牛味。埋單時發現侍應出錯單，計多左十二蚊。侍應出餐落單方面有改善空間。