馬場洞烤肉專門店 (新城市廣場三期) (已結業)

去之前看了食評，竟然有差不多10個負評標題都係話食店服務差，外出用膳食物質素固然重要，但我都好怕服務唔好，平時如見到呢啲負評，我一定唔敢搏，但因為想不到喺呢個商場食乜好，所以膽粗粗照去。好彩我地冇遇到同類情況，大部分既店員都冇問題，冇黑面冇態度唔好，整體不錯。講番食物，我地點了牛肉套餐同豬肉套餐，前者可以跟一份炸雞或生牛肉他他，我地就點左炸雞；豬肉套餐就跟一份主食，我們選了辣海鮮豆腐鍋。另外點了一客醬油蟹，見食評多人點藥膳鮑魚雜菌釡飯，所以又點一份，薯仔控既我追加一客薯仔煎餅。等左一陣兩客燒肉套餐先上桌，賣相好得，看得出肉很新鮮，份量亦好夠，比預期多。牛肉套餐中有一塊係菲力牛扒，店員幫忙切開及稍為燒一下，再拿給我們自己燒，呢件菲力牛好正，鬆軟、牛味濃，好好味。其餘兩款牛肉其中一款應是牛肋肉，另一款唔清楚，唔點醬料都好味。伴碟有雞脾菇、冬菇及好鮮甜既菠蘿，如果可單點菠蘿我一定追加。豬肉套餐有兩大件厚切五花腩(最愛)、油花均勻既豬頸肉及脢頭肉，五花腩肥瘦相間，燒得香口一啲都唔膩，亦冇豬既臊味，好吃。其餘兩款豬肉就正常，伴碟只有冬菇及雞脾菇。跟兩個套餐既炸雞同辣海鮮豆腐鍋味道正常，勝在夠熱。

香港有好多唔同款式嘅燒肉選擇今次就要介紹韓式燒肉嘅馬場洞烤肉專門店。佢哋主打頂級韓牛，經過門口就會見到肉類放喺真空包裝倒，以專用雪櫃確保肉類新鮮。🇰🇷🍴前菜:泡菜 醃茄子 雜菌 沙律🍴牛肉套餐 （2人餐）HKD520菲力牛扒150g + 特級霜降牛肉100g +牛肋排150g +招牌炸雞4件肉類上枱後待應會簡單介紹，然後將菲力牛扒拎返入廚房略煎表面同切塊 方便客人自行煎熟菲力牛扒係三款肉裏面最淋同最濃牛肉味 肉汁都比較多；特級霜降牛肉嘅油花就比較重少少；牛肋排高偏韌；建議烤肉前加少少鹽落肉表面調味~食完仲可以燒菠蘿清一清油膩感😌招牌炸雞上枱嘅時候已經凍咗 肉質尚算嫩滑但調味好一般 比較遜色🍴海鮮泡菜煎餅 HKD78上枱見到煎到黑忟忟已經好失望 果然味道都好一般 煎粉太厚 每一啖都係粉漿 泡菜份量少 海鮮嘅話就食到蝦同魷魚 💬雖然話套餐係二人餐 但份量都幾多 絕對夠三個人食💬肉嘅質素唔差 價錢都係可接受嘅範圍但除咗燒肉 其他嘅食物質素有待改善 🤏🏻🚩馬場洞烤肉專門店 沙田沙田正街18號新城市廣場三期3樓A311號舖

CP值：2.5/5 價錢Price:- 2人豬肉套餐 Pork Set for 2: $428- 火山芝士泡菜炒飯 Kimchi Fried Rice with Cheese- 韓式煎雞蛋卷Korean Egg Roll: $78(加一服務費 +10% service charge) 呢間韓國嘢由一開張已經成日排長龍所以嗰日就決定要試一試啦老實講我唔係好鍾意食韓燒，因為我唔係食肉獸😅今次我就叫咗豬肉套餐但因為我地唔係好識掌握燒豬肉嘅時間，所以好多度燒到老晒🤣但食得出啲肉係新鮮嘅🤣🤣🤣 講真我每次去食韓國嘢，都係為咗佢啲前菜😂呢一間嘅前菜有四至五款，都幾多選擇但個泡菜我地都覺得太辣🥵 火山芝士泡菜炒飯係連埋個豬肉套餐嘅本身以為會拉絲拉到好長，但係原來只係得一塊芝士係啲炒飯嘅面，啲蛋就係俾個鐵板燒到老晒，好失望😩 韓式煎雞蛋卷其實唔係卷係將啲蛋、薯餅、芝士分層咁夾埋，有少少似三文治啲雞蛋唔算好老，中間都有芝士拉絲但食到好狼狽，因為太厚而且又冇捲埋😖 最後都要$550左右，其實唔係好平，質素就中規中矩啦可能中午lunch set會抵啲，所以先吸引到咁多人排隊啦🧐 This K

見到沙田開咗間新韓燒所以黎試下叫咗個牛豬雙拼二人餐：前菜有五小碟#生菜#泡菜#青瓜#雲耳#蘿蔔全部味道正常。原則上小菜可不停refill但店員好多時都唔得閒加比你🤷🏻‍♀️豬牛肉拼盤 - 牛肉比較失色，唔算好靚嘅牛。豬肉就不過不失。炸雞- 味道普通正常最最最重要嘅係，食食下先發現，點解無生菜同韓式辣醬嘅？問店員先知個餐無包，要另外加錢先有，實在有點取巧。 * * * *整體而言食物質素麻麻服務欠佳咩都要摧一兩次先有🤦🏻‍♀️應該衹此一次……

依家放暑假 多咗同👧🏻👦🏻出街今日要出沙田買嘢唔想白等位 唯有响apps睇下邊間拎到位先比👧🏻👦🏻揀完一輪 決定今餐食 #馬場洞 🇰🇷今次我哋order咗上菜前提供三款前菜：泡菜、甜酸海帶、蒟蒻👩🏻最鍾意食泡菜韓式牛肉配飯 $82牛肉份量足 十分入味 配有金菇、紅蘿蔔絲、洋蔥絲、冬菇絲、韓式粉絲 材料豐富 好啱送飯 😋白飯壓到實一實 好在有湯汁撈下水冷麵配烤牛肉 $92烤牛肉連紅蘿蔔絲、洋蔥絲、冬菇絲一齊炒 香氣十足🤤冰涼嘅水冷麵 麵質夠煙靱 配有白蘿蔔絲、青瓜絲 可以撈埋酸醋、芥末醬 好醒神又開胃午餐連飲品另收加一$服務費

今日和太太往新城市馬場洞烤肉專門店食晚餐, 我們點了朱牛肉套餐和白飯。套餐上桌前職員奉上前菜, 前菜有薯蓉, 茄子、泡菜和青瓜, 薯蓉食落軟滑, 茄子食落爽口、泡菜食落酸辣味適中, 食落開胃；青瓜食落新鮮爽口；朱牛肉套餐有韓牛西冷, 牛肋排，五花肉、majang特選朱肋排肉、雜菇和炸雞。韓牛西冷肉味香濃, 入口即熔；牛肋排食落啖啖肉, 口感一流；五花肉食落有油花, 肥而不膩；majang特選朱肋排肉肉質鮮嫩, 食落肉質豐富有層次；雜菇和洋蔥食落爽口鮮甜；炸雞炸得金黃, 肉質鮮嫩, 無骨、食落啖啖肉, 食落惹味；最後白飯飯粒軟綿。餐廳座位舒適, 食材新鮮高質, 食物美味, 我和太太食了一頓高質韓國燒烤。

心諗有兒童餐order, 兩公婆可以舒舒服服自己食，點知落咗order好耐都未嚟，問waiter就話兒童餐係耐d, 叫我哋等多陣, 10分鐘後再問先知漏咗落order, 再過多陣問佢又話要等15分鐘，再問多次又話等多10分鐘，隔一陣再問就話已經上緊碟，點知5分鐘後都仲未嚟，叫個經理幫手睇吓，佢戴住口罩都見到佢個樣勁嫌棄咁話依家廚房有好多order，聲氣勁差問我哋係咪想cancel，即刻火都嚟，嫌我地冇耐性？究竟一次又一次催單但等咗差唔多成個鐘都未上菜算唔算有耐性？食餐飯仲要受佢氣？！唔通要等你做晒其他order？

🔹2人牛肉套餐🥩($520)開頭有幾款韓式前菜 有泡菜、芽菜、菠菜等等 好開胃成個餐有好多肉 有菲力牛排、特級霜降牛肉、牛肋排、仲有炸雞 食完真係好飽🤪不過成個餐都係肉 覺得有啲dry😟 雖然有啲菇(有雞髀菇、冬菇、金菇) 但可能因為我哋唔識燒 燒得有啲乾覺得唔太好食☹️🔹菲力牛排🥩 (150g)即係牛腰肉 店員俾我地揀自己係爐燒或者廚師幫你整 我就揀咗廚師幫我地整🤪廚師會幫我地煎好兩面 然後切成幾片 我地再自己輕輕喺爐上面烘一烘就食得🤩牛肉非常嫩口 冇筋 比較少脂肪 一啲都唔韌😋🔹特級霜降牛肉🥩 (100g)即係圖入面夾起嗰一塊 我最中意食呢隻😚食落很有牛味 簡單配鹽已經好好食😊🔹牛肋排🥩 (100g)呢隻都好有牛味 但比較韌😀/🔹招牌炸雞🍗炸雞熱辣辣 外皮幾脆 入面都幾juicy 出乎意料地好食蜜糖芥末醬同炸雞係perfect match!

姐姐今日學完車話要去食韓國嘢 又係另一個假裝去旅行系列一入到去好多人都係食烤肉 但係我同姐姐都麻麻地所以就研究咗一陣有啲咩食 由於大家都想食海鮮豆腐鍋 所以就索性叫咗個大嘅海鮮豆腐鍋再加一個芝士蛋卷😌有時都真係覺得自己好大食 點解兩個人可以食咁多嘢😂😂 但係個海鮮鍋份量真係幾足 雖然冇鮑魚但係有蟹有青口有蝦有魷魚有蜆 好多海鮮都好新鮮除咗隻蟹🙂值得一讚嘅係個芝士蛋卷 你唔好以為佢真係捲到圓轆轆咁 佢係一層煎蛋一層芝士咁 跟住用刀叉切嚟食 雖然有別於一般蛋卷 但係有幾好食個喎😂

新城市廣場無乜邊間食韓國🇰🇷野，今次誤打誤撞咁揀咗間之前無食過嘅餐廳。服務唔錯👍🏻👍🏻一開始坐低，發現冷氣唔太夠，同咗侍應講，都肯立即換位同埋解釋翻原因。未叫野都已經畀埋前菜同水自己斟😌前菜有5碟🥰🥰除咗泡菜，木耳同芽菜係最好食嘅❤️兩個人叫咗薯仔燉牛脊骨鍋同一碗水冷麵薯仔燉牛脊骨鍋推介指數🌟🌟🌟🌟🌟超好食👍🏻個鍋300蚊有找，超多料🤤🤤勁抵食。兩個人食食極都食唔唒👯韓式烹調，辣辣地，非常惹味。脊骨肉同薯仔🥔都煮得恰當，啱啱好淋身👍🏻👍🏻👍🏻唔係度度都有得食嘅鍋😋

係沙田新城市廣場嚟講韓國菜既選擇並唔算太多，而呢間馬場洞烤肉係其中一間食韓國嘢既～而今次算係比較早去食，所以都唔洗點等位～而呢間除左食烤肉之外，都有其他韓國菜食，而今次都無食烤肉，而係食牛骨鍋，另外亦加左一份水冷麵～首先餐廳既冷氣就唔算太大，尤其係食呢啲烤肉同鍋既話，冷氣既溫度都比較重要，而呢間餐廳一坐落已經有啲熱，而佢係中央冷氣又唔開大啲，雖然有同職員反映但佢地都無計，只有建議我地調位，最後就嫌麻煩就無調位算啦～而上菜之前店員都會拎啲泡菜等等既前菜比客人食，而份量同質素都唔錯，係令人開胃既前菜～而牛骨鍋既份量都好大份，佢會先上一個gas爐，再有一個十分大既熱鍋擺上去 ，入面有大概十幾舊牛骨同湯底，湯底就似大醬湯底果類，帶有啲啲辣，而每舊牛骨都有肉既，而份量真係好多，雖然價錢唔算特別平，但以呢個份量黎講都要兩至三人share先搞得掂😂而個水冷麵都做得唔錯，個味道都好正，麵既質地因為夠凍所以十分彈牙，食落亦都好爽，配合埋黃芥辣食亦加上小小辛辣更佳👍🏻總結呢間韓國菜既價錢並唔算十分平，但食物既份量就好多下，味道就正常韓國菜啦～

我地排隊攞飛 個男職員出完一張飛即刻入返去。我地要叫佢佢先出返黎 仲要態度差 好唔情願 隔住個口罩都見到佢黑口黑面我知飲食業辛苦 我唔要求好好服務 但起碼唔好西口西面。最後我食第二間

29/5/2021（星期六）午餐午餐時間人多，取票後也等了1個半小時；員工見到門口人山人海 仍然堅持同客講用餐時間1.5小時，可見員工只為規矩而規矩，不懂變通，等了45分鐘 ，一走了之又覺得冤枉，唯有堅持，誰想到才5個號碼，一等又是另外45分鐘，未食已經一肚火。最後入座後，眼見部分員工行來行去好似好忙咁，但做事的只有幾個人 ；其他人可以兩手擺擺游閒自得 ，同經過嘅同事講兩句打個招呼。 懶理外面客人等到頭暈。 上菜速度是正常的，但食物就真的一般，韓國菜沒有韓國特色，可以話係難食，唔湯唔水，這一下更加為剛才等了1.5小時而不值；匆匆食完後馬上埋單走人，就當自己選擇錯誤，浪費時間浪費金錢。怎知叫員工幫忙打包，這個才是重頭戲，眼見該員工把食物放在一旁就行開咗， 繼而見到其他人行嚟行去，但沒有人幫忙打包，或想處理，又過了幾分鐘，只有再叫該員工幫忙，此刻佢先想起這個被遺忘嘅食物。最後我同佢講，只想佢知道下次不要這樣，點知佢即刻叫第二個同事過嚟處理...我！ 佢用英文同個同事講，「You see, she is angry! 」我以為個同事唔識廣東話，所以預備用英文同佢講一次，點知佢用純正廣東話同我

今日同朋友去沙田食lunch🥘，我朋友話呢間嘅炸雞都ok, 其他食物都好食🤩🤩佢哋嘅lunch sets 都好平🥰🥰全部都是80-90蚊😆主食之前佢哋都比D前菜比我地食😆D前菜還可以😎主食個方面....我哋叫了一個蒜蓉炸雞同一個冷面，我哋等咗好耐先等到個炸雞，但是佢哋比咗原味炸雞比我哋，同佢地講之後，佢哋有比咗另一盆炸雞，今次比咗酸辣炸雞🍗😓,所以佢哋比錯兩次😓雖然D炸雞都好好食，服務態度還可以🧐冷面好好食但是唔記得影相，但是好大盆，兩個女仔食唔哂😓😓

先講一下有兩個女員工態度極差!!!兩個都係比較年輕 長髮 無戴眼鏡 一個紮馬尾 一個紮個散髻 落單時一副不願做的樣子 黑口黑面 啲眼神又啤住人咁 講嘢又細聲到同同自己講咁拎烤肉工具嚟嗰時又大大力放落嚟 啲工具仲掂晒落我罐汽水枝飲筒度😑之後個爐熄咗 舉手搵店員 又當睇唔到行走咗最過份係一行埋去另一個戴耳環有紋身嘅男員工度 就成個唔同晒一齊嘻嘻哈哈 大聲講笑 仲打打鬧鬧 拍晒背脊 攬晒膊頭咁 幾位你地仲返緊工㗎！.食物方面 價錢唔算貴 但味道普通叫咗個燒肉餐 啲肉普遍比較韌另一個釜飯就味道正常不過啲員工實在太差了🤢食都食得唔高興平都唔會想再嚟食