馬拉媽媽 (已結業)

i started to hunt for a good prawn noodle restaurant with a friend from malaysia. After reading all the negative comments, we are very surprise to find that Malaymama is one of the best place we have ever tried. The prawn noodle taste is very good and yummy , size is big, price is very reasonable !!! i will sure i will visit it again very soon.

我一年前去上環果間食喇沙同蝦麵, 真係同雜誌所講好好味, 蝦麵個湯好濃蝦味, 食完仲成日掛住想食多次第二次, 去上環果間係幾個月後既事, 不過d湯已經唔同哂, 好淡, 完全好似去左另一間食咁第三次, 前日去銅鑼灣食, d湯冇味, 好普通既一間麵店咁...可能個師傅已經冇0係度做喇...又或者轉左手...而家佢兩間既質素都咁差, 等執啦!!

上星期日去咗铜鑼灣果間馬拉媽媽食晚飯，叫咗倆碗特色喇沙同一碗傳統蝦麵再加倆份咖吔多士，仲有倆杯原全無味嘅青檸梳打。特色喇沙先到試了一啖已經覺得唔喺好惦什麼椰香味都無，果倆隻蝦又喺一啲鮮味都無，都唔知佢點收人五十幾蚊碗。講到啲咖吔多士又喺一絕，咖吔又少又無香味啲多士又濕又淋一啲味都無。戲肉出場了，蝦麵到啦！我只食了一啖麵同飲了啖燙就成碗無食過，真喺離晒大譜，啲燙就同滾水一樣原全無味而啲麵又未淋直情喺唔食得！我叫個老細埋嚟同佢講啲嘢好難食要佢取消咗個蝦麵，但他死都話唔得因為已經入咗單，我回應話”唔得米算囉我以後都唔會再嚟呀！”他聽到後就話”不如我送啲串燒比你地食呀！”超，當時已經一肚氣啦仲食得落？今時今日咁嘅服務態度，真喺飛常唔惦！我以後都一定唔會再去。

我只係食過一次好好食既蝦麵同喇沙,好濃既蝦湯正到爆, 第二次食完全冇蝦味, 第三次去銅鑼灣果間.......可以講係冇味既蝦麵.....原本好好食架, 不過已經係一年前既事, 而家....等執啦

Malaymama 係我一直想試o既食肆之一. 呢度係食麵為主，我就選擇o左蝦麵。麵送上來後先呷一口湯.....嘩，非比尋常地鮮甜！先感覺到的是非常濃郁的蝦味，其後的是辣味的湧現，很有層次感。麵身亦不錯，彈牙而富有口感。翌日晚上咁o岩睇到某飲食節目介紹此店，果真用上蝦肉、雞同蝦殼去熬湯，怪不得如此鮮味。三十多元一碗麵，，從食物的質素來說的確物有所值，有機會會再黎試其它款式的麵。

去開銅鑼灣,本來想去沙嗲王,點知話搬去對面要八月頭先開幕,於是乎在附近找有什麼好食。來到呢間,叫了傳統喇沙同咖喱雞烤餅餐同友人兩個一齊食。喇沙計埋呢次本人食過三次,亦唔知咩係正宗既味道,不過呢次係最無味既,得個辣字,又無椰子香味。之前食個兩次都好好多,尤其第一次係尖咀世華茶餐廳食係最好味既,仲有唔同既計俾你揀。至於個咖喱雞仲更加唔掂,碟野好細好少,賣相又肉酸,衰d講句,望落去似餵狗多d....唉...本來都影左兩張相咖,不過既然都唔好食,都費時花時間去整,算罷啦~~p.s.呀!仲要提提個環境,我地坐係到個陣,見到兩隻大烏"英"係到飛飛下,驚驚!~~!

印象中上環都有幾間喇沙店，孖沙街有兩間，本來想試試MASALA，碰著落場時間，就試試馬拉媽媽。幾光猛的少店，就只得偶這檯客，選擇唔算多，都是海鮮啦沙、傳統啦沙、蝦啦沙。叫了蝦啦沙，阿姐問要油麵定米粉，偶說要兩溝的，滲滲麻當然是兩溝的啦。湯底是椰汁咖哩湯，滲著陣陣椰奶香，幾濃但唔算杰身，可惜的是無香葉添加，層次感不足，幾失敗，愈食愈大汗，阿姐問好辣乎？偶道，唔辣，天生吃辣即「飆汗」，的確，此品一點也不辣，偶怕辣之人亦可吃個精光。

今日晏晝一個人食飯，就去銅鑼灣間食。我叫一份海南雞飯($45包一杯熱飮，一碟菜同一碗湯)，我另外加$4轉杯青檸梳打，價錢唔算貴，但食物質素就…>___<海南雞-- 碟雞係幾大碟，但唔係因為份量多，只係佢切得太大件，男仔都未必可以放得哂入口咬，女仔就更加食得論盡。仲有最唔掂係唔知點解d雞可以斬到咁多碎骨，唔單止賣相唔好睇，食起上都好煩生菜–又係一大棵咁上，叫人點食呀湯–完全冇味，如果唔係見到有舊冬瓜，我會以為係水青檸梳打–又係冇味水，又唔甜又唔酸，係公司自己檸水都好飮過佢多多聲至於d店員服務態度都不過不失喇，係其中女侍應唔係咁好，因為佢好喜歡望住d客食，令我好反感，d客亦會好唔舒服。

尋日去銅鑼灣，諗食試下d新野﹗行到呢間店舖門口，好似有好多雜誌、報紙訪問過，因而被騙了入去。入到去只有大概5枱人，其餘的枱，雖沒有人，但仲未執枱。唉我們座的枱雖然是非吸煙，但係後面o個枱人一路食煙，我望到佢\既枱都係非吸煙，我見到佢\同d waitress 熟，d waitress成日都行埋同佢\地傾計，可能係咁，所以d waitress 警告佢\ ﹗d waitress 一d都professional，套制服係有頂帽，佢\帶到歪哂，以為自己型。講到野食﹗真係差到離譜，以為自己食緊垃圾﹗d喇沙完全唔特別﹗d雞絲又唔新鮮。個乾麵仲離譜，嘩﹗我從未試過咁難食既麵﹗點俾得人食架？﹗我完住無掂過﹗大家食住千萬不要試這間食店﹗﹗

和男友經過銅鑼灣的「馬拉媽媽」諗住試下。兩個人，叫左喇沙、肉骨茶及青檸梳打。喇沙的味道勉強ok，但配料很少，而且配料中的茄子，好似唔多熟，幾難吃。肉骨茶味似鹵水，青檸梳打又唔夠甜，唔會再去了。

我去ge係銅鑼灣分店...同朋友一行5人搵野食,開左一段日子都未試過咪走入去試下囉!!我地叫左5個餐+一個尤魚通菜...服務唔算好差ge...不過食物就真係好心照囉諗住食咖哩雞最穩陣啦,點知勁難食份量又少...但係每個餐好似成40蚊,咁ge份量比小朋友應該都會夠飽囉,雞就得3舊仲要好細舊冇肉食,雞貴咁飯都唔係好值錢者...點知都係勁少!!可能係我大食啦...叫左杯凍檸蜜仲要有浮游物!!都係飲罐裝汽水算喇!!我覺得貴唔係問題囉,貴得黎好食先有道理架麻!!咁ge價錢+咁ge質數絕對絕對唔會有下次囉

My colleagues and i went to this restaurant because the one we originally intended to go \"Katong Laksa\" was very crowded while Malaymama wasn\'t. We should have queued up instead! The food at Malaymama was horrible. I have eaten many Laksa\'s in Hong Kong, none so far compares with the real stuff in Singapore or Malaysis, but this is by far the worst. The soup had no shrimp flavor just salt and coconut and the seafood wasn\'t fresh at all. The lime juice was seven up with a few drops of l

去中央圖書館之前,襯tea time無咁多人1個人黎食叫左個tea set~傳統喇沙$28+凍奶茶$7碗喇沙要左油麵+米粉,兩溝,碗喇沙好細碗,又好少送,得3隻蝦仔,2小條茄子,2粒豆卜,小小雞絲,菇同芽菜雖然湯底都ok鮮味,但我會覺得唔夠椰汁味,我like濃味d如果以tea既份量都ok既~但同樣份量賣$38的話就略貴啦杯凍奶茶極度難飲~甜過糖水雖然無收加一,但碗喇沙實在太普通,應該無下次

點了兩份午餐，一份無來，一份來錯。侍應不熟手，服務態度頗差. 低處未算低，冇記性又扮勁落單全錯.叻沙無味，叫拒加辣又忘記，後加辣成碗辣椒油落下去就算. 湯底垃圾,好稀,無椰香.二字記之: 垃圾

今日（30/4）中午十二點幾行經上環孖沙街，腦海中浮現一間食店，同男友行一行見到哩間馬拉媽媽，望一望個招牌，好熟口面，係啦！之前想黎食，機會來也．男友：特式蝦湯米粉HK$53－湯底好濃，蝦湯黎喎！材料有大蝦，魚片，豬肉；蝦大隻得黎好鮮甜，米粉好幼滑，容易入口，滑嘟嘟．阿M：傳統喇沙河粉（少辣）HK$35－材料有鮮蝦，魚片，豆卜，茄子，個湯底散發住好香既椰汁味，河粉好爽口．我見隔離果碗，有ｄ驚，如果食到辣應該會覺得幾正！果個唔知係唔係老闆，招呼幾好，入到去介紹店舖之最，有問必答，店舖細細，二十多個座位，有外國人，國語人都黎幫襯，座無虛席．