馬華餐廳 (已結業)

重開後第三次光顧，終於有點回復以前的味道。今天聖誕節，叫了聖誕大餐，主菜是牛柳拼火雞。雖然主菜賣相不大吸引，但牛柳好味，軟軟的，有以前的好質素。火雞則只有一少片，有點失望。另外亦叫了焗芝士雞球飯，好好味！炒飯底好香，汁不咸，雞亦滑。會再光顧！！

幫襯左十幾年，覺得唔錯嘅。裝修完開張嘅頭幾日，我就去幫襯，頭幾日嘅食物質素麻麻地，但係員工依然咁有禮貌。可能頭幾日啱啱開張無耐 水準未能即刻回到之前咁嘅。咁我就過左一個月再去啦，感覺到食物質素已經同以前一樣 有返以前嘅味道 有啲菜式甚至比以前更加好我見夜晚仲好旺 啲伙記好落力咁招呼客人雖然有人認為d野好差好垃圾，招呼不周，其實有冇諗過係人地啱啱重開無耐 未能即時回到狀態，不如比少少時間人地，過多一排再去幫襯，睇下係咪正如我所講 係有改善嘅希望大家唔好以片面之詞咁踩人地，話曬人地做左咁耐 都唔係無原因嘅，如果真係咁差 就唔會做到咁耐啦 係咪先？其他未食過嘅人 不妨去試試個人認為啲扒好好食

晚上去食海南雞飯餐，咖喱牛腩飯，沙爹半打。點餐後唔夠2分鐘想轉咖喱牛腩煲餐，點知個女收銀（唔知係咪老闆娘）冷語一句：「打左啦喔」😒算數⋯⋯之後好似有一群6-7位客入黎，嗰女收銀走黎叫我轉檯坐卡位，想我俾張4人檯佢。我以其人之道 還治其人之身，一句「頭先叫你轉嗰餐你又唔轉！」一於采佢都傻！講番d食物，（1）海南雞似麻油雞多d，沒有海南雞味（2）牛腩又靱又臊（3）沙爹豬肉無里味道，求其一條豬肉串上竹支烤一烤嗰種，牛肉都差唔幾！總結，食物唔好食，服務態度差！什麼老字號餐廳......「永不錄用」者也🙅🏻‍♀️

今日去試下佢，點知食食下個飯有條長1cm 寬0.1mm 到疊埋既鐵線，好在咬咬下覺得是骨咁嘔出來者。。同侍應講左聲就算諗住。。繼續食。點知又比我見到第二條鐵線！差不多長同又是疊埋既係飯入面。。心諗頂，想食死人咩！ 頂佢唔順叫佢換。。食下一碟時都驚驚地。。比佢收埋左無影到相！！！但最後都是佢地換左碟頭飯就算，我最後都叫左個平少少既餐都無減番錢比我。。今次是最後一次來！ 只是來過兩次，估唔到佢地品質管理咁差。。失望

長期常客的我們終於等到它重開，以往馬華食物好吃，價錢經濟。所以重開後期望更高。可是，第一次再去吃牛柳餐，牛柳好硬，明顯不是以往好貨源。馬華窩麵亦比以前細碗了。。第二次再去吃燴雞球意粉，但整碟意粉是凍的！！！！包括雞球！！很失望。。。。不知會否有第三次。。。。。

第一篇食評由呢間九流餐廳開始😡首先我同我先生一入去...冇人招呼冇人帶位...唔講仲以為去左連鎖快餐店嗌左好幾次兩位...終於有張檯俾我地🙄...但由於係大檯...當有6-7位客人入黎既時候..我地被要求轉檯...我地亦好合作...但奉勸一句：千。祈。唔。好。坐。卡。位。我成晚就俾後面位大叔撞過無數次...想安樂食餐飯都咁難講番野食..絕對係比連鎖快餐更為差差差差差...第一落錯單...我叫焗芝士意粉..黎左個肉醬意粉..問個阿姐...佢好似芝士同肉醬都唔識分..遊緊雲咁..等左45分鐘..所謂既芝士意粉黎到..原來係一pet白色既汁撈埋再拎入去焗...零芝士味..難食到一個點🤮46$俾多佢我先生叫扒餐..無食..不願置評再講番d員工..9成對客人都係視若無睹..嗌左5-6次都冇人應..視線只有直線..側邊既人完全係被無視收銀個個中短髮阿姐仲衰..我地俾完錢..找錢個陣掉番落個銀色兜到...基本一句多謝都冇...今時今日咁既服務態度......唉如果可以...我係會俾負分..0分都俾多佢真係好想問句：憑乜野佢地可以收10%加一服務費😤

對於南洋咖哩一直情有獨鍾，香港整得好食嘅店舖寥寥可數，日前路經佐敦，與太太想起此店咖哩，隨即幫襯，過往幫襯過幾次，質素仍然不變，服務質素同樣無進步，不過只係食個幾十蚊嘅咖哩牛脷飯，對服務，我無甚要求，但當我食到半路中途，一隻超大曱甴由卡位牆邊爬出嚟，太太尖叫，隨即與我一起彈開（利申：我倆是怕曱甴之人），有職員上前捉曱甴，可惜捉唔到，去咗隔離，職員只係捉咗三十秒，見唔到隻嘢，當無事發生走咗去，無諗過解決佢，要我再出聲先至積極啲捉走佢，最後，我哋都係自己調位，拿拿聲食完走人；到叫埋單，應咗你，之後又無下文，唯有自己出去櫃枱畀錢。今次係本人第一次寫食評，估唔到係投訴，其實出發點係愛之心責之切，唔想一間老店沒落，而且話哂遊客區，唔好影響香港，唔好失去我心中最好味嘅南洋咖哩。

這食店舖位應該屬於餐廳，因為不用交租，店內食品也不算太昂貴，懷舊的裝修幾十年一點兒也沒變。有紅湯及白湯選擇，羅宋湯材料豐富，味道香濃，少少辣配蕃茄味，頂級醒胃。現時只有部分餐廳，套餐餐湯包麵包及牛油， 麵包鬆軟，牛油香滑，絕配。 炸帶子配西冷牛扒，大大塊，好淋好好味。選擇了薯菜，蘿蔔都係曲曲切，廚師好有心思。朋友點了大蝦牛仔柳配蔬菜沙律， 大蝦樣子好新鮮，沙律份量好豐富。最後大家點了凍檸茶及熱檸茶，正常發揮。

標題這四個字，可說是我兩口子吃完這頓飯後的心聲....這一間"馬華"，絕對可算是區內東南亞菜餐廳的老字號。記起在小時已看到過這灰銀色的招牌了，但今一次卻只是我這個舊街坊第一次到來吃....想不到，這是小弟在此的第一次，但也應當是最後的一次....今天的胃口不佳，一個人勢吃不完一整碟飯，就叫了個海南雞飯和小友共分食....飯的色水看上去跟普通的白米飯好像沒大分別，最弊的就是嗒落的味道也是如此。一點雞油及香茅香氣也欠奉，令人洩氣....雞肉也是典型的雪藏嘢，胸肉是特別的嚡口....湯也是非常的人工化，喝了一口後就放開一邊....至於太太叫的所謂的牛肉喇沙，單睇賣相就知不行了....這兒所謂的喇沙，竟只是將一大pat的沙嗲醬倒進清湯米粉中.... 光看賣相，已知不太對勁....那一堆牛肉，咬了一塊，味如嚼臘像在食一件淰了的橡膠般....邊食邊在搖頭，差不多搖到頭也甩掉了....

朋友吾講我也不知原來呢間係老字號餐廳，之前都嚟過一次，食物及環境都不錯……今午嚟食下午茶，雖然要加一，但炒粉麵食比有啲茶餐廳有保証d，且靜啲坐得舒服啲……今午叫咗兩個下午茶餐~炒貴刁及乾炒豬扒意粉，飲了好立克……炒貴刁~味道好，加了火腿絲、雞蛋絲，微辣有風味乾炒豬扒意粉~豬扒夠腍又好味，伴有洋蔥椰菜一齊炒吾單調，略多汁咗少少，但整體都係好食嘅，不過跟餐杯熱飲好似細杯咗少少……環境企理，服務是ok的

$50海南雞➕黃油飯➕例湯50蚊就有1/4隻海南雞，不過隻雞好似未熟透仲有少少紅，油飯好香；$59咖哩牛腩飯，依個就無湯或餐飲送，但咖哩好滑又唔太辣，牛腩薯仔超入味，一上台好快就清哂，所以影唔切相😝🤪$59咕嚕肉➕白飯➕例湯➕餐飲咕嚕肉味道偏酸$59魚香茄子➕白飯➕例湯➕餐飲好重咸魚香味少少辣，送飯一流$59沙嗲牛肉炒時菜➕白飯➕例湯➕餐飲唔會好重味，菜好多👍🏻湯好好飲，唔會好重味精，個個都好鐘意飲

同朋友仔第一次泥食午餐焗吞拿魚飯烤得幾香、芝士 脆有口感、加埋蛋香 雖然白汁咸左啲，但個飯香西冷牛扒餐湯 係標準羅宋湯，份量略少，但濃淡相宜西冷牛排，唔會太韌，同蒜汁配搭幾唔錯。可能正直繁忙時 侍應態度不佳，餐桌還急不及清潔，落完單秒速閃開， 未喝完嘅羅未湯都迅速被收走，環境方面，主題係懷舊冰室，餐桌簡潔復古，幾得意

是日在佐敦食lunch, 之前有來過馬華覺得環境幾得意, 今日再來, 見門口menu, set lunch都抵食, 就入去試吓...飲品要了一杯出面較少有的谷古, 都唔錯... 唔會苦, 幾好味~ 啱我鍾意濃朱古力既人~但食物出品就真係要彈@@ 你睇呢個焗飯, 燶到不行~焗豬扒意照計呢間點整好多年, 一上枱, 我都哇咗一聲.... 心諗, 燶到咁, 點食?!苦苦挑起晒d焦, 已真係無咩心機食, 就是一般的焗豬, 不過件豬有沾粉炸過先焗係好味的~蒜蓉汁牛扒飯, 要咗全熟, 唔算un, 只係咸咗些少, 以價錢計可以接受~

馬華餐廳是開業已近50年的老店，在佐敦道屹立多年。今天經過見午餐價錢異常便宜(好比大家樂，美心的午市價，比翠華便宜最少3成)就跑進去懷舊一番!入內見裝修跟之前的改變是光猛了及有一種既懷舊又摩登的感觉。點了煎龍脷鱼午餐。因為不想吃炸物就放棄是炸薯條的薯菜。改為選了蒜蓉汁配意粉加至愛的凍檸檬茶。湯選了菜多的羅宋湯。煎龍脷最忌的魚腥味一點也沒有。用蛋漿沾粉煎香，不錯!蒜蓉汁很濃配意粉非常美味。羅宋湯有點辣但也應要求多给湯渣，味道很好!檸檬茶的茶味也香!香港現存老店因經營環境困難已買少見少。有質素又價錢合理的老店應多加支持!

晚上去了佐敦食晚飯，是我經常去食的馬華餐廳，叫了個鮮茄牛肉會意粉，牛肉真係好香又多肉汁，配充滿鮮茄香的意粉令意粉更美味，番茄都好多，好快食兩口便食完，下次再來食過，我又會再叫多一次，表達我愛吃意粉。