馬華餐廳 (已結業)

一個中午，在附近辦了點事後，已到午飯時候，趁著還未加班工作的空檔，就帶太太來到這間位於佐敦道的老字號星馬餐廳「馬華餐廳」吃了一頓午餐。其實，這間屹立於區內的餐廳已有多年歷史，打從小時候家人帶我外出開始，它已在此營業，不過我在這餐廳吃飯就確是絕無僅有，對上一次來的時候，都不知有多少年了。 餐廳環境一般，冷氣也不十分夠，可菜式的價錢就比想像中便宜，從午餐到大部分餐牌內的其他菜式，價錢大都合理，相宜。翻開封面有點殘舊，但帶著濃濃星馬色彩的餐牌，其實當中最吸引我的首推「海南雞飯」，不過這天天氣炎熱，「海南雞飯」又不包飲品，只得熱湯，就令我改變初衷，改點「葡汁焗飯套餐」中的「焗葡汁雞飯」（$53）做午餐。 在呷著率先送來的走甜「凍檸水」的時候，需要等待十來分鐘，即叫即焗，熱氣騰騰的「焗葡汁雞飯」已經送到。稍候片刻，等到焗飯放涼一點，這午餐隨即正式開始。 這飯值得一讚的地方是雞件甚為嫩滑，即使雞胸位置也並不粗嚡，雖然雞件不多，仍能讓人滿意。焗飯飯質稍硬，不算很好，幸好葡汁都算香甜，伴飯來吃，也算開胃。匆匆吃過這葡國雞餐，別過太太，要加班工作了。這老字號的海南雞，就留待不知何年何月的下一次才吃吧！

restaurant of south east Asia food had dinner with a friend Wanted to celebrate his birthday But he was ok with Malaysian Chinese Restaurant A inexpensive way to celebrate 🎉 my Hoi nam chicken rice 50$ something But not good at all Chicken Full of iced smell Meat Tasteless yet The birthday man star Ordered a hundred $Steak Black pepper sauce The biggest beef in Tst plus Jordan he prayed for the size and my fellowship the steak was Chinese way seasoned beef Ok I still appreciated the way they did

好多年前去過，但最近再去覺得出品好一般。勝在分量多，有懷舊，傳統味道，價錢又適中。但係 d員工好nice, 好有耐性，值得一讚。所以我會再去過，俾多次機會佢。雞皇飯，大大碟。可惜味道一般，無話特別香奶油味咁，偏淡，但好在雞算滑。正正常常咁囉，唔係難食。焗葡汁魚飯，即叫即做，可惜味道都係一般。魚柳係炸過既，大大件，不過好彩又唔會好油膩，所以 okay. 另外叫咗焗葡汁雞飯外賣，d雞竟然係切雞，唔係雞柳，有 d失望。

很多年前，光顧過馬華餐廳，印像是2008年。當時，在理工大學上完一個課程，便和Honey到這裡吃午飯。那個海南雞飯，好好味，印像很深。所以，今天經過佐敦道，就重臨舊地。馬華餐廳是一間舊式的餐廳，就如花園餐廳一樣。正因為餐廳歷史舊，以為食物質素好，才能維持下去的。沒想到，這裏的食物比以前差了很多！很多！海南雞飯餐，例湯是豬骨煲霸王花湯。湯很肥膩，上面是一點一點白色的肥，湯只是和和暖；而雞肉是凍的(雖然海南鷄不是熱騰騰的熱食)，但是，鷄肉像從雪櫃攞岀來般；鷄肉不嫩，又鹹！我叫了鐵板鴛鴦扒，同樣是熱度不夠。是鐵板啊！但是，上桌時溫度居然是溫溫吞吞的！黑椒汁已有上面，根本感受不到，何以｢鐵板｣？餐湯｢又｣是溫呑呑的。任何一種食物(中西湯、肉、飯)，都是微溫！我不是嘴刁的人，所寫的食評，絶大部分都是讚的。而這間久違了的餐廳，特意來舊地重臨。沒想到，如此失望！！

If you've ever enjoyed actual Malaysian food, you probably won't have a good meal here. I ordered the Hainan chicken rice and it did not taste like anything you would find in Malaysia.

在佐敦，想安安靜靜的吃過午餐，馬華餐廳肯定是不二之選。羅宋湯是古祖的味道，帶點酸，非常醒胃。如果能跟個暖暖餐包，及冰凍牛油，就更完美啦！泰式海鲜炒河粉，用料非常新鲜，竟然还有几粒蠔咬下。但不够辣，可能为了将就大部份香港人口味吧。不过＄46蚊一个餐，真系你想掂？泰式海鮮炒河粉

這間餐廳的年紀, 肯定大過我, 讀小學的時候已經去過食飯, 當時聽過人講, 餐廳已經開咗廿年以上.餐牌仍然十分經典, 馬華... 是馬來西亞的華人, 應該都是老闆的國藉吧.平時的晚上, 客不多, 坐了一個可以望門口和街道的位置, 剛巧又有一班旅遊人士隨尾入內.天氣熱, 看看餐牌, 啤酒屬合理價錢, 大枝裝都是三十元, 是大排檔價位.一個人..., 要細枝裝好了, 店員拿來杯和啤酒, 可惜玻璃杯無雪過, 為免影響冰凍度, 不要杯, 用樽直接飲...多種咖哩飯選擇, 餐牌上的價格, 發現... 咖哩豬竟然貴過咖哩牛和咖哩雞, 還貴過咖哩魚... 咁奇異, 就咖哩豬吧...上檯時的賣相, 你一定不會滿意, 白色普通過普通的平平瓦碟, 載著兩塊薄身豬扒, 咖哩汁中可見一些洋蔥.近鏡... 無甚特別, 但看到細微的沙粒狀態的咖哩醬汁, 這是我最愛的馬來西亞咖哩, 我特別喜歡椰漿味特重, 加上綿中帶沙的質感, 單是醬汁, 便可送兩碗白飯.豬扒的水準, 七十分吧, 不是最好, 也不差, 質感偏軟但不太淋, 以豬扒而言, 我還是喜歡粗糙一點的口感.白飯, 中大型份量, 唔夠熱... 是常識吧...

入到餐廳，好有懷舊感覺，試咗個馬來套餐，每款餸都覺有味道，咖喱雞好鬆軟入味，沙嗲串燒豬肉，都算有肉汁，不會感覺太乾身，最特別係個酸辣湯，入口感覺甜甜地，但慢慢個辣味濃濃咁散發出嚟，勁辣但值得一飲再飲。

第一次光顧為於佐敦既「馬華餐廳」，有外國朋友黎香港玩，順便探下我，咁我就梗係帶佢去食下D亞洲野啦，見到呢間餐廳有英文餐牌，就打算帶佢黎試下。坐低之後，見到餐牌有中英對照，除左一版，幾乎係全英文既，心諗，呢版一定只係俾外國人睇，咁應該香港人係唔啱食既，但係既然朋友想試，就試下啦，最後叫左個海南雞飯同埋馬來特製大餐。海南雞飯: 望落似係正正常常，有湯有雞有油飯，雞肉嫩有雞味，但係油飯唔夠油香味，亦都比較硬身，湯入味得黎唔會覺得好鹹，外國朋友就梗係覺得好味好特別，但我就覺得好一般。馬來特製大餐: 呢個馬來特製大餐先係經典，有酸辣湯配餐包，沙爹豬肉串，參巴醬炒蝦，咖喱雞飯配蛋，仲配埋咖啡或茶。對於外國人黎講，呢個組合就真係好正常，但係對於香港人黎講，就梗係唔係啦。酸辣湯配餐包，真係有點兒不倫不類，不過，個湯酸酸地辣辣地，都幾開胃，不過我就嫌佢味道過濃，可能真係適合外國人多D。沙爹豬肉串味道尚可，可惜有點兒overcooked，不過沙爹醬都幾好味，我地已經係食物黎到時即食，都覺得佢唔夠熱，咁究竟整完幾耐先拎俾我地食呢? 參巴醬炒蝦真係完全唔OK，有少少似外國人整既sweet n sour，味道不

每年聖誕節 全家人都會去老字號馬華餐廳食晚餐 已經食咗好多年了今年生日 全家人再次來到馬華餐廳慶祝生日咁岩今日落雨 同6點 入面唔係好多食客 menu有好多choices可選擇 焗 鐵板 咖喱…而我就叫什扒餐($87+10%) 有餐包 湯 同餐茶. 餐包雖然普通 但好好味 馬華餐廳唔係叮d餐包 而係用類似暖箱令d餐包熱 令到d包好好味 好厚實 好想要多個 羅宋湯保持水準 一樣好味 好多料到最重要既鐵板什扒 淋上黑椒汁 雖然d扒唔好期待有幾厚 但勝住好淋 而且份量夠大 有豬扒 牛扒 雞槌 腸仔 火腿 薯菜 食完好full了 好抵食

上次幫襯完馬華後，今日再次經過幫襯下午茶，上次食過西多加腸，今次就改食番個飯同三文治，肥柑太叫左揚州炒飯，我自己就叫左個公司治，再跟餐叫左咖啡同奶茶。個揚州炒飯幾大碟下，有少少鍋燶，但份量足夠，以三十幾蚊既價錢比較出面一般茶餐廳，真係無呃到料。食落唔似出面落好重味精，入面材料齊全，有蝦有叉燒同蛋，唯一美中不足，就係個飯既蛋底不足，食落就唔係太香口。公司治好大份，足料到爆，由多士開始計，炒蛋、豬扒、蕃茄、火腿、雞肉、青瓜，足足有三吋以上厚，食料亦新鮮，好似蕃茄係新鮮有汁，豬扒同雞肉都係熱既，味道方面就唔錯，但因為太大件，一唔小心食既話，就會跌左D配料出黎，我食食下都唔覺意跌左件雞肉。最後就係佢地既熱飲，最簡單既咖啡同奶茶，但出面做飲食，就往往忽略最簡單既野，呢度既熱飲首先要讚就係個杯，一摸就發覺成個杯都係好熱，同埋第一啖飲果陣成杯野飲都Keep住好熱，出面無心機沖既熱飲，好多時沖完出黎，到個客到，已經因為個杯唔熱或者沖既水唔係滾既關係，溫度低左好多，搞到成杯野飲既味道都唔同晒，呢度就唔會有呢個問題，起碼你要飲到一杯，先發覺杯啡開始凍。同埋佢地沖既咖啡雖然有少少燶味，但入口就唔覺得係煮燶左

佐敦呢區有好多老字號既食店，平時肥柑子都會去試不同既老店，希望搵到一間可以長期幫襯既，今次幫襯呢間馬華餐廳。果日入到去比較肚餓，就叫左份茶餐，西多配司華力腸，餐到時發覺幾有驚喜。雖然賣相唔好，但睇到佢地炸塊西多係剛剛炸到淺金黃色就收手，有心機留意塊西多炸到剛好就上碟，咬入口皮脆內嫩，大大塊好填肚。而條腸先係一絕呀，好有心機去切開，再放入油鍋去炸，炸到脆脆地上碟，平時係出面食炸司華力腸，切幾刀既情況幾常見，但切十幾廿刀先囉去炸，將條腸炸到變海蔘咁，就真係絕無僅有。亦因為切得好，炸一陣上碟時，表面係脆既而入面就好熱，層皮唔燶之餘，仲脆脆地，一啖咬落去，咬到熱辣辣既肉到，感覺真係有少少似食海蔘。平平凡凡食一個茶餐，最後味道同功夫上都畀到驚喜我，真係值得再黎試過。

很久之前都到過馬華餐廳, 覺得大件抵食, 但今次再到馬華, 叫了一個海南雞飯, 一上檯見到隻雞細得可憐, 感覺唔飽肚, 中湯的都是味精湯, 沒太大特別, 另外油雞飯的飯都比較硬身, 本人喜歡吃比較香軟的飯, 就感到不太適合, 總括都是沒有以前的抵飯, 希望老店能作出改善.

上環多野食, 佐敦都好多... 今次黎到老字號既餐廳, 一早search過係一間星馬菜既餐廳。特登order星馬菜... 馬來特製大餐:羅宋湯足料, 帶點點辣, 開胃, 配上餐包一個。Pork Satay4串, SATAY味剛好, 豬肉有咬口, 配有青瓜, 清新可口。Sambal Shrimps最初係唔知咩黎, 以為上錯左, 後來發現就係蝦 汁係甜, 有波羅, 青椒等配菜, 相比下蝦較為不突出。汁用黎送飯一流。Curry Chicken & Eggs with Rice大餐入面呢個顯得失色, 真係CURRY 雞脾同一隻雞蛋, 再加D飯咁... 普通左D... CURRY味不夠。另外叫左一個燴牛脷意粉。這個汁甜甜的, 帶出牛脷的味道, 茶餐廳水準。

一間老字號的餐廳, 好耐沒有來了, 舊式的裝飾, 佈置都沒有什麼改變; 我地叫左咖哩牛腩飯, 海南雞飯及串燒; 咖哩牛腩飯的牛腩好林, 份量好足, 咖哩汁好香好濃; 海南雞飯就一般, 因為雞肉有d 紅色, 好似生生地未熟; 串燒牛和豬肉都ok, 鐵板上, 加埋個沙爹汁配埋d 生青爪, 好夾, 唔錯!