馬華餐廳 (已結業)

上周到佐敦的「馬華餐廳」吃了一頓不是很美味但廉價的晚餐。$55一個套餐，包括：餐湯、主菜、甜品及餐飲。我們選了“羊扒配薯菜”、“雪魚豬扒配白飯”醬汁也有多個選擇：咖哩、蒜茸、黑椒、燒汁等我們選了“咖哩”，好喜歡這個“咖哩汁”呀!! 我把它整個吃掉，無錯是「吃掉」，因為除了汁外，裡面有好多好好吃的「渣」好香的。至於主菜，最初來了以後，我真的很不滿，一來買相很醜，一點吸引力也沒有；二來分量實在太少了。但可能正值減肥胃口小了很多，竟然不能把它幹掉。至於食物的味道，“雪魚”好腥；“豬扒”一般；“羊扒”的羶味十足，喜歡羊羶的我，就非常欣賞。吃完主菜後，還有一個美味的「雪妮嗱冰淇淋」及熱咖啡。不過，以$55一個晚市套餐，其實也蠻OK。如果想吃好一點，只要付多一點$主菜會豐富得多。

上星期同朋友嚟食晚飯,朋友叫左個豉椒排骨炒河,我叫左個大蝦併雞扒餐.個豉椒排骨炒河都夠獲氣,但味道普通.我個大蝦併雞扒隻大蝦就好細隻,雞扒就OK啦,總算不過不失啦.

星期日去左呢度食晏, 冇叫呢度出名o既咖哩. 叫左:1. 粟米斑腩反- 碟頭唔細, 有十多件魚, 粟米汁好味, 魚唔腥, 個湯係老火木瓜湯, 唔錯喎.2. 鮮茄排骨焗反- 雖然碟頭好大, 不過個汁好酸同比較鹹... 排骨?? 點解變左吉列豬扒o既??? 件扒好乾, 冇咩好感... 係度見到個武打明星劉家輝食晏其實個服務都幾好架, 個環境又懷舊, 牆上裝飾係髹磁漆架, 掂呀...

從前並不常到馬華，因為不常在佐敦一帶出入，反而經常到旺角『新馬華』，只因交通方便，而且『新馬華』味道很好，幾成不二之選。近年所謂經濟復蘇，並不是所有行業得益，多年老店『新馬華』逼遷後再因瘋狂加租結業，令我等食客只能嘆氣。在朋友提議下，去試試『馬華』，同樣是老店，應該不會太差。幾個月來的光顧，證實了味道仍然不錯: 馬來大餐的咖哩、串燒的沙嗲是真正的馬來風味( 多年前在檳城吃過) ，扒類也不算太差，但『新馬華』更好，有些菜色上桌時已經變冷，這點如改善可以更好，價錢不算貴，這種味道還算是很合理。

馬華餐廳好耐歷史海南雞飯參乜牛肉(豬肉或海鮮)咖喱牛肉(牛腩)飯鮮茄牛肉意粉干炒牛河雪糕紅豆冰以上係我常常叫的食品,而家已經差好多,上一手嘅馬華重好!

呢日我地來到佐敦比較靜個邊。我地初時以為呢間野都貴貴地，但原來同一般ｄ茶餐廳差唔多。我地叫左兩個晚餐，一個係鴕鳥扒加雞扒，另一個就係鴨胸寬條麵。咁一個餐，就梗有湯同餐飲啦，點知佢又無啦啦送三隻雞翼，我地諗兩個餐咪成六隻！個阿姐話可以轉餐包，咁都係轉啦。隻雞中翼原來唔係好大隻，同一般ｄ茶餐廳雞翼差唔多，但係我都係鍾意餐包多ｄ。至於個餐就一般啦，個鴕鳥扒同雞扒都幾腍，佢有個叫做免翁汁既汁，唔小心會講左：我要mi..翁汁呀！但係個汁就唔算太mignon啦，好似唔辣既黑椒汁咁。個寬條麵仲好短囉，唔知點解可以「筆」來食既。呢間野開到成一點鐘，想唔話佢係茶餐廳都唔得。

昨晚本應到別處開餐的,但那裡休息一天,忽然見到"馬華"即想起前天看過openrice有好多好評喎,就是此家嗎? 因我不太記得地址,於是想一試馬來風味餐入到去,bf見隔鄰的沙爹好吸引喎,我們order了海南雞飯,不錯呀,個例湯,都好飲呀,bf話應無加味精的,京都肉排餐,好味呀,d波羅不是罐頭的(記得食評有人講過),好食喎,本想order沙爹串,但又想試下參乜朱肉片(聽店員講參乜是香料來的), 不錯呀,就連蕃茄,青瓜,波羅都全部吃掉,個汁同d料好夾呀,我覺得呢度d野食好地度呀,喜歡食沙爹的食客,不妨一試呀,希望日後會有更多人欣賞此餐廳啦,不想它被忽略呀,想起一句"....在燈火欄柵處",通常d好野其實已在你身邊,只不過你無去留意者,哈哈

好耐之前食過前排特登再去食海南雞飯!不錯! 雞皮下有O者喱~ 滑~ 雞味都夠! 飯唔係唔好但唔夠香同埋較淡炒馬來貴好香少少辣味好開胃!叫了個菠羅冰原來不是茶餐應一杯杯果D而係馬來一碗碗果D但非常清甜(唔係塞好多冰加好多糖水果D)唔錯一定會再食燈光暗暗有情調很愛呢家的風味

上星期屋企人話想食西餐, 於是咪近近地黎左呢度食晚飯, 其實呢間餐廳都算歷史悠久, 而馬來亞美食都算出名架, 加上近呢幾年又再裝修過, 令到個環境更加光猛, 更加舒服!一行四人, 我地分別叫左咖喱牛肉飯, 晚餐x2同埋雜扒餐! 咖喱牛肉d咖喱好香, 唔算太辣, 好有馬來亞風味, 送飯一流, 牛肉就好鬆好淋, 正呀! 晚餐有好多選擇, 而我地叫左個吉列帶子西冷同埋龍利柳! 吉列帶子西冷係我要, 吉列帶子有兩粒, 都幾好味, 一d都唔覺有雪種味, 幾好, 而西冷要左五成熟, 本來諗住d餐廳都常係你話要五成佢就比七成, 你話要七成佢就比十成, 點知佢真係比五成我, 哈哈, 有d計錯數添, 不過五成佢都整得唔差, 外面煎香入面夠鬆, 半生熟都幾好味; 而龍利柳我就冇試過喇! 雜扒餐有豬扒, 牛扒, 雞翼同腸仔, 呢個賣相唔差, 見佢地食好滋味, 應該幾正!總括黎講, 晚餐最抵食, 有餐湯有頭盤, 而頭盤仲要係炸雞中翼三隻, 仲有主菜又有餐飲, 都係$50咋! 本來仲諗住叫沙爹串燒, 好彩冇叫唔係一定食唔晒! 呢度唯一唔好就係唔收信用卡, 如果想請朋友黎呢度食飯, 記住要帶夠現金!有機會會再黎食

由彌敦道繁華街, 人車嘈雜, 忍受到夠, 走入呢個靜中帶旺一隅見到一間以馬來菜招客食店. 毫不猶疑走入去一試.卡位眾多, 實為兩口子首選, 一方想清淡, 於是乎點了瓜粒泡飯, 另一方口大食四方, 胃口奇佳, 於是三七廿一唔理咁多, 招牌菜馬來大餐, 一指中的.即使泡飯其貌不揚, 但呢個先頭部隊貨真價實, 幾乎感受不到味精同時, 一大粒一大粒節瓜東瓜菇類肉碎飯類, 足可質滿半個胃. 招呼都算唔錯, 叔叔嬸嬸服務唔似得其他港式老字號咁自以恃材傲客, 配合舊店風格環境, 有種華埠溫暖感回憶. 店內客路頗為國際化. 本地唐客比例只有一半. 如此非港化環境實在享受. 好, 大軍終於殺到, 先一大碗真辣羅宋湯, 酸味十足, 但即使開胃, 陸續報到豬牛串燒, 喇沙蝦配青紅椒, 咖喱薯仔雞肉飯更如飛殺上, 仲恐怕係咪要局部打包拎走, 好在免夫開胃程度有如蝗蟲飛過稻田, 狂風掃落葉之下, 手起叉落, 趙趙趙, 吞吞吞, 鯨吞天下不足, 完成大餐有餘, 不過, 佢都並非係牛趙牡丹, 味蕾仲係有記憶, 好似串燒汁多肉入味, 另青咖喱雞飯不其然有種'爽'感覺. 咖喱蛋事實上只有咖喱味而無蛋味, 勁.呢次, 笑

邀約與赴約。想吃的是Rojak，但只有Gado Gado：印尼雜菜沙律，有芽菜、胡蘿蔔絲、沙葛絲、蝦仁，配以特別用花生、椰糖、蒜頭、辣椒、檸檬汁、魚露等調過，酸酸甜甜、濃濃稠稠的醬汁，再加D 蝦片，再加半隻烚蛋。分量之多，足以當成午餐；味道？好raw，因為真係好raw。（有問：為什麼無星馬的囉?，反而有印尼的加多加多？「馬來西亞華僑餐廳」乎？）友人的海南雞飯，看來也中規中矩；例湯不是雞湯，而是鹹豬肉湯，看似也頗合拍。走時，發現牙籤袋上，一邊是「馬華餐廳」，一邊是「新廣南餐廳」。難怪似曾相識！

Restaurant furnishing is ordinary but food is good here, especially for the price you're expected to pay. Highly recommend the laksa with vermicelli. Vegetables are cooked fresh and not too oily. In fact, ask for a vegie dish and you will also get a big bowl of rice and clear soup (it even has some carrots and lean meat). Service is fast and efficient.

是晚同男友食左海南雞飯，雞油飯好香！雞好滑添！豬肉喇沙好香又唔太辣，我男友都爭住食呀！青檸梳打味道清新，同串燒一齊食好夾．．．半打雞肉串燒，十分香口，仲有一碟青瓜奉送配搭來食，好爽又甜！當晚食飯都幾爆，外國人都坐左幾檯，我諗我會番去多次食既！

叫左咖喱牛腩飯, d咖喱好香, 唔辣, 撈飯好正.hb 個海南雞飯就麻麻地, d雞好似白烚咁, 冇乜味, 油飯又唔香.

好好氣氛~~~