影片
港铁旺角站 E1 出口, 步行约3分钟
继续阅读
电话号码
91987189
34604111
开饭介绍
餐廳設有室內外座位、現場音樂表演，供主打厄瓜多爾及阿根廷BBQ菜式外，更提供廚師發辦選擇，讓你享受不一樣的西式晚餐。
继续阅读
附加资料
馬大廚餐廳除了提供西法菜外，更加添罕有之厄瓜多爾料理和阿根廷烤肉. 可以包場、預訂自選餐單。
营业时间
今日营业
11:30 - 23:30
星期一至日
11:30 - 23:30
以上资料只供参考，请与餐厅确认详情
-
网上订座服务暂停
招牌菜
店主兼廚師馬大廚曾在法國修廚藝,多年來踏足多個國家工作,能做出不同地方的風味菜式,味道跟一般餐廳不同.最難得是大廚很健談,喜歡與食客交流心得,每道菜都會講解其食物的特色,做法,甚至如何品嘗,令大家胃口得到滿足外,亦增進了不少.法式魚湯~一道經典名菜,也有稱為世界三大名湯之一,另外兩個為中國粵菜的高湯和泰國冬陰公湯. 馬大廚說魚湯是由多種魚打碎來燉出來,味道非常濃郁.頭盤燒墨魚配阿根廷香草汁~ 切大墨魚好彈牙,配上微辣的阿根廷香草汁,味道好夾,大大提升墨魚的鮮味.手打薯蓉好香滑,薯仔味加上一點點獨特的香草汁,好味無比.這道頭盤我覺得非常精彩.主菜美國頂級安格斯西冷牛扒~熟度剛好,外層燒香肉質粉嫩.吃落炭火味和牛肉味好濃郁, 油花豐富,是我最愛牛扒的味道.法式黑椒汁用來點薯條非常可口.另一款主菜法式油封鴨腿~馬大廚最推介的菜式,他說要焗近半小時才令鴨皮香脆,所以製作時間較長.這道油封鴨腿,皮真的好脆,比有些乳豬的皮更脆,而帶有陣陣鴨油香.鴨肉不用刀大力切已完全離骨,質地嫩而帶有少許油汁,味道香濃,非常好吃.柚子蛋糕~質地軟綿,口味清新.
继续阅读
身邊有一位朋友不停向我介紹呢間餐廳 咁啱有朋友生日 所以就係openrice book咗一齊去食飯慶祝😆😆事隔一個月都係覺得一定要寫返一篇食評比馬大廚🫶🏽因為約嘅時候喺OpenRice留咗話係生日慶祝 馬大廚竟然特登佈置左生日裝飾 同行生日嗰位朋友都好驚喜好滿意😚😚到我哋坐低咗 影咗一陣相之後 因為馬大廚知道我係朋友介紹同埋book左枱 特登出嚟同我哋傾咗幾句同埋安排今晚嘅嘢食～～果晚嘅menu係咁樣嘅😽😽前菜我地叫左油封鴨肉 黑毛豬醬酥炸石斑 同埋牛油炒田螺前菜 - 鴨肉黑毛豬醬配法包 依個前菜嘅味道絕對比佢望落去好食10倍 個醬係超多肉 同埋鴨肉嘅油香味好重好重❣️我地秒清左😎😎前菜 - 酥炸石斑 呢個前菜都係不得了 有好多蕃茄仔 蕃茄好甜 炸石斑炸到啱啱好 好酥脆 而且好有魚味另外特別想講一講 食完啲魚有好多汁淨咗 飲落去係好甜嘅蕃茄汁 起初我哋以為佢一定落咗好多糖先可以令到佢咁好飲 所以我哋一開始係冇飲晒嘅 之後馬大廚出嚟解釋俾我哋聽 佢係用咗唔同嘅蔬果榨出嚟 100%天然新鮮同埋對皮膚好好！😍😍聽完我哋三個女仔即刻飲晒🤤🤤前菜 - 田螺薯蓉依個又係另外一個好好味嘅前菜 薯蓉係滿滿嘅牛油香味 除左田螺仲有d菇😆超軟淋 上菜時 佢係啱啱焗好 仲係熱辣辣 所以我地好快就食哂🤤終於食完前菜到個湯 望落好似好普通 但個湯飲落係超濃魚味 係濃到好杰嘅魚湯 馬大廚介紹話佢係喺挪威訂啲唔同嘅魚返嚟打碎佢變成湯😯而且我地見佢menu單點一碗係$88 但套餐就包左嘅😆所以其實計番套餐好抵食‼️食咗咁多樣嘢 終於到main course 😂😂其實佢前菜嘅份量 我哋三個女仔食完已經飽咗😆😆介紹我嚟嗰位朋友 佢都有推介豬𩣑 果然係必食 好淋好淋 啖啖肉配埋焗到好淋嘅薯菜 正🤤🤤本身佢menu係跟肉醬意粉 但因為我哋已經太飽 所以就要薯菜～～第2個主菜串燒羊柳配香草飯 依樣係我最鍾意食嘅主菜👍🏾👍🏾👍🏾👍🏾超推介啊 佢個味道完全係我之前去摩洛哥旅行食嘅couscous😽😽但唔同嘅係佢係用米飯而唔係小米（細細粒圓形嗰啲） 用米飯整可以話係更加岩香港人口味 個人認為小米嗰啲口感有時唔係好知食緊啲咩😆😆而且佢個醬汁係好濃郁 同埋好惹味🤤🤤南瓜都係好淋好淋！重點係佢個羊柳係勁重羊味 鍾意食羊嘅朋友一定會鐘意😽😽我哋三個食完都大贊依道主菜👍🏾👍🏾最後一道主菜 大蝦白汁忌廉意粉 依道都係好好味🥲🥲係好味到就算我哋三個已經好飽好飽 都清左碟😚個意粉一上枱係勁香海鮮味😚大蝦燒得岩岩好 肉質超彈牙👍🏾👍🏾😚好掂！！🥲🥲最後最後 馬大廚話嗰日有Hidden Menu 甜品變左栗子雪糕😚😚我係一個平時唔食栗子甜品嘅人 最後除咗啲cream都食晒成個雪糕😆😆雪糕中間有勁多栗子粒 質地好似雪葩咁 好味😆😆下次再去會再去試埋芝士蛋糕 因為朋友超級推介😚不過果晚成餐飯都好滿意 我地食完飯後出左去露台果到食甜品 馬大廚照顧完其他客人之後 都出咗嚟同我哋一齊傾計😆知道馬大廚係外國有好多年餐飲同埋煮嘢食經驗 去過好多個國家學F&B 👍🏾其實食完佢煮嘅嘢食 真係覺得佢係一位好有經驗嘅廚師 果晚其實我哋食每一道菜都係由馬大廚自己煮 佢會望住我哋上一道菜食得差唔多先去準備下一道菜 而且佢每道菜都會為我哋介紹材料同埋食法 feel到佢對煮野食係好有熱誠 真係覺得咁樣嘅小店係需要更加多人去認識同埋試下！❣️最後我地埋單每人300幾蚊 食完真係覺得超超超超值👍🏾👍🏾可以話成晚喺餐廳入面嘅體驗好似食緊私房菜咁 終於明白點解OpenRice啲食評好似打手咁 其實係因為馬大廚真係一間好有故事同埋好好味嘅樓上小店💓
继续阅读
消費：每位$300左右（晚餐）首先...第一次係呢到寫食評...利申 非打手馬大廚話佢都有睇大家寫食評 暫時有4篇咁我呢個第5篇喇野食就唔講住...講下點解我話呢間好似有個魔法令人寫食評呢？因為我參考人地寫既食評果陣發現...雖然得4篇食評但原來4個...連埋我呢個第5個都係第一次係呢到寫食評最早果個就2015年係到開左戶口 而呢間都係佢唯一一間佢有寫食評真係有種令人想寫低食評既衝動唔知馬大廚睇到呢到 有無覺得好感動呢？開始介紹餐廳先喇：環境：馬大廚話呢間餐廳開左一個月左右 由2022年12月1日營業既位置就係朗晴坊4樓(朗豪坊隔離）一入去呢 你會發覺呢個係間小店經營裝修都有特式，有分露天/室內/酒吧主題房位就幾好闊落 我呢d有肉地都覺得坐得好c服樓底都高 空氣流通菜式風格：多國菜喇 （唔係轉個汁/加個名果種）係真係多國風味旅行得多既就知道 每個國家都有唔同風味食得出用靚料，而菜式偏向地方既味道價錢：三個字 好L抵食...都係果句 非打手影左當中2個menu俾大家參考下有圖有真相（今餐每人$300左右）：有前菜,主菜,餐飲,甜品法式慢燉油封鴨肉和豬肉醬配法包和法式酸瓜仔法國菜, 呢道係由手撕既鴨肉同黑毛豬肉整成既食法係 酸瓜搭住肉再搭住包咁食一啖3種味道食落好c服,平時出面好少自稱手撕...呢到就真。手撕喇一個好特別既味道 食到有好香既鴨油味同黑毛豬既肉味順帶一提 酸瓜係溫和既酸味 平時去M記走青瓜果d真係要試下功夫菜黎,唔係到到都會整,仲要呢到係好食燒 頂級大墨魚配阿根廷香草汁阿根廷菜,平時去食「壽x郎」有個天婦羅魷魚壽司既...果隻魷魚淋到呢...呢到個墨魚就完全相反喇 係彈牙 仲要厚切食得好c服配上少少辣既阿根廷香草汁 加埋功夫菜-手打薯蓉 滑得黎又保留左薯仔味同少少薯仔粒粒 同坊間d薯蓉粉無得比較呀食完呢式菜就好似感受到美斯捧世界盃果種喜悅好味！香脆魚柳配鮮蕃茄，牛油果南美莎莎南美菜,呢隻係一道冰火菜鮮蕃茄，牛油果南美剪莎係個凍湯淋上一個熱辣辣脆卜卜既脆魚柳上面估唔到$300一餐都有咁既質素個凍湯係酸酸甜甜個脆魚浸左陣都依然係咁脆火喉同時間配合得好好又一道功夫菜法式黑椒豬扒配鴨香炒薯菜法式黑椒汁...我識用既形容詞係個味似KxC個蘑菇汁加新鮮黑椒但又黑椒果種辣係溫和口味既黑椒汁豬扒厚身=2塊茶記豬扒既厚度薯菜呢 用鴨油炒過...連配菜都落足心機食得好c服串燒羊柳配香草小米咁大舊既串燒羊柳你食過未？平時印度咖喱羊肉 一盒成$90都無呢幾舊肉加埋既大舊喇羊柳燒到表面香脆,食落好淋 好多汁下面既香草小米（本來係跟飯, upgrade左小米）用幾款唔同蔬菜去煮 有紅蘿蔔,脆肉瓜等等好味 食得好c服甜品呢...唔話你知...賣個關子先因為講左你地都未慘有得食係一種平時唔會買到既意大利雪糕一開始我食以為係椰子味直到開估果下 先知...哦...係喎 仲要用靚料整又係一道功夫菜 完美既總結仲有餐飲既都係果d喇今次馬大廚記整左杯酒精飲品俾我地喇因為我好少飲酒 所以就唔獻醜喇都係果句喇 飲得好c服可能有人覺得 張相睇落好普通（我影得衰姐） 係咪真係咁好食？好食到5個本身唔寫食評都願意為呢間新開餐廳寫食評？我會同你講 你試下就知馬大廚會介紹道菜你聽 點食呀 用咩材料呀 食到咩味呀 用咩方法整呀聽完你就知 咩叫敬業馬大廚有一種執着 由擺枱到擺碟 全部都自己一個做又係因為每道菜唔同味而每道菜都幫你換一次餐具老實...收呢個價...用咁靚既食材...用101分既心機...完全係為興趣LOL用心整既野食 永遠係會感動到人, 大家都會感受到既多謝馬大廚今晚煮左個Marvel（驚奇）餐俾我地食！我今晚揀啱左餐廳了...大開眼界,食得好開心,絕對有下次！我話既...相信呢到好快拎到米芝連了！我份人最憎排隊..趁未爆紅果陣,要多d幫襯了
继续阅读
同幾個朋友食飯，偶然揀到呢一間餐廳。我地幾個都叫左個是日special,好有驚喜。由前菜，開胃菜，主菜到甜品，每一樣食物都係精心設計過，用正宗做法去做。一次過食到法國，阿根廷，甚至摩洛哥菜。而每一樣都絕對唔係掛個名就算，係真係用當地菜嘅特色同方法。每一樣都比都驚喜我地，我地每個人都讚不絕口。老闆又非常有善，會講解每度菜嘅制作方式同重點。環境都舒適。同時價錢又非常合理，直頭可以話扺食。十分推薦！！！
继续阅读
今天約了朋友，預祝聖誕，偶然發現了旺角這家餐廳，看起來有些特別，入門後感覺很舒適，還有一個露台，喜歡室外的朋友，可到外面享受一下陽光，店主兼廚師馬大廚，是一個很健談的人，他曾在法國居住，亦到過日本等不同的地方，所以他能做出不同地方風味的菜式，味道也是跟一般餐廳有所不同，另外驚喜的是，餐廳有駐埸歌手演唱，一面用餐一面欣賞悅耳的歌聲，一樂也，用膳後幾分酒意，還可上台客串一曲，下次我還會帶朋友來玩👍👍👍
继续阅读