骨煲皇．火鍋世家

营业中

休息中

入了大角嘴食打邊爐,是骨煲皇,呢間不是塘尾道果間,而係杉榭街嗰間.門口招牌介紹豬骨煲,說了是正宗的,見呢輪喺第二度食得醉雞煲多,所以試下豬骨煲.都ok.有籮蔔,但粟米少啲,豬骨我哋要咗個豬軟骨,食細豬軟骨,$88.開頭啲味道都還可以,都係先飲湯後落料打邊爐,但就愈食愈唔掂.我唔知點解啦,好多其他店在加湯時都係用番豬骨湯,而呢間竟然用滾水,搞到啲湯愈來愈淡,無味的,本來想再叫多一兩樣餸,但因為個湯太淡,所以無叫了.....唔明呢間點解喺加湯時唔用番豬骨湯囉,淡色,人哋加湯時都用奶白色的豬骨湯,有啲慳皮囉....另外係雪花肥牛又薄又少件......唉.....

雖然地點係偏僻但個蕃茄蟹鍋真係好正個味好鮮同埋d蟹都幾多膏...可以去食下呢個湯底真係幾特別~!!!

個豬骨湯淡茂茂!食完口好乾,味精重!本地鮮肥牛一睇就知係雪凍嘢,瘀瘀黑黑,一D鮮紅色都睇唔到,叫個阿姐換,佢猛咁挍話係咁先至係新鮮,最後有個好似經理咁嘅人同我哋換,不過,仲難食,肉質好硬好Un,又話我哋唔識得6,因為6得太熟,(我同佢講"阿姐,你估係生嘅都係咁食.)呢D天時熟D更係好D,心冧食到有事你賠ar!D生料大部份都係丸,同D什,但都係急凍嘢!鵝腸雪到黃透,脆鯇腩硬扢扢,鱔片散收收,我哋真係懷疑之前係到留嘅食評有部份係造馬Ga!其實食火鍋個湯底好重要,另外D料新鮮就已經攞咗大半分數,服務細心咁已經好夠!.....但是有咁上下時間嘅呢間店,鞋!真失望,每況愈下!咁啱,我哋一走間店又有斬人事件(8月3日)真係嚇死!

星期六晚，我四個人去棕樹街骨煲皇，大約九點左右就有班男女個個都over 30歲以上，大搖大擺咁食煙，我同店員講佢地居然當聽吾到！簡直慶到我爆！！！野食以經吾太好（賣＄98 碟牛肉舊舊都黑蚊蚊壞Q哂咁）個豬骨湯底多味精到我當晚飲左兩支大水都解吾到口渴。我以後真係比多小小去九龍廣稻香好過！！！

都幾好食, 但d 豬骨就唔係筒骨, 只係軟骨痴住d 肉果d, 所以麻麻地,但其他野唔錯, 我地叫左桂花蛙, 豬潤, 腐竹, 魚皮餃, 鵝腸, 都好新鮮, 肥牛就太肥了. 價錢唔貴, 有好多野都係$15 一碟, 雖然份量好少, 但呢個價錢都合理, 平d 細碟d 仲好, 可以試多幾樣野嘛. 我地十幾人去, 食到好飽, 一人都唔駛一百蚊, 好抵. 得閒會再去, 我當佢只係一般打邊爐咁去食, 所以我覺得唔錯, 又抵, 但如果用豬骨煲既期望去食佢, 咁就會失望喇

尋晚同女友車去大角咀搵食,車搵一輪先搵到,但鋪外泊滿車,下下有大車經過都要開車,覺得好麻煩及食得唔自在,所以就將車泊遊樂場附近,有三層高【威信停車場】。去到拎飛等十五分鐘左右,以第一個籌號先入去坐低,我同女友叫個中型豬骨煲,但個阿姐話我兩個人食一煲細就夠,所以我倆就叫個細豬骨煲食。另外再叫(鮮支竹、燕子餃及牛滑),支竹幾新鮮,不過都係覺得炸支竹口感好。燕子餃係我女友推介,我都係第一次食,感覺味道真係唔錯。牛滑就認真一般,覺得魚滑會好食囉!坐到九點半左右埋單離去,一佰三十多元唔算貴,但骨唔係豬筒骨,但我個人唔多鐘意食豬筒骨,因為怕膽固醇高。但我女友就勁鐘意食豬筒骨,所以今次佢有少少失望囉!個人覺得下次有機會經過,都會再過食,果阿姐服務唔錯,成日幫我加湯~

行咁遠去間咁嘅質素嘅鋪頭,唔值,果個猪骨煲,好明顯有人ORDER時將D猪骨加落煲水,D湯完全係透明唔熱,重要等左好耐先黎,平日左喎,又唔係好多人,成舊水食佢,又格涉,呢個價錢大把選擇啦

星期一8點幾響奧海城附近,行行下又黎呢度,通常一班人黎,今餐試下2個人黎,叫左細胡椒豬骨煲,5碟食物,2枝啤酒,1罐汽水,都係$160,都好抵,服務OK!

今日同朋友+ BF 一行5 人黎打邊邊!!不過因為分店太多就落錯車, 好彩唔係行好遠!朋友先到已經ORDER 好晒野食, 我就當然係樹等食啦!等左一輪都唔見有野食, 友人開始追問點解, 真係等到個心都唱等了又等~~~個湯底係豬骨湯, D 豬骨幾好味, 之後上牛肉同再加既雪花肥牛就有D 失望,因為真係麻麻!反而蝦, 貴花螃, 蠔都唔錯, 而且價錢亦唔貴!我地都點左幾多野食, 仲有狂飲野, 埋單都係每人130 蚊, 唔錯! 不過係失望出野食慢同有漏單情況, 佢地祇會同我地講等一陣好快!!

事發o係2006年10月28日, 我一家5口未夠7點已經去到,眼見入面好多空抬,但個staff話訂哂位,冇位比我地喎! 咁我地'羅'飛等位啦....等又等....前我地一個number的2個人入左去, 遲過我地黎ge 3個人又入左去, 全部遲過我地黎ge都入哂去你話3個/ 4個果d係坐細抬ge都話丫, 連9個都入埋去..佢地張抬好似係d人book左抬又冇黎而比佢地架囉! .... 等左成個鐘都冇我地5個人ge抬, 係唔係路呀?book 左抬唔黎好應該係俾我地先囉. 我地真係等左成個鐘架, 絕對冇吹水! 講真,我覺得果個人真係有心唔比位我地架囉.我地消費冇人地咁高, 所以就冇位.咁算係咩態度先, 講咩派籌等位o即.拎左張飛咪又係冇位! o徙氣!你一開始同我地講冇哂位,唔洗等我地咪會走囉. 又叫我地等,又唔俾抬我地. 分明o徙我地時間啦.到左8點4 我地先走, 我地轉左去前幾條街ge 粥店食, 人地服務都不知幾好.果間野鋪仔細細, 但係個亞姐招呼得好好囉想叫多碗飯, 個亞姐話唔洗啦...跟住入廚房"筆"多碗比我地服務好,野食正. 價錢平!o係度食100蚊可以食到你唔食..飽到乜咁!你試

前幾日有個friend話骨煲皇D野ok,於是我就同佢去試下,我地2個人因為唔想點7樣野,所以點夠8樣,有手切牛,皇帝菜,午餐肉,芝士腸,蠔,包心丸,金菇,栗米,其中牛肉最差,成$98比D咁既牛肉,我去邊間都冇咁差,好心就唔好賣啦,個湯底都ok,但肯定有味精,埋單成$380,由於隔離張埋單時話佢地收多左,於是我check張單,真係劃多左2個圈,點解我咁肯定,係因為我諗住唔好點7樣野,於是點夠8樣,所以我肯定骨煲皇父多數,好唔老實,大家記得check單,如果唔係比人搵笨

食過胡椒豬肚湯底同埋蕃茄蟹都好好味,尤其隻蟹好新鮮,配埋蕃茄湯,正~,不過你都要預咗係味精湯囉,火鍋配料細咗少少,服務普通啦,咁都唔趕你走既...

尋晚一行4人過左大角咀打邊爐, 朋友推介後黎左呢間試下胡椒豬骨煲, 佢話湯底好正又大煲, 多d人食先可以試下其他野, 但係都full晒, 等左大約30分鐘及過左隔離舖先至有位。胡椒豬骨煲(細) - 佢比錯左正宗湯底, 當我地發覺問佢, 佢就比左d黑胡椒我地自己落, 可能我地落多左, 所以好辣；豬骨用左好多豬軟骨, 好好味! 配料既粟米超甜, 唔錯!肥牛- 好普通墨魚滑- 用竹筒上既墨魚滑好新鮮好彈牙, 好味!奄仔蟹- 好新鮮, 雖然巳經切左上碟, 但放左落煲內d腳仲旭蟹粉丸- 本身我就鐘意食, 一咬落去d蟹粉bit晒出黎, 好正!蝦丸- 普通蝦丸貨仔, 但中間有d馬啼, 無仲好食竹苼 - 吸晒d黑胡椒湯味, 好辣呀西生菜- 菜梗係新鮮啦埋單每人$100都唔洗, 都好抵食, 服務都唔錯!

我所知呢間骨煲係有兩間定三間, 我係食係大角咀塘尾道個邊個間, 我第一次去, 嘩! 一般過一般!!!!!可能係我之前食過隔離個間靚煲皇喇, 我之前見骨煲皇門口個個燈咁光, 米入去試下囉, 點知真係同隔離差好多!! 又貴過隔離!!仲要睇落衛生好好, 點知俾我無意見到.......... 有...........我以後都唔去!!

14-07-06(五) 同男友睇完超人-強戰回歸,我覺得一般啦,但男友話好好睇,可能男女有別啦!~跟住再約番上星期六同我一齊黎le度食果兩個朋友仔一齊黎....又係叫左個胡椒豬骨湯底,上次碟牛肉$168咁貴,今次唔叫lu,叫左個$50手切肥牛,好唔掂,有牛味,但好(un),再睇下佢張特價海鮮紙,原來呢度食海鮮咁平,貴妃蚌6隻..$36..好味螄x 有6大隻..$30..一般花甲..$30..ok扇貝..5隻$20..好味聖子皇..$40..ok黃帝菜$20唐生菜$20每人2支飲品..$8-$12其實我覺得呢度食海鮮好抵食,同埋佢個湯底好味,其他有d野唔係咁值,睇你識唔識叫野食啦,可能我師奶仔計過度過啦^^上面位人兄話好食過正斗我就點都唔認同架喇,我住正斗樓上嘅,去過無數咁多次,真係唔覺得正斗有咩咁好食,不過呢d野就見仁見智啦~~4個人=$410